1 לֹ֤א לָ֥נוּ יְהוָ֗ה לֹ֫א לָ֥נוּ כִּֽי־לְ֭שִׁמְךָ תֵּ֣ן כָּבֹ֑וד עַל־חַ֝סְדְּךָ֗ עַל־אֲמִתֶּֽךָ׃ loʾ lanu yehwah loʾ lanu kiy־leshimekha ten kavowd ʿal־ḥasedekha ʿal־ʾamitekha׃
2 לָ֭מָּה יֹאמְר֣וּ הַגֹּויִ֑ם אַיֵּה־נָ֝֗א אֱלֹהֵיהֶֽם׃ lamah yoʾmeru hagowyim ʾayeh־naʾ ʾeloheyhem׃
3 וֵֽאלֹהֵ֥ינוּ בַשָּׁמָ֑יִם כֹּ֭ל אֲשֶׁר־חָפֵ֣ץ עָשָֽׂה׃ weʾloheynu vashamayim kol ʾasher־ḥafets ʿasah׃
4 עֲֽ֭צַבֵּיהֶם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָֽם׃ עtsabeyhem kesef wezahav maʿaseh yedey ʾadam׃
5 פֶּֽה־לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאֽוּ׃ peh־lahem weloʾ yedaberu ʿeynayim lahem weloʾ yireʾu׃
6 אָזְנַ֣יִם לָ֭הֶם וְלֹ֣א יִשְׁמָ֑עוּ אַ֥ף לָ֝הֶ֗ם וְלֹ֣א יְרִיחֽוּן׃ ʾazenayim lahem weloʾ yishemaʿu ʾaf lahem weloʾ yeriyḥun׃
7 יְדֵיהֶ֤ם ׀ וְלֹ֬א יְמִישׁ֗וּן רַ֭גְלֵיהֶם וְלֹ֣א יְהַלֵּ֑כוּ לֹֽא־יֶ֝הְגּ֗וּ בִּגְרֹונָֽם׃ yedeyhem ׀ weloʾ yemiyshun rageleyhem weloʾ yehalekhu loʾ־yehegu bigerownam׃
8 כְּ֭מֹוהֶם יִהְי֣וּ עֹשֵׂיהֶ֑ם כֹּ֭ל אֲשֶׁר־בֹּטֵ֣חַ בָּהֶֽם׃ kemowhem yiheyu ʿoseyhem kol ʾasher־boṭeaḥ bahem׃
9 יִ֭שְׂרָאֵל בְּטַ֣ח בַּיהוָ֑ה עֶזְרָ֖ם וּמָגִנָּ֣ם הֽוּא׃ yiseraʾel beṭaḥ bayhwah ʿezeram umaginam huʾ׃
10 בֵּ֣ית אַ֭הֲרֹן בִּטְח֣וּ בַיהוָ֑ה עֶזְרָ֖ם וּמָגִנָּ֣ם הֽוּא׃ beyt ʾaharon biṭeḥu vayhwah ʿezeram umaginam huʾ׃
11 יִרְאֵ֣י יְ֭הוָה בִּטְח֣וּ בַיהוָ֑ה עֶזְרָ֖ם וּמָגִנָּ֣ם הֽוּא׃ yireʾey yehwah biṭeḥu vayhwah ʿezeram umaginam huʾ׃
12 יְהוָה֮ זְכָרָ֪נוּ יְבָ֫רֵ֥ךְ יְ֭בָרֵךְ אֶת־בֵּ֣ית יִשְׂרָאֵ֑ל יְ֝בָרֵ֗ךְ אֶת־בֵּ֥ית אַהֲרֹֽן׃ yehwah zekharanu yevarekhe yevarekhe ʾet־beyt yiseraʾel yevarekhe ʾet־beyt ʾaharon׃
13 יְ֭בָרֵךְ יִרְאֵ֣י יְהוָ֑ה הַ֝קְּטַנִּ֗ים עִם־הַגְּדֹלִֽים׃ yevarekhe yireʾey yehwah haqeṭaniym ʿim־hagedoliym׃
14 יֹסֵ֣ף יְהוָ֣ה עֲלֵיכֶ֑ם עֲ֝לֵיכֶ֗ם וְעַל־בְּנֵיכֶֽם׃ yosef yehwah ʿaleykhem ʿaleykhem weʿal־beneykhem׃
15 בְּרוּכִ֣ים אַ֭תֶּם לַיהוָ֑ה עֹ֝שֵׂ֗ה שָׁמַ֥יִם וָאָֽרֶץ׃ berukhiym ʾatem layhwah ʿoseh shamayim waʾarets׃
16 הַשָּׁמַ֣יִם מַיִם לַיהוָ֑ה וְ֝הָאָ֗רֶץ נָתַ֥ן לִבְנֵי־אָדָֽם׃ hashamayim mayim layhwah wehaʾarets natan liveney־ʾadam׃
17 לֹ֣א הַ֭מֵּתִים יְהַֽלְלוּ־יָ֑הּ וְ֝לֹ֗א כָּל־יֹרְדֵ֥י דוּמָֽה׃ loʾ hametiym yehalelu־yah weloʾ kal־yoredey dumah׃
18 וַאֲנַ֤חְנוּ ׀ נְבָ֘רֵ֤ךְ יָ֗הּ מֵֽעַתָּ֥ה וְעַד־עֹולָ֗ם הַֽלְלוּ־יָֽהּ׃ waʾanaḥenu ׀ nevarekhe yah meʿatah weʿad־ʿowlam halelu־yah׃