1 מַשָּׂ֖א נִֽינְוֵ֑ה סֵ֧פֶר חֲזֹ֛ון נַח֖וּם הָאֶלְקֹשִֽׁי׃ masaʾ niyneweh sefer ḥazown naḥum haʾeleqoshiy׃
2 אֵ֣ל קַנֹּ֤וא וְנֹקֵם֙ יְהוָ֔ה נֹקֵ֥ם יְהוָ֖ה וּבַ֣עַל חֵמָ֑ה נֹקֵ֤ם יְהוָה֙ לְצָרָ֔יו וְנֹוטֵ֥ר ה֖וּא לְאֹיְבָֽיו׃ ʾel qanowʾ wenoqem yehwah noqem yehwah uvaʿal ḥemah noqem yehwah letsarayw wenowṭer huʾ leʾoyevayw׃
3 יְהֹוָ֗ה אֶ֤רֶךְ אַפַּ֙יִם֙ [וּגְדֹול־ כ] (וּגְדָל־כֹּ֔חַ ק) וְנַקֵּ֖ה לֹ֣א יְנַקֶּ֑ה יְהוָ֗ה בְּסוּפָ֤ה וּבִשְׂעָרָה֙ דַּרְכֹּ֔ו וְעָנָ֖ן אֲבַ֥ק רַגְלָֽיו׃ yehowah ʾerekhe ʾapayim [ugedowl־ kh] (ugedal־koaḥ q) wenaqeh loʾ yenaqeh yehwah besufah uviseʿarah darekow weʿanan ʾavaq ragelayw׃
4 גֹּועֵ֤ר בַּיָּם֙ וַֽיַּבְּשֵׁ֔הוּ וְכָל־הַנְּהָרֹ֖ות הֶֽחֱרִ֑יב אֻמְלַ֤ל בָּשָׁן֙ וְכַרְמֶ֔ל וּפֶ֥רַח לְבָנֹ֖ון אֻמְלָֽל׃ gowʿer bayam wayabeshehu wekhal־haneharowt heḥeriyv ʾumelal bashan wekharemel uferaḥ levanown ʾumelal׃
5 הָרִים֙ רָעֲשׁ֣וּ מִמֶּ֔נּוּ וְהַגְּבָעֹ֖ות הִתְמֹגָ֑גוּ וַתִּשָּׂ֤א הָאָ֙רֶץ֙ מִפָּנָ֔יו וְתֵבֵ֖ל וְכָל־יֹ֥שְׁבֵי בָֽהּ׃ hariym raʿashu mimenu wehagevaʿowt hitemogagu watisaʾ haʾarets mipanayw wetevel wekhal־yoshevey vah׃
6 לִפְנֵ֤י זַעְמֹו֙ מִ֣י יַֽעֲמֹ֔וד וּמִ֥י יָק֖וּם בַּחֲרֹ֣ון אַפֹּ֑ו חֲמָתֹו֙ נִתְּכָ֣ה כָאֵ֔שׁ וְהַצֻּרִ֖ים נִתְּצ֥וּ מִמֶּֽנּוּ׃ lifeney zaʿemow miy yaʿamowd umiy yaqum baḥarown ʾapow ḥamatow nitekhah khaʾesh wehatsuriym nitetsu mimenu׃
7 טֹ֣וב יְהוָ֔ה לְמָעֹ֖וז בְּיֹ֣ום צָרָ֑ה וְיֹדֵ֖עַ חֹ֥סֵי בֹֽו׃ ṭowv yehwah lemaʿowz beyowm tsarah weyodeaʿ ḥosey vow׃
8 וּבְשֶׁ֣טֶף עֹבֵ֔ר כָּלָ֖ה יַעֲשֶׂ֣ה מְקֹומָ֑הּ וְאֹיְבָ֖יו יְרַדֶּף־חֹֽשֶׁךְ ׃ uvesheṭef ʿover kalah yaʿaseh meqowmah weʾoyevayw yeradef־ḥoshekhe ׃
9 מַה־תְּחַשְּׁבוּן֙ אֶל־יְהוָ֔ה כָּלָ֖ה ה֣וּא עֹשֶׂ֑ה לֹֽא־תָק֥וּם פַּעֲמַ֖יִם צָרָֽה׃ mah־teḥashevun ʾel־yehwah kalah huʾ ʿoseh loʾ־taqum paʿamayim tsarah׃
10 כִּ֚י עַד־סִירִ֣ים סְבֻכִ֔ים וּכְסָבְאָ֖ם סְבוּאִ֑ים אֻ֨כְּל֔וּ כְּקַ֥שׁ יָבֵ֖שׁ מָלֵֽא׃ kiy ʿad־siyriym sevukhiym ukhesaveʾam sevuʾiym ʾukelu keqash yavesh maleʾ׃
11 מִמֵּ֣ךְ יָצָ֔א חֹשֵׁ֥ב עַל־יְהוָ֖ה רָעָ֑ה יֹעֵ֖ץ בְּלִיָּֽעַל׃ ס mimekhe yatsaʾ ḥoshev ʿal־yehwah raʿah yoʿets beliyaʿal׃ s
12 כֹּ֣ה ׀ אָמַ֣ר יְהוָ֗ה אִם־שְׁלֵמִים֙ וְכֵ֣ן רַבִּ֔ים וְכֵ֥ן נָגֹ֖זּוּ וְעָבָ֑ר וְעִ֨נִּתִ֔ךְ לֹ֥א אֲעַנֵּ֖ךְ עֹֽוד׃ koh ׀ ʾamar yehwah ʾim־shelemiym wekhen rabiym wekhen nagozu weʿavar weʿinitikhe loʾ ʾaʿanekhe ʿowd׃
13 וְעַתָּ֕ה אֶשְׁבֹּ֥ר מֹטֵ֖הוּ מֵֽעָלָ֑יִךְ וּמֹוסְרֹתַ֖יִךְ אֲנַתֵּֽק׃ weʿatah ʾeshebor moṭehu meʿalayikhe umowserotayikhe ʾanateq׃
14 וְצִוָּ֤ה עָלֶ֙יךָ֙ יְהוָ֔ה לֹֽא־יִזָּרַ֥ע מִשִּׁמְךָ֖ עֹ֑וד מִבֵּ֨ית אֱלֹהֶ֜יךָ אַכְרִ֨ית פֶּ֧סֶל וּמַסֵּכָ֛ה אָשִׂ֥ים קִבְרֶ֖ךָ כִּ֥י קַלֹּֽותָ׃ פ wetsiuah ʿaleykha yehwah loʾ־yizaraʿ mishimekha ʿowd mibeyt ʾeloheykha ʾakheriyt pesel umasekhah ʾasiym qiverekha kiy qalowta׃ f