Genèse 46

¹ וַיִּסַּ֤ע יִשְׂרָאֵל֙ וְכָל־אֲשֶׁר־לֹ֔ו וַיָּבֹ֖א בְּאֵ֣רָה שָּׁ֑בַע וַיִּזְבַּ֣ח זְבָחִ֔ים לֵאלֹהֵ֖י אָבִ֥יו יִצְחָֽק׃ wayisaʿ yiseraʾel wekhal־ʾasher־low wayavoʾ beʾerah shavaʿ wayizebaḥ zevaḥiym leʾlohey ʾaviyw yitseḥaq׃

² וַיֹּ֨אמֶר אֱלֹהִ֤ים ׀ לְיִשְׂרָאֵל֙ בְּמַרְאֹ֣ת הַלַּ֔יְלָה וַיֹּ֖אמֶר יַעֲקֹ֣ב ׀ יַעֲקֹ֑ב וַיֹּ֖אמֶר הִנֵּֽנִי׃ wayoʾmer ʾelohiym ׀ leyiseraʾel bemareʾot halayelah wayoʾmer yaʿaqov ׀ yaʿaqov wayoʾmer hineniy׃

³ וַיֹּ֕אמֶר אָנֹכִ֥י הָאֵ֖ל אֱלֹהֵ֣י אָבִ֑יךָ אַל־תִּירָא֙ מֵרְדָ֣ה מִצְרַ֔יְמָה כִּֽי־לְגֹ֥וי גָּדֹ֖ול אֲשִֽׂימְךָ֥ שָֽׁם׃ wayoʾmer ʾanokhiy haʾel ʾelohey ʾaviykha ʾal־tiyraʾ meredah mitserayemah kiy־legowy gadowl ʾasiymekha sham׃

⁴ אָנֹכִ֗י אֵרֵ֤ד עִמְּךָ֙ מִצְרַ֔יְמָה וְאָנֹכִ֖י אַֽעַלְךָ֣ גַם־עָלֹ֑ה וְיֹוסֵ֕ף יָשִׁ֥ית יָדֹ֖ו עַל־עֵינֶֽיךָ׃ ʾanokhiy ʾered ʿimekha mitserayemah weʾanokhiy ʾaʿalekha gam־ʿaloh weyowsef yashiyt yadow ʿal־ʿeyneykha׃

⁵ וַיָּ֥קָם יַעֲקֹ֖ב מִבְּאֵ֣ר שָׁ֑בַע וַיִּשְׂא֨וּ בְנֵֽי־יִשְׂרָאֵ֜ל אֶת־יַעֲקֹ֣ב אֲבִיהֶ֗ם וְאֶת־טַפָּם֙ וְאֶת־נְשֵׁיהֶ֔ם בָּעֲגָלֹ֕ות אֲשֶׁר־שָׁלַ֥ח פַּרְעֹ֖ה לָשֵׂ֥את אֹתֹֽו׃ wayaqam yaʿaqov mibeʾer shavaʿ wayiseʾu veney־yiseraʾel ʾet־yaʿaqov ʾaviyhem weʾet־ṭapam weʾet־nesheyhem baʿagalowt ʾasher־shalaḥ pareʿoh laseʾt ʾotow׃

⁶ וַיִּקְח֣וּ אֶת־מִקְנֵיהֶ֗ם וְאֶת־רְכוּשָׁם֙ אֲשֶׁ֤ר רָֽכְשׁוּ֙ בְּאֶ֣רֶץ כְּנַ֔עַן וַיָּבֹ֖אוּ מִצְרָ֑יְמָה יַעֲקֹ֖ב וְכָל־זַרְעֹ֥ו אִתֹּֽו׃ wayiqeḥu ʾet־miqeneyhem weʾet־rekhusham ʾasher rakheshu beʾerets kenaʿan wayavoʾu mitserayemah yaʿaqov wekhal־zareʿow ʾitow׃

⁷ בָּנָ֞יו וּבְנֵ֤י בָנָיו֙ אִתֹּ֔ו בְּנֹתָ֛יו וּבְנֹ֥ות בָּנָ֖יו וְכָל־זַרְעֹ֑ו הֵבִ֥יא אִתֹּ֖ו מִצְרָֽיְמָה׃ ס banayw uveney vanayw ʾitow benotayw uvenowt banayw wekhal־zareʿow heviyʾ ʾitow mitserayemah׃ s

⁸ וְאֵ֨לֶּה שְׁמֹ֧ות בְּנֵֽי־יִשְׂרָאֵ֛ל הַבָּאִ֥ים מִצְרַ֖יְמָה יַעֲקֹ֣ב וּבָנָ֑יו בְּכֹ֥ר יַעֲקֹ֖ב רְאוּבֵֽן׃ weʾeleh shemowt beney־yiseraʾel habaʾiym mitserayemah yaʿaqov uvanayw bekhor yaʿaqov reʾuven׃

⁹ וּבְנֵ֖י רְאוּבֵ֑ן חֲנֹ֥וךְ וּפַלּ֖וּא וְחֶצְרֹ֥ון וְכַרְמִֽי׃ uveney reʾuven ḥanowkhe ufaluʾ weḥetserown wekharemiy׃

¹⁰ וּבְנֵ֣י שִׁמְעֹ֗ון יְמוּאֵ֧ל וְיָמִ֛ין וְאֹ֖הַד וְיָכִ֣ין וְצֹ֑חַר וְשָׁא֖וּל בֶּן־הַֽכְּנַעֲנִֽית׃ uveney shimeʿown yemuʾel weyamiyn weʾohad weyakhiyn wetsoḥar weshaʾul ben־hakenaʿaniyt׃

¹¹ וּבְנֵ֖י לֵוִ֑י גֵּרְשֹׁ֕ון קְהָ֖ת וּמְרָרִֽי׃ uveney lewiy gereshown qehat umerariy׃

¹² וּבְנֵ֣י יְהוּדָ֗ה עֵ֧ר וְאֹונָ֛ן וְשֵׁלָ֖ה וָפֶ֣רֶץ וָזָ֑רַח וַיָּ֨מָת עֵ֤ר וְאֹונָן֙ בְּאֶ֣רֶץ כְּנַ֔עַן וַיִּהְי֥וּ בְנֵי־פֶ֖רֶץ חֶצְרֹ֥ון וְחָמֽוּל׃ uveney yehudah ʿer weʾownan weshelah waferets wazaraḥ wayamat ʿer weʾownan beʾerets kenaʿan wayiheyu veney־ferets ḥetserown weḥamul׃

¹³ וּבְנֵ֖י יִשָׂשכָ֑ר תֹּולָ֥ע וּפֻוָּ֖ה וְיֹ֥וב וְשִׁמְרֹֽון׃ uveney yisashkhar towlaʿ ufuuah weyowv weshimerown׃

¹⁴ וּבְנֵ֖י זְבוּלֻ֑ן סֶ֥רֶד וְאֵלֹ֖ון וְיַחְלְאֵֽל׃ uveney zevulun sered weʾelown weyaḥeleʾel׃

¹⁵ אֵ֣לֶּה ׀ בְּנֵ֣י לֵאָ֗ה אֲשֶׁ֨ר יָֽלְדָ֤ה לְיַעֲקֹב֙ בְּפַדַּ֣ן אֲרָ֔ם וְאֵ֖ת דִּינָ֣ה בִתֹּ֑ו כָּל־נֶ֧פֶשׁ בָּנָ֛יו וּבְנֹותָ֖יו שְׁלֹשִׁ֥ים וְשָׁלֹֽשׁ׃ ʾeleh ׀ beney leʾah ʾasher yaledah leyaʿaqov befadan ʾaram weʾet diynah vitow kal־nefesh banayw uvenowtayw sheloshiym weshalosh׃

¹⁶ וּבְנֵ֣י גָ֔ד צִפְיֹ֥ון וְחַגִּ֖י שׁוּנִ֣י וְאֶצְבֹּ֑ן עֵרִ֥י וַֽאֲרֹודִ֖י וְאַרְאֵלִֽי׃ uveney gad tsifeyown weḥagiy shuniy weʾetsebon ʿeriy waʾarowdiy weʾareʾeliy׃

¹⁷ וּבְנֵ֣י אָשֵׁ֗ר יִמְנָ֧ה וְיִשְׁוָ֛ה וְיִשְׁוִ֥י וּבְרִיעָ֖ה וְשֶׂ֣רַח אֲחֹתָ֑ם וּבְנֵ֣י בְרִיעָ֔ה חֶ֖בֶר וּמַלְכִּיאֵֽל׃ uveney ʾasher yimenah weyishewah weyishewiy uveriyʿah weseraḥ ʾaḥotam uveney veriyʿah ḥever umalekiyʾel׃

¹⁸ אֵ֚לֶּה בְּנֵ֣י זִלְפָּ֔ה אֲשֶׁר־נָתַ֥ן לָבָ֖ן לְלֵאָ֣ה בִתֹּ֑ו וַתֵּ֤לֶד אֶת־אֵ֙לֶּה֙ לְיַעֲקֹ֔ב שֵׁ֥שׁ עֶשְׂרֵ֖ה נָֽפֶשׁ׃ ʾeleh beney zilepah ʾasher־natan lavan leleʾah vitow wateled ʾet־ʾeleh leyaʿaqov shesh ʿesereh nafesh׃

¹⁹ בְּנֵ֤י רָחֵל֙ אֵ֣שֶׁת יַעֲקֹ֔ב יֹוסֵ֖ף וּבִנְיָמִֽן׃ beney raḥel ʾeshet yaʿaqov yowsef uvineyamin׃

²⁰ וַיִּוָּלֵ֣ד לְיֹוסֵף֮ בְּאֶ֣רֶץ מִצְרַיִם֒ אֲשֶׁ֤ר יָֽלְדָה־לֹּו֙ אָֽסְנַ֔ת בַּת־פֹּ֥וטִי פֶ֖רַע כֹּהֵ֣ן אֹ֑ן אֶת־מְנַשֶּׁ֖ה וְאֶת־אֶפְרָֽיִם׃ wayiualed leyowsef beʾerets mitserayim ʾasher yaledah־low ʾasenat bat־powṭiy feraʿ kohen ʾon ʾet־menasheh weʾet־ʾeferayim׃

²¹ וּבְנֵ֣י בִנְיָמִ֗ן בֶּ֤לַע וָבֶ֙כֶר֙ וְאַשְׁבֵּ֔ל גֵּרָ֥א וְנַעֲמָ֖ן אֵחִ֣י וָרֹ֑אשׁ מֻפִּ֥ים וְחֻפִּ֖ים וָאָֽרְדְּ׃ uveney vineyamin belaʿ wavekher weʾashebel geraʾ wenaʿaman ʾeḥiy waroʾsh mupiym weḥupiym waʾarede׃

²² אֵ֚לֶּה בְּנֵ֣י רָחֵ֔ל אֲשֶׁ֥ר יֻלַּ֖ד לְיַעֲקֹ֑ב כָּל־נֶ֖פֶשׁ אַרְבָּעָ֥ה עָשָֽׂר׃ ʾeleh beney raḥel ʾasher yulad leyaʿaqov kal־nefesh ʾarebaʿah ʿasar׃

²³ וּבְנֵי־דָ֖ן חֻשִֽׁים׃ uveney־dan ḥushiym׃

²⁴ וּבְנֵ֖י נַפְתָּלִ֑י יַחְצְאֵ֥ל וְגוּנִ֖י וְיֵ֥צֶר וְשִׁלֵּֽם׃ uveney nafetaliy yaḥetseʾel weguniy weyetser weshilem׃

²⁵ אֵ֚לֶּה בְּנֵ֣י בִלְהָ֔ה אֲשֶׁר־נָתַ֥ן לָבָ֖ן לְרָחֵ֣ל בִּתֹּ֑ו וַתֵּ֧לֶד אֶת־אֵ֛לֶּה לְיַעֲקֹ֖ב כָּל־נֶ֥פֶשׁ שִׁבְעָֽה׃ ʾeleh beney vilehah ʾasher־natan lavan leraḥel bitow wateled ʾet־ʾeleh leyaʿaqov kal־nefesh shiveʿah׃

²⁶ כָּל־הַ֠נֶּפֶשׁ הַבָּאָ֨ה לְיַעֲקֹ֤ב מִצְרַ֙יְמָה֙ יֹצְאֵ֣י יְרֵכֹ֔ו מִלְּבַ֖ד נְשֵׁ֣י בְנֵי־יַעֲקֹ֑ב כָּל־נֶ֖פֶשׁ שִׁשִּׁ֥ים וָשֵֽׁשׁ׃ kal־hanefesh habaʾah leyaʿaqov mitserayemah yotseʾey yerekhow milevad neshey veney־yaʿaqov kal־nefesh shishiym washesh׃

²⁷ וּבְנֵ֥י יֹוסֵ֛ף אֲשֶׁר־יֻלַּד־לֹ֥ו בְמִצְרַ֖יִם נֶ֣פֶשׁ שְׁנָ֑יִם כָּל־הַנֶּ֧פֶשׁ לְבֵֽית־יַעֲקֹ֛ב הַבָּ֥אָה מִצְרַ֖יְמָה שִׁבְעִֽים׃ פ uveney yowsef ʾasher־yulad־low vemitserayim nefesh shenayim kal־hanefesh leveyt־yaʿaqov habaʾah mitserayemah shiveʿiym׃ f

²⁸ וְאֶת־יְהוּדָ֞ה שָׁלַ֤ח לְפָנָיו֙ אֶל־יֹוסֵ֔ף לְהֹורֹ֥ת לְפָנָ֖יו גֹּ֑שְׁנָה וַיָּבֹ֖אוּ אַ֥רְצָה גֹּֽשֶׁן׃ weʾet־yehudah shalaḥ lefanayw ʾel־yowsef lehowrot lefanayw goshenah wayavoʾu ʾaretsah goshen׃

²⁹ וַיֶּאְסֹ֤ר יֹוסֵף֙ מֶרְכַּבְתֹּ֔ו וַיַּ֛עַל לִקְרַֽאת־יִשְׂרָאֵ֥ל אָבִ֖יו גֹּ֑שְׁנָה וַיֵּרָ֣א אֵלָ֗יו וַיִּפֹּל֙ עַל־צַוָּארָ֔יו וַיֵּ֥בְךְּ עַל־צַוָּארָ֖יו עֹֽוד׃ wayeʾesor yowsef merekavetow wayaʿal liqeraʾt־yiseraʾel ʾaviyw goshenah wayeraʾ ʾelayw wayipol ʿal־tsauaʾrayw wayeveke ʿal־tsauaʾrayw ʿowd׃

³⁰ וַיֹּ֧אמֶר יִשְׂרָאֵ֛ל אֶל־יֹוסֵ֖ף אָמ֣וּתָה הַפָּ֑עַם אַחֲרֵי֙ רְאֹותִ֣י אֶת־פָּנֶ֔יךָ כִּ֥י עֹודְךָ֖ חָֽי׃ wayoʾmer yiseraʾel ʾel־yowsef ʾamutah hapaʿam ʾaḥarey reʾowtiy ʾet־paneykha kiy ʿowdekha ḥay׃

³¹ וַיֹּ֨אמֶר יֹוסֵ֤ף אֶל־אֶחָיו֙ וְאֶל־בֵּ֣ית אָבִ֔יו אֶעֱלֶ֖ה וְאַגִּ֣ידָה לְפַרְעֹ֑ה וְאֹֽמְרָ֣ה אֵלָ֔יו אַחַ֧י וּבֵית־אָבִ֛י אֲשֶׁ֥ר בְּאֶֽרֶץ־כְּנַ֖עַן בָּ֥אוּ אֵלָֽי׃ wayoʾmer yowsef ʾel־ʾeḥayw weʾel־beyt ʾaviyw ʾeʿeleh weʾagiydah lefareʿoh weʾomerah ʾelayw ʾaḥay uveyt־ʾaviy ʾasher beʾerets־kenaʿan baʾu ʾelay׃

³² וְהָאֲנָשִׁים֙ רֹ֣עֵי צֹ֔אן כִּֽי־אַנְשֵׁ֥י מִקְנֶ֖ה הָ֑יוּ וְצֹאנָ֧ם וּבְקָרָ֛ם וְכָל־אֲשֶׁ֥ר לָהֶ֖ם הֵבִֽיאוּ׃ wehaʾanashiym roʿey tsoʾn kiy־ʾaneshey miqeneh hayu wetsoʾnam uveqaram wekhal־ʾasher lahem heviyʾu׃

³³ וְהָיָ֕ה כִּֽי־יִקְרָ֥א לָכֶ֖ם פַּרְעֹ֑ה וְאָמַ֖ר מַה־מַּעֲשֵׂיכֶֽם׃ wehayah kiy־yiqeraʾ lakhem pareʿoh weʾamar mah־maʿaseykhem׃

³⁴ וַאֲמַרְתֶּ֗ם אַנְשֵׁ֨י מִקְנֶ֜ה הָי֤וּ עֲבָדֶ֙יךָ֙ מִנְּעוּרֵ֣ינוּ וְעַד־עַ֔תָּה גַּם־אֲנַ֖חְנוּ גַּם־אֲבֹתֵ֑ינוּ בַּעֲב֗וּר תֵּשְׁבוּ֙ בְּאֶ֣רֶץ גֹּ֔שֶׁן כִּֽי־תֹועֲבַ֥ת מִצְרַ֖יִם כָּל־רֹ֥עֵה צֹֽאן׃ waʾamaretem ʾaneshey miqeneh hayu ʿavadeykha mineʿureynu weʿad־ʿatah gam־ʾanaḥenu gam־ʾavoteynu baʿavur teshevu beʾerets goshen kiy־towʿavat mitserayim kal־roʿeh tsoʾn׃