Ésaïe 57

¹ הַצַּדִּ֣יק אָבָ֔ד וְאֵ֥ין אִ֖ישׁ שָׂ֣ם עַל־לֵ֑ב וְאַנְשֵׁי־חֶ֤סֶד נֶֽאֱסָפִים֙ בְּאֵ֣ין מֵבִ֔ין כִּֽי־מִפְּנֵ֥י הָרָעָ֖ה נֶאֱסַ֥ף הַצַּדִּֽיק׃ hatsadiyq ʾavad weʾeyn ʾiysh sam ʿal־lev weʾaneshey־ḥesed neʾesafiym beʾeyn meviyn kiy־mipeney haraʿah neʾesaf hatsadiyq׃

² יָבֹ֣וא שָׁלֹ֔ום יָנ֖וּחוּ עַל־מִשְׁכְּבֹותָ֑ם הֹלֵ֖ךְ נְכֹחֹֽו׃ yavowʾ shalowm yanuḥu ʿal־mishekevowtam holekhe nekhoḥow׃

³ וְאַתֶּ֥ם קִרְבוּ־הֵ֖נָּה בְּנֵ֣י עֹנְנָ֑ה זֶ֥רַע מְנָאֵ֖ף וַתִּזְנֶֽה׃ weʾatem qirevu־henah beney ʿonenah zeraʿ menaʾef watizeneh׃

⁴ עַל־מִי֙ תִּתְעַנָּ֔גוּ עַל־מִ֛י תַּרְחִ֥יבוּ פֶ֖ה תַּאֲרִ֣יכוּ לָשֹׁ֑ון הֲלֹֽוא־אַתֶּ֥ם יִלְדֵי־פֶ֖שַׁע זֶ֥רַע שָֽׁקֶר׃ ʿal־miy titeʿanagu ʿal־miy tareḥiyvu feh taʾariykhu lashown halowʾ־ʾatem yiledey־feshaʿ zeraʿ shaqer׃

⁵ הַנֵּֽחָמִים֙ בָּֽאֵלִ֔ים תַּ֖חַת כָּל־עֵ֣ץ רַעֲנָ֑ן שֹׁחֲטֵ֤י הַיְלָדִים֙ בַּנְּחָלִ֔ים תַּ֖חַת סְעִפֵ֥י הַסְּלָעִֽים׃ haneḥamiym baʾeliym taḥat kal־ʿets raʿanan shoḥaṭey hayeladiym baneḥaliym taḥat seʿifey haselaʿiym׃

⁶ בְּחַלְּקֵי־נַ֣חַל חֶלְקֵ֔ךְ הֵ֥ם הֵ֖ם גֹּורָלֵ֑ךְ גַּם־לָהֶ֞ם שָׁפַ֥כְתְּ נֶ֙סֶךְ֙ הֶעֱלִ֣ית מִנְחָ֔ה הַ֥עַל אֵ֖לֶּה אֶנָּחֵֽם׃ beḥaleqey־naḥal ḥeleqekhe hem hem gowralekhe gam־lahem shafakhete nesekhe heʿeliyt mineḥah haʿal ʾeleh ʾenaḥem׃

⁷ עַ֤ל הַר־גָּבֹ֙הַּ֙ וְנִשָּׂ֔א שַׂ֖מְתְּ מִשְׁכָּבֵ֑ךְ גַּם־שָׁ֥ם עָלִ֖ית לִזְבֹּ֥חַ זָֽבַח׃ ʿal har־gavoah wenisaʾ samete mishekavekhe gam־sham ʿaliyt lizeboaḥ zavaḥ׃

⁸ וְאַחַ֤ר הַדֶּ֙לֶת֙ וְהַמְּזוּזָ֔ה שַׂ֖מְתְּ זִכְרֹונֵ֑ךְ כִּ֣י מֵאִתִּ֞י גִּלִּ֣ית וַֽתַּעֲלִ֗י הִרְחַ֤בְתְּ מִשְׁכָּבֵךְ֙ וַתִּכְרָת־לָ֣ךְ מֵהֶ֔ם אָהַ֥בְתְּ מִשְׁכָּבָ֖ם יָ֥ד חָזִֽית׃ weʾaḥar hadelet wehamezuzah samete zikherownekhe kiy meʾitiy giliyt wataʿaliy hireḥavete mishekavekhe watikherat־lakhe mehem ʾahavete mishekavam yad ḥaziyt׃

⁹ וַתָּשֻׁ֤רִי לַמֶּ֙לֶךְ֙ בַּשֶּׁ֔מֶן וַתַּרְבִּ֖י רִקֻּחָ֑יִךְ וַתְּשַׁלְּחִ֤י צִרַ֙יךְ֙ עַד־מֵ֣רָחֹ֔ק וַתַּשְׁפִּ֖ילִי עַד־שְׁאֹֽול׃ watashuriy lamelekhe bashemen watarebiy riquḥayikhe wateshaleḥiy tsiraykhe ʿad־meraḥoq watashepiyliy ʿad־sheʾowl׃

¹⁰ בְּרֹ֤ב דַּרְכֵּךְ֙ יָגַ֔עַתְּ לֹ֥א אָמַ֖רְתְּ נֹואָ֑שׁ חַיַּ֤ת יָדֵךְ֙ מָצָ֔את עַל־כֵּ֖ן לֹ֥א חָלִֽית׃ berov darekekhe yagaʿate loʾ ʾamarete nowʾash ḥayat yadekhe matsaʾt ʿal־ken loʾ ḥaliyt׃

¹¹ וְאֶת־מִ֞י דָּאַ֤גְתְּ וַתִּֽירְאִי֙ כִּ֣י תְכַזֵּ֔בִי וְאֹותִי֙ לֹ֣א זָכַ֔רְתְּ לֹא־שַׂ֖מְתְּ עַל־לִבֵּ֑ךְ הֲלֹ֨א אֲנִ֤י מַחְשֶׁה֙ וּמֵ֣עֹלָ֔ם וְאֹותִ֖י לֹ֥א תִירָֽאִי׃ weʾet־miy daʾagete watiyreʾiy kiy tekhazeviy weʾowtiy loʾ zakharete loʾ־samete ʿal־libekhe haloʾ ʾaniy maḥesheh umeʿolam weʾowtiy loʾ tiyraʾiy׃

¹² אֲנִ֥י אַגִּ֖יד צִדְקָתֵ֑ךְ וְאֶֽת־מַעֲשַׂ֖יִךְ וְלֹ֥א יֹועִילֽוּךְ׃ ʾaniy ʾagiyd tsideqatekhe weʾet־maʿasayikhe weloʾ yowʿiylukhe׃

¹³ בְּזַֽעֲקֵךְ֙ יַצִּילֻ֣ךְ קִבּוּצַ֔יִךְ וְאֶת־כֻּלָּ֥ם יִשָּׂא־ר֖וּחַ יִקַּח־הָ֑בֶל וְהַחֹוסֶ֥ה בִי֙ יִנְחַל־אֶ֔רֶץ וְיִירַ֖שׁ הַר־קָדְשִֽׁי׃ bezaʿaqekhe yatsiylukhe qibutsayikhe weʾet־kulam yisaʾ־ruaḥ yiqaḥ־havel wehaḥowseh viy yineḥal־ʾerets weyiyrash har־qadeshiy׃

¹⁴ וְאָמַ֥ר סֹֽלּוּ־סֹ֖לּוּ פַּנּוּ־דָ֑רֶךְ הָרִ֥ימוּ מִכְשֹׁ֖ול מִדֶּ֥רֶךְ עַמִּֽי׃ ס weʾamar solu־solu panu־darekhe hariymu mikheshowl miderekhe ʿamiy׃ s

¹⁵ כִּי֩ כֹ֨ה אָמַ֜ר רָ֣ם וְנִשָּׂ֗א שֹׁכֵ֥ן עַד֙ וְקָדֹ֣ושׁ שְׁמֹ֔ו מָרֹ֥ום וְקָדֹ֖ושׁ אֶשְׁכֹּ֑ון וְאֶת־דַּכָּא֙ וּשְׁפַל־ר֔וּחַ לְהַחֲיֹות֙ ר֣וּחַ שְׁפָלִ֔ים וּֽלְהַחֲיֹ֖ות לֵ֥ב נִדְכָּאִֽים׃ kiy khoh ʾamar ram wenisaʾ shokhen ʿad weqadowsh shemow marowm weqadowsh ʾeshekown weʾet־dakaʾ ushefal־ruaḥ lehaḥayowt ruaḥ shefaliym ulehaḥayowt lev nidekaʾiym׃

¹⁶ כִּ֣י לֹ֤א לְעֹולָם֙ אָרִ֔יב וְלֹ֥א לָנֶ֖צַח אֶקְּצֹ֑וף כִּי־ר֙וּחַ֙ מִלְּפָנַ֣י יַֽעֲטֹ֔וף וּנְשָׁמֹ֖ות אֲנִ֥י עָשִֽׂיתִי׃ kiy loʾ leʿowlam ʾariyv weloʾ lanetsaḥ ʾeqetsowf kiy־ruaḥ milefanay yaʿaṭowf uneshamowt ʾaniy ʿasiytiy׃

¹⁷ בַּעֲוֹ֥ן בִּצְעֹ֛ו קָצַ֥פְתִּי וְאַכֵּ֖הוּ הַסְתֵּ֣ר וְאֶקְצֹ֑ף וַיֵּ֥לֶךְ שֹׁובָ֖ב בְּדֶ֥רֶךְ לִבֹּֽו׃ baʿaon bitseʿow qatsafetiy weʾakehu haseter weʾeqetsof wayelekhe showvav bederekhe libow׃

¹⁸ דְּרָכָ֥יו רָאִ֖יתִי וְאֶרְפָּאֵ֑הוּ וְאַנְחֵ֕הוּ וַאֲשַׁלֵּ֧ם נִֽחֻמִ֛ים לֹ֖ו וְלַאֲבֵלָֽיו׃ derakhayw raʾiytiy weʾerepaʾehu weʾaneḥehu waʾashalem niḥumiym low welaʾavelayw׃

¹⁹ בֹּורֵ֖א [נוּב כ] (נִ֣יב ק) שְׂפָתָ֑יִם שָׁלֹ֨ום ׀ שָׁלֹ֜ום לָרָחֹ֧וק וְלַקָּרֹ֛וב אָמַ֥ר יְהוָ֖ה וּרְפָאתִֽיו׃ bowreʾ [nuv kh] (niyv q) sefatayim shalowm ׀ shalowm laraḥowq welaqarowv ʾamar yehwah urefaʾtiyw׃

²⁰ וְהָרְשָׁעִ֖ים כַּיָּ֣ם נִגְרָ֑שׁ כִּ֤י הַשְׁקֵט֙ לֹ֣א יוּכָ֔ל וַיִּגְרְשׁ֥וּ מֵימָ֖יו רֶ֥פֶשׁ וָטִֽיט׃ wehareshaʿiym kayam nigerash kiy hasheqeṭ loʾ yukhal wayigereshu meymayw refesh waṭiyṭ׃

²¹ אֵ֣ין שָׁלֹ֔ום אָמַ֥ר אֱלֹהַ֖י לָרְשָׁעִֽים׃ ס ʾeyn shalowm ʾamar ʾelohay lareshaʿiym׃ s