1 Samuel 30

¹ וַיְהִ֞י בְּבֹ֨א דָוִ֧ד וַאֲנָשָׁ֛יו צִֽקְלַ֖ג בַּיֹּ֣ום הַשְּׁלִישִׁ֑י וַעֲמָלֵקִ֣י פָֽשְׁט֗וּ אֶל־נֶ֙גֶב֙ וְאֶל־צִ֣קְלַ֔ג וַיַּכּוּ֙ אֶת־צִ֣קְלַ֔ג וַיִּשְׂרְפ֥וּ אֹתָ֖הּ בָּאֵֽשׁ׃ wayehiy bevoʾ dawid waʾanashayw tsiqelag bayowm hasheliyshiy waʿamaleqiy fasheṭu ʾel־negev weʾel־tsiqelag wayaku ʾet־tsiqelag wayiserefu ʾotah baʾesh׃

² וַיִּשְׁבּ֨וּ אֶת־הַנָּשִׁ֤ים אֲשֶׁר־בָּהּ֙ מִקָּטֹ֣ן וְעַד־גָּדֹ֔ול לֹ֥א הֵמִ֖יתוּ אִ֑ישׁ וַיִּֽנְהֲג֔וּ וַיֵּלְכ֖וּ לְדַרְכָּֽם׃ wayishebu ʾet־hanashiym ʾasher־bah miqaṭon weʿad־gadowl loʾ hemiytu ʾiysh wayinehagu wayelekhu ledarekam׃

³ וַיָּבֹ֨א דָוִ֤ד וַֽאֲנָשָׁיו֙ אֶל־הָעִ֔יר וְהִנֵּ֥ה שְׂרוּפָ֖ה בָּאֵ֑שׁ וּנְשֵׁיהֶ֛ם וּבְנֵיהֶ֥ם וּבְנֹתֵיהֶ֖ם נִשְׁבּֽוּ׃ wayavoʾ dawid waʾanashayw ʾel־haʿiyr wehineh serufah baʾesh unesheyhem uveneyhem uvenoteyhem nishebu׃

⁴ וַיִּשָּׂ֨א דָוִ֜ד וְהָעָ֧ם אֲשֶׁר־אִתֹּ֛ו אֶת־קֹולָ֖ם וַיִּבְכּ֑וּ עַ֣ד אֲשֶׁ֧ר אֵין־בָּהֶ֛ם כֹּ֖חַ לִבְכֹּֽות׃ wayisaʾ dawid wehaʿam ʾasher־ʾitow ʾet־qowlam wayiveku ʿad ʾasher ʾeyn־bahem koaḥ livekowt׃

⁵ וּשְׁתֵּ֥י נְשֵֽׁי־דָוִ֖ד נִשְׁבּ֑וּ אֲחִינֹ֙עַם֙ הַיִּזְרְעֵלִ֔ית וַאֲבִיגַ֕יִל אֵ֖שֶׁת נָבָ֥ל הַֽכַּרְמְלִֽי׃ ushetey neshey־dawid nishebu ʾaḥiynoʿam hayizereʿeliyt waʾaviygayil ʾeshet naval hakaremeliy׃

⁶ וַתֵּ֨צֶר לְדָוִ֜ד מְאֹ֗ד כִּֽי־אָמְר֤וּ הָעָם֙ לְסָקְלֹ֔ו כִּֽי־מָ֙רָה֙ נֶ֣פֶשׁ כָּל־הָעָ֔ם אִ֖ישׁ עַל־ [בְּנֹו כ] (בָּנָ֣יו ק) וְעַל־בְּנֹתָ֑יו וַיִּתְחַזֵּ֣ק דָּוִ֔ד בַּיהוָ֖ה אֱלֹהָֽיו׃ ס watetser ledawid meʾod kiy־ʾameru haʿam lesaqelow kiy־marah nefesh kal־haʿam ʾiysh ʿal־ [benow kh] (banayw q) weʿal־benotayw wayiteḥazeq dawid bayhwah ʾelohayw׃ s

⁷ וַיֹּ֣אמֶר דָּוִ֗ד אֶל־אֶבְיָתָ֤ר הַכֹּהֵן֙ בֶּן־אֲחִימֶ֔לֶךְ הַגִּֽישָׁה־נָּ֥א לִ֖י הָאֵפֹ֑ד וַיַּגֵּ֧שׁ אֶבְיָתָ֛ר אֶת־הָאֵפֹ֖ד אֶל־דָּוִֽד׃ wayoʾmer dawid ʾel־ʾeveyatar hakohen ben־ʾaḥiymelekhe hagiyshah־naʾ liy haʾefod wayagesh ʾeveyatar ʾet־haʾefod ʾel־dawid׃

⁸ וַיִּשְׁאַ֨ל דָּוִ֤ד בַּֽיהוָה֙ לֵאמֹ֔ר אֶרְדֹּ֛ף אַחֲרֵ֥י הַגְּדוּד־הַזֶּ֖ה הַֽאַשִּׂגֶ֑נּוּ וַיֹּ֤אמֶר לֹו֙ רְדֹ֔ף כִּֽי־הַשֵּׂ֥ג תַּשִּׂ֖יג וְהַצֵּ֥ל תַּצִּֽיל׃ wayisheʾal dawid bayhwah leʾmor ʾeredof ʾaḥarey hagedud־hazeh haʾasigenu wayoʾmer low redof kiy־haseg tasiyg wehatsel tatsiyl׃

⁹ וַיֵּ֣לֶךְ דָּוִ֗ד ה֤וּא וְשֵׁשׁ־מֵאֹ֥ות אִישׁ֙ אֲשֶׁ֣ר אִתֹּ֔ו וַיָּבֹ֖אוּ עַד־נַ֣חַל הַבְּשֹׂ֑ור וְהַנֹּֽותָרִ֖ים עָמָֽדוּ׃ wayelekhe dawid huʾ weshesh־meʾowt ʾiysh ʾasher ʾitow wayavoʾu ʿad־naḥal habesowr wehanowtariym ʿamadu׃

¹⁰ וַיִּרְדֹּ֣ף דָּוִ֔ד ה֖וּא וְאַרְבַּע־מֵאֹ֣ות אִ֑ישׁ וַיַּֽעַמְדוּ֙ מָאתַ֣יִם אִ֔ישׁ אֲשֶׁ֣ר פִּגְּר֔וּ מֵעֲבֹ֖ר אֶת־נַ֥חַל הַבְּשֹֽׂור׃ wayiredof dawid huʾ weʾarebaʿ־meʾowt ʾiysh wayaʿamedu maʾtayim ʾiysh ʾasher pigeru meʿavor ʾet־naḥal habesowr׃

¹¹ וַֽיִּמְצְא֤וּ אִישׁ־מִצְרִי֙ בַּשָּׂדֶ֔ה וַיִּקְח֥וּ אֹתֹ֖ו אֶל־דָּוִ֑ד וַיִּתְּנוּ־לֹ֥ו לֶ֙חֶם֙ וַיֹּ֔אכַל וַיַּשְׁקֻ֖הוּ מָֽיִם׃ wayimetseʾu ʾiysh־mitseriy basadeh wayiqeḥu ʾotow ʾel־dawid wayitenu־low leḥem wayoʾkhal wayashequhu mayim׃

¹² וַיִּתְּנוּ־לֹו֩ פֶ֨לַח דְּבֵלָ֜ה וּשְׁנֵ֤י צִמֻּקִים֙ וַיֹּ֔אכַל וַתָּ֥שָׁב רוּחֹ֖ו אֵלָ֑יו כִּ֠י לֹֽא־אָ֤כַל לֶ֙חֶם֙ וְלֹא־שָׁ֣תָה מַ֔יִם שְׁלֹשָׁ֥ה יָמִ֖ים וּשְׁלֹשָׁ֥ה לֵילֹֽות׃ ס wayitenu־low felaḥ develah usheney tsimuqiym wayoʾkhal watashav ruḥow ʾelayw kiy loʾ־ʾakhal leḥem weloʾ־shatah mayim sheloshah yamiym usheloshah leylowt׃ s

¹³ וַיֹּ֨אמֶר לֹ֤ו דָוִד֙ לְֽמִי־אַ֔תָּה וְאֵ֥י מִזֶּ֖ה אָ֑תָּה וַיֹּ֜אמֶר נַ֧עַר מִצְרִ֣י אָנֹ֗כִי עֶ֚בֶד לְאִ֣ישׁ עֲמָֽלֵקִ֔י וַיַּעַזְבֵ֧נִי אֲדֹנִ֛י כִּ֥י חָלִ֖יתִי הַיֹּ֥ום שְׁלֹשָֽׁה׃ wayoʾmer low dawid lemiy־ʾatah weʾey mizeh ʾatah wayoʾmer naʿar mitseriy ʾanokhiy ʿeved leʾiysh ʿamaleqiy wayaʿazeveniy ʾadoniy kiy ḥaliytiy hayowm sheloshah׃

¹⁴ אֲנַ֡חְנוּ פָּשַׁ֜טְנוּ נֶ֧גֶב הַכְּרֵתִ֛י וְעַל־אֲשֶׁ֥ר לִֽיהוּדָ֖ה וְעַל־נֶ֣גֶב כָּלֵ֑ב וְאֶת־צִקְלַ֖ג שָׂרַ֥פְנוּ בָאֵֽשׁ׃ ʾanaḥenu pashaṭenu negev hakeretiy weʿal־ʾasher liyhudah weʿal־negev kalev weʾet־tsiqelag sarafenu vaʾesh׃

¹⁵ וַיֹּ֤אמֶר אֵלָיו֙ דָּוִ֔ד הֲתֹורִדֵ֖נִי אֶל־הַגְּד֣וּד הַזֶּ֑ה וַיֹּ֡אמֶר הִשָּׁבְעָה֩ לִּ֨י בֵֽאלֹהִ֜ים אִם־תְּמִיתֵ֗נִי וְאִם־תַּסְגִּרֵ֙נִי֙ בְּיַד־אֲדֹנִ֔י וְאֹורִֽדְךָ֖ אֶל־הַגְּד֥וּד הַזֶּֽה׃ wayoʾmer ʾelayw dawid hatowrideniy ʾel־hagedud hazeh wayoʾmer hishaveʿah liy veʾlohiym ʾim־temiyteniy weʾim־tasegireniy beyad־ʾadoniy weʾowridekha ʾel־hagedud hazeh׃

¹⁶ וַיֹּ֣רִדֵ֔הוּ וְהִנֵּ֥ה נְטֻשִׁ֖ים עַל־פְּנֵ֣י כָל־הָאָ֑רֶץ אֹכְלִ֤ים וְשֹׁתִים֙ וְחֹ֣גְגִ֔ים בְּכֹל֙ הַשָּׁלָ֣ל הַגָּדֹ֔ול אֲשֶׁ֥ר לָקְח֛וּ מֵאֶ֥רֶץ פְּלִשְׁתִּ֖ים וּמֵאֶ֥רֶץ יְהוּדָֽה׃ wayoridehu wehineh neṭushiym ʿal־peney khal־haʾarets ʾokheliym weshotiym weḥogegiym bekhol hashalal hagadowl ʾasher laqeḥu meʾerets pelishetiym umeʾerets yehudah׃

¹⁷ וַיַּכֵּ֥ם דָּוִ֛ד מֵהַנֶּ֥שֶׁף וְעַד־הָעֶ֖רֶב לְמָֽחֳרָתָ֑ם וְלֹֽא־נִמְלַ֤ט מֵהֶם֙ אִ֔ישׁ כִּי֩ אִם־אַרְבַּ֨ע מֵאֹ֧ות אִֽישׁ־נַ֛עַר אֲשֶׁר־רָכְב֥וּ עַל־הַגְּמַלִּ֖ים וַיָּנֻֽסוּ׃ wayakem dawid mehaneshef weʿad־haʿerev lemaḥoratam weloʾ־nimelaṭ mehem ʾiysh kiy ʾim־ʾarebaʿ meʾowt ʾiysh־naʿar ʾasher־rakhevu ʿal־hagemaliym wayanusu׃

¹⁸ וַיַּצֵּ֣ל דָּוִ֔ד אֵ֛ת כָּל־אֲשֶׁ֥ר לָקְח֖וּ עֲמָלֵ֑ק וְאֶת־שְׁתֵּ֥י נָשָׁ֖יו הִצִּ֥יל דָּוִֽד׃ wayatsel dawid ʾet kal־ʾasher laqeḥu ʿamaleq weʾet־shetey nashayw hitsiyl dawid׃

¹⁹ וְלֹ֣א נֶעְדַּר־לָ֠הֶם מִן־הַקָּטֹ֨ן וְעַד־הַגָּדֹ֜ול וְעַד־בָּנִ֤ים וּבָנֹות֙ וּמִשָּׁלָ֔ל וְעַ֛ד כָּל־אֲשֶׁ֥ר לָקְח֖וּ לָהֶ֑ם הַכֹּ֖ל הֵשִׁ֥יב דָּוִֽד׃ weloʾ neʿedar־lahem min־haqaṭon weʿad־hagadowl weʿad־baniym uvanowt umishalal weʿad kal־ʾasher laqeḥu lahem hakol heshiyv dawid׃

²⁰ וַיִּקַּ֣ח דָּוִ֔ד אֶת־כָּל־הַצֹּ֖אן וְהַבָּקָ֑ר נָהֲג֗וּ לִפְנֵי֙ הַמִּקְנֶ֣ה הַה֔וּא וַיֹּ֣אמְר֔וּ זֶ֖ה שְׁלַ֥ל דָּוִֽד׃ wayiqaḥ dawid ʾet־kal־hatsoʾn wehabaqar nahagu lifeney hamiqeneh hahuʾ wayoʾmeru zeh shelal dawid׃

²¹ וַיָּבֹ֣א דָוִ֗ד אֶל־מָאתַ֨יִם הָאֲנָשִׁ֜ים אֲשֶֽׁר־פִּגְּר֣וּ ׀ מִלֶּ֣כֶת ׀ אַחֲרֵ֣י דָוִ֗ד וַיֹּֽשִׁיבֻם֙ בְּנַ֣חַל הַבְּשֹׂ֔ור וַיֵּֽצְאוּ֙ לִקְרַ֣את דָּוִ֔ד וְלִקְרַ֖את הָעָ֣ם אֲשֶׁר־אִתֹּ֑ו וַיִּגַּ֤שׁ דָּוִד֙ אֶת־הָעָ֔ם וַיִּשְׁאַ֥ל לָהֶ֖ם לְשָׁלֹֽום׃ ס wayavoʾ dawid ʾel־maʾtayim haʾanashiym ʾasher־pigeru ׀ milekhet ׀ ʾaḥarey dawid wayoshiyvum benaḥal habesowr wayetseʾu liqeraʾt dawid weliqeraʾt haʿam ʾasher־ʾitow wayigash dawid ʾet־haʿam wayisheʾal lahem leshalowm׃ s

²² וַיַּ֜עַן כָּל־אִֽישׁ־רָ֣ע וּבְלִיַּ֗עַל מֵֽהָאֲנָשִׁים֮ אֲשֶׁ֣ר הָלְכ֣וּ עִם־דָּוִד֒ וַיֹּאמְר֗וּ יַ֚עַן אֲשֶׁ֣ר לֹֽא־הָלְכ֣וּ עִמִּ֔י לֹֽא־נִתֵּ֣ן לָהֶ֔ם מֵהַשָּׁלָ֖ל אֲשֶׁ֣ר הִצַּ֑לְנוּ כִּֽי־אִם־אִ֤ישׁ אֶת־אִשְׁתֹּו֙ וְאֶת־בָּנָ֔יו וְיִנְהֲג֖וּ וְיֵלֵֽכוּ׃ ס wayaʿan kal־ʾiysh־raʿ uveliyaʿal mehaʾanashiym ʾasher halekhu ʿim־dawid wayoʾmeru yaʿan ʾasher loʾ־halekhu ʿimiy loʾ־niten lahem mehashalal ʾasher hitsalenu kiy־ʾim־ʾiysh ʾet־ʾishetow weʾet־banayw weyinehagu weyelekhu׃ s

²³ וַיֹּ֣אמֶר דָּוִ֔ד לֹֽא־תַעֲשׂ֥וּ כֵ֖ן אֶחָ֑י אֵ֠ת אֲשֶׁר־נָתַ֨ן יְהוָ֥ה לָ֙נוּ֙ וַיִּשְׁמֹ֣ר אֹתָ֔נוּ וַיִּתֵּ֗ן אֶֽת־הַגְּד֛וּד הַבָּ֥א עָלֵ֖ינוּ בְּיָדֵֽנוּ׃ wayoʾmer dawid loʾ־taʿasu khen ʾeḥay ʾet ʾasher־natan yehwah lanu wayishemor ʾotanu wayiten ʾet־hagedud habaʾ ʿaleynu beyadenu׃

²⁴ וּמִי֙ יִשְׁמַ֣ע לָכֶ֔ם לַדָּבָ֖ר הַזֶּ֑ה כִּ֞י כְּחֵ֣לֶק ׀ הַיֹּרֵ֣ד בַּמִּלְחָמָ֗ה וּֽכְחֵ֛לֶק הַיֹּשֵׁ֥ב עַל־הַכֵּלִ֖ים יַחְדָּ֥ו יַחֲלֹֽקוּ׃ ס umiy yishemaʿ lakhem ladavar hazeh kiy keḥeleq ׀ hayored bamileḥamah ukheḥeleq hayoshev ʿal־hakeliym yaḥedaw yaḥaloqu׃ s

²⁵ וַיְהִ֕י מֵֽהַיֹּ֥ום הַה֖וּא וָמָ֑עְלָה וַיְשִׂמֶ֜הָ לְחֹ֤ק וּלְמִשְׁפָּט֙ לְיִשְׂרָאֵ֔ל עַ֖ד הַיֹּ֥ום הַזֶּֽה׃ פ wayehiy mehayowm hahuʾ wamaʿelah wayesimeah leḥoq ulemishepaṭ leyiseraʾel ʿad hayowm hazeh׃ f

²⁶ וַיָּבֹ֤א דָוִד֙ אֶל־צִ֣קְלַ֔ג וַיְשַׁלַּ֧ח מֵֽהַשָּׁלָ֛ל לְזִקְנֵ֥י יְהוּדָ֖ה לְרֵעֵ֣הוּ לֵאמֹ֑ר הִנֵּ֤ה לָכֶם֙ בְּרָכָ֔ה מִשְּׁלַ֖ל אֹיְבֵ֥י יְהוָֽה׃ wayavoʾ dawid ʾel־tsiqelag wayeshalaḥ mehashalal leziqeney yehudah lereʿehu leʾmor hineh lakhem berakhah mishelal ʾoyevey yehwah׃

²⁷ לַאֲשֶׁ֧ר בְּבֵֽית־אֵ֛ל וְלַאֲשֶׁ֥ר בְּרָמֹֽות־נֶ֖גֶב וְלַאֲשֶׁ֥ר בְּיַתִּֽר׃ laʾasher beveyt־ʾel welaʾasher beramowt־negev welaʾasher beyatir׃

²⁸ וְלַאֲשֶׁ֧ר בַּעֲרֹעֵ֛ר וְלַאֲשֶׁ֥ר בְּשִֽׂפְמֹ֖ות וְלַאֲשֶׁ֥ר בְּאֶשְׁתְּמֹֽעַ׃ ס welaʾasher baʿaroʿer welaʾasher besifemowt welaʾasher beʾeshetemoaʿ׃ s

²⁹ וְלַאֲשֶׁ֣ר בְּרָכָ֗ל וְלַֽאֲשֶׁר֙ בְּעָרֵ֣י הַיְּרַחְמְאֵלִ֔י וְלַאֲשֶׁ֖ר בְּעָרֵ֥י הַקֵּינִֽי׃ welaʾasher berakhal welaʾasher beʿarey hayeraḥemeʾeliy welaʾasher beʿarey haqeyniy׃

³⁰ וְלַאֲשֶׁ֧ר בְּחָרְמָ֛ה וְלַאֲשֶׁ֥ר בְּבֹור־עָשָׁ֖ן וְלַאֲשֶׁ֥ר בַּעֲתָֽךְ׃ welaʾasher beḥaremah welaʾasher bevowr־ʿashan welaʾasher baʿatakhe׃

³¹ וְלַאֲשֶׁ֖ר בְּחֶבְרֹ֑ון וּֽלְכָל־הַמְּקֹמֹ֛ות אֲשֶֽׁר־הִתְהַלֶּךְ־שָׁ֥ם דָּוִ֖ד ה֥וּא וַאֲנָשָֽׁיו׃ פ welaʾasher beḥeverown ulekhal־hameqomowt ʾasher־hitehalekhe־sham dawid huʾ waʾanashayw׃ f