Exode 1

¹ וְאֵ֗לֶּה שְׁמֹות֙ בְּנֵ֣י יִשְׂרָאֵ֔ל הַבָּאִ֖ים מִצְרָ֑יְמָה אֵ֣ת יַעֲקֹ֔ב אִ֥ישׁ וּבֵיתֹ֖ו בָּֽאוּ׃ weʾeleh shemowt beney yiseraʾel habaʾiym mitserayemah ʾet yaʿaqov ʾiysh uveytow baʾu׃

² רְאוּבֵ֣ן שִׁמְעֹ֔ון לֵוִ֖י וִיהוּדָֽה׃ reʾuven shimeʿown lewiy wiyhudah׃

³ יִשָּׂשכָ֥ר זְבוּלֻ֖ן וּבְנְיָמִֽן ׃ yisashkhar zevulun uveneyamin ׃

⁴ דָּ֥ן וְנַפְתָּלִ֖י גָּ֥ד וְאָשֵֽׁר׃ dan wenafetaliy gad weʾasher׃

⁵ וַֽיְהִ֗י כָּל־נֶ֛פֶשׁ יֹצְאֵ֥י יֶֽרֶךְ־יַעֲקֹ֖ב שִׁבְעִ֣ים נָ֑פֶשׁ וְיֹוסֵ֖ף הָיָ֥ה בְמִצְרָֽיִם׃ wayehiy kal־nefesh yotseʾey yerekhe־yaʿaqov shiveʿiym nafesh weyowsef hayah vemitserayim׃

⁶ וַיָּ֤מָת יֹוסֵף֙ וְכָל־אֶחָ֔יו וְכֹ֖ל הַדֹּ֥ור הַהֽוּא׃ wayamat yowsef wekhal־ʾeḥayw wekhol hadowr hahuʾ׃

⁷ וּבְנֵ֣י יִשְׂרָאֵ֗ל פָּר֧וּ וַֽיִּשְׁרְצ֛וּ וַיִּרְבּ֥וּ וַיַּֽעַצְמ֖וּ בִּמְאֹ֣ד מְאֹ֑ד וַתִּמָּלֵ֥א הָאָ֖רֶץ אֹתָֽם׃ פ uveney yiseraʾel paru wayisheretsu wayirebu wayaʿatsemu bimeʾod meʾod watimaleʾ haʾarets ʾotam׃ f

⁸ וַיָּ֥קָם מֶֽלֶךְ־חָדָ֖שׁ עַל־מִצְרָ֑יִם אֲשֶׁ֥ר לֹֽא־יָדַ֖ע אֶת־יֹוסֵֽף׃ wayaqam melekhe־ḥadash ʿal־mitserayim ʾasher loʾ־yadaʿ ʾet־yowsef׃

⁹ וַיֹּ֖אמֶר אֶל־עַמֹּ֑ו הִנֵּ֗ה עַ֚ם בְּנֵ֣י יִשְׂרָאֵ֔ל רַ֥ב וְעָצ֖וּם מִמֶּֽנּוּ׃ wayoʾmer ʾel־ʿamow hineh ʿam beney yiseraʾel rav weʿatsum mimenu׃

¹⁰ הָ֥בָה נִֽתְחַכְּמָ֖ה לֹ֑ו פֶּן־יִרְבֶּ֗ה וְהָיָ֞ה כִּֽי־תִקְרֶ֤אנָה מִלְחָמָה֙ וְנֹוסַ֤ף גַּם־הוּא֙ עַל־שֹׂ֣נְאֵ֔ינוּ וְנִלְחַם־בָּ֖נוּ וְעָלָ֥ה מִן־הָאָֽרֶץ׃ havah niteḥakemah low pen־yirebeh wehayah kiy־tiqereʾnah mileḥamah wenowsaf gam־huʾ ʿal־soneʾeynu wenileḥam־banu weʿalah min־haʾarets׃

¹¹ וַיָּשִׂ֤ימוּ עָלָיו֙ שָׂרֵ֣י מִסִּ֔ים לְמַ֥עַן עַנֹּתֹ֖ו בְּסִבְלֹתָ֑ם וַיִּ֜בֶן עָרֵ֤י מִסְכְּנֹות֙ לְפַרְעֹ֔ה אֶת־פִּתֹ֖ם וְאֶת־רַעַמְסֵֽס׃ wayasiymu ʿalayw sarey misiym lemaʿan ʿanotow besivelotam wayiven ʿarey misekenowt lefareʿoh ʾet־pitom weʾet־raʿameses׃

¹² וְכַאֲשֶׁר֙ יְעַנּ֣וּ אֹתֹ֔ו כֵּ֥ן יִרְבֶּ֖ה וְכֵ֣ן יִפְרֹ֑ץ וַיָּקֻ֕צוּ מִפְּנֵ֖י בְּנֵ֥י יִשְׂרָאֵֽל׃ wekhaʾasher yeʿanu ʾotow ken yirebeh wekhen yiferots wayaqutsu mipeney beney yiseraʾel׃

¹³ וַיַּעֲבִ֧דוּ מִצְרַ֛יִם אֶת־בְּנֵ֥י יִשְׂרָאֵ֖ל בְּפָֽרֶךְ׃ wayaʿavidu mitserayim ʾet־beney yiseraʾel befarekhe׃

¹⁴ וַיְמָרְר֨וּ אֶת־חַיֵּיהֶ֜ם בַּעֲבֹדָ֣ה קָשָׁ֗ה בְּחֹ֙מֶר֙ וּבִלְבֵנִ֔ים וּבְכָל־עֲבֹדָ֖ה בַּשָּׂדֶ֑ה אֵ֚ת כָּל־עֲבֹ֣דָתָ֔ם אֲשֶׁר־עָבְד֥וּ בָהֶ֖ם בְּפָֽרֶךְ׃ wayemareru ʾet־ḥayeyhem baʿavodah qashah beḥomer uvileveniym uvekhal־ʿavodah basadeh ʾet kal־ʿavodatam ʾasher־ʿavedu vahem befarekhe׃

¹⁵ וַיֹּ֙אמֶר֙ מֶ֣לֶךְ מִצְרַ֔יִם לַֽמְיַלְּדֹ֖ת הָֽעִבְרִיֹּ֑ת אֲשֶׁ֨ר שֵׁ֤ם הָֽאַחַת֙ שִׁפְרָ֔ה וְשֵׁ֥ם הַשֵּׁנִ֖ית פּוּעָֽה׃ wayoʾmer melekhe mitserayim lameyaledot haʿiveriyot ʾasher shem haʾaḥat shiferah weshem hasheniyt puʿah׃

¹⁶ וַיֹּ֗אמֶר בְּיַלֶּדְכֶן֙ אֶת־הָֽעִבְרִיֹּ֔ות וּרְאִיתֶ֖ן עַל־הָאָבְנָ֑יִם אִם־בֵּ֥ן הוּא֙ וַהֲמִתֶּ֣ן אֹתֹ֔ו וְאִם־בַּ֥ת הִ֖יא וָחָֽיָה׃ wayoʾmer beyaledekhen ʾet־haʿiveriyowt ureʾiyten ʿal־haʾavenayim ʾim־ben huʾ wahamiten ʾotow weʾim־bat hiyʾ waḥayah׃

¹⁷ וַתִּירֶ֤אןָ הַֽמְיַלְּדֹת֙ אֶת־הָ֣אֱלֹהִ֔ים וְלֹ֣א עָשׂ֔וּ כַּאֲשֶׁ֛ר דִּבֶּ֥ר אֲלֵיהֶ֖ן מֶ֣לֶךְ מִצְרָ֑יִם וַתְּחַיֶּ֖יןָ אֶת־הַיְלָדִֽים׃ watiyreʾna hameyaledot ʾet־haʾelohiym weloʾ ʿasu kaʾasher diber ʾaleyhen melekhe mitserayim wateḥayeyna ʾet־hayeladiym׃

¹⁸ וַיִּקְרָ֤א מֶֽלֶךְ־מִצְרַ֙יִם֙ לַֽמְיַלְּדֹ֔ת וַיֹּ֣אמֶר לָהֶ֔ן מַדּ֥וּעַ עֲשִׂיתֶ֖ן הַדָּבָ֣ר הַזֶּ֑ה וַתְּחַיֶּ֖יןָ אֶת־הַיְלָדִֽים׃ wayiqeraʾ melekhe־mitserayim lameyaledot wayoʾmer lahen maduaʿ ʿasiyten hadavar hazeh wateḥayeyna ʾet־hayeladiym׃

¹⁹ וַתֹּאמַ֤רְןָ הַֽמְיַלְּדֹת֙ אֶל־פַּרְעֹ֔ה כִּ֣י לֹ֧א כַנָּשִׁ֛ים הַמִּצְרִיֹּ֖ת הָֽעִבְרִיֹּ֑ת כִּֽי־חָיֹ֣ות הֵ֔נָּה בְּטֶ֨רֶם תָּבֹ֧וא אֲלֵהֶ֛ן הַמְיַלֶּ֖דֶת וְיָלָֽדוּ׃ watoʾmarena hameyaledot ʾel־pareʿoh kiy loʾ khanashiym hamitseriyot haʿiveriyot kiy־ḥayowt henah beṭerem tavowʾ ʾalehen hameyaledet weyaladu׃

²⁰ וַיֵּ֥יטֶב אֱלֹהִ֖ים לַֽמְיַלְּדֹ֑ת וַיִּ֧רֶב הָעָ֛ם וַיַּֽעַצְמ֖וּ מְאֹֽד׃ wayeyṭev ʾelohiym lameyaledot wayirev haʿam wayaʿatsemu meʾod׃

²¹ וַיְהִ֕י כִּֽי־יָֽרְא֥וּ הַֽמְיַלְּדֹ֖ת אֶת־הָאֱלֹהִ֑ים וַיַּ֥עַשׂ לָהֶ֖ם בָּתִּֽים׃ wayehiy kiy־yareʾu hameyaledot ʾet־haʾelohiym wayaʿas lahem batiym׃

²² וַיְצַ֣ו פַּרְעֹ֔ה לְכָל־עַמֹּ֖ו לֵאמֹ֑ר כָּל־הַבֵּ֣ן הַיִּלֹּ֗וד הַיְאֹ֙רָה֙ תַּשְׁלִיכֻ֔הוּ וְכָל־הַבַּ֖ת תְּחַיּֽוּן׃ ס wayetsaw pareʿoh lekhal־ʿamow leʾmor kal־haben hayilowd hayeʾorah tasheliykhuhu wekhal־habat teḥayun׃ s