1 וָאֶשָּׂ֥א אֶת־עֵינַ֖י וָאֵ֑רֶא וְהִנֵּ֖ה אַרְבַּ֥ע קְרָנֹֽות׃ waʾesaʾ ʾet־ʿeynay waʾereʾ wehineh ʾarebaʿ qeranowt׃
2 וָאֹמַ֗ר אֶל־הַמַּלְאָ֛ךְ הַדֹּבֵ֥ר בִּ֖י מָה־אֵ֑לֶּה וַיֹּ֣אמֶר אֵלַ֔י אֵ֤לֶּה הַקְּרָנֹות֙ אֲשֶׁ֣ר זֵר֣וּ אֶת־יְהוּדָ֔ה אֶת־יִשְׂרָאֵ֖ל וִירוּשָׁלָֽם ׃ ס waʾomar ʾel־hamaleʾakhe hadover biy mah־ʾeleh wayoʾmer ʾelay ʾeleh haqeranowt ʾasher zeru ʾet־yehudah ʾet־yiseraʾel wiyrushalam ׃ s
3 וַיַּרְאֵ֣נִי יְהוָ֔ה אַרְבָּעָ֖ה חָרָשִֽׁים׃ wayareʾeniy yehwah ʾarebaʿah ḥarashiym׃
4 וָאֹמַ֕ר מָ֛ה אֵ֥לֶּה בָאִ֖ים לַֽעֲשֹׂ֑ות וַיֹּ֣אמֶר לֵאמֹ֗ר אֵ֣לֶּה הַקְּרָנֹ֞ות אֲשֶׁר־זֵ֣רוּ אֶת־יְהוּדָ֗ה כְּפִי־אִישׁ֙ לֹא־נָשָׂ֣א רֹאשֹׁ֔ו וַיָּבֹ֤אוּ אֵ֙לֶּה֙ לְהַחֲרִ֣יד אֹתָ֔ם לְיַדֹּ֞ות אֶת־קַרְנֹ֣ות הַגֹּויִ֗ם הַנֹּשְׂאִ֥ים קֶ֛רֶן אֶל־אֶ֥רֶץ יְהוּדָ֖ה לְזָרֹותָֽהּ׃ ס waʾomar mah ʾeleh vaʾiym laʿasowt wayoʾmer leʾmor ʾeleh haqeranowt ʾasher־zeru ʾet־yehudah kefiy־ʾiysh loʾ־nasaʾ roʾshow wayavoʾu ʾeleh lehaḥariyd ʾotam leyadowt ʾet־qarenowt hagowyim hanoseʾiym qeren ʾel־ʾerets yehudah lezarowtah׃ s
5 וָאֶשָּׂ֥א עֵינַ֛י וָאֵ֖רֶא וְהִנֵּה־אִ֑ישׁ וּבְיָדֹ֖ו חֶ֥בֶל מִדָּֽה׃ waʾesaʾ ʿeynay waʾereʾ wehineh־ʾiysh uveyadow ḥevel midah׃
6 וָאֹמַ֕ר אָ֖נָה אַתָּ֣ה הֹלֵ֑ךְ וַיֹּ֣אמֶר אֵלַ֗י לָמֹד֙ אֶת־יְר֣וּשָׁלִַ֔ם לִרְאֹ֥ות כַּמָּֽה־רָחְבָּ֖הּ וְכַמָּ֥ה אָרְכָּֽהּ׃ waʾomar ʾanah ʾatah holekhe wayoʾmer ʾelay lamod ʾet־yerushalim lireʾowt kamah־raḥebah wekhamah ʾarekah׃
7 וְהִנֵּ֗ה הַמַּלְאָ֛ךְ הַדֹּבֵ֥ר בִּ֖י יֹצֵ֑א וּמַלְאָ֣ךְ אַחֵ֔ר יֹצֵ֖א לִקְרָאתֹֽו׃ wehineh hamaleʾakhe hadover biy yotseʾ umaleʾakhe ʾaḥer yotseʾ liqeraʾtow׃
8 וַיֹּ֣אמֶר אֵלָ֔ו רֻ֗ץ דַּבֵּ֛ר אֶל־הַנַּ֥עַר הַלָּ֖ז לֵאמֹ֑ר פְּרָזֹות֙ תֵּשֵׁ֣ב יְרוּשָׁלִַ֔ם מֵרֹ֥ב אָדָ֛ם וּבְהֵמָ֖ה בְּתֹוכָֽהּ׃ wayoʾmer ʾelaw ruts daber ʾel־hanaʿar halaz leʾmor perazowt teshev yerushalim merov ʾadam uvehemah betowkhah׃
9 וַאֲנִ֤י אֶֽהְיֶה־לָּהּ֙ נְאֻם־יְהוָ֔ה חֹ֥ומַת אֵ֖שׁ סָבִ֑יב וּלְכָבֹ֖וד אֶֽהְיֶ֥ה בְתֹוכָֽהּ׃ פ waʾaniy ʾeheyeh־lah neʾum־yehwah ḥowmat ʾesh saviyv ulekhavowd ʾeheyeh vetowkhah׃ f
10 הֹ֣וי הֹ֗וי וְנֻ֛סוּ מֵאֶ֥רֶץ צָפֹ֖ון נְאֻם־יְהוָ֑ה כִּ֠י כְּאַרְבַּ֞ע רוּחֹ֧ות הַשָּׁמַ֛יִם פֵּרַ֥שְׂתִּי אֶתְכֶ֖ם נְאֻם־יְהוָֽה׃ howy howy wenusu meʾerets tsafown neʾum־yehwah kiy keʾarebaʿ ruḥowt hashamayim perasetiy ʾetekhem neʾum־yehwah׃
11 הֹ֥וי צִיֹּ֖ון הִמָּלְטִ֑י יֹושֶׁ֖בֶת בַּת־בָּבֶֽל׃ ס howy tsiyown himaleṭiy yowshevet bat־bavel׃ s
12 כִּ֣י כֹ֣ה אָמַר֮ יְהוָ֣ה צְבָאֹות֒ אַחַ֣ר כָּבֹ֔וד שְׁלָחַ֕נִי אֶל־הַגֹּויִ֖ם הַשֹּׁלְלִ֣ים אֶתְכֶ֑ם כִּ֚י הַנֹּגֵ֣עַ בָּכֶ֔ם נֹגֵ֖עַ בְּבָבַ֥ת עֵינֹֽו׃ kiy khoh ʾamar yehwah tsevaʾowt ʾaḥar kavowd shelaḥaniy ʾel־hagowyim hasholeliym ʾetekhem kiy hanogeaʿ bakhem nogeaʿ bevavat ʿeynow׃
13 כִּ֠י הִנְנִ֨י מֵנִ֤יף אֶת־יָדִי֙ עֲלֵיהֶ֔ם וְהָי֥וּ שָׁלָ֖ל לְעַבְדֵיהֶ֑ם וִֽידַעְתֶּ֕ם כִּֽי־יְהוָ֥ה צְבָאֹ֖ות שְׁלָחָֽנִי׃ ס kiy hineniy meniyf ʾet־yadiy ʿaleyhem wehayu shalal leʿavedeyhem wiydaʿetem kiy־yehwah tsevaʾowt shelaḥaniy׃ s
14 רָנִּ֥י וְשִׂמְחִ֖י בַּת־צִיֹּ֑ון כִּ֧י הִנְנִי־בָ֛א וְשָׁכַנְתִּ֥י בְתֹוכֵ֖ךְ נְאֻם־יְהוָֽה׃ raniy wesimeḥiy bat־tsiyown kiy hineniy־vaʾ weshakhanetiy vetowkhekhe neʾum־yehwah׃
15 וְנִלְווּ֩ גֹויִ֨ם רַבִּ֤ים אֶל־יְהוָה֙ בַּיֹּ֣ום הַה֔וּא וְהָ֥יוּ לִ֖י לְעָ֑ם וְשָׁכַנְתִּ֣י בְתֹוכֵ֔ךְ וְיָדַ֕עַתְּ כִּי־יְהוָ֥ה צְבָאֹ֖ות שְׁלָחַ֥נִי אֵלָֽיִךְ׃ wenilewu gowyim rabiym ʾel־yehwah bayowm hahuʾ wehayu liy leʿam weshakhanetiy vetowkhekhe weyadaʿate kiy־yehwah tsevaʾowt shelaḥaniy ʾelayikhe׃
16 וְנָחַ֨ל יְהוָ֤ה אֶת־יְהוּדָה֙ חֶלְקֹ֔ו עַ֖ל אַדְמַ֣ת הַקֹּ֑דֶשׁ וּבָחַ֥ר עֹ֖וד בִּירוּשָׁלִָֽם׃ wenaḥal yehwah ʾet־yehudah ḥeleqow ʿal ʾademat haqodesh uvaḥar ʿowd biyrushalim׃
17 הַ֥ס כָּל־בָּשָׂ֖ר מִפְּנֵ֣י יְהוָ֑ה כִּ֥י נֵעֹ֖ור מִמְּעֹ֥ון קָדְשֹֽׁו׃ ס has kal־basar mipeney yehwah kiy neʿowr mimeʿown qadeshow׃ s