1 וָאָשׁ֕וּב וָאֶשָּׂ֥א עֵינַ֖י וָֽאֶרְאֶ֑ה וְהִנֵּ֖ה מְגִלָּ֥ה עָפָֽה׃ waʾashuv waʾesaʾ ʿeynay waʾereʾeh wehineh megilah ʿafah׃

2 וַיֹּ֣אמֶר אֵלַ֔י מָ֥ה אַתָּ֖ה רֹאֶ֑ה וָאֹמַ֗ר אֲנִ֤י רֹאֶה֙ מְגִלָּ֣ה עָפָ֔ה אָרְכָּהּ֙ עֶשְׂרִ֣ים בָּֽאַמָּ֔ה וְרָחְבָּ֖הּ עֶ֥שֶׂר בָּאַמָּֽה׃ wayoʾmer ʾelay mah ʾatah roʾeh waʾomar ʾaniy roʾeh megilah ʿafah ʾarekah ʿeseriym baʾamah weraḥebah ʿeser baʾamah׃

3 וַיֹּ֣אמֶר אֵלַ֔י זֹ֚את הָֽאָלָ֔ה הַיֹּוצֵ֖את עַל־פְּנֵ֣י כָל־הָאָ֑רֶץ כִּ֣י כָל־הַגֹּנֵ֗ב מִזֶּה֙ כָּמֹ֣והָ נִקָּ֔ה וְכָל־הַנִּ֨שְׁבָּ֔ע מִזֶּ֖ה כָּמֹ֥והָ נִקָּֽה׃ wayoʾmer ʾelay zoʾt haʾalah hayowtseʾt ʿal־peney khal־haʾarets kiy khal־hagonev mizeh kamowha niqah wekhal־hanishebaʿ mizeh kamowha niqah׃

4 הֹוצֵאתִ֗יהָ נְאֻם֙ יְהוָ֣ה צְבָאֹ֔ות וּבָ֙אָה֙ אֶל־בֵּ֣ית הַגַּנָּ֔ב וְאֶל־בֵּ֛ית הַנִּשְׁבָּ֥ע בִּשְׁמִ֖י לַשָּׁ֑קֶר וְלָ֙נֶה֙ בְּתֹ֣וךְ בֵּיתֹ֔ו וְכִלַּ֖תּוּ וְאֶת־עֵצָ֥יו וְאֶת־אֲבָנָֽיו׃ howtseʾtiyha neʾum yehwah tsevaʾowt uvaʾah ʾel־beyt haganav weʾel־beyt hanishebaʿ bishemiy lashaqer welaneh betowkhe beytow wekhilatu weʾet־ʿetsayw weʾet־ʾavanayw׃

5 וַיֵּצֵ֕א הַמַּלְאָ֖ךְ הַדֹּבֵ֣ר בִּ֑י וַיֹּ֣אמֶר אֵלַ֔י שָׂ֣א נָ֤א עֵינֶ֙יךָ֙ וּרְאֵ֔ה מָ֖ה הַיֹּוצֵ֥את הַזֹּֽאת׃ wayetseʾ hamaleʾakhe hadover biy wayoʾmer ʾelay saʾ naʾ ʿeyneykha ureʾeh mah hayowtseʾt hazoʾt׃

6 וָאֹמַ֖ר מַה־הִ֑יא וַיֹּ֗אמֶר זֹ֤את הָֽאֵיפָה֙ הַיֹּוצֵ֔את וַיֹּ֕אמֶר זֹ֥את עֵינָ֖ם בְּכָל־הָאָֽרֶץ׃ waʾomar mah־hiyʾ wayoʾmer zoʾt haʾeyfah hayowtseʾt wayoʾmer zoʾt ʿeynam bekhal־haʾarets׃

7 וְהִנֵּ֛ה כִּכַּ֥ר עֹפֶ֖רֶת נִשֵּׂ֑את וְזֹאת֙ אִשָּׁ֣ה אַחַ֔ת יֹושֶׁ֖בֶת בְּתֹ֥וךְ הָאֵיפָֽה׃ wehineh kikar ʿoferet niseʾt wezoʾt ʾishah ʾaḥat yowshevet betowkhe haʾeyfah׃

8 וַיֹּ֙אמֶר֙ זֹ֣את הָרִשְׁעָ֔ה וַיַּשְׁלֵ֥ךְ אֹתָ֖הּ אֶל־תֹּ֣וךְ הָֽאֵיפָ֑ה וַיַּשְׁלֵ֛ךְ אֶת־אֶ֥בֶן הָעֹפֶ֖רֶת אֶל־פִּֽיהָ׃ ס wayoʾmer zoʾt harisheʿah wayashelekhe ʾotah ʾel־towkhe haʾeyfah wayashelekhe ʾet־ʾeven haʿoferet ʾel־piyha׃ s

9 וָאֶשָּׂ֨א עֵינַ֜י וָאֵ֗רֶא וְהִנֵּה֩ שְׁתַּ֨יִם נָשִׁ֤ים יֹֽוצְאֹות֙ וְר֣וּחַ בְּכַנְפֵיהֶ֔ם וְלָהֵ֥נָּה כְנָפַ֖יִם כְּכַנְפֵ֣י הַחֲסִידָ֑ה וַתִּשֶּׂ֙אנָה֙ אֶת־הָ֣אֵיפָ֔ה בֵּ֥ין הָאָ֖רֶץ וּבֵ֥ין הַשָּׁמָֽיִם׃ waʾesaʾ ʿeynay waʾereʾ wehineh shetayim nashiym yowtseʾowt weruaḥ bekhanefeyhem welahenah khenafayim kekhanefey haḥasiydah watiseʾnah ʾet־haʾeyfah beyn haʾarets uveyn hashamayim׃

10 וָאֹמַ֕ר אֶל־הַמַּלְאָ֖ךְ הַדֹּבֵ֣ר בִּ֑י אָ֛נָה הֵ֥מָּה מֹֽולִכֹ֖ות אֶת־הָאֵיפָֽה׃ waʾomar ʾel־hamaleʾakhe hadover biy ʾanah hemah mowlikhowt ʾet־haʾeyfah׃

11 וַיֹּ֣אמֶר אֵלַ֔י לִבְנֹֽות־לָ֥הֿ בַ֖יִת בְּאֶ֣רֶץ שִׁנְעָ֑ר וְהוּכַ֛ן וְהֻנִּ֥יחָה שָּׁ֖ם עַל־מְכֻנָתָֽהּ׃ ס wayoʾmer ʾelay livenowt־lah vayit beʾerets shineʿar wehukhan wehuniyḥah sham ʿal־mekhunatah׃ s