1 וַיְהִי֙ כְּכַלֹּ֣ות שְׁלֹמֹ֔ה לִבְנֹ֥ות אֶת־בֵּית־יְהוָ֖ה וְאֶת־בֵּ֣ית הַמֶּ֑לֶךְ וְאֵת֙ כָּל־חֵ֣שֶׁק שְׁלֹמֹ֔ה אֲשֶׁ֥ר חָפֵ֖ץ לַעֲשֹֽׂות׃ פ wayehiy kekhalowt shelomoh livenowt ʾet־beyt־yehwah weʾet־beyt hamelekhe weʾet kal־ḥesheq shelomoh ʾasher ḥafets laʿasowt׃ f
2 וַיֵּרָ֧א יְהוָ֛ה אֶל־שְׁלֹמֹ֖ה שֵׁנִ֑ית כַּאֲשֶׁ֛ר נִרְאָ֥ה אֵלָ֖יו בְּגִבְעֹֽון׃ wayeraʾ yehwah ʾel־shelomoh sheniyt kaʾasher nireʾah ʾelayw begiveʿown׃
3 וַיֹּ֨אמֶר יְהוָ֜ה אֵלָ֗יו מַעְתִּי אֶת־תְּפִלָּתְךָ֣ וְאֶת־תְּחִנָּתְךָ֮ אֲשֶׁ֣ר הִתְחַנַּ֣נְתָּה לְפָנַי֒ הִקְדַּ֗שְׁתִּי אֶת־הַבַּ֤יִת הַזֶּה֙ אֲשֶׁ֣ר בָּנִ֔תָה לָשֽׂוּם־שְׁמִ֥י שָׁ֖ם עַד־עֹולָ֑ם וְהָי֨וּ עֵינַ֧י וְלִבִּ֛י שָׁ֖ם כָּל־הַיָּמִֽים׃ wayoʾmer yehwah ʾelayw maʿetiy ʾet־tefilatekha weʾet־teḥinatekha ʾasher hiteḥananetah lefanay hiqedashetiy ʾet־habayit hazeh ʾasher banitah lasum־shemiy sham ʿad־ʿowlam wehayu ʿeynay welibiy sham kal־hayamiym׃
4 וְאַתָּ֞ה אִם־תֵּלֵ֣ךְ לְפָנַ֗י כַּאֲשֶׁ֨ר הָלַ֜ךְ דָּוִ֤ד אָבִ֙יךָ֙ בְּתָם־לֵבָ֣ב וּבְיֹ֔שֶׁר לַעֲשֹׂ֕ות כְּכֹ֖ל אֲשֶׁ֣ר צִוִּיתִ֑יךָ חֻקַּ֥י וּמִשְׁפָּטַ֖י תִּשְׁמֹֽר׃ weʾatah ʾim־telekhe lefanay kaʾasher halakhe dawid ʾaviykha betam־levav uveyosher laʿasowt kekhol ʾasher tsiuiytiykha ḥuqay umishepaṭay tishemor׃
5 וַהֲקִ֨מֹתִ֜י אֶת־כִּסֵּ֧א מַֽמְלַכְתְּךָ֛ עַל־יִשְׂרָאֵ֖ל לְעֹלָ֑ם כַּאֲשֶׁ֣ר דִּבַּ֗רְתִּי עַל־דָּוִ֤ד אָבִ֙יךָ֙ לֵאמֹ֔ר לֹֽא־יִכָּרֵ֤ת לְךָ֙ אִ֔ישׁ מֵעַ֖ל כִּסֵּ֥א יִשְׂרָאֵֽל׃ wahaqimotiy ʾet־kiseʾ mamelakhetekha ʿal־yiseraʾel leʿolam kaʾasher dibaretiy ʿal־dawid ʾaviykha leʾmor loʾ־yikaret lekha ʾiysh meʿal kiseʾ yiseraʾel׃
6 אִם־שֹׁ֨וב תְּשֻׁב֜וּן אַתֶּ֤ם וּבְנֵיכֶם֙ מֵֽאַחֲרַ֔י וְלֹ֤א תִשְׁמְרוּ֙ מִצְוֹתַ֣י חֻקֹּתַ֔י אֲשֶׁ֥ר נָתַ֖תִּי לִפְנֵיכֶ֑ם וַהֲלַכְתֶּ֗ם וַעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּחֲוִיתֶ֖ם לָהֶֽם׃ ʾim־showv teshuvun ʾatem uveneykhem meʾaḥaray weloʾ tishemeru mitseotay ḥuqotay ʾasher natatiy lifeneykhem wahalakhetem waʿavadetem ʾelohiym ʾaḥeriym wehishetaḥawiytem lahem׃
7 וְהִכְרַתִּ֣י אֶת־יִשְׂרָאֵ֗ל מֵעַ֨ל פְּנֵ֤י הָאֲדָמָה֙ אֲשֶׁ֣ר נָתַ֣תִּי לָהֶ֔ם וְאֶת־הַבַּ֙יִת֙ אֲשֶׁ֣ר הִקְדַּ֣שְׁתִּי לִשְׁמִ֔י אֲשַׁלַּ֖ח מֵעַ֣ל פָּנָ֑י וְהָיָ֧ה יִשְׂרָאֵ֛ל לְמָשָׁ֥ל וְלִשְׁנִינָ֖ה בְּכָל־הָעַמִּֽים׃ wehikheratiy ʾet־yiseraʾel meʿal peney haʾadamah ʾasher natatiy lahem weʾet־habayit ʾasher hiqedashetiy lishemiy ʾashalaḥ meʿal panay wehayah yiseraʾel lemashal welisheniynah bekhal־haʿamiym׃
8 וְהַבַּ֤יִת הַזֶּה֙ יִהְיֶ֣ה עֶלְיֹ֔ון כָּל־עֹבֵ֥ר עָלָ֖יו יִשֹּׁ֣ם וְשָׁרָ֑ק וְאָמְר֗וּ עַל־מֶ֨ה עָשָׂ֤ה יְהוָה֙ כָּ֔כָה לָאָ֥רֶץ הַזֹּ֖את וְלַבַּ֥יִת הַזֶּֽה׃ wehabayit hazeh yiheyeh ʿeleyown kal־ʿover ʿalayw yishom wesharaq weʾameru ʿal־meh ʿasah yehwah kakhah laʾarets hazoʾt welabayit hazeh׃
9 וְאָמְר֗וּ עַל֩ אֲשֶׁ֨ר עָזְב֜וּ אֶת־יְהוָ֣ה אֱלֹהֵיהֶ֗ם אֲשֶׁ֨ר הֹוצִ֣יא אֶת־אֲבֹתָם֮ מֵאֶ֣רֶץ מִצְרַיִם֒ וַֽיַּחֲזִ֙קוּ֙ בֵּאלֹהִ֣ים אֲחֵרִ֔ים [וַיִּשְׁתַּחוּ כ] (וַיִּשְׁתַּחֲו֥וּ ק) לָהֶ֖ם וַיַּעַבְדֻ֑ם עַל־כֵּ֗ן הֵבִ֤יא יְהוָה֙ עֲלֵיהֶ֔ם אֵ֥ת כָּל־הָרָעָ֖ה הַזֹּֽאת׃ פ weʾameru ʿal ʾasher ʿazevu ʾet־yehwah ʾeloheyhem ʾasher howtsiyʾ ʾet־ʾavotam meʾerets mitserayim wayaḥaziqu beʾlohiym ʾaḥeriym [wayishetaḥu kh] (wayishetaḥawu q) lahem wayaʿavedum ʿal־ken heviyʾ yehwah ʿaleyhem ʾet kal־haraʿah hazoʾt׃ f
10 וַיְהִ֗י מִקְצֵה֙ עֶשְׂרִ֣ים שָׁנָ֔ה אֲשֶׁר־בָּנָ֥ה שְׁלֹמֹ֖ה אֶת־שְׁנֵ֣י הַבָּתִּ֑ים אֶת־בֵּ֥ית יְהוָ֖ה וְאֶת־בֵּ֥ית הַמֶּֽלֶךְ׃ wayehiy miqetseh ʿeseriym shanah ʾasher־banah shelomoh ʾet־sheney habatiym ʾet־beyt yehwah weʾet־beyt hamelekhe׃
11 חִירָ֣ם מֶֽלֶךְ־צֹ֠ר נִשָּׂ֨א אֶת־שְׁלֹמֹ֜ה בַּעֲצֵי֩ אֲרָזִ֨ים וּבַעֲצֵ֧י בְרֹושִׁ֛ים וּבַזָּהָ֖ב לְכָל־חֶפְצֹ֑ו אָ֡ז יִתֵּן֩ הַמֶּ֨לֶךְ שְׁלֹמֹ֤ה לְחִירָם֙ עֶשְׂרִ֣ים עִ֔יר בְּאֶ֖רֶץ הַגָּלִֽיל׃ ḥiyram melekhe־tsor nisaʾ ʾet־shelomoh baʿatsey ʾaraziym uvaʿatsey verowshiym uvazahav lekhal־ḥefetsow ʾaz yiten hamelekhe shelomoh leḥiyram ʿeseriym ʿiyr beʾerets hagaliyl׃
12 וַיֵּצֵ֤א חִירָם֙ מִצֹּ֔ר לִרְאֹות֙ אֶת־הֶ֣עָרִ֔ים אֲשֶׁ֥ר נָתַן־לֹ֖ו שְׁלֹמֹ֑ה וְלֹ֥א יָשְׁר֖וּ בְּעֵינָֽיו׃ wayetseʾ ḥiyram mitsor lireʾowt ʾet־heʿariym ʾasher natan־low shelomoh weloʾ yasheru beʿeynayw׃
13 וַיֹּ֕אמֶר מָ֚ה הֶעָרִ֣ים הָאֵ֔לֶּה אֲשֶׁר־נָתַ֥תָּה לִּ֖י אָחִ֑י וַיִּקְרָ֤א לָהֶם֙ אֶ֣רֶץ כָּב֔וּל עַ֖ד הַיֹּ֥ום הַזֶּֽה׃ פ wayoʾmer mah heʿariym haʾeleh ʾasher־natatah liy ʾaḥiy wayiqeraʾ lahem ʾerets kavul ʿad hayowm hazeh׃ f
14 וַיִּשְׁלַ֥ח חִירָ֖ם לַמֶּ֑לֶךְ מֵאָ֥ה וְעֶשְׂרִ֖ים כִּכַּ֥ר זָהָֽב׃ wayishelaḥ ḥiyram lamelekhe meʾah weʿeseriym kikar zahav׃
15 וְזֶ֨ה דְבַר־הַמַּ֜ס אֲשֶֽׁר־הֶעֱלָ֣ה ׀ הַמֶּ֣לֶךְ שְׁלֹמֹ֗ה לִבְנֹות֩ אֶת־בֵּ֨ית יְהוָ֤ה וְאֶת־בֵּיתֹו֙ וְאֶת־הַמִּלֹּ֔וא וְאֵ֖ת חֹומַ֣ת יְרוּשָׁלִָ֑ם וְאֶת־חָצֹ֥ר וְאֶת־מְגִדֹּ֖ו וְאֶת־גָּֽזֶר׃ wezeh devar־hamas ʾasher־heʿelah ׀ hamelekhe shelomoh livenowt ʾet־beyt yehwah weʾet־beytow weʾet־hamilowʾ weʾet ḥowmat yerushalim weʾet־ḥatsor weʾet־megidow weʾet־gazer׃
16 פַּרְעֹ֨ה מֶֽלֶךְ־מִצְרַ֜יִם עָלָ֗ה וַיִּלְכֹּ֤ד אֶת־גֶּ֙זֶר֙ וַיִּשְׂרְפָ֣הּ בָּאֵ֔שׁ וְאֶת־הַֽכְּנַעֲנִ֛י הַיֹּשֵׁ֥ב בָּעִ֖יר הָרָ֑ג וַֽיִּתְּנָהּ֙ שִׁלֻּחִ֔ים לְבִתֹּ֖ו אֵ֥שֶׁת שְׁלֹמֹֽה׃ pareʿoh melekhe־mitserayim ʿalah wayilekod ʾet־gezer wayiserefah baʾesh weʾet־hakenaʿaniy hayoshev baʿiyr harag wayitenah shiluḥiym levitow ʾeshet shelomoh׃
17 וַיִּ֤בֶן שְׁלֹמֹה֙ אֶת־גָּ֔זֶר וְאֶת־בֵּ֥ית חֹרֹ֖ן תַּחְתֹּֽון׃ wayiven shelomoh ʾet־gazer weʾet־beyt ḥoron taḥetown׃
18 וְאֶֽת־בַּעֲלָ֛ת וְאֶת־ [תָּמָר כ] (תַּדְמֹ֥ר ק) בַּמִּדְבָּ֖ר בָּאָֽרֶץ׃ weʾet־baʿalat weʾet־ [tamar kh] (tademor q) bamidebar baʾarets׃
19 וְאֵ֨ת כָּל־עָרֵ֤י הַֽמִּסְכְּנֹות֙ אֲשֶׁ֣ר הָי֣וּ לִשְׁלֹמֹ֔ה וְאֵת֙ עָרֵ֣י הָרֶ֔כֶב וְאֵ֖ת עָרֵ֣י הַפָּרָשִׁ֑ים וְאֵ֣ת ׀ חֵ֣שֶׁק שְׁלֹמֹ֗ה אֲשֶׁ֤ר חָשַׁק֙ לִבְנֹ֤ות בִּירוּשָׁלִַ֙ם֙ וּבַלְּבָנֹ֔ון וּבְכֹ֖ל אֶ֥רֶץ מֶמְשַׁלְתֹּֽו׃ weʾet kal־ʿarey hamisekenowt ʾasher hayu lishelomoh weʾet ʿarey harekhev weʾet ʿarey haparashiym weʾet ׀ ḥesheq shelomoh ʾasher ḥashaq livenowt biyrushalim uvalevanown uvekhol ʾerets memeshaletow׃
20 כָּל־הָ֠עָם הַנֹּותָ֨ר מִן־הָאֱמֹרִ֜י הַחִתִּ֤י הַפְּרִזִּי֙ הַחִוִּ֣י וְהַיְבוּסִ֔י אֲשֶׁ֛ר לֹֽא־מִבְּנֵ֥י יִשְׂרָאֵ֖ל הֵֽמָּה׃ kal־haʿam hanowtar min־haʾemoriy haḥitiy haperiziy haḥiuiy wehayevusiy ʾasher loʾ־mibeney yiseraʾel hemah׃
21 בְּנֵיהֶ֗ם אֲשֶׁ֨ר נֹתְר֤וּ אַחֲרֵיהֶם֙ בָּאָ֔רֶץ אֲשֶׁ֧ר לֹֽא־יָכְל֛וּ בְּנֵ֥י יִשְׂרָאֵ֖ל לְהַֽחֲרִימָ֑ם וַיַּעֲלֵ֤ם שְׁלֹמֹה֙ לְמַס־עֹבֵ֔ד עַ֖ד הַיֹּ֥ום הַזֶּֽה׃ beneyhem ʾasher noteru ʾaḥareyhem baʾarets ʾasher loʾ־yakhelu beney yiseraʾel lehaḥariymam wayaʿalem shelomoh lemas־ʿoved ʿad hayowm hazeh׃
22 וּמִבְּנֵי֙ יִשְׂרָאֵ֔ל לֹֽא־נָתַ֥ן שְׁלֹמֹ֖ה עָ֑בֶד כִּי־הֵ֞ם אַנְשֵׁ֣י הַמִּלְחָמָ֗ה וַעֲבָדָיו֙ וְשָׂרָ֣יו וְשָׁלִשָׁ֔יו וְשָׂרֵ֥י רִכְבֹּ֖ו וּפָרָשָֽׁיו׃ ס umibeney yiseraʾel loʾ־natan shelomoh ʿaved kiy־hem ʾaneshey hamileḥamah waʿavadayw wesarayw weshalishayw wesarey rikhebow ufarashayw׃ s
23 אֵ֣לֶּה ׀ שָׂרֵ֣י הַנִּצָּבִ֗ים אֲשֶׁ֤ר עַל־הַמְּלָאכָה֙ לִשְׁלֹמֹ֔ה חֲמִשִּׁ֖ים וַחֲמֵ֣שׁ מֵאֹ֑ות הָרֹדִ֣ים בָּעָ֔ם הָעֹשִׂ֖ים בַּמְּלָאכָֽה׃ ʾeleh ׀ sarey hanitsaviym ʾasher ʿal־hamelaʾkhah lishelomoh ḥamishiym waḥamesh meʾowt harodiym baʿam haʿosiym bamelaʾkhah׃
24 אַ֣ךְ בַּת־פַּרְעֹ֗ה עָֽלְתָה֙ מֵעִ֣יר דָּוִ֔ד אֶל־בֵּיתָ֖הּ אֲשֶׁ֣ר בָּֽנָה־לָ֑הּ אָ֖ז בָּנָ֥ה אֶת־הַמִּלֹּֽוא׃ ʾakhe bat־pareʿoh ʿaletah meʿiyr dawid ʾel־beytah ʾasher banah־lah ʾaz banah ʾet־hamilowʾ׃
25 וְהֶעֱלָ֣ה שְׁלֹמֹ֡ה שָׁלֹשׁ֩ פְּעָמִ֨ים בַּשָּׁנָ֜ה עֹלֹ֣ות וּשְׁלָמִ֗ים עַל־הַמִּזְבֵּ֙חַ֙ אֲשֶׁ֣ר בָּנָ֣ה לַיהוָ֔ה וְהַקְטֵ֣יר אִתֹּ֗ו אֲשֶׁ֖ר לִפְנֵ֣י יְהוָ֑ה וְשִׁלַּ֖ם אֶת־הַבָּֽיִת׃ weheʿelah shelomoh shalosh peʿamiym bashanah ʿolowt ushelamiym ʿal־hamizebeaḥ ʾasher banah layhwah wehaqeṭeyr ʾitow ʾasher lifeney yehwah weshilam ʾet־habayit׃
26 וָאֳנִ֡י עָשָׂה֩ הַמֶּ֨לֶךְ שְׁלֹמֹ֜ה בְּעֶצְיֹֽון־גֶּ֨בֶר אֲשֶׁ֧ר אֶת־אֵלֹ֛ות עַל־שְׂפַ֥ת יַם־ס֖וּף בְּאֶ֥רֶץ אֱדֹֽום׃ waʾoniy ʿasah hamelekhe shelomoh beʿetseyown־gever ʾasher ʾet־ʾelowt ʿal־sefat yam־suf beʾerets ʾedowm׃
27 וַיִּשְׁלַ֨ח חִירָ֤ם בָּֽאֳנִי֙ אֶת־עֲבָדָ֔יו אַנְשֵׁ֣י אֳנִיֹּ֔ות יֹדְעֵ֖י הַיָּ֑ם עִ֖ם עַבְדֵ֥י שְׁלֹמֹֽה׃ wayishelaḥ ḥiyram baʾoniy ʾet־ʿavadayw ʾaneshey ʾoniyowt yodeʿey hayam ʿim ʿavedey shelomoh׃
28 וַיָּבֹ֣אוּ אֹופִ֔ירָה וַיִּקְח֤וּ מִשָּׁם֙ זָהָ֔ב אַרְבַּע־מֵאֹ֥ות וְעֶשְׂרִ֖ים כִּכָּ֑ר וַיָּבִ֖אוּ אֶל־הַמֶּ֥לֶךְ שְׁלֹמֹֽה׃ פ wayavoʾu ʾowfiyrah wayiqeḥu misham zahav ʾarebaʿ־meʾowt weʿeseriym kikar wayaviʾu ʾel־hamelekhe shelomoh׃ f