Amos 6

¹ הֹ֚וי הַשַּׁאֲנַנִּ֣ים בְּצִיֹּ֔ון וְהַבֹּטְחִ֖ים בְּהַ֣ר שֹׁמְרֹ֑ון נְקֻבֵי֙ רֵאשִׁ֣ית הַגֹּויִ֔ם וּבָ֥אוּ לָהֶ֖ם בֵּ֥ית יִשְׂרָאֵֽל׃ howy hashaʾananiym betsiyown wehaboṭeḥiym behar shomerown nequvey reʾshiyt hagowyim uvaʾu lahem beyt yiseraʾel׃

² עִבְר֤וּ כַֽלְנֵה֙ וּרְא֔וּ וּלְכ֥וּ מִשָּׁ֖ם חֲמַ֣ת רַבָּ֑ה וּרְד֣וּ גַת־פְּלִשְׁתּ֗ים הֲטֹובִים֙ מִן־הַמַּמְלָכֹ֣ות הָאֵ֔לֶּה אִם־רַ֥ב גְּבוּלָ֖ם מִגְּבֻלְכֶֽם׃ ʿiveru khaleneh ureʾu ulekhu misham ḥamat rabah uredu gat־pelishetym haṭowviym min־hamamelakhowt haʾeleh ʾim־rav gevulam migevulekhem׃

³ הַֽמְנַדִּ֖ים לְיֹ֣ום רָ֑ע וַתַּגִּישׁ֖וּן שֶׁ֥בֶת חָמָֽס׃ hamenadiym leyowm raʿ watagiyshun shevet ḥamas׃

⁴ הַשֹּֽׁכְבִים֙ עַל־מִטֹּ֣ות שֵׁ֔ן וּסְרֻחִ֖ים עַל־עַרְשֹׂותָ֑ם וְאֹכְלִ֤ים כָּרִים֙ מִצֹּ֔אן וַעֲגָלִ֖ים מִתֹּ֥וךְ מַרְבֵּֽק׃ hashokheviym ʿal־miṭowt shen useruḥiym ʿal־ʿaresowtam weʾokheliym kariym mitsoʾn waʿagaliym mitowkhe marebeq׃

⁵ הַפֹּרְטִ֖ים עַל־פִּ֣י הַנָּ֑בֶל כְּדָוִ֕יד חָשְׁב֥וּ לָהֶ֖ם כְּלֵי־שִֽׁיר׃ haporeṭiym ʿal־piy hanavel kedawiyd ḥashevu lahem keley־shiyr׃

⁶ הַשֹּׁתִ֤ים בְּמִזְרְקֵי֙ יַ֔יִן וְרֵאשִׁ֥ית שְׁמָנִ֖ים יִמְשָׁ֑חוּ וְלֹ֥א נֶחְל֖וּ עַל־שֵׁ֥בֶר יֹוסֵֽף׃ hashotiym bemizereqey yayin wereʾshiyt shemaniym yimeshaḥu weloʾ neḥelu ʿal־shever yowsef׃

⁷ לָכֵ֛ן עַתָּ֥ה יִגְל֖וּ בְּרֹ֣אשׁ גֹּלִ֑ים וְסָ֖ר מִרְזַ֥ח סְרוּחִֽים׃ פ lakhen ʿatah yigelu beroʾsh goliym wesar mirezaḥ seruḥiym׃ f

⁸ נִשְׁבַּע֩ אֲדֹנָ֨י יְהוִ֜ה בְּנַפְשֹׁ֗ו נְאֻם־יְהוָה֙ אֱלֹהֵ֣י צְבָאֹ֔ות מְתָאֵ֤ב אָֽנֹכִי֙ אֶת־גְּאֹ֣ון יַֽעֲקֹ֔ב וְאַרְמְנֹתָ֖יו שָׂנֵ֑אתִי וְהִסְגַּרְתִּ֖י עִ֥יר וּמְלֹאָֽהּ׃ nishebaʿ ʾadonay yehwih benafeshow neʾum־yehwah ʾelohey tsevaʾowt metaʾev ʾanokhiy ʾet־geʾown yaʿaqov weʾaremenotayw saneʾtiy wehisegaretiy ʿiyr umeloʾah׃

⁹ וְהָיָ֗ה אִם־יִוָּ֨תְר֜וּ עֲשָׂרָ֧ה אֲנָשִׁ֛ים בְּבַ֥יִת אֶחָ֖ד וָמֵֽתוּ׃ wehayah ʾim־yiuateru ʿasarah ʾanashiym bevayit ʾeḥad wametu׃

¹⁰ וּנְשָׂאֹ֞ו דֹּודֹ֣ו וּמְסָרְפֹ֗ו לְהֹוצִ֣יא עֲצָמִים֮ מִן־הַבַּיִת֒ וְאָמַ֞ר לַאֲשֶׁ֨ר בְּיַרְכְּתֵ֥י הַבַּ֛יִת הַעֹ֥וד עִמָּ֖ךְ וְאָמַ֣ר אָ֑פֶס וְאָמַ֣ר הָ֔ס כִּ֛י לֹ֥א לְהַזְכִּ֖יר בְּשֵׁ֥ם יְהוָֽה׃ unesaʾow dowdow umesarefow lehowtsiyʾ ʿatsamiym min־habayit weʾamar laʾasher beyareketey habayit haʿowd ʿimakhe weʾamar ʾafes weʾamar has kiy loʾ lehazekiyr beshem yehwah׃

¹¹ כִּֽי־הִנֵּ֤ה יְהוָה֙ מְצַוֶּ֔ה וְהִכָּ֛ה הַבַּ֥יִת הַגָּדֹ֖ול רְסִיסִ֑ים וְהַבַּ֥יִת הַקָּטֹ֖ן בְּקִעִֽים׃ kiy־hineh yehwah metsaueh wehikah habayit hagadowl resiysiym wehabayit haqaṭon beqiʿiym׃

¹² הַיְרֻצ֤וּן בַּסֶּ֙לַע֙ סוּסִ֔ים אִֽם־יַחֲרֹ֖ושׁ בַּבְּקָרִ֑ים כִּֽי־הֲפַכְתֶּ֤ם לְרֹאשׁ֙ מִשְׁפָּ֔ט וּפְרִ֥י צְדָקָ֖ה לְלַעֲנָֽה׃ hayerutsun baselaʿ susiym ʾim־yaḥarowsh babeqariym kiy־hafakhetem leroʾsh mishepaṭ uferiy tsedaqah lelaʿanah׃

¹³ הַשְּׂמֵחִ֖ים לְלֹ֣א דָבָ֑ר הָאֹ֣מְרִ֔ים הֲלֹ֣וא בְחָזְקֵ֔נוּ לָקַ֥חְנוּ לָ֖נוּ קַרְנָֽיִם׃ hasemeḥiym leloʾ davar haʾomeriym halowʾ veḥazeqenu laqaḥenu lanu qarenayim׃

¹⁴ כִּ֡י הִנְנִי֩ מֵקִ֨ים עֲלֵיכֶ֜ם בֵּ֣ית יִשְׂרָאֵ֗ל נְאֻם־יְהוָ֛ה אֱלֹהֵ֥י הַצְּבָאֹ֖ות גֹּ֑וי וְלָחֲצ֥וּ אֶתְכֶ֛ם מִלְּבֹ֥וא חֲמָ֖ת עַד־נַ֥חַל הָעֲרָבָֽה׃ ס kiy hineniy meqiym ʿaleykhem beyt yiseraʾel neʾum־yehwah ʾelohey hatsevaʾowt gowy welaḥatsu ʾetekhem milevowʾ ḥamat ʿad־naḥal haʿaravah׃ s