Ésaïe 45

¹ כֹּה־אָמַ֣ר יְהוָה֮ לִמְשִׁיחֹו֮ לְכֹ֣ורֶשׁ אֲשֶׁר־הֶחֱזַ֣קְתִּי בִֽימִינֹ֗ו לְרַד־לְפָנָיו֙ גֹּויִ֔ם וּמָתְנֵ֥י מְלָכִ֖ים אֲפַתֵּ֑חַ לִפְתֹּ֤חַ לְפָנָיו֙ דְּלָתַ֔יִם וּשְׁעָרִ֖ים לֹ֥א יִסָּגֵֽרוּ׃ koh־ʾamar yehwah limeshiyḥow lekhowresh ʾasher־heḥezaqetiy viymiynow lerad־lefanayw gowyim umateney melakhiym ʾafateaḥ lifetoaḥ lefanayw delatayim usheʿariym loʾ yisageru׃

² אֲנִי֙ לְפָנֶ֣יךָ אֵלֵ֔ךְ וַהֲדוּרִ֖ים [אֹושִׁר כ] (אֲיַשֵּׁ֑ר ק) דַּלְתֹ֤ות נְחוּשָׁה֙ אֲשַׁבֵּ֔ר וּבְרִיחֵ֥י בַרְזֶ֖ל אֲגַדֵּֽעַ׃ ʾaniy lefaneykha ʾelekhe wahaduriym [ʾowshir kh] (ʾayasher q) daletowt neḥushah ʾashaber uveriyḥey varezel ʾagadeaʿ׃

³ וְנָתַתִּ֤י לְךָ֙ אֹוצְרֹ֣ות חֹ֔שֶׁךְ וּמַטְמֻנֵ֖י מִסְתָּרִ֑ים לְמַ֣עַן תֵּדַ֗ע כִּֽי־אֲנִ֧י יְהוָ֛ה הַקֹּורֵ֥א בְשִׁמְךָ֖ אֱלֹהֵ֥י יִשְׂרָאֵֽל׃ wenatatiy lekha ʾowtserowt ḥoshekhe umaṭemuney misetariym lemaʿan tedaʿ kiy־ʾaniy yehwah haqowreʾ veshimekha ʾelohey yiseraʾel׃

⁴ לְמַ֙עַן֙ עַבְדִּ֣י יַעֲקֹ֔ב וְיִשְׂרָאֵ֖ל בְּחִירִ֑י וָאֶקְרָ֤א לְךָ֙ בִּשְׁמֶ֔ךָ אֲכַנְּךָ֖ וְלֹ֥א יְדַעְתָּֽנִי׃ lemaʿan ʿavediy yaʿaqov weyiseraʾel beḥiyriy waʾeqeraʾ lekha bishemekha ʾakhanekha weloʾ yedaʿetaniy׃

⁵ אֲנִ֤י יְהוָה֙ וְאֵ֣ין עֹ֔וד זוּלָתִ֖י אֵ֣ין אֱלֹהִ֑ים אֲאַזֶּרְךָ֖ וְלֹ֥א יְדַעְתָּֽנִי׃ ʾaniy yehwah weʾeyn ʿowd zulatiy ʾeyn ʾelohiym ʾaʾazerekha weloʾ yedaʿetaniy׃

⁶ לְמַ֣עַן יֵדְע֗וּ מִמִּזְרַח־שֶׁ֙מֶשׁ֙ וּמִמַּ֣עֲרָבָ֔ה כִּי־אֶ֖פֶס בִּלְעָדָ֑י אֲנִ֥י יְהוָ֖ה וְאֵ֥ין עֹֽוד׃ lemaʿan yedeʿu mimizeraḥ־shemesh umimaʿaravah kiy־ʾefes bileʿaday ʾaniy yehwah weʾeyn ʿowd׃

⁷ יֹוצֵ֥ר אֹור֙ וּבֹורֵ֣א חֹ֔שֶׁךְ עֹשֶׂ֥ה שָׁלֹ֖ום וּבֹ֣ורֵא רָ֑ע אֲנִ֥י יְהוָ֖ה עֹשֶׂ֥ה כָל־אֵֽלֶּה׃ ס yowtser ʾowr uvowreʾ ḥoshekhe ʿoseh shalowm uvowreʾ raʿ ʾaniy yehwah ʿoseh khal־ʾeleh׃ s

⁸ הַרְעִ֤יפוּ שָׁמַ֙יִם֙ מִמַּ֔עַל וּשְׁחָקִ֖ים יִזְּלוּ־צֶ֑דֶק תִּפְתַּח־אֶ֣רֶץ וְיִפְרוּ־יֶ֗שַׁע וּצְדָקָ֤ה תַצְמִ֙יחַ֙ יַ֔חַד אֲנִ֥י יְהוָ֖ה בְּרָאתִֽיו׃ ס hareʿiyfu shamayim mimaʿal usheḥaqiym yizelu־tsedeq tifetaḥ־ʾerets weyiferu־yeshaʿ utsedaqah tatsemiyḥa yaḥad ʾaniy yehwah beraʾtiyw׃ s

⁹ הֹ֗וי רָ֚ב אֶת־יֹ֣צְרֹ֔ו חֶ֖רֶשׂ אֶת־חַרְשֵׂ֣י אֲדָמָ֑ה הֲיֹאמַ֙ר חֹ֤מֶר לְיֹֽצְרֹו֙ מַֽה־תַּעֲשֶׂ֔ה וּפָעָלְךָ֖ אֵין־יָדַ֥יִם לֹֽו׃ ס howy rav ʾet־yotserow ḥeres ʾet־ḥaresey ʾadamah hayoʾmar ḥomer leyotserow mah־taʿaseh ufaʿalekha ʾeyn־yadayim low׃ s

¹⁰ הֹ֛וי אֹמֵ֥ר לְאָ֖ב מַה־תֹּולִ֑יד וּלְאִשָּׁ֖ה מַה־תְּחִילִֽין׃ ס howy ʾomer leʾav mah־towliyd uleʾishah mah־teḥiyliyn׃ s

¹¹ כֹּֽה־אָמַ֧ר יְהוָ֛ה קְדֹ֥ושׁ יִשְׂרָאֵ֖ל וְיֹצְרֹ֑ו הָאֹתִיֹּ֣ות שְׁאָל֔וּנִי עַל־בָּנַ֛י וְעַל־פֹּ֥עַל יָדַ֖י תְּצַוֻּֽנִי׃ koh־ʾamar yehwah qedowsh yiseraʾel weyotserow haʾotiyowt sheʾaluniy ʿal־banay weʿal־poʿal yaday tetsauuniy׃

¹² אָֽנֹכִי֙ עָשִׂ֣יתִי אֶ֔רֶץ וְאָדָ֖ם עָלֶ֣יהָ בָרָ֑אתִי אֲנִ֗י יָדַי֙ נָט֣וּ שָׁמַ֔יִם וְכָל־צְבָאָ֖ם צִוֵּֽיתִי׃ ʾanokhiy ʿasiytiy ʾerets weʾadam ʿaleyha varaʾtiy ʾaniy yaday naṭu shamayim wekhal־tsevaʾam tsiueytiy׃

¹³ אָנֹכִי֙ הַעִירֹתִ֣הֽוּ בְצֶ֔דֶק וְכָל־דְּרָכָ֖יו אֲיַשֵּׁ֑ר הֽוּא־יִבְנֶ֤ה עִירִי֙ וְגָלוּתִ֣י יְשַׁלֵּ֔חַ לֹ֤א בִמְחִיר֙ וְלֹ֣א בְשֹׁ֔חַד אָמַ֖ר יְהוָ֥ה צְבָאֹֽות׃ פ ʾanokhiy haʿiyrotihu vetsedeq wekhal־derakhayw ʾayasher huʾ־yiveneh ʿiyriy wegalutiy yeshaleaḥ loʾ vimeḥiyr weloʾ veshoḥad ʾamar yehwah tsevaʾowt׃ f

¹⁴ כֹּ֣ה ׀ אָמַ֣ר יְהוָ֗ה יְגִ֨יעַ מִצְרַ֥יִם וּֽסְחַר־כּוּשׁ֮ וּסְבָאִים֮ אַנְשֵׁ֣י מִדָּה֒ עָלַ֤יִךְ יַעֲבֹ֙רוּ֙ וְלָ֣ךְ יִֽהְי֔וּ אַחֲרַ֣יִךְ יֵלֵ֔כוּ בַּזִּקִּ֖ים יַעֲבֹ֑רוּ וְאֵלַ֤יִךְ יִֽשְׁתַּחֲוּוּ֙ אֵלַ֣יִךְ יִתְפַּלָּ֔לוּ אַ֣ךְ בָּ֥ךְ אֵ֛ל וְאֵ֥ין עֹ֖וד אֶ֥פֶס אֱלֹהִֽים׃ koh ׀ ʾamar yehwah yegiyʿa mitserayim useḥar־kush usevaʾiym ʾaneshey midah ʿalayikhe yaʿavoru welakhe yiheyu ʾaḥarayikhe yelekhu baziqiym yaʿavoru weʾelayikhe yishetaḥauu ʾelayikhe yitepalalu ʾakhe bakhe ʾel weʾeyn ʿowd ʾefes ʾelohiym׃

¹⁵ אָכֵ֕ן אַתָּ֖ה אֵ֣ל מִסְתַּתֵּ֑ר אֱלֹהֵ֥י יִשְׂרָאֵ֖ל מֹושִֽׁיעַ׃ ʾakhen ʾatah ʾel misetater ʾelohey yiseraʾel mowshiyʿa׃

¹⁶ בֹּ֥ושׁוּ וְגַֽם־נִכְלְמ֖וּ כֻּלָּ֑ם יַחְדָּו֙ הָלְכ֣וּ בַכְּלִמָּ֔ה חָרָשֵׁ֖י צִירִֽים׃ bowshu wegam־nikhelemu kulam yaḥedaw halekhu vakelimah ḥarashey tsiyriym׃

¹⁷ יִשְׂרָאֵל֙ נֹושַׁ֣ע בַּיהוָ֔ה תְּשׁוּעַ֖ת עֹולָמִ֑ים לֹא־תֵבֹ֥שׁוּ וְלֹא־תִכָּלְמ֖וּ עַד־עֹ֥ולְמֵי עַֽד׃ פ yiseraʾel nowshaʿ bayhwah teshuʿat ʿowlamiym loʾ־tevoshu weloʾ־tikalemu ʿad־ʿowlemey ʿad׃ f

¹⁸ כִּ֣י כֹ֣ה אָֽמַר־יְ֠הוָה בֹּורֵ֨א הַשָּׁמַ֜יִם ה֣וּא הָאֱלֹהִ֗ים יֹצֵ֨ר הָאָ֤רֶץ וְעֹשָׂהּ֙ ה֣וּא כֹֽונְנָ֔הּ לֹא־תֹ֥הוּ בְרָאָ֖הּ לָשֶׁ֣בֶת יְצָרָ֑הּ אֲנִ֥י יְהוָ֖ה וְאֵ֥ין עֹֽוד׃ kiy khoh ʾamar־yehwah bowreʾ hashamayim huʾ haʾelohiym yotser haʾarets weʿosah huʾ khownenah loʾ־tohu veraʾah lashevet yetsarah ʾaniy yehwah weʾeyn ʿowd׃

¹⁹ לֹ֧א בַסֵּ֣תֶר דִּבַּ֗רְתִּי בִּמְקֹום֙ אֶ֣רֶץ חֹ֔שֶׁךְ לֹ֥א אָמַ֛רְתִּי לְזֶ֥רַע יַעֲקֹ֖ב תֹּ֣הוּ בַקְּשׁ֑וּנִי אֲנִ֤י יְהוָה֙ דֹּבֵ֣ר צֶ֔דֶק מַגִּ֖יד מֵישָׁרִֽים׃ loʾ vaseter dibaretiy bimeqowm ʾerets ḥoshekhe loʾ ʾamaretiy lezeraʿ yaʿaqov tohu vaqeshuniy ʾaniy yehwah dover tsedeq magiyd meyshariym׃

²⁰ הִקָּבְצ֥וּ וָבֹ֛אוּ הִֽתְנַגְּשׁ֥וּ יַחְדָּ֖ו פְּלִיטֵ֣י הַגֹּויִ֑ם לֹ֣א יָדְע֗וּ הַנֹּֽשְׂאִים֙ אֶת־עֵ֣ץ פִּסְלָ֔ם וּמִתְפַּלְלִ֔ים אֶל־אֵ֖ל לֹ֥א יֹושִֽׁיעַ׃ hiqavetsu wavoʾu hitenageshu yaḥedaw peliyṭey hagowyim loʾ yadeʿu hanoseʾiym ʾet־ʿets piselam umitepaleliym ʾel־ʾel loʾ yowshiyʿa׃

²¹ הַגִּ֣ידוּ וְהַגִּ֔ישׁוּ אַ֥ף יִֽוָּעֲצ֖וּ יַחְדָּ֑ו מִ֣י הִשְׁמִיעַ֩ זֹ֨את מִקֶּ֜דֶם מֵאָ֣ז הִגִּידָ֗הּ הֲלֹ֨וא אֲנִ֤י יְהוָה֙ וְאֵֽין־עֹ֤וד אֱלֹהִים֙ מִבַּלְעָדַ֔י אֵֽל־צַדִּ֣יק וּמֹושִׁ֔יעַ אַ֖יִן זוּלָתִֽי׃ hagiydu wehagiyshu ʾaf yiuaʿatsu yaḥedaw miy hishemiyʿa zoʾt miqedem meʾaz higiydah halowʾ ʾaniy yehwah weʾeyn־ʿowd ʾelohiym mibaleʿaday ʾel־tsadiyq umowshiyʿa ʾayin zulatiy׃

²² פְּנוּ־אֵלַ֥י וְהִוָּשְׁע֖וּ כָּל־אַפְסֵי־אָ֑רֶץ כִּ֥י אֲנִי־אֵ֖ל וְאֵ֥ין עֹֽוד׃ penu־ʾelay wehiuasheʿu kal־ʾafesey־ʾarets kiy ʾaniy־ʾel weʾeyn ʿowd׃

²³ בִּ֣י נִשְׁבַּ֔עְתִּי יָצָ֨א מִפִּ֧י צְדָקָ֛ה דָּבָ֖ר וְלֹ֣א יָשׁ֑וּב כִּי־לִי֙ תִּכְרַ֣ע כָּל־בֶּ֔רֶךְ תִּשָּׁבַ֖ע כָּל־לָשֹֽׁון׃ biy nishebaʿetiy yatsaʾ mipiy tsedaqah davar weloʾ yashuv kiy־liy tikheraʿ kal־berekhe tishavaʿ kal־lashown׃

²⁴ אַ֧ךְ בַּיהוָ֛ה לִ֥י אָמַ֖ר צְדָקֹ֣ות וָעֹ֑ז עָדָיו֙ יָבֹ֣וא וְיֵבֹ֔שׁוּ כֹּ֖ל הַנֶּחֱרִ֥ים בֹּֽו׃ ʾakhe bayhwah liy ʾamar tsedaqowt waʿoz ʿadayw yavowʾ weyevoshu kol haneḥeriym bow׃

²⁵ בַּיהוָ֛ה יִצְדְּק֥וּ וְיִֽתְהַלְל֖וּ כָּל־זֶ֥רַע יִשְׂרָאֵֽל׃ bayhwah yitsedequ weyitehalelu kal־zeraʿ yiseraʾel׃