2 Rois 3

¹ וִיהֹורָ֣ם בֶּן־אַחְאָ֗ב מָלַ֤ךְ עַל־יִשְׂרָאֵל֙ בְּשֹׁ֣מְרֹ֔ון בִּשְׁנַת֙ שְׁמֹנֶ֣ה עֶשְׂרֵ֔ה לִיהֹושָׁפָ֖ט מֶ֣לֶךְ יְהוּדָ֑ה וַיִּמְלֹ֖ךְ שְׁתֵּים־עֶשְׂרֵ֥ה שָׁנָֽה׃ wiyhowram ben־ʾaḥeʾav malakhe ʿal־yiseraʾel beshomerown bishenat shemoneh ʿesereh liyhowshafaṭ melekhe yehudah wayimelokhe sheteym־ʿesereh shanah׃

² וַיַּעֲשֶׂ֤ה הָרַע֙ בְּעֵינֵ֣י יְהוָ֔ה רַ֕ק לֹ֥א כְאָבִ֖יו וּכְאִמֹּ֑ו וַיָּ֙סַר֙ אֶת־מַצְּבַ֣ת הַבַּ֔עַל אֲשֶׁ֥ר עָשָׂ֖ה אָבִֽיו׃ wayaʿaseh haraʿ beʿeyney yehwah raq loʾ kheʾaviyw ukheʾimow wayasar ʾet־matsevat habaʿal ʾasher ʿasah ʾaviyw׃

³ רַ֠ק בְּחַטֹּ֞אות יָרָבְעָ֧ם בֶּֽן־נְבָ֛ט אֲשֶׁר־הֶחֱטִ֥יא אֶת־יִשְׂרָאֵ֖ל דָּבֵ֑ק לֹא־סָ֖ר מִמֶּֽנָּה׃ ס raq beḥaṭoʾwt yaraveʿam ben־nevaṭ ʾasher־heḥeṭiyʾ ʾet־yiseraʾel daveq loʾ־sar mimenah׃ s

⁴ וּמֵישַׁ֥ע מֶֽלֶךְ־מֹואָ֖ב הָיָ֣ה נֹקֵ֑ד וְהֵשִׁ֤יב לְמֶֽלֶךְ־יִשְׂרָאֵל֙ מֵאָה־אֶ֣לֶף כָּרִ֔ים וּמֵ֥אָה אֶ֖לֶף אֵילִ֥ים צָֽמֶר׃ umeyshaʿ melekhe־mowʾav hayah noqed weheshiyv lemelekhe־yiseraʾel meʾah־ʾelef kariym umeʾah ʾelef ʾeyliym tsamer׃

⁵ וַיְהִ֖י כְּמֹ֣ות אַחְאָ֑ב וַיִּפְשַׁ֥ע מֶֽלֶךְ־מֹואָ֖ב בְּמֶ֥לֶךְ יִשְׂרָאֵֽל׃ wayehiy kemowt ʾaḥeʾav wayifeshaʿ melekhe־mowʾav bemelekhe yiseraʾel׃

⁶ וַיֵּצֵ֞א הַמֶּ֧לֶךְ יְהֹורָ֛ם בַּיֹּ֥ום הַה֖וּא מִשֹּׁמְרֹ֑ון וַיִּפְקֹ֖ד אֶת־כָּל־יִשְׂרָאֵֽל׃ wayetseʾ hamelekhe yehowram bayowm hahuʾ mishomerown wayifeqod ʾet־kal־yiseraʾel׃

⁷ וַיֵּ֡לֶךְ וַיִּשְׁלַח֩ אֶל־יְהֹושָׁפָ֨ט מֶֽלֶךְ־יְהוּדָ֜ה לֵאמֹ֗ר מֶ֤לֶךְ מֹואָב֙ פָּשַׁ֣ע בִּ֔י הֲתֵלֵ֥ךְ אִתִּ֛י אֶל־מֹואָ֖ב לַמִּלְחָמָ֑ה וַיֹּ֣אמֶר אֶעֱלֶ֔ה כָּמֹ֧ונִי כָמֹ֛וךָ כְּעַמִּ֥י כְעַמֶּ֖ךָ כְּסוּסַ֥י כְּסוּסֶֽיךָ׃ wayelekhe wayishelaḥ ʾel־yehowshafaṭ melekhe־yehudah leʾmor melekhe mowʾav pashaʿ biy hatelekhe ʾitiy ʾel־mowʾav lamileḥamah wayoʾmer ʾeʿeleh kamowniy khamowkha keʿamiy kheʿamekha kesusay kesuseykha׃

⁸ וַיֹּ֕אמֶר אֵי־זֶ֥ה הַדֶּ֖רֶךְ נַעֲלֶ֑ה וַיֹּ֕אמֶר דֶּ֖רֶךְ מִדְבַּ֥ר אֱדֹֽום׃ wayoʾmer ʾey־zeh haderekhe naʿaleh wayoʾmer derekhe midebar ʾedowm׃

⁹ וַיֵּלֶךְ֩ מֶ֨לֶךְ יִשְׂרָאֵ֤ל וּמֶֽלֶך־יְהוּדָה֙ וּמֶ֣לֶךְ אֱדֹ֔ום וַיָּסֹ֕בּוּ דֶּ֖רֶךְ שִׁבְעַ֣ת יָמִ֑ים וְלֹא־הָיָ֨ה מַ֧יִם לַֽמַּחֲנֶ֛ה וְלַבְּהֵמָ֖ה אֲשֶׁ֥ר בְּרַגְלֵיהֶֽם׃ wayelekhe melekhe yiseraʾel umelekh־yehudah umelekhe ʾedowm wayasobu derekhe shiveʿat yamiym weloʾ־hayah mayim lamaḥaneh welabehemah ʾasher berageleyhem׃

¹⁰ וַיֹּ֖אמֶר מֶ֣לֶךְ יִשְׂרָאֵ֑ל אֲהָ֕הּ כִּֽי־קָרָ֣א יְהוָ֗ה לִשְׁלֹ֙שֶׁת֙ הַמְּלָכִ֣ים הָאֵ֔לֶּה לָתֵ֥ת אֹותָ֖ם בְּיַד־מֹואָֽב׃ wayoʾmer melekhe yiseraʾel ʾahah kiy־qaraʾ yehwah lisheloshet hamelakhiym haʾeleh latet ʾowtam beyad־mowʾav׃

¹¹ וַיֹּ֣אמֶר יְהֹושָׁפָ֗ט הַאֵ֨ין פֹּ֤ה נָבִיא֙ לַֽיהוָ֔ה וְנִדְרְשָׁ֥ה אֶת־יְהוָ֖ה מֵאֹותֹ֑ו וַ֠יַּעַן אֶחָ֞ד מֵעַבְדֵ֤י מֶֽלֶךְ־יִשְׂרָאֵל֙ וַיֹּ֔אמֶר פֹּ֚ה אֱלִישָׁ֣ע בֶּן־שָׁפָ֔ט אֲשֶׁר־יָ֥צַק מַ֖יִם עַל־יְדֵ֥י אֵלִיָּֽהוּ׃ wayoʾmer yehowshafaṭ haʾeyn poh naviyʾ layhwah wenidereshah ʾet־yehwah meʾowtow wayaʿan ʾeḥad meʿavedey melekhe־yiseraʾel wayoʾmer poh ʾeliyshaʿ ben־shafaṭ ʾasher־yatsaq mayim ʿal־yedey ʾeliyahu׃

¹² וַיֹּ֙אמֶר֙ יְהֹ֣ושָׁפָ֔ט יֵ֥שׁ אֹותֹ֖ו דְּבַר־יְהוָ֑ה וַיֵּרְד֣וּ אֵלָ֗יו מֶ֧לֶךְ יִשְׂרָאֵ֛ל וִיהֹושָׁפָ֖ט וּמֶ֥לֶךְ אֱדֹֽום׃ wayoʾmer yehowshafaṭ yesh ʾowtow devar־yehwah wayeredu ʾelayw melekhe yiseraʾel wiyhowshafaṭ umelekhe ʾedowm׃

¹³ וַיֹּ֨אמֶר אֱלִישָׁ֜ע אֶל־מֶ֤לֶךְ יִשְׂרָאֵל֙ מַה־לִּ֣י וָלָ֔ךְ לֵ֚ךְ אֶל־נְבִיאֵ֣י אָבִ֔יךָ וְאֶל־נְבִיאֵ֖י אִמֶּ֑ךָ וַיֹּ֤אמֶר לֹו֙ מֶ֣לֶךְ יִשְׂרָאֵ֔ל אַ֗ל כִּֽי־קָרָ֤א יְהוָה֙ לִשְׁלֹ֙שֶׁת֙ הַמְּלָכִ֣ים הָאֵ֔לֶּה לָתֵ֥ת אֹותָ֖ם בְּיַד־מֹואָֽב׃ wayoʾmer ʾeliyshaʿ ʾel־melekhe yiseraʾel mah־liy walakhe lekhe ʾel־neviyʾey ʾaviykha weʾel־neviyʾey ʾimekha wayoʾmer low melekhe yiseraʾel ʾal kiy־qaraʾ yehwah lisheloshet hamelakhiym haʾeleh latet ʾowtam beyad־mowʾav׃

¹⁴ וַיֹּ֣אמֶר אֱלִישָׁ֗ע חַי־יְהוָ֤ה צְבָאֹות֙ אֲשֶׁ֣ר עָמַ֣דְתִּי לְפָנָ֔יו כִּ֗י לוּלֵ֛י פְּנֵ֛י יְהֹושָׁפָ֥ט מֶֽלֶךְ־יְהוּדָ֖ה אֲנִ֣י נֹשֵׂ֑א אִם־אַבִּ֥יט אֵלֶ֖יךָ וְאִם־אֶרְאֶֽךָּ׃ wayoʾmer ʾeliyshaʿ ḥay־yehwah tsevaʾowt ʾasher ʿamadetiy lefanayw kiy luley peney yehowshafaṭ melekhe־yehudah ʾaniy noseʾ ʾim־ʾabiyṭ ʾeleykha weʾim־ʾereʾeka׃

¹⁵ וְעַתָּ֖ה קְחוּ־לִ֣י מְנַגֵּ֑ן וְהָיָה֙ כְּנַגֵּ֣ן הַֽמְנַגֵּ֔ן וַתְּהִ֥י עָלָ֖יו יַד־יְהוָֽה׃ weʿatah qeḥu־liy menagen wehayah kenagen hamenagen watehiy ʿalayw yad־yehwah׃

¹⁶ וַיֹּ֕אמֶר כֹּ֖ה אָמַ֣ר יְהוָ֑ה עָשֹׂ֛ה הַנַּ֥חַל הַזֶּ֖ה גֵּבִ֥ים ׀ גֵּבִֽים׃ wayoʾmer koh ʾamar yehwah ʿasoh hanaḥal hazeh geviym ׀ geviym׃

¹⁷ כִּֽי־כֹ֣ה ׀ אָמַ֣ר יְהוָ֗ה לֹֽא־תִרְא֥וּ ר֙וּחַ֙ וְלֹֽא־תִרְא֣וּ גֶ֔שֶׁם וְהַנַּ֥חַל הַה֖וּא יִמָּ֣לֵא מָ֑יִם וּשְׁתִיתֶ֛ם אַתֶּ֥ם וּמִקְנֵיכֶ֖ם וּֽבְהֶמְתְּכֶֽם׃ kiy־khoh ׀ ʾamar yehwah loʾ־tireʾu ruaḥ weloʾ־tireʾu geshem wehanaḥal hahuʾ yimaleʾ mayim ushetiytem ʾatem umiqeneykhem uvehemetekhem׃

¹⁸ וְנָקַ֥ל זֹ֖את בְּעֵינֵ֣י יְהוָ֑ה וְנָתַ֥ן אֶת־מֹואָ֖ב בְּיֶדְכֶֽם׃ wenaqal zoʾt beʿeyney yehwah wenatan ʾet־mowʾav beyedekhem׃

¹⁹ וְהִכִּיתֶ֞ם כָּל־עִ֤יר מִבְצָר֙ וְכָל־עִ֣יר מִבְחֹ֔ור וְכָל־עֵ֥ץ טֹוב֙ תַּפִּ֔ילוּ וְכָל־מַעְיְנֵי־מַ֖יִם תִּסְתֹּ֑מוּ וְכֹל֙ הַחֶלְקָ֣ה הַטֹּובָ֔ה תַּכְאִ֖בוּ בָּאֲבָנִֽים׃ wehikiytem kal־ʿiyr mivetsar wekhal־ʿiyr miveḥowr wekhal־ʿets ṭowv tapiylu wekhal־maʿeyeney־mayim tisetomu wekhol haḥeleqah haṭowvah takheʾivu baʾavaniym׃

²⁰ וַיְהִ֤י בַבֹּ֙קֶר֙ כַּעֲלֹ֣ות הַמִּנְחָ֔ה וְהִנֵּה־מַ֥יִם בָּאִ֖ים מִדֶּ֣רֶךְ אֱדֹ֑ום וַתִּמָּלֵ֥א הָאָ֖רֶץ אֶת־הַמָּֽיִם׃ wayehiy vaboqer kaʿalowt hamineḥah wehineh־mayim baʾiym miderekhe ʾedowm watimaleʾ haʾarets ʾet־hamayim׃

²¹ וְכָל־מֹואָב֙ שָֽׁמְע֔וּ כִּֽי־עָל֥וּ הַמְּלָכִ֖ים לְהִלָּ֣חֶם בָּ֑ם וַיִּצָּעֲק֗וּ מִכֹּ֨ל חֹגֵ֤ר חֲגֹרָה֙ וָמַ֔עְלָה וַיַּעַמְד֖וּ עַֽל־הַגְּבֽוּל׃ wekhal־mowʾav shameʿu kiy־ʿalu hamelakhiym lehilaḥem bam wayitsaʿaqu mikol ḥoger ḥagorah wamaʿelah wayaʿamedu ʿal־hagevul׃

²² וַיַּשְׁכִּ֣ימוּ בַבֹּ֔קֶר וְהַשֶּׁ֖מֶשׁ זָרְחָ֣ה עַל־הַמָּ֑יִם וַיִּרְא֨וּ מֹואָ֥ב מִנֶּ֛גֶד אֶת־הַמַּ֖יִם אֲדֻמִּ֥ים כַּדָּֽם׃ wayashekiymu vaboqer wehashemesh zareḥah ʿal־hamayim wayireʾu mowʾav mineged ʾet־hamayim ʾadumiym kadam׃

²³ וַיֹּֽאמְרוּ֙ דָּ֣ם זֶ֔ה הָחֳרֵ֤ב נֶֽחֶרְבוּ֙ הַמְּלָכִ֔ים וַיַּכּ֖וּ אִ֣ישׁ אֶת־רֵעֵ֑הוּ וְעַתָּ֥ה לַשָּׁלָ֖ל מֹואָֽב׃ wayoʾmeru dam zeh haḥorev neḥerevu hamelakhiym wayaku ʾiysh ʾet־reʿehu weʿatah lashalal mowʾav׃

²⁴ וַיָּבֹאוּ֮ אֶל־מַחֲנֵ֣ה יִשְׂרָאֵל֒ וַיָּקֻ֤מוּ יִשְׂרָאֵל֙ וַיַּכּ֣וּ אֶת־מֹואָ֔ב וַיָּנֻ֖סוּ מִפְּנֵיהֶ֑ם [וַיָּבֹו־ כ] (וַיַּכּוּ־בָ֔הּ ק) וְהַכֹּ֖ות אֶת־מֹואָֽב׃ wayavoʾu ʾel־maḥaneh yiseraʾel wayaqumu yiseraʾel wayaku ʾet־mowʾav wayanusu mipeneyhem [wayavow־ kh] (wayaku־vah q) wehakowt ʾet־mowʾav׃

²⁵ וְהֶעָרִ֣ים יַהֲרֹ֡סוּ וְכָל־חֶלְקָ֣ה טֹ֠ובָה יַשְׁלִ֨יכוּ אִישׁ־אַבְנֹ֜ו וּמִלְא֗וּהָ וְכָל־מַעְיַן־מַ֤יִם יִסְתֹּ֙מוּ֙ וְכָל־עֵֽץ־טֹ֣וב יַפִּ֔ילוּ עַד־הִשְׁאִ֧יר אֲבָנֶ֛יהָ בַּקִּ֖יר חֲרָ֑שֶׂת וַיָּסֹ֥בּוּ הַקַּלָּעִ֖ים וַיַּכּֽוּהָ׃ weheʿariym yaharosu wekhal־ḥeleqah ṭowvah yasheliykhu ʾiysh־ʾavenow umileʾuah wekhal־maʿeyan־mayim yisetomu wekhal־ʿets־ṭowv yapiylu ʿad־hisheʾiyr ʾavaneyha baqiyr ḥaraset wayasobu haqalaʿiym wayakuah׃

²⁶ וַיַּרְא֙ מֶ֣לֶךְ מֹואָ֔ב כִּֽי־חָזַ֥ק מִמֶּ֖נּוּ הַמִּלְחָמָ֑ה וַיִּקַּ֣ח אֹ֠ותֹו שְׁבַע־מֵאֹ֨ות אִ֜ישׁ שֹׁ֣לֵֽף חֶ֗רֶב לְהַבְקִ֛יעַ אֶל־מֶ֥לֶךְ אֱדֹ֖ום וְלֹ֥א יָכֹֽלוּ׃ wayareʾ melekhe mowʾav kiy־ḥazaq mimenu hamileḥamah wayiqaḥ ʾowtow shevaʿ־meʾowt ʾiysh sholef ḥerev lehaveqiyʿa ʾel־melekhe ʾedowm weloʾ yakholu׃

²⁷ וַיִּקַּח֩ אֶת־בְּנֹ֨ו הַבְּכֹ֜ור אֲשֶׁר־יִמְלֹ֣ךְ תַּחְתָּ֗יו וַיַּעֲלֵ֤הוּ עֹלָה֙ עַל־הַ֣חֹמָ֔ה וַיְהִ֥י קֶצֶף־גָּדֹ֖ול עַל־יִשְׂרָאֵ֑ל וַיִּסְעוּ֙ מֵֽעָלָ֔יו וַיָּשֻׁ֖בוּ לָאָֽרֶץ׃ פ wayiqaḥ ʾet־benow habekhowr ʾasher־yimelokhe taḥetayw wayaʿalehu ʿolah ʿal־haḥomah wayehiy qetsef־gadowl ʿal־yiseraʾel wayiseʿu meʿalayw wayashuvu laʾarets׃ f