2 Samuel 21

¹ וַיְהִ֣י רָעָב֩ בִּימֵ֨י דָוִ֜ד שָׁלֹ֣שׁ שָׁנִ֗ים שָׁנָה֙ אַחֲרֵ֣י שָׁנָ֔ה וַיְבַקֵּ֥שׁ דָּוִ֖ד אֶת־פְּנֵ֣י יְהוָ֑ה ס וַיֹּ֣אמֶר יְהוָ֗ה אֶל־שָׁאוּל֙ וְאֶל־בֵּ֣ית הַדָּמִ֔ים עַל־אֲשֶׁר־הֵמִ֖ית אֶת־הַגִּבְעֹנִֽים׃ wayehiy raʿav biymey dawid shalosh shaniym shanah ʾaḥarey shanah wayevaqesh dawid ʾet־peney yehwah s wayoʾmer yehwah ʾel־shaʾul weʾel־beyt hadamiym ʿal־ʾasher־hemiyt ʾet־hagiveʿoniym׃

² וַיִּקְרָ֥א הַמֶּ֛לֶךְ לַגִּבְעֹנִ֖ים וַיֹּ֣אמֶר אֲלֵיהֶ֑ם וְהַגִּבְעֹנִ֞ים לֹ֣א מִבְּנֵ֧י יִשְׂרָאֵ֣ל הֵ֗מָּה כִּ֚י אִם־מִיֶּ֣תֶר הָאֱמֹרִ֔י וּבְנֵ֤י יִשְׂרָאֵל֙ נִשְׁבְּע֣וּ לָהֶ֔ם וַיְבַקֵּ֤שׁ שָׁאוּל֙ לְהַכֹּתָ֔ם בְּקַנֹּאתֹ֥ו לִבְנֵֽי־יִשְׂרָאֵ֖ל וִיהוּדָֽה׃ wayiqeraʾ hamelekhe lagiveʿoniym wayoʾmer ʾaleyhem wehagiveʿoniym loʾ mibeney yiseraʾel hemah kiy ʾim־miyeter haʾemoriy uveney yiseraʾel nishebeʿu lahem wayevaqesh shaʾul lehakotam beqanoʾtow liveney־yiseraʾel wiyhudah׃

³ וַיֹּ֤אמֶר דָּוִד֙ אֶל־הַגִּבְעֹנִ֔ים מָ֥ה אֶעֱשֶׂ֖ה לָכֶ֑ם וּבַמָּ֣ה אֲכַפֵּ֔ר וּבָרְכ֖וּ אֶת־נַחֲלַ֥ת יְהוָֽה׃ wayoʾmer dawid ʾel־hagiveʿoniym mah ʾeʿeseh lakhem uvamah ʾakhaper uvarekhu ʾet־naḥalat yehwah׃

⁴ וַיֹּ֧אמְרוּ לֹ֣ו הַגִּבְעֹנִ֗ים אֵֽין־ [לִי כ] (לָ֜נוּ ק) כֶּ֤סֶף וְזָהָב֙ עִם־שָׁא֣וּל וְעִם־בֵּיתֹ֔ו וְאֵֽין־לָ֥נוּ אִ֖ישׁ לְהָמִ֣ית בְּיִשְׂרָאֵ֑ל וַיֹּ֛אמֶר מָֽה־אַתֶּ֥ם אֹמְרִ֖ים אֶעֱשֶׂ֥ה לָכֶֽם׃ wayoʾmeru low hagiveʿoniym ʾeyn־ [liy kh] (lanu q) kesef wezahav ʿim־shaʾul weʿim־beytow weʾeyn־lanu ʾiysh lehamiyt beyiseraʾel wayoʾmer mah־ʾatem ʾomeriym ʾeʿeseh lakhem׃

⁵ וַיֹּֽאמְרוּ֙ אֶל־הַמֶּ֔לֶךְ הָאִישׁ֙ אֲשֶׁ֣ר כִּלָּ֔נוּ וַאֲשֶׁ֖ר דִּמָּה־לָ֑נוּ נִשְׁמַ֕דְנוּ מֵֽהִתְיַצֵּ֖ב בְּכָל־גְּבֻ֥ל יִשְׂרָאֵֽל׃ wayoʾmeru ʾel־hamelekhe haʾiysh ʾasher kilanu waʾasher dimah־lanu nishemadenu mehiteyatsev bekhal־gevul yiseraʾel׃

⁶ [יְנָתָן־ כ] (יֻתַּן־לָ֜נוּ ק) שִׁבְעָ֤ה אֲנָשִׁים֙ מִבָּנָ֔יו וְהֹוקַֽעֲנוּם֙ לַֽיהוָ֔ה בְּגִבְעַ֥ת שָׁא֖וּל בְּחִ֣יר יְהוָ֑ה ס וַיֹּ֥אמֶר הַמֶּ֖לֶךְ אֲנִ֥י אֶתֵּֽן׃ [yenatan־ kh] (yutan־lanu q) shiveʿah ʾanashiym mibanayw wehowqaʿanum layhwah begiveʿat shaʾul beḥiyr yehwah s wayoʾmer hamelekhe ʾaniy ʾeten׃

⁷ וַיַּחְמֹ֣ל הַמֶּ֔לֶךְ עַל־מְפִי־בֹ֖שֶׁת בֶּן־יְהֹונָתָ֣ן בֶּן־שָׁא֑וּל עַל־שְׁבֻעַ֤ת יְהוָה֙ אֲשֶׁ֣ר בֵּֽינֹתָ֔ם בֵּ֣ין דָּוִ֔ד וּבֵ֖ין יְהֹונָתָ֥ן בֶּן־שָׁאֽוּל׃ wayaḥemol hamelekhe ʿal־mefiy־voshet ben־yehownatan ben־shaʾul ʿal־shevuʿat yehwah ʾasher beynotam beyn dawid uveyn yehownatan ben־shaʾul׃

⁸ וַיִּקַּ֣ח הַמֶּ֡לֶךְ אֶתשְׁ֠־נֵי בְּנֵ֨י רִצְפָּ֤ה בַת־אַיָּה֙ אֲשֶׁ֣ר יָלְדָ֣ה לְשָׁא֔וּל אֶת־אַרְמֹנִ֖י וְאֶת־מְפִבֹ֑שֶׁת וְאֶת־חֲמֵ֗שֶׁת בְּנֵי֙ מִיכַ֣ל בַּת־שָׁא֔וּל אֲשֶׁ֥ר יָלְדָ֛ה לְעַדְרִיאֵ֥ל בֶּן־בַּרְזִלַּ֖י הַמְּחֹלָתִֽי׃ wayiqaḥ hamelekhe ʾetshe־ney beney ritsepah vat־ʾayah ʾasher yaledah leshaʾul ʾet־ʾaremoniy weʾet־mefivoshet weʾet־ḥameshet beney miykhal bat־shaʾul ʾasher yaledah leʿaderiyʾel ben־barezilay hameḥolatiy׃

⁹ וַֽיִּתְּנֵ֞ם בְּיַ֣ד הַגִּבְעֹנִ֗ים וַיֹּקִיעֻ֤ם בָּהָר֙ לִפְנֵ֣י יְהוָ֔ה וַיִּפְּל֥וּ [שִׁבַעְתָּיִם כ] (שְׁבַעְתָּ֖ם ק) יָ֑חַד [וְהֵם כ] (וְהֵ֨מָּה ק) הֻמְת֜וּ בִּימֵ֤י קָצִיר֙ בָּרִ֣אשֹׁנִ֔ים [תְחִלַּת כ] (בִּתְחִלַּ֖ת ק) קְצִ֥יר שְׂעֹרִֽים׃ wayitenem beyad hagiveʿoniym wayoqiyʿum bahar lifeney yehwah wayipelu [shivaʿetayim kh] (shevaʿetam q) yaḥad [wehem kh] (wehemah q) humetu biymey qatsiyr bariʾshoniym [teḥilat kh] (biteḥilat q) qetsiyr seʿoriym׃

¹⁰ וַתִּקַּ֣ח רִצְפָּה֩ בַת־אַיָּ֨ה אֶת־הַשַּׂ֜ק וַתַּטֵּ֨הוּ לָ֤הּ אֶל־הַצּוּר֙ מִתְּחִלַּ֣ת קָצִ֔יר עַ֛ד נִתַּךְ־מַ֥יִם עֲלֵיהֶ֖ם מִן־הַשָּׁמָ֑יִם וְלֹֽא־נָתְנָה֩ עֹ֨וף הַשָּׁמַ֜יִם לָנ֤וּחַ עֲלֵיהֶם֙ יֹומָ֔ם וְאֶת־חַיַּ֥ת הַשָּׂדֶ֖ה לָֽיְלָה׃ watiqaḥ ritsepah vat־ʾayah ʾet־hasaq wataṭehu lah ʾel־hatsur miteḥilat qatsiyr ʿad nitakhe־mayim ʿaleyhem min־hashamayim weloʾ־natenah ʿowf hashamayim lanuaḥ ʿaleyhem yowmam weʾet־ḥayat hasadeh layelah׃

¹¹ וַיֻּגַּ֖ד לְדָוִ֑ד אֵ֧ת אֲשֶׁר־עָשְׂתָ֛ה רִצְפָּ֥ה בַת־אַיָּ֖ה פִּלֶ֥גֶשׁ שָׁאֽוּל׃ wayugad ledawid ʾet ʾasher־ʿasetah ritsepah vat־ʾayah pilegesh shaʾul׃

¹² וַיֵּ֣לֶךְ דָּוִ֗ד וַיִּקַּ֞ח אֶת־עַצְמֹ֤ות שָׁאוּל֙ וְאֶת־עַצְמֹות֙ יְהֹונָתָ֣ן בְּנֹ֔ו מֵאֵ֕ת בַּעֲלֵ֖י יָבֵ֣ישׁ גִּלְעָ֑ד אֲשֶׁר֩ גָּנְב֨וּ אֹתָ֜ם מֵרְחֹ֣ב בֵּֽית־שַׁ֗ן אֲשֶׁ֨ר [תְּלוּם כ] (תְּלָא֥וּם ק) [שָׁם כ] [הַפְּלִשְׁתִּים כ] (שָׁ֙מָּה֙ ק) (פְּלִשְׁתִּ֔ים ק) בְּיֹ֨ום הַכֹּ֧ות פְּלִשְׁתִּ֛ים אֶת־שָׁא֖וּל בַּגִּלְבֹּֽעַ׃ wayelekhe dawid wayiqaḥ ʾet־ʿatsemowt shaʾul weʾet־ʿatsemowt yehownatan benow meʾet baʿaley yaveysh gileʿad ʾasher ganevu ʾotam mereḥov beyt־shan ʾasher [telum kh] (telaʾum q) [sham kh] [hapelishetiym kh] (shamah q) (pelishetiym q) beyowm hakowt pelishetiym ʾet־shaʾul bagileboaʿ׃

¹³ וַיַּ֤עַל מִשָּׁם֙ אֶת־עַצְמֹ֣ות שָׁא֔וּל וְאֶת־עַצְמֹ֖ות יְהֹונָתָ֣ן בְּנֹ֑ו וַיַּ֣אַסְפ֔וּ אֶת־עַצְמֹ֖ות הַמּוּקָעִֽים׃ wayaʿal misham ʾet־ʿatsemowt shaʾul weʾet־ʿatsemowt yehownatan benow wayaʾasefu ʾet־ʿatsemowt hamuqaʿiym׃

¹⁴ וַיִּקְבְּר֣וּ אֶת־עַצְמֹות־שָׁא֣וּל וִיהֹונָֽתָן־בְּ֠נֹו בְּאֶ֨רֶץ בִּנְיָמִ֜ן בְּצֵלָ֗ע בְּקֶ֙בֶר֙ קִ֣ישׁ אָבִ֔יו וַֽיַּעֲשׂ֔וּ כֹּ֥ל אֲשֶׁר־צִוָּ֖ה הַמֶּ֑לֶךְ וַיֵּעָתֵ֧ר אֱלֹהִ֛ים לָאָ֖רֶץ אַֽחֲרֵי־כֵֽן׃ פ wayiqeberu ʾet־ʿatsemowt־shaʾul wiyhownatan־benow beʾerets bineyamin betselaʿ beqever qiysh ʾaviyw wayaʿasu kol ʾasher־tsiuah hamelekhe wayeʿater ʾelohiym laʾarets ʾaḥarey־khen׃ f

¹⁵ וַתְּהִי־עֹ֧וד מִלְחָמָ֛ה לַפְּלִשְׁתִּ֖ים אֶת־יִשְׂרָאֵ֑ל וַיֵּ֨רֶד דָּוִ֜ד וַעֲבָדָ֥יו עִמֹּ֛ו וַיִּלָּחֲמ֥וּ אֶת־פְּלִשְׁתִּ֖ים וַיָּ֥עַף דָּוִֽד׃ watehiy־ʿowd mileḥamah lapelishetiym ʾet־yiseraʾel wayered dawid waʿavadayw ʿimow wayilaḥamu ʾet־pelishetiym wayaʿaf dawid׃

¹⁶ [וְיִשְׁבֹּו כ] (וְיִשְׁבִּ֨י ק) בְּנֹ֜ב אֲשֶׁ֣ר ׀ בִּילִידֵ֣י הָרָפָ֗ה וּמִשְׁקַ֤ל קֵינֹו֙ שְׁלֹ֤שׁ מֵאֹות֙ מִשְׁקַ֣ל נְחֹ֔שֶׁת וְה֖וּא חָג֣וּר חֲדָשָׁ֑ה וַיֹּ֖אמֶר לְהַכֹּ֥ות אֶת־דָּוִֽד׃ [weyishebow kh] (weyishebiy q) benov ʾasher ׀ biyliydey harafah umisheqal qeynow shelosh meʾowt misheqal neḥoshet wehuʾ ḥagur ḥadashah wayoʾmer lehakowt ʾet־dawid׃

¹⁷ וַיַּֽעֲזָר־לֹו֙ אֲבִישַׁ֣י בֶּן־צְרוּיָ֔ה וַיַּ֥ךְ אֶת־הַפְּלִשְׁתִּ֖י וַיְמִיתֵ֑הוּ אָ֣ז נִשְׁבְּעוּ֩ אַנְשֵׁי־דָוִ֨ד לֹ֜ו לֵאמֹ֗ר לֹא־תֵצֵ֨א עֹ֤וד אִתָּ֙נוּ֙ לַמִּלְחָמָ֔ה וְלֹ֥א תְכַבֶּ֖ה אֶת־נֵ֥ר יִשְׂרָאֵֽל׃ פ wayaʿazar־low ʾaviyshay ben־tseruyah wayakhe ʾet־hapelishetiy wayemiytehu ʾaz nishebeʿu ʾaneshey־dawid low leʾmor loʾ־tetseʾ ʿowd ʾitanu lamileḥamah weloʾ tekhabeh ʾet־ner yiseraʾel׃ f

¹⁸ וַֽיְהִי֙ אַֽחֲרֵי־כֵ֔ן וַתְּהִי־עֹ֧וד הַמִּלְחָמָ֛ה בְּגֹ֖וב עִם־פְּלִשְׁתִּ֑ים אָ֣ז הִכָּ֗ה סִבְּכַי֙ הַחֻ֣שָׁתִ֔י אֶת־סַ֕ף אֲשֶׁ֖ר בִּילִדֵ֥י הָרָפָֽה׃ פ wayehiy ʾaḥarey־khen watehiy־ʿowd hamileḥamah begowv ʿim־pelishetiym ʾaz hikah sibekhay haḥushatiy ʾet־saf ʾasher biylidey harafah׃ f

¹⁹ וַתְּהִי־עֹ֧וד הַמִּלְחָמָ֛ה בְּגֹ֖וב עִם־פְּלִשְׁתִּ֑ים וַיַּ֡ךְ אֶלְחָנָן֩ בֶּן־יַעְרֵי֙ אֹרְגִ֜ים בֵּ֣ית הַלַּחְמִ֗י אֵ֚ת גָּלְיָ֣ת הַגִּתִּ֔י וְעֵ֣ץ חֲנִיתֹ֔ו כִּמְנֹ֖ור אֹרְגִֽים׃ ס watehiy־ʿowd hamileḥamah begowv ʿim־pelishetiym wayakhe ʾeleḥanan ben־yaʿerey ʾoregiym beyt halaḥemiy ʾet galeyat hagitiy weʿets ḥaniytow kimenowr ʾoregiym׃ s

²⁰ וַתְּהִי־עֹ֥וד מִלְחָמָ֖ה בְּגַ֑ת וַיְהִ֣י ׀ אִ֣ישׁ [מָדִין כ] (מָדֹ֗ון ק) וְאֶצְבְּעֹ֣ת יָדָיו֩ וְאֶצְבְּעֹ֨ת רַגְלָ֜יו שֵׁ֣שׁ וָשֵׁ֗שׁ עֶשְׂרִ֤ים וְאַרְבַּע֙ מִסְפָּ֔ר וְגַם־ה֖וּא יֻלַּ֥ד לְהָרָפָֽה׃ watehiy־ʿowd mileḥamah begat wayehiy ׀ ʾiysh [madiyn kh] (madown q) weʾetsebeʿot yadayw weʾetsebeʿot ragelayw shesh washesh ʿeseriym weʾarebaʿ misepar wegam־huʾ yulad leharafah׃

²¹ וַיְחָרֵ֖ף אֶת־יִשְׂרָאֵ֑ל וַיַּכֵּ֙הוּ֙ יְהֹ֣ונָתָ֔ן בֶּן־ [שִׁמְעִי כ] (שִׁמְעָ֖ה ק) אֲחִ֥י דָוִֽד׃ wayeḥaref ʾet־yiseraʾel wayakehu yehownatan ben־ [shimeʿiy kh] (shimeʿah q) ʾaḥiy dawid׃

²² אֶת־אַרְבַּ֥עַת אֵ֛לֶּה יֻלְּד֥וּ לְהָרָפָ֖ה בְּגַ֑ת וַיִּפְּל֥וּ בְיַד־דָּוִ֖ד וּבְיַ֥ד עֲבָדָֽיו׃ פ ʾet־ʾarebaʿat ʾeleh yuledu leharafah begat wayipelu veyad־dawid uveyad ʿavadayw׃ f