1 אַחַר֙ הַדְּבָרִ֣ים הָאֵ֔לֶּה כְּשֹׁ֕ךְ חֲמַ֖ת הַמֶּ֣לֶךְ אֲחַשְׁוֵרֹ֑ושׁ זָכַ֤ר אֶת־וַשְׁתִּי֙ וְאֵ֣ת אֲשֶׁר־עָשָׂ֔תָה וְאֵ֥ת אֲשֶׁר־נִגְזַ֖ר עָלֶֽיהָ׃ ʾaḥar hadevariym haʾeleh keshokhe ḥamat hamelekhe ʾaḥashewerowsh zakhar ʾet־washetiy weʾet ʾasher־ʿasatah weʾet ʾasher־nigezar ʿaleyha׃
2 וַיֹּאמְר֥וּ נַעֲרֵֽי־הַמֶּ֖לֶךְ מְשָׁרְתָ֑יו יְבַקְשׁ֥וּ לַמֶּ֛לֶךְ נְעָרֹ֥ות בְּתוּלֹ֖ות טֹובֹ֥ות מַרְאֶֽה׃ wayoʾmeru naʿarey־hamelekhe mesharetayw yevaqeshu lamelekhe neʿarowt betulowt ṭowvowt mareʾeh׃
3 וְיַפְקֵ֨ד הַמֶּ֣לֶךְ פְּקִידִים֮ בְּכָל־מְדִינֹ֣ות מַלְכוּתֹו֒ וְיִקְבְּצ֣וּ אֶת־כָּל־נַעֲרָֽה־בְ֠תוּלָה טֹובַ֨ת מַרְאֶ֜ה אֶל־שׁוּשַׁ֤ן הַבִּירָה֙ אֶל־בֵּ֣ית הַנָּשִׁ֔ים אֶל־יַ֥ד הֵגֶ֛א סְרִ֥יס הַמֶּ֖לֶךְ שֹׁמֵ֣ר הַנָּשִׁ֑ים וְנָתֹ֖ון תַּמְרוּקֵיהֶֽן׃ weyafeqed hamelekhe peqiydiym bekhal־mediynowt malekhutow weyiqebetsu ʾet־kal־naʿarah־vetulah ṭowvat mareʾeh ʾel־shushan habiyrah ʾel־beyt hanashiym ʾel־yad hegeʾ seriys hamelekhe shomer hanashiym wenatown tameruqeyhen׃
4 וְהַֽנַּעֲרָ֗ה אֲשֶׁ֤ר תִּיטַב֙ בְּעֵינֵ֣י הַמֶּ֔לֶךְ תִּמְלֹ֖ךְ תַּ֣חַת וַשְׁתִּ֑י וַיִּיטַ֧ב הַדָּבָ֛ר בְּעֵינֵ֥י הַמֶּ֖לֶךְ וַיַּ֥עַשׂ כֵּֽן׃ ס wehanaʿarah ʾasher tiyṭav beʿeyney hamelekhe timelokhe taḥat washetiy wayiyṭav hadavar beʿeyney hamelekhe wayaʿas ken׃ s
5 אִ֣ישׁ יְהוּדִ֔י הָיָ֖ה בְּשׁוּשַׁ֣ן הַבִּירָ֑ה וּשְׁמֹ֣ו מָרְדֳּכַ֗י בֶּ֣ן יָאִ֧יר בֶּן־שִׁמְעִ֛י בֶּן־קִ֖ישׁ אִ֥ישׁ יְמִינִֽי׃ ʾiysh yehudiy hayah beshushan habiyrah ushemow maredokhay ben yaʾiyr ben־shimeʿiy ben־qiysh ʾiysh yemiyniy׃
6 אֲשֶׁ֤ר הָגְלָה֙ מִיר֣וּשָׁלַ֔יִם עִם־הַגֹּלָה֙ אֲשֶׁ֣ר הָגְלְתָ֔ה עִ֖ם יְכָנְיָ֣ה מֶֽלֶךְ־יְהוּדָ֑ה אֲשֶׁ֣ר הֶגְלָ֔ה נְבוּכַדְנֶאצַּ֖ר מֶ֥לֶךְ בָּבֶֽל׃ ʾasher hagelah miyrushalayim ʿim־hagolah ʾasher hageletah ʿim yekhaneyah melekhe־yehudah ʾasher hegelah nevukhadeneʾtsar melekhe bavel׃
7 וַיְהִ֨י אֹמֵ֜ן אֶת־הֲדַסָּ֗ה הִ֤יא אֶסְתֵּר֙ בַּת־דֹּדֹ֔ו כִּ֛י אֵ֥ין לָ֖הּ אָ֣ב וָאֵ֑ם וְהַנַּעֲרָ֤ה יְפַת־תֹּ֙אַר֙ וְטֹובַ֣ת מַרְאֶ֔ה וּבְמֹ֤ות אָבִ֙יהָ֙ וְאִמָּ֔הּ לְקָחָ֧הּ מָרְדֳּכַ֛י לֹ֖ו לְבַֽת׃ wayehiy ʾomen ʾet־hadasah hiyʾ ʾeseter bat־dodow kiy ʾeyn lah ʾav waʾem wehanaʿarah yefat־toʾar weṭowvat mareʾeh uvemowt ʾaviyha weʾimah leqaḥah maredokhay low levat׃
8 וַיְהִ֗י בְּהִשָּׁמַ֤ע דְּבַר־הַמֶּ֙לֶךְ֙ וְדָתֹ֔ו וּֽבְהִקָּבֵ֞ץ נְעָרֹ֥ות רַבֹּ֛ות אֶל־שׁוּשַׁ֥ן הַבִּירָ֖ה אֶל־יַ֣ד הֵגָ֑י וַתִּלָּקַ֤ח אֶסְתֵּר֙ אֶל־בֵּ֣ית הַמֶּ֔לֶךְ אֶל־יַ֥ד הֵגַ֖י שֹׁמֵ֥ר הַנָּשִֽׁים׃ wayehiy behishamaʿ devar־hamelekhe wedatow uvehiqavets neʿarowt rabowt ʾel־shushan habiyrah ʾel־yad hegay watilaqaḥ ʾeseter ʾel־beyt hamelekhe ʾel־yad hegay shomer hanashiym׃
9 וַתִּיטַ֨ב הַנַּעֲרָ֣ה בְעֵינָיו֮ וַתִּשָּׂ֣א חֶ֣סֶד לְפָנָיו֒ וַ֠יְבַהֵל אֶת־תַּמְרוּקֶ֤יהָ וְאֶת־מָנֹותֶ֙הָ֙ לָתֵ֣ת לָ֔הּ וְאֵת֙ שֶׁ֣בַע הַנְּעָרֹ֔ות הָרְאֻיֹ֥ות לָֽתֶת־לָ֖הּ מִבֵּ֣ית הַמֶּ֑לֶךְ וַיְשַׁנֶּ֧הָ וְאֶת־נַעֲרֹותֶ֛יהָ לְטֹ֖וב בֵּ֥ית הַנָּשִֽׁים׃ watiyṭav hanaʿarah veʿeynayw watisaʾ ḥesed lefanayw wayevahel ʾet־tameruqeyha weʾet־manowteah latet lah weʾet shevaʿ haneʿarowt hareʾuyowt latet־lah mibeyt hamelekhe wayeshaneah weʾet־naʿarowteyha leṭowv beyt hanashiym׃
10 לֹא־הִגִּ֣ידָה אֶסְתֵּ֔ר אֶת־עַמָּ֖הּ וְאֶת־מֹֽולַדְתָּ֑הּ כִּ֧י מָרְדֳּכַ֛י צִוָּ֥ה עָלֶ֖יהָ אֲשֶׁ֥ר לֹא־תַגִּֽיד׃ loʾ־higiydah ʾeseter ʾet־ʿamah weʾet־mowladetah kiy maredokhay tsiuah ʿaleyha ʾasher loʾ־tagiyd׃
11 וּבְכָל־יֹ֣ום וָיֹ֔ום מָרְדֳּכַי֙ מִתְהַלֵּ֔ךְ לִפְנֵ֖י חֲצַ֣ר בֵּית־הַנָּשִׁ֑ים לָדַ֙עַת֙ אֶת־שְׁלֹ֣ום אֶסְתֵּ֔ר וּמַה־יֵּעָשֶׂ֖ה בָּֽהּ׃ uvekhal־yowm wayowm maredokhay mitehalekhe lifeney ḥatsar beyt־hanashiym ladaʿat ʾet־shelowm ʾeseter umah־yeʿaseh bah׃
12 וּבְהַגִּ֡יעַ תֹּר֩ נַעֲרָ֨ה וְנַעֲרָ֜ה לָבֹ֣וא ׀ אֶל־הַמֶּ֣לֶךְ אֲחַשְׁוֵרֹ֗ושׁ מִקֵּץ֩ הֱיֹ֨ות לָ֜הּ כְּדָ֤ת הַנָּשִׁים֙ שְׁנֵ֣ים עָשָׂ֣ר חֹ֔דֶשׁ כִּ֛י כֵּ֥ן יִמְלְא֖וּ יְמֵ֣י מְרוּקֵיהֶ֑ן שִׁשָּׁ֤ה חֳדָשִׁים֙ בְּשֶׁ֣מֶן הַמֹּ֔ר וְשִׁשָּׁ֤ה חֳדָשִׁים֙ בַּבְּשָׂמִ֔ים וּבְתַמְרוּקֵ֖י הַנָּשִֽׁים׃ uvehagiyʿa tor naʿarah wenaʿarah lavowʾ ׀ ʾel־hamelekhe ʾaḥashewerowsh miqets heyowt lah kedat hanashiym sheneym ʿasar ḥodesh kiy ken yimeleʾu yemey meruqeyhen shishah ḥodashiym beshemen hamor weshishah ḥodashiym babesamiym uvetameruqey hanashiym׃
13 וּבָזֶ֕ה הַֽנַּעֲרָ֖ה בָּאָ֣ה אֶל־הַמֶּ֑לֶךְ אֵת֩ כָּל־אֲשֶׁ֨ר תֹּאמַ֜ר יִנָּ֤תֵֽן לָהּ֙ לָבֹ֣וא עִמָּ֔הּ מִבֵּ֥ית הַנָּשִׁ֖ים עַד־בֵּ֥ית הַמֶּֽלֶךְ׃ uvazeh hanaʿarah baʾah ʾel־hamelekhe ʾet kal־ʾasher toʾmar yinaten lah lavowʾ ʿimah mibeyt hanashiym ʿad־beyt hamelekhe׃
14 בָּעֶ֣רֶב ׀ הִ֣יא בָאָ֗ה וּ֠בַבֹּקֶר הִ֣יא שָׁבָ֞ה אֶל־בֵּ֤ית הַנָּשִׁים֙ שֵׁנִ֔י אֶל־יַ֧ד שַֽׁעֲשְׁגַ֛ז סְרִ֥יס הַמֶּ֖לֶךְ שֹׁמֵ֣ר הַפִּֽילַגְשִׁ֑ים לֹא־תָבֹ֥וא עֹוד֙ אֶל־הַמֶּ֔לֶךְ כִּ֣י אִם־חָפֵ֥ץ בָּ֛הּ הַמֶּ֖לֶךְ וְנִקְרְאָ֥ה בְשֵֽׁם׃ baʿerev ׀ hiyʾ vaʾah uvaboqer hiyʾ shavah ʾel־beyt hanashiym sheniy ʾel־yad shaʿashegaz seriys hamelekhe shomer hapiylageshiym loʾ־tavowʾ ʿowd ʾel־hamelekhe kiy ʾim־ḥafets bah hamelekhe weniqereʾah veshem׃
15 וּבְהַגִּ֣יעַ תֹּר־אֶסְתֵּ֣ר בַּת־אֲבִיחַ֣יִל דֹּ֣ד מָרְדֳּכַ֡י אֲשֶׁר֩ לָקַֽח־לֹ֨ו לְבַ֜ת לָבֹ֣וא אֶל־הַמֶּ֗לֶךְ לֹ֤א בִקְשָׁה֙ דָּבָ֔ר כִּ֠י אִ֣ם אֶת־אֲשֶׁ֥ר יֹאמַ֛ר הֵגַ֥י סְרִיס־הַמֶּ֖לֶךְ שֹׁמֵ֣ר הַנָּשִׁ֑ים וַתְּהִ֤י אֶסְתֵּר֙ נֹשֵׂ֣את חֵ֔ן בְּעֵינֵ֖י כָּל־רֹאֶֽיהָ׃ uvehagiyʿa tor־ʾeseter bat־ʾaviyḥayil dod maredokhay ʾasher laqaḥ־low levat lavowʾ ʾel־hamelekhe loʾ viqeshah davar kiy ʾim ʾet־ʾasher yoʾmar hegay seriys־hamelekhe shomer hanashiym watehiy ʾeseter noseʾt ḥen beʿeyney kal־roʾeyha׃
16 וַתִּלָּקַ֨ח אֶסְתֵּ֜ר אֶל־הַמֶּ֤לֶךְ אֲחַשְׁוֵרֹושׁ֙ אֶל־בֵּ֣ית מַלְכוּתֹ֔ו בַּחֹ֥דֶשׁ הָעֲשִׂירִ֖י הוּא־חֹ֣דֶשׁ טֵבֵ֑ת בִּשְׁנַת־שֶׁ֖בַע לְמַלְכוּתֹֽו׃ watilaqaḥ ʾeseter ʾel־hamelekhe ʾaḥashewerowsh ʾel־beyt malekhutow baḥodesh haʿasiyriy huʾ־ḥodesh ṭevet bishenat־shevaʿ lemalekhutow׃
17 וַיֶּאֱהַ֨ב הַמֶּ֤לֶךְ אֶת־אֶסְתֵּר֙ מִכָּל־הַנָּשִׁ֔ים וַתִּשָּׂא־חֵ֥ן וָחֶ֛סֶד לְפָנָ֖יו מִכָּל־הַבְּתוּלֹ֑ת וַיָּ֤שֶׂם כֶּֽתֶר־מַלְכוּת֙ בְּרֹאשָׁ֔הּ וַיַּמְלִיכֶ֖הָ תַּ֥חַת וַשְׁתִּֽי׃ wayeʾehav hamelekhe ʾet־ʾeseter mikal־hanashiym watisaʾ־ḥen waḥesed lefanayw mikal־habetulot wayasem keter־malekhut beroʾshah wayameliykheah taḥat washetiy׃
18 וַיַּ֨עַשׂ הַמֶּ֜לֶךְ מִשְׁתֶּ֣ה גָדֹ֗ול לְכָל־שָׂרָיו֙ וַעֲבָדָ֔יו אֵ֖ת מִשְׁתֵּ֣ה אֶסְתֵּ֑ר וַהֲנָחָ֤ה לַמְּדִינֹות֙ עָשָׂ֔ה וַיִּתֵּ֥ן מַשְׂאֵ֖ת כְּיַ֥ד הַמֶּֽלֶךְ׃ wayaʿas hamelekhe misheteh gadowl lekhal־sarayw waʿavadayw ʾet misheteh ʾeseter wahanaḥah lamediynowt ʿasah wayiten maseʾet keyad hamelekhe׃
19 וּבְהִקָּבֵ֥ץ בְּתוּלֹ֖ות שֵׁנִ֑ית וּמָרְדֳּכַ֖י יֹשֵׁ֥ב בְּשַֽׁעַר־הַמֶּֽלֶךְ׃ uvehiqavets betulowt sheniyt umaredokhay yoshev beshaʿar־hamelekhe׃
20 אֵ֣ין אֶסְתֵּ֗ר מַגֶּ֤דֶת מֹֽולַדְתָּהּ֙ וְאֶת־עַמָּ֔הּ כַּאֲשֶׁ֛ר צִוָּ֥ה עָלֶ֖יהָ מָרְדֳּכָ֑י וְאֶת־מַאֲמַ֤ר מָרְדֳּכַי֙ אֶסְתֵּ֣ר עֹשָׂ֔ה כַּאֲשֶׁ֛ר הָיְתָ֥ה בְאָמְנָ֖ה אִתֹּֽו׃ ס ʾeyn ʾeseter magedet mowladetah weʾet־ʿamah kaʾasher tsiuah ʿaleyha maredokhay weʾet־maʾamar maredokhay ʾeseter ʿosah kaʾasher hayetah veʾamenah ʾitow׃ s
21 בַּיָּמִ֣ים הָהֵ֔ם וּמָרְדֳּכַ֖י יֹשֵׁ֣ב בְּשַֽׁעַר־הַמֶּ֑לֶךְ קָצַף֩ בִּגְתָ֨ן וָתֶ֜רֶשׁ שְׁנֵֽי־סָרִיסֵ֤י הַמֶּ֙לֶךְ֙ מִשֹּׁמְרֵ֣י הַסַּ֔ף וַיְבַקְשׁוּ֙ לִשְׁלֹ֣חַ יָ֔ד בַּמֶּ֖לֶךְ אֲחַשְׁוֵֽרֹשׁ׃ bayamiym hahem umaredokhay yoshev beshaʿar־hamelekhe qatsaf bigetan wateresh sheney־sariysey hamelekhe mishomerey hasaf wayevaqeshu lisheloaḥ yad bamelekhe ʾaḥashewerosh׃
22 וַיִּוָּדַ֤ע הַדָּבָר֙ לְמָרְדֳּכַ֔י וַיַּגֵּ֖ד לְאֶסְתֵּ֣ר הַמַּלְכָּ֑ה וַתֹּ֧אמֶר אֶסְתֵּ֛ר לַמֶּ֖לֶךְ בְּשֵׁ֥ם מָרְדֳּכָֽי׃ wayiuadaʿ hadavar lemaredokhay wayaged leʾeseter hamalekah watoʾmer ʾeseter lamelekhe beshem maredokhay׃
23 וַיְבֻקַּ֤שׁ הַדָּבָר֙ וַיִּמָּצֵ֔א וַיִּתָּל֥וּ שְׁנֵיהֶ֖ם עַל־עֵ֑ץ וַיִּכָּתֵ֗ב בְּסֵ֛פֶר דִּבְרֵ֥י הַיָּמִ֖ים לִפְנֵ֥י הַמֶּֽלֶךְ׃ פ wayevuqash hadavar wayimatseʾ wayitalu sheneyhem ʿal־ʿets wayikatev besefer diverey hayamiym lifeney hamelekhe׃ f