Job 34

¹ וַיַּ֥עַן אֱלִיה֗וּא וַיֹּאמַֽר׃ wayaʿan ʾeliyhuʾ wayoʾmar׃

² שִׁמְע֣וּ חֲכָמִ֣ים מִלָּ֑י וְ֝יֹדְעִ֗ים הַאֲזִ֥ינוּ לִֽי׃ shimeʿu ḥakhamiym milay weyodeʿiym haʾaziynu liy׃

³ כִּי־אֹ֭זֶן מִלִּ֣ין תִּבְחָ֑ן וְ֝חֵ֗ךְ יִטְעַ֥ם לֶאֱכֹֽל׃ kiy־ʾozen miliyn tiveḥan weḥekhe yiṭeʿam leʾekhol׃

⁴ מִשְׁפָּ֥ט נִבְחֲרָה־לָּ֑נוּ נֵדְעָ֖ה בֵינֵ֣ינוּ מַה־טֹּֽוב׃ mishepaṭ niveḥarah־lanu nedeʿah veyneynu mah־ṭowv׃

⁵ כִּֽי־אָ֭מַר אִיֹּ֣וב צָדַ֑קְתִּי וְ֝אֵ֗ל הֵסִ֥יר מִשְׁפָּטִֽי׃ kiy־ʾamar ʾiyowv tsadaqetiy weʾel hesiyr mishepaṭiy׃

⁶ עַל־מִשְׁפָּטִ֥י אֲכַזֵּ֑ב אָנ֖וּשׁ חִצִּ֣י בְלִי־פָֽשַׁע׃ ʿal־mishepaṭiy ʾakhazev ʾanush ḥitsiy veliy־fashaʿ׃

⁷ מִי־גֶ֥בֶר כְּאִיֹּ֑וב יִֽשְׁתֶּה־לַּ֥עַג כַּמָּֽיִם׃ miy־gever keʾiyowv yisheteh־laʿag kamayim׃

⁸ וְאָרַ֣ח לְ֭חֶבְרָה עִם־פֹּ֣עֲלֵי אָ֑וֶן וְ֝לָלֶ֗כֶת עִם־אַנְשֵׁי־רֶֽשַׁע׃ weʾaraḥ leḥeverah ʿim־poʿaley ʾawen welalekhet ʿim־ʾaneshey־reshaʿ׃

⁹ כִּֽי־אָ֭מַר לֹ֣א יִסְכָּן־גָּ֑בֶר בִּ֝רְצֹתֹ֗ו עִם־אֱלֹהִֽים׃ kiy־ʾamar loʾ yisekan־gaver biretsotow ʿim־ʾelohiym׃

¹⁰ לָכֵ֤ן ׀ אַ֥נֲשֵׁ֥י לֵבָ֗ב שִׁמְע֫וּ לִ֥י חָלִ֖לָה לָאֵ֥ל מֵרֶ֗שַׁע וְשַׁדַּ֥י מֵעָֽוֶל׃ lakhen ׀ ʾanashey levav shimeʿu liy ḥalilah laʾel mereshaʿ weshaday meʿawel׃

¹¹ כִּ֤י פֹ֣עַל אָ֭דָם יְשַׁלֶּם־לֹ֑ו וּֽכְאֹ֥רַח אִ֝֗ישׁ יַמְצִאֶֽנּוּ׃ kiy foʿal ʾadam yeshalem־low ukheʾoraḥ ʾiysh yametsiʾenu׃

¹² אַף־אָמְנָ֗ם אֵ֥ל לֹֽא־יַרְשִׁ֑יעַ וְ֝שַׁדַּ֗י לֹֽא־יְעַוֵּ֥ת מִשְׁפָּֽט׃ ʾaf־ʾamenam ʾel loʾ־yareshiyʿa weshaday loʾ־yeʿauet mishepaṭ׃

¹³ מִֽי־פָקַ֣ד עָלָ֣יו אָ֑רְצָה וּמִ֥י ם תֵּבֵ֥ל כֻּלָּֽהּ׃ miy־faqad ʿalayw ʾaretsah umiy m tevel kulah׃

¹⁴ אִם־יָשִׂ֣ים אֵלָ֣יו לִבֹּ֑ו רוּחֹ֥ו וְ֝נִשְׁמָתֹ֗ו אֵלָ֥יו יֶאֱסֹֽף׃ ʾim־yasiym ʾelayw libow ruḥow wenishematow ʾelayw yeʾesof׃

¹⁵ יִגְוַ֣ע כָּל־בָּשָׂ֣ר יָ֑חַד וְ֝אָדָ֗ם עַל־עָפָ֥ר יָשֽׁוּב׃ yigewaʿ kal־basar yaḥad weʾadam ʿal־ʿafar yashuv׃

¹⁶ וְאִם־בִּ֥ינָה שִׁמְעָה־זֹּ֑את הַ֝אֲזִ֗ינָה לְקֹ֣ול מִלָּֽי׃ weʾim־biynah shimeʿah־zoʾt haʾaziynah leqowl milay׃

¹⁷ הַאַ֬ף שֹׂונֵ֣א מִשְׁפָּ֣ט יַחֲבֹ֑ושׁ וְאִם־צַדִּ֖יק כַּבִּ֣יר תַּרְשִֽׁיעַ׃ haʾaf sowneʾ mishepaṭ yaḥavowsh weʾim־tsadiyq kabiyr tareshiyʿa׃

¹⁸ הַאֲמֹ֣ר לְמֶ֣לֶךְ בְּלִיָּ֑עַל רָ֝שָׁ֗ע אֶל־נְדִיבִֽים׃ haʾamor lemelekhe beliyaʿal rashaʿ ʾel־nediyviym׃

¹⁹ אֲשֶׁ֤ר לֹֽא־נָשָׂ֨א ׀ פְּנֵ֥י שָׂרִ֗ים וְלֹ֣א נִכַּר־שֹׁ֖ועַ לִפְנֵי־דָ֑ל כִּֽי־מַעֲשֵׂ֖ה יָדָ֣יו כֻּלָּֽם׃ ʾasher loʾ־nasaʾ ׀ peney sariym weloʾ nikar־showʿa lifeney־dal kiy־maʿaseh yadayw kulam׃

²⁰ רֶ֤גַע ׀ יָמֻתוּ֮ וַחֲצֹ֪ות לָ֥יְלָה יְגֹעֲשׁ֣וּ עָ֣ם וְיַעֲבֹ֑רוּ וְיָסִ֥ירוּ אַ֝בִּ֗יר לֹ֣א בְיָֽד׃ regaʿ ׀ yamutu waḥatsowt layelah yegoʿashu ʿam weyaʿavoru weyasiyru ʾabiyr loʾ veyad׃

²¹ כִּי־עֵ֭ינָיו עַל־דַּרְכֵי־אִ֑ישׁ וְֽכָל־צְעָדָ֥יו יִרְאֶֽה׃ kiy־ʿeynayw ʿal־darekhey־ʾiysh wekhal־tseʿadayw yireʾeh׃

²² אֵֽין־חֹ֖שֶׁךְ וְאֵ֣ין צַלְמָ֑וֶת לְהִסָּ֥תֶר ם פֹּ֣עֲלֵי אָֽוֶן׃ ʾeyn־ḥoshekhe weʾeyn tsalemawet lehisater m poʿaley ʾawen׃

²³ כִּ֤י לֹ֣א עַל־אִ֭ישׁ יָשִׂ֣ים עֹ֑וד לַהֲלֹ֥ךְ אֶל־אֵ֝֗ל בַּמִּשְׁפָּֽט׃ kiy loʾ ʿal־ʾiysh yasiym ʿowd lahalokhe ʾel־ʾel bamishepaṭ׃

²⁴ יָרֹ֣עַ כַּבִּירִ֣ים לֹא־חֵ֑קֶר וַיַּעֲמֵ֖ד אֲחֵרִ֣ים תַּחְתָּֽם׃ yaroaʿ kabiyriym loʾ־ḥeqer wayaʿamed ʾaḥeriym taḥetam׃

²⁵ לָכֵ֗ן יַ֭כִּיר מַעְבָּֽדֵיהֶ֑ם וְהָ֥פַךְ לַ֝֗יְלָה וְיִדַּכָּֽאוּ׃ lakhen yakiyr maʿebadeyhem wehafakhe layelah weyidakaʾu׃

²⁶ תַּֽחַת־רְשָׁעִ֥ים סְפָקָ֗ם בִּמְקֹ֥ום רֹאִֽים׃ taḥat־reshaʿiym sefaqam bimeqowm roʾiym׃

²⁷ אֲשֶׁ֣ר עַל־כֵּ֭ן סָ֣רוּ מֵֽאַחֲרָ֑יו וְכָל־דְּ֝רָכָ֗יו לֹ֣א הִשְׂכִּֽילוּ׃ ʾasher ʿal־ken saru meʾaḥarayw wekhal־derakhayw loʾ hisekiylu׃

²⁸ לְהָבִ֣יא עָ֭לָיו צַֽעֲקַת־דָּ֑ל וְצַעֲקַ֖ת עֲנִיִּ֣ים יִשְׁמָֽע׃ lehaviyʾ ʿalayw tsaʿaqat־dal wetsaʿaqat ʿaniyiym yishemaʿ׃

²⁹ וְה֤וּא יַשְׁקִ֨ט ׀ וּמִ֥י יַרְשִׁ֗עַ וְיַסְתֵּ֣ר פָּ֭נִים וּמִ֣י יְשׁוּרֶ֑נּוּ וְעַל־גֹּ֖וי וְעַל־אָדָ֣ם יָֽחַד׃ wehuʾ yasheqiṭ ׀ umiy yareshiaʿ weyaseter paniym umiy yeshurenu weʿal־gowy weʿal־ʾadam yaḥad׃

³⁰ מִ֭מְּלֹךְ אָדָ֥ם חָנֵ֗ף מִמֹּ֥קְשֵׁי עָֽם׃ mimelokhe ʾadam ḥanef mimoqeshey ʿam׃

³¹ כִּֽי־אֶל־אֵ֭ל הֶאָמַ֥ר נָשָׂ֗אתִי לֹ֣א אֶחְבֹּֽל׃ kiy־ʾel־ʾel heʾamar nasaʾtiy loʾ ʾeḥebol׃

³² בִּלְעֲדֵ֣י אֶ֭חֱזֶה אַתָּ֣ה הֹרֵ֑נִי אִֽם־עָ֥וֶל פָּ֝עַ֗לְתִּי לֹ֣א אֹסִֽיף׃ bileʿadey ʾeḥezeh ʾatah horeniy ʾim־ʿawel paʿaletiy loʾ ʾosiyf׃

³³ הַֽמֵעִמְּךָ֬ יְשַׁלְמֶ֨נָּה כִּֽי־מָאַ֗סְתָּ כִּי־אַתָּ֣ה תִבְחַ֣ר וְלֹא־אָ֑נִי וּֽמַה־יָדַ֥עְתָּ דַבֵּֽר׃ hameʿimekha yeshalemenah kiy־maʾaseta kiy־ʾatah tiveḥar weloʾ־ʾaniy umah־yadaʿeta daber׃

³⁴ אַנְשֵׁ֣י לֵ֭בָב יֹ֣אמְרוּ לִ֑י וְגֶ֥בֶר חָ֝כָ֗ם שֹׁמֵ֥עַֽ לִֽי׃ ʾaneshey levav yoʾmeru liy wegever ḥakham shomeaʿ liy׃

³⁵ אִ֭יֹּוב לֹא־בְדַ֣עַת יְדַבֵּ֑ר וּ֝דְבָרָ֗יו לֹ֣א בְהַשְׂכֵּֽיל׃ ʾiyowv loʾ־vedaʿat yedaber udevarayw loʾ vehasekeyl׃

³⁶ אָבִ֗י יִבָּחֵ֣ן אִיֹּ֣וב עַד־נֶ֑צַח עַל־תְּ֝שֻׁבֹ֗ת בְּאַנְשֵׁי־אָֽוֶן׃ ʾaviy yibaḥen ʾiyowv ʿad־netsaḥ ʿal־teshuvot beʾaneshey־ʾawen׃

³⁷ כִּ֥י יֹ֘סִ֤יף עַֽל־חַטָּאתֹ֣ו פֶ֭שַׁע בֵּינֵ֣ינוּ יִסְפֹּ֑וק וְיֶ֖רֶב אֲמָרָ֣יו לָאֵֽל׃ ס kiy yosiyf ʿal־ḥaṭaʾtow feshaʿ beyneynu yisepowq weyerev ʾamarayw laʾel׃ s