Ésaïe 30

¹ הֹ֣וי בָּנִ֤ים סֹֽורְרִים֙ נְאֻם־יְהוָ֔ה לַעֲשֹׂ֤ות עֵצָה֙ וְלֹ֣א מִנִּ֔י וְלִנְסֹ֥ךְ מַסֵּכָ֖ה וְלֹ֣א רוּחִ֑י לְמַ֛עַן סְפֹ֥ות חַטָּ֖את עַל־חַטָּֽאת׃ howy baniym sowreriym neʾum־yehwah laʿasowt ʿetsah weloʾ miniy welinesokhe masekhah weloʾ ruḥiy lemaʿan sefowt ḥaṭaʾt ʿal־ḥaṭaʾt׃

² הַהֹלְכִים֙ לָרֶ֣דֶת מִצְרַ֔יִם וּפִ֖י לֹ֣א שָׁאָ֑לוּ לָעֹוז֙ בְּמָעֹ֣וז פַּרְעֹ֔ה וְלַחְסֹ֖ות בְּצֵ֥ל מִצְרָֽיִם׃ haholekhiym laredet mitserayim ufiy loʾ shaʾalu laʿowz bemaʿowz pareʿoh welaḥesowt betsel mitserayim׃

³ וְהָיָ֥ה לָכֶ֛ם מָעֹ֥וז פַּרְעֹ֖ה לְבֹ֑שֶׁת וְהֶחָס֥וּת בְּצֵל־מִצְרַ֖יִם לִכְלִמָּֽה׃ wehayah lakhem maʿowz pareʿoh levoshet weheḥasut betsel־mitserayim likhelimah׃

⁴ כִּֽי־הָי֥וּ בְצֹ֖עַן שָׂרָ֑יו וּמַלְאָכָ֖יו חָנֵ֥ס יַגִּֽיעוּ׃ kiy־hayu vetsoʿan sarayw umaleʾakhayw ḥanes yagiyʿu׃

⁵ כֹּ֣ל [הִבְאִישׁ כ] (הֹבִ֔ישׁ ק) עַל־עַ֖ם לֹא־יֹועִ֣ילוּ לָ֑מֹו לֹ֤א לְעֵ֙זֶר֙ וְלֹ֣א לְהֹועִ֔יל כִּ֥י לְבֹ֖שֶׁת וְגַם־לְחֶרְפָּֽה׃ ס kol [hiveʾiysh kh] (hoviysh q) ʿal־ʿam loʾ־yowʿiylu lamow loʾ leʿezer weloʾ lehowʿiyl kiy levoshet wegam־leḥerepah׃ s

⁶ מַשָּׂ֖א בַּהֲמֹ֣ות נֶ֑גֶב בְּאֶרֶץ֩ צָרָ֨ה וְצוּקָ֜ה לָבִ֧יא וָלַ֣יִשׁ מֵהֶ֗ם אֶפְעֶה֙ וְשָׂרָ֣ף מְעֹופֵ֔ף יִשְׂאוּ֩ עַל־כֶּ֨תֶף עֲיָרִ֜ים חֵֽילֵהֶ֗ם וְעַל־דַּבֶּ֤שֶׁת גְּמַלִּים֙ אֹֽוצְרֹתָ֔ם עַל־עַ֖ם לֹ֥א יֹועִֽילוּ׃ masaʾ bahamowt negev beʾerets tsarah wetsuqah laviyʾ walayish mehem ʾefeʿeh wesaraf meʿowfef yiseʾu ʿal־ketef ʿayariym ḥeylehem weʿal־dabeshet gemaliym ʾowtserotam ʿal־ʿam loʾ yowʿiylu׃

⁷ וּמִצְרַ֕יִם הֶ֥בֶל וָרִ֖יק יַעְזֹ֑רוּ לָכֵן֙ קָרָ֣אתִי לָזֹ֔את רַ֥הַב הֵ֖ם שָֽׁבֶת׃ umitserayim hevel wariyq yaʿezoru lakhen qaraʾtiy lazoʾt rahav hem shavet׃

⁸ עַתָּ֗ה בֹּ֣וא כָתְבָ֥הּ עַל־ל֛וּחַ אִתָּ֖ם וְעַל־סֵ֣פֶר חֻקָּ֑הּ וּתְהִי֙ לְיֹ֣ום אַחֲרֹ֔ון לָעַ֖ד עַד־עֹולָֽם׃ ʿatah bowʾ khatevah ʿal־luaḥ ʾitam weʿal־sefer ḥuqah utehiy leyowm ʾaḥarown laʿad ʿad־ʿowlam׃

⁹ כִּ֣י עַ֤ם מְרִי֙ ה֔וּא בָּנִ֖ים כֶּחָשִׁ֑ים בָּנִ֕ים לֹֽא־אָב֥וּ שְׁמֹ֖ועַ תֹּורַ֥ת יְהוָֽה׃ kiy ʿam meriy huʾ baniym keḥashiym baniym loʾ־ʾavu shemowʿa towrat yehwah׃

¹⁰ אֲשֶׁ֨ר אָמְר֤וּ לָֽרֹאִים֙ לֹ֣א תִרְא֔וּ וְלַ֣חֹזִ֔ים לֹ֥א תֶחֱזוּ־לָ֖נוּ נְכֹחֹ֑ות דַּבְּרוּ־לָ֣נוּ חֲלָקֹ֔ות חֲז֖וּ מַהֲתַלֹּֽות׃ ʾasher ʾameru laroʾiym loʾ tireʾu welaḥoziym loʾ teḥezu־lanu nekhoḥowt daberu־lanu ḥalaqowt ḥazu mahatalowt׃

¹¹ ס֚וּרוּ מִנֵּי־דֶ֔רֶךְ הַטּ֖וּ מִנֵּי־אֹ֑רַח הַשְׁבִּ֥יתוּ מִפָּנֵ֖ינוּ אֶת־קְדֹ֥ושׁ יִשְׂרָאֵֽל׃ ס suru miney־derekhe haṭu miney־ʾoraḥ hashebiytu mipaneynu ʾet־qedowsh yiseraʾel׃ s

¹² לָכֵ֗ן כֹּ֤ה אָמַר֙ קְדֹ֣ושׁ יִשְׂרָאֵ֔ל יַ֥עַן מָֽאָסְכֶ֖ם בַּדָּבָ֣ר הַזֶּ֑ה וַֽתִּבְטְחוּ֙ בְּעֹ֣שֶׁק וְנָלֹ֔וז וַתִּֽשָּׁעֲנ֖וּ עָלָֽיו׃ lakhen koh ʾamar qedowsh yiseraʾel yaʿan maʾasekhem badavar hazeh wativeṭeḥu beʿosheq wenalowz watishaʿanu ʿalayw׃

¹³ לָכֵ֗ן יִֽהְיֶ֤ה לָכֶם֙ הֶעָוֹ֣ן הַזֶּ֔ה כְּפֶ֣רֶץ נֹפֵ֔ל נִבְעֶ֖ה בְּחֹומָ֣ה נִשְׂגָּבָ֑ה אֲשֶׁר־פִּתְאֹ֥ם לְפֶ֖תַע יָבֹ֥וא שִׁבְרָֽהּ׃ lakhen yiheyeh lakhem heʿaon hazeh keferets nofel niveʿeh beḥowmah nisegavah ʾasher־piteʾom lefetaʿ yavowʾ shiverah׃

¹⁴ וּ֠שְׁבָרָהּ כְּשֵׁ֨בֶר נֵ֧בֶל יֹוצְרִ֛ים כָּת֖וּת לֹ֣א יַחְמֹ֑ל וְלֹֽא־יִמָּצֵ֤א בִמְכִתָּתֹו֙ חֶ֔רֶשׂ לַחְתֹּ֥ות אֵשׁ֙ מִיָּק֔וּד וְלַחְשֹׂ֥ף מַ֖יִם מִגֶּֽבֶא׃ פ ushevarah keshever nevel yowtseriym katut loʾ yaḥemol weloʾ־yimatseʾ vimekhitatow ḥeres laḥetowt ʾesh miyaqud welaḥesof mayim migeveʾ׃ f

¹⁵ כִּ֣י כֹֽה־אָמַר֩ אֲדֹנָ֨י יְהוִ֜ה קְדֹ֣ושׁ יִשְׂרָאֵ֗ל בְּשׁוּבָ֤ה וָנַ֙חַת֙ תִּוָּ֣שֵׁע֔וּן בְּהַשְׁקֵט֙ וּבְבִטְחָ֔ה תִּֽהְיֶ֖ה גְּבֽוּרַתְכֶ֑ם וְלֹ֖א אֲבִיתֶֽם׃ kiy khoh־ʾamar ʾadonay yehwih qedowsh yiseraʾel beshuvah wanaḥat tiuasheʿun behasheqeṭ uveviṭeḥah tiheyeh gevuratekhem weloʾ ʾaviytem׃

¹⁶ וַתֹּ֨אמְר֥וּ לֹא־כִ֛י עַל־ס֥וּס נָנ֖וּס עַל־כֵּ֣ן תְּנוּס֑וּן וְעַל־קַ֣ל נִרְכָּ֔ב עַל־כֵּ֖ן יִקַּ֥לּוּ רֹדְפֵיכֶֽם׃ watoʾmeru loʾ־khiy ʿal־sus nanus ʿal־ken tenusun weʿal־qal nirekav ʿal־ken yiqalu rodefeykhem׃

¹⁷ אֶ֣לֶף אֶחָ֗ד מִפְּנֵי֙ גַּעֲרַ֣ת אֶחָ֔ד מִפְּנֵ֛י גַּעֲרַ֥ת חֲמִשָּׁ֖ה תָּנֻ֑סוּ עַ֣ד אִם־נֹותַרְתֶּ֗ם כַּתֹּ֙רֶן֙ עַל־רֹ֣אשׁ הָהָ֔ר וְכַנֵּ֖ס עַל־הַגִּבְעָֽה׃ ʾelef ʾeḥad mipeney gaʿarat ʾeḥad mipeney gaʿarat ḥamishah tanusu ʿad ʾim־nowtaretem katoren ʿal־roʾsh hahar wekhanes ʿal־hagiveʿah׃

¹⁸ וְלָכֵ֞ן יְחַכֶּ֤ה יְהוָה֙ לַֽחֲנַנְכֶ֔ם וְלָכֵ֥ן יָר֖וּם לְרַֽחֶמְכֶ֑ם כִּֽי־אֱלֹהֵ֤י מִשְׁפָּט֙ יְהוָ֔ה אַשְׁרֵ֖י כָּל־חֹ֥וכֵי לֹֽו׃ ס welakhen yeḥakeh yehwah laḥananekhem welakhen yarum leraḥemekhem kiy־ʾelohey mishepaṭ yehwah ʾasherey kal־ḥowkhey low׃ s

¹⁹ כִּי־עַ֛ם בְּצִיֹּ֥ון יֵשֵׁ֖ב בִּירֽוּשָׁלִָ֑ם בָּכֹ֣ו לֹֽא־תִבְכֶּ֗ה חָנֹ֤ון יָחְנְךָ֙ לְקֹ֣ול זַעֲקֶ֔ךָ כְּשָׁמְעָתֹ֖ו עָנָֽךְ׃ kiy־ʿam betsiyown yeshev biyrushalim bakhow loʾ־tivekeh ḥanown yaḥenekha leqowl zaʿaqekha keshameʿatow ʿanakhe׃

²⁰ וְנָתַ֨ן לָכֶ֧ם אֲדֹנָ֛י לֶ֥חֶם צָ֖ר וּמַ֣יִם לָ֑חַץ וְלֹֽא־יִכָּנֵ֥ף עֹוד֙ מֹורֶ֔יךָ וְהָי֥וּ עֵינֶ֖יךָ רֹאֹ֥ות אֶת־מֹורֶֽיךָ׃ wenatan lakhem ʾadonay leḥem tsar umayim laḥats weloʾ־yikanef ʿowd mowreykha wehayu ʿeyneykha roʾowt ʾet־mowreykha׃

²¹ וְאָזְנֶ֙יךָ֙ תִּשְׁמַ֣עְנָה דָבָ֔ר מֵֽאַחֲרֶ֖יךָ לֵאמֹ֑ר זֶ֤ה הַדֶּ֙רֶךְ֙ לְכ֣וּ בֹ֔ו כִּ֥י תַאֲמִ֖ינוּ וְכִ֥י תַשְׂמְאִֽילוּ׃ weʾazeneykha tishemaʿenah davar meʾaḥareykha leʾmor zeh haderekhe lekhu vow kiy taʾamiynu wekhiy tasemeʾiylu׃

²² וְטִמֵּאתֶ֗ם אֶת־צִפּוּי֙ פְּסִילֵ֣י כַסְפֶּ֔ךָ וְאֶת־אֲפֻדַּ֖ת מַסֵּכַ֣ת זְהָבֶ֑ךָ תִּזְרֵם֙ כְּמֹ֣ו דָוָ֔ה צֵ֖א תֹּ֥אמַר לֹֽו׃ weṭimeʾtem ʾet־tsipuy pesiyley khasepekha weʾet־ʾafudat masekhat zehavekha tizerem kemow dawah tseʾ toʾmar low׃

²³ וְנָתַן֩ מְטַ֨ר זַרְעֲךָ֜ אֲשֶׁר־תִּזְרַ֣ע אֶת־הָאֲדָמָ֗ה וְלֶ֙חֶם֙ תְּבוּאַ֣ת הָֽאֲדָמָ֔ה וְהָיָ֥ה דָשֵׁ֖ן וְשָׁמֵ֑ן יִרְעֶ֥ה מִקְנֶ֛יךָ בַּיֹּ֥ום הַה֖וּא כַּ֥ר נִרְחָֽב׃ wenatan meṭar zareʿakha ʾasher־tizeraʿ ʾet־haʾadamah weleḥem tevuʾat haʾadamah wehayah dashen weshamen yireʿeh miqeneykha bayowm hahuʾ kar nireḥav׃

²⁴ וְהָאֲלָפִ֣ים וְהָעֲיָרִ֗ים עֹֽבְדֵי֙ הָֽאֲדָמָ֔ה בְּלִ֥יל חָמִ֖יץ יֹאכֵ֑לוּ אֲשֶׁר־זֹרֶ֥ה בָרַ֖חַת וּבַמִּזְרֶֽה׃ wehaʾalafiym wehaʿayariym ʿovedey haʾadamah beliyl ḥamiyts yoʾkhelu ʾasher־zoreh varaḥat uvamizereh׃

²⁵ וְהָיָ֣ה ׀ עַל־כָּל־הַ֣ר גָּבֹ֗הַ וְעַל֙ כָּל־גִּבְעָ֣ה נִשָּׂאָ֔ה פְּלָגִ֖ים יִבְלֵי־מָ֑יִם בְּיֹום֙ הֶ֣רֶג רָ֔ב בִּנְפֹ֖ל מִגְדָּלִֽים׃ wehayah ׀ ʿal־kal־har gavoah weʿal kal־giveʿah nisaʾah pelagiym yiveley־mayim beyowm hereg rav binefol migedaliym׃

²⁶ וְהָיָ֤ה אֹור־הַלְּבָנָה֙ כְּאֹ֣ור הַֽחַמָּ֔ה וְאֹ֤ור הַֽחַמָּה֙ יִהְיֶ֣ה שִׁבְעָתַ֔יִם כְּאֹ֖ור שִׁבְעַ֣ת הַיָּמִ֑ים בְּיֹ֗ום חֲבֹ֤שׁ יְהוָה֙ אֶת־שֶׁ֣בֶר עַמֹּ֔ו וּמַ֥חַץ מַכָּתֹ֖ו יִרְפָּֽא׃ ס wehayah ʾowr־halevanah keʾowr haḥamah weʾowr haḥamah yiheyeh shiveʿatayim keʾowr shiveʿat hayamiym beyowm ḥavosh yehwah ʾet־shever ʿamow umaḥats makatow yirepaʾ׃ s

²⁷ הִנֵּ֤ה שֵׁם־יְהוָה֙ בָּ֣א מִמֶּרְחָ֔ק בֹּעֵ֣ר אַפֹּ֔ו וְכֹ֖בֶד מַשָּׂאָ֑ה שְׂפָתָיו֙ מָ֣לְאוּ זַ֔עַם וּלְשֹׁונֹ֖ו כְּאֵ֥שׁ אֹכָֽלֶת׃ hineh shem־yehwah baʾ mimereḥaq boʿer ʾapow wekhoved masaʾah sefatayw maleʾu zaʿam uleshownow keʾesh ʾokhalet׃

²⁸ וְרוּחֹ֞ו כְּנַ֤חַל שֹׁוטֵף֙ עַד־צַוָּ֣אר יֶֽחֱצֶ֔ה לַהֲנָפָ֥ה גֹויִ֖ם בְּנָ֣פַת שָׁ֑וְא וְרֶ֣סֶן מַתְעֶ֔ה עַ֖ל לְחָיֵ֥י עַמִּֽים׃ weruḥow kenaḥal showṭef ʿad־tsauaʾr yeḥetseh lahanafah gowyim benafat shaweʾ weresen mateʿeh ʿal leḥayey ʿamiym׃

²⁹ הַשִּׁיר֙ יִֽהְיֶ֣ה לָכֶ֔ם כְּלֵ֖יל הִתְקַדֶּשׁ־חָ֑ג וְשִׂמְחַ֣ת לֵבָ֗ב כַּֽהֹולֵךְ֙ בֶּֽחָלִ֔יל לָבֹ֥וא בְהַר־יְהוָ֖ה אֶל־צ֥וּר יִשְׂרָאֵֽל׃ hashiyr yiheyeh lakhem keleyl hiteqadesh־ḥag wesimeḥat levav kahowlekhe beḥaliyl lavowʾ vehar־yehwah ʾel־tsur yiseraʾel׃

³⁰ וְהִשְׁמִ֨יעַ יְהוָ֜ה אֶת־הֹ֣וד קֹולֹ֗ו וְנַ֤חַת זְרֹועֹו֙ יַרְאֶ֔ה בְּזַ֣עַף אַ֔ף וְלַ֖הַב אֵ֣שׁ אֹוכֵלָ֑ה נֶ֥פֶץ וָזֶ֖רֶם וְאֶ֥בֶן בָּרָֽד׃ wehishemiyʿa yehwah ʾet־howd qowlow wenaḥat zerowʿow yareʾeh bezaʿaf ʾaf welahav ʾesh ʾowkhelah nefets wazerem weʾeven barad׃

³¹ כִּֽי־מִקֹּ֥ול יְהוָ֖ה יֵחַ֣ת אַשּׁ֑וּר בַּשֵּׁ֖בֶט יַכֶּֽה׃ kiy־miqowl yehwah yeḥat ʾashur basheveṭ yakeh׃

³² וְהָיָ֗ה כֹּ֤ל מַֽעֲבַר֙ מַטֵּ֣ה מֽוּסָדָ֔ה אֲשֶׁ֨ר יָנִ֤יחַ יְהוָה֙ עָלָ֔יו בְּתֻפִּ֖ים וּבְכִנֹּרֹ֑ות וּבְמִלְחֲמֹ֥ות תְּנוּפָ֖ה נִלְחַם־ [בָּהּ כ] (בָּֽם׃ ק) wehayah kol maʿavar maṭeh musadah ʾasher yaniyḥa yehwah ʿalayw betupiym uvekhinorowt uvemileḥamowt tenufah nileḥam־ [bah kh] (bam׃ q)

³³ כִּֽי־עָר֤וּךְ מֵֽאֶתְמוּל֙ תָּפְתֶּ֔ה גַּם־ [הוּא כ] (הִ֛יא ק) לַמֶּ֥לֶךְ הוּכָ֖ן הֶעְמִ֣יק הִרְחִ֑ב מְדֻרָתָ֗הּ אֵ֤שׁ וְעֵצִים֙ הַרְבֵּ֔ה נִשְׁמַ֤ת יְהוָה֙ כְּנַ֣חַל גָּפְרִ֔ית בֹּעֲרָ֖ה בָּֽהּ׃ ס kiy־ʿarukhe meʾetemul tafeteh gam־ [huʾ kh] (hiyʾ q) lamelekhe hukhan heʿemiyq hireḥiv meduratah ʾesh weʿetsiym harebeh nishemat yehwah kenaḥal gaferiyt boʿarah bah׃ s