1 הַ֥לְלוּ יָ֨הּ ׀ הַֽלְל֣וּ אֶת־יְ֭הוָה מִן־הַשָּׁמַ֑יִם הַֽ֝לְל֗וּהוּ בַּמְּרֹומִֽים׃ halelu yah ׀ halelu ʾet־yehwah min־hashamayim haleluhu bamerowmiym׃
2 הַֽלְל֥וּהוּ כָל־מַלְאָכָ֑יו הַֽ֝לְל֗וּהוּ כָּל־ [צְבָאֹו כ] (צְבָאָֽיו׃ ק) haleluhu khal־maleʾakhayw haleluhu kal־ [tsevaʾow kh] (tsevaʾayw׃ q)
3 הַֽ֭לְלוּהוּ שֶׁ֣מֶשׁ וְיָרֵ֑חַ הַ֝לְל֗וּהוּ כָּל־כֹּ֥וכְבֵי אֹֽור׃ haleluhu shemesh weyareaḥ haleluhu kal־kowkhevey ʾowr׃
4 הַֽ֭לְלוּהוּ שְׁמֵ֣י הַשָּׁמָ֑יִם וְ֝הַמַּ֗יִם אֲשֶׁ֤ר ׀ מֵעַ֬ל הַשָּׁמָֽיִם׃ haleluhu shemey hashamayim wehamayim ʾasher ׀ meʿal hashamayim׃
5 יְֽ֭הַֽלְלוּ אֶת־שֵׁ֣ם יְהוָ֑ה כִּ֤י ה֭וּא צִוָּ֣ה וְנִבְרָֽאוּ׃ yehalelu ʾet־shem yehwah kiy huʾ tsiuah weniveraʾu׃
6 וַיַּעֲמִידֵ֣ם לָעַ֣ד לְעֹולָ֑ם חָק־נָ֝תַ֗ן וְלֹ֣א יַעֲבֹֽור׃ wayaʿamiydem laʿad leʿowlam ḥaq־natan weloʾ yaʿavowr׃
7 הַֽלְל֣וּ אֶת־יְ֭הוָה מִן־הָאָ֑רֶץ תַּ֝נִּינִ֗ים וְכָל־תְּהֹמֹֽות׃ halelu ʾet־yehwah min־haʾarets taniyniym wekhal־tehomowt׃
8 אֵ֣שׁ וּ֭בָרָד שֶׁ֣לֶג וְקִיטֹ֑ור ר֥וּחַ סְ֝עָרָ֗ה עֹשָׂ֥ה דְבָרֹֽו׃ ʾesh uvarad sheleg weqiyṭowr ruaḥ seʿarah ʿosah devarow׃
9 הֶהָרִ֥ים וְכָל־גְּבָעֹ֑ות עֵ֥ץ פְּ֝רִ֗י וְכָל־אֲרָזִֽים׃ hehariym wekhal־gevaʿowt ʿets periy wekhal־ʾaraziym׃
10 הַֽחַיָּ֥ה וְכָל־בְּהֵמָ֑ה רֶ֝֗מֶשׂ וְצִפֹּ֥ור כָּנָֽף׃ haḥayah wekhal־behemah remes wetsipowr kanaf׃
11 מַלְכֵי־אֶ֭רֶץ וְכָל־לְאֻמִּ֑ים רִ֗ים וְכָל־שֹׁ֥פְטֵי אָֽרֶץ׃ malekhey־ʾerets wekhal־leʾumiym riym wekhal־shofeṭey ʾarets׃
12 בַּחוּרִ֥ים וְגַם־בְּתוּלֹ֑ות זְ֝קֵנִ֗ים עִם־נְעָרִֽים׃ baḥuriym wegam־betulowt zeqeniym ʿim־neʿariym׃
13 יְהַלְל֤וּ ׀ אֶת־שֵׁ֬ם יְהוָ֗ה כִּֽי־נִשְׂגָּ֣ב שְׁמֹ֣ו לְבַדֹּ֑ו הֹ֝ודֹ֗ו עַל־אֶ֥רֶץ וְשָׁמָֽיִם׃ yehalelu ׀ ʾet־shem yehwah kiy־nisegav shemow levadow howdow ʿal־ʾerets weshamayim׃
14 וַיָּ֤רֶם קֶ֨רֶן ׀ לְעַמֹּ֡ו תְּהִלָּ֤ה לְֽכָל־חֲסִידָ֗יו לִבְנֵ֣י יִ֭שְׂרָאֵל עַֽם־קְרֹבֹ֗ו הַֽלְלוּ־יָֽהּ׃ wayarem qeren ׀ leʿamow tehilah lekhal־ḥasiydayw liveney yiseraʾel ʿam־qerovow halelu־yah׃