Juges 9

¹ וַיֵּ֨לֶךְ אֲבִימֶ֤לֶךְ בֶּן־יְרֻבַּ֙עַל֙ שְׁכֶ֔מָה אֶל־אֲחֵ֖י אִמֹּ֑ו וַיְדַבֵּ֣ר אֲלֵיהֶ֔ם וְאֶל־כָּל־מִשְׁפַּ֛חַת בֵּית־אֲבִ֥י אִמֹּ֖ו לֵאמֹֽר׃ wayelekhe ʾaviymelekhe ben־yerubaʿal shekhemah ʾel־ʾaḥey ʾimow wayedaber ʾaleyhem weʾel־kal־mishepaḥat beyt־ʾaviy ʾimow leʾmor׃

² דַּבְּרוּ־נָ֞א בְּאָזְנֵ֨י כָל־בַּעֲלֵ֣י שְׁכֶם֮ מַה־טֹּ֣וב לָכֶם֒ הַמְשֹׁ֨ל בָּכֶ֜ם שִׁבְעִ֣ים אִ֗ישׁ כֹּ֚ל בְּנֵ֣י יְרֻבַּ֔עַל אִם־מְשֹׁ֥ל בָּכֶ֖ם אִ֣ישׁ אֶחָ֑ד וּזְכַרְתֶּ֕ם כִּֽי־עַצְמֵכֶ֥ם וּבְשַׂרְכֶ֖ם אָנִֽי׃ daberu־naʾ beʾazeney khal־baʿaley shekhem mah־ṭowv lakhem hameshol bakhem shiveʿiym ʾiysh kol beney yerubaʿal ʾim־meshol bakhem ʾiysh ʾeḥad uzekharetem kiy־ʿatsemekhem uvesarekhem ʾaniy׃

³ וַיְדַבְּר֨וּ אֲחֵֽי־אִמֹּ֜ו עָלָ֗יו בְּאָזְנֵי֙ כָּל־בַּעֲלֵ֣י שְׁכֶ֔ם אֵ֥ת כָּל־הַדְּבָרִ֖ים הָאֵ֑לֶּה וַיֵּ֤ט לִבָּם֙ אַחֲרֵ֣י אֲבִימֶ֔לֶךְ כִּ֥י אָמְר֖וּ אָחִ֥ינוּ הֽוּא׃ wayedaberu ʾaḥey־ʾimow ʿalayw beʾazeney kal־baʿaley shekhem ʾet kal־hadevariym haʾeleh wayeṭ libam ʾaḥarey ʾaviymelekhe kiy ʾameru ʾaḥiynu huʾ׃

⁴ וַיִּתְּנוּ־לֹו֙ שִׁבְעִ֣ים כֶּ֔סֶף מִבֵּ֖ית בַּ֣עַל בְּרִ֑ית וַיִּשְׂכֹּ֨ר בָּהֶ֜ם אֲבִימֶ֗לֶךְ אֲנָשִׁ֤ים רֵיקִים֙ וּפֹ֣חֲזִ֔ים וַיֵּלְכ֖וּ אַחֲרָֽיו׃ wayitenu־low shiveʿiym kesef mibeyt baʿal beriyt wayisekor bahem ʾaviymelekhe ʾanashiym reyqiym ufoḥaziym wayelekhu ʾaḥarayw׃

⁵ וַיָּבֹ֤א בֵית־אָבִיו֙ עָפְרָ֔תָה וַֽיַּהֲרֹ֞ג אֶת־אֶחָ֧יו בְּנֵֽי־יְרֻבַּ֛עַל שִׁבְעִ֥ים אִ֖ישׁ עַל־אֶ֣בֶן אֶחָ֑ת וַיִּוָּתֵ֞ר יֹותָ֧ם בֶּן־יְרֻבַּ֛עַל הַקָּטֹ֖ן כִּ֥י נֶחְבָּֽא׃ ס wayavoʾ veyt־ʾaviyw ʿaferatah wayaharog ʾet־ʾeḥayw beney־yerubaʿal shiveʿiym ʾiysh ʿal־ʾeven ʾeḥat wayiuater yowtam ben־yerubaʿal haqaṭon kiy neḥebaʾ׃ s

⁶ וַיֵּאָ֨סְפ֜וּ כָּל־בַּעֲלֵ֤י שְׁכֶם֙ וְכָל־בֵּ֣ית מִלֹּ֔וא וַיֵּ֣לְכ֔וּ וַיַּמְלִ֥יכוּ אֶת־אֲבִימֶ֖לֶךְ לְמֶ֑לֶךְ עִם־אֵלֹ֥ון מֻצָּ֖ב אֲשֶׁ֥ר בִּשְׁכֶֽם׃ wayeʾasefu kal־baʿaley shekhem wekhal־beyt milowʾ wayelekhu wayameliykhu ʾet־ʾaviymelekhe lemelekhe ʿim־ʾelown mutsav ʾasher bishekhem׃

⁷ וַיַּגִּ֣דוּ לְיֹותָ֗ם וַיֵּ֙לֶךְ֙ וַֽיַּעֲמֹד֙ בְּרֹ֣אשׁ הַר־גְּרִזִ֔ים וַיִּשָּׂ֥א קֹולֹ֖ו וַיִּקְרָ֑א וַיֹּ֣אמֶר לָהֶ֗ם שִׁמְע֤וּ אֵלַי֙ בַּעֲלֵ֣י שְׁכֶ֔ם וְיִשְׁמַ֥ע אֲלֵיכֶ֖ם אֱלֹהִֽים׃ wayagidu leyowtam wayelekhe wayaʿamod beroʾsh har־geriziym wayisaʾ qowlow wayiqeraʾ wayoʾmer lahem shimeʿu ʾelay baʿaley shekhem weyishemaʿ ʾaleykhem ʾelohiym׃

⁸ הָלֹ֤וךְ הָֽלְכוּ֙ הָעֵצִ֔ים לִמְשֹׁ֥חַ עֲלֵיהֶ֖ם מֶ֑לֶךְ וַיֹּאמְר֥וּ לַזַּ֖יִת [מְלֹוכָה כ] (מָלְכָ֥ה ק) עָלֵֽינוּ׃ halowkhe halekhu haʿetsiym limeshoaḥ ʿaleyhem melekhe wayoʾmeru lazayit [melowkhah kh] (malekhah q) ʿaleynu׃

⁹ וַיֹּ֤אמֶר לָהֶם֙ הַזַּ֔יִת הֶחֳדַ֙לְתִּי֙ אֶת־דִּשְׁנִ֔י אֲשֶׁר־בִּ֛י יְכַבְּד֥וּ אֱלֹהִ֖ים וַאֲנָשִׁ֑ים וְהָ֣לַכְתִּ֔י לָנ֖וּעַ עַל־הָעֵצִֽים׃ wayoʾmer lahem hazayit heḥodaletiy ʾet־disheniy ʾasher־biy yekhabedu ʾelohiym waʾanashiym wehalakhetiy lanuaʿ ʿal־haʿetsiym׃

¹⁰ וַיֹּאמְר֥וּ הָעֵצִ֖ים לַתְּאֵנָ֑ה לְכִי־אַ֖תְּ מָלְכִ֥י עָלֵֽינוּ׃ wayoʾmeru haʿetsiym lateʾenah lekhiy־ʾate malekhiy ʿaleynu׃

¹¹ וַתֹּ֤אמֶר לָהֶם֙ הַתְּאֵנָ֔ה הֶחֳדַ֙לְתִּי֙ אֶת־מָתְקִ֔י וְאֶת־תְּנוּבָתִ֖י הַטֹּובָ֑ה וְהָ֣לַכְתִּ֔י לָנ֖וּעַ עַל־הָעֵצִֽים׃ watoʾmer lahem hateʾenah heḥodaletiy ʾet־mateqiy weʾet־tenuvatiy haṭowvah wehalakhetiy lanuaʿ ʿal־haʿetsiym׃

¹² וַיֹּאמְר֥וּ הָעֵצִ֖ים לַגָּ֑פֶן לְכִי־אַ֖תְּ [מָלֹוכִי כ] (מָלְכִ֥י ק) עָלֵֽינוּ׃ wayoʾmeru haʿetsiym lagafen lekhiy־ʾate [malowkhiy kh] (malekhiy q) ʿaleynu׃

¹³ וַתֹּ֤אמֶר לָהֶם֙ הַגֶּ֔פֶן הֶחֳדַ֙לְתִּי֙ אֶת־תִּ֣ירֹושִׁ֔י הַֽמְשַׂמֵּ֥חַ אֱלֹהִ֖ים וַאֲנָשִׁ֑ים וְהָ֣לַכְתִּ֔י לָנ֖וּעַ עַל־הָעֵצִֽים׃ watoʾmer lahem hagefen heḥodaletiy ʾet־tiyrowshiy hamesameaḥ ʾelohiym waʾanashiym wehalakhetiy lanuaʿ ʿal־haʿetsiym׃

¹⁴ וַיֹּאמְר֥וּ כָל־הָעֵצִ֖ים אֶל־הָאָטָ֑ד לֵ֥ךְ אַתָּ֖ה מְלָךְ־עָלֵֽינוּ׃ wayoʾmeru khal־haʿetsiym ʾel־haʾaṭad lekhe ʾatah melakhe־ʿaleynu׃

¹⁵ וַיֹּ֣אמֶר הָאָטָד֮ אֶל־הָעֵצִים֒ אִ֡ם בֶּאֱמֶ֣ת אַתֶּם֩ מֹשְׁחִ֨ים אֹתִ֤י לְמֶ֙לֶךְ֙ עֲלֵיכֶ֔ם בֹּ֖אוּ חֲס֣וּ בְצִלִּ֑י וְאִם־אַ֕יִן תֵּ֤צֵא אֵשׁ֙ מִן־הָ֣אָטָ֔ד וְתֹאכַ֖ל אֶת־אַרְזֵ֥י הַלְּבָנֹֽון׃ wayoʾmer haʾaṭad ʾel־haʿetsiym ʾim beʾemet ʾatem mosheḥiym ʾotiy lemelekhe ʿaleykhem boʾu ḥasu vetsiliy weʾim־ʾayin tetseʾ ʾesh min־haʾaṭad wetoʾkhal ʾet־ʾarezey halevanown׃

¹⁶ וְעַתָּ֗ה אִם־בֶּאֱמֶ֤ת וּבְתָמִים֙ עֲשִׂיתֶ֔ם וַתַּמְלִ֖יכוּ אֶת־אֲבִימֶ֑לֶךְ וְאִם־טֹובָ֤ה עֲשִׂיתֶם֙ עִם־יְרֻבַּ֣עַל וְעִם־בֵּיתֹ֔ו וְאִם־כִּגְמ֥וּל יָדָ֖יו עֲשִׂ֥יתֶם לֹֽו׃ weʿatah ʾim־beʾemet uvetamiym ʿasiytem watameliykhu ʾet־ʾaviymelekhe weʾim־ṭowvah ʿasiytem ʿim־yerubaʿal weʿim־beytow weʾim־kigemul yadayw ʿasiytem low׃

¹⁷ אֲשֶׁר־נִלְחַ֥ם אָבִ֖י עֲלֵיכֶ֑ם וַיַּשְׁלֵ֤ךְ אֶת־נַפְשֹׁו֙ מִנֶּ֔גֶד וַיַּצֵּ֥ל אֶתְכֶ֖ם מִיַּ֥ד מִדְיָֽן׃ ʾasher־nileḥam ʾaviy ʿaleykhem wayashelekhe ʾet־nafeshow mineged wayatsel ʾetekhem miyad mideyan׃

¹⁸ וְאַתֶּ֞ם קַמְתֶּ֨ם עַל־בֵּ֤ית אָבִי֙ הַיֹּ֔ום וַתַּהַרְג֧וּ אֶת־בָּנָ֛יו שִׁבְעִ֥ים אִ֖ישׁ עַל־אֶ֣בֶן אֶחָ֑ת וַתַּמְלִ֜יכוּ אֶת־אֲבִימֶ֤לֶךְ בֶּן־אֲמָתֹו֙ עַל־בַּעֲלֵ֣י שְׁכֶ֔ם כִּ֥י אֲחִיכֶ֖ם הֽוּא׃ weʾatem qametem ʿal־beyt ʾaviy hayowm wataharegu ʾet־banayw shiveʿiym ʾiysh ʿal־ʾeven ʾeḥat watameliykhu ʾet־ʾaviymelekhe ben־ʾamatow ʿal־baʿaley shekhem kiy ʾaḥiykhem huʾ׃

¹⁹ וְאִם־בֶּאֱמֶ֨ת וּבְתָמִ֧ים עֲשִׂיתֶ֛ם עִם־יְרֻבַּ֥עַל וְעִם־בֵּיתֹ֖ו הַיֹּ֣ום הַזֶּ֑ה שִׂמְחוּ֙ בַּאֲבִימֶ֔לֶךְ וְיִשְׂמַ֥ח גַּם־ה֖וּא בָּכֶֽם׃ weʾim־beʾemet uvetamiym ʿasiytem ʿim־yerubaʿal weʿim־beytow hayowm hazeh simeḥu baʾaviymelekhe weyisemaḥ gam־huʾ bakhem׃

²⁰ וְאִם־אַ֕יִן תֵּ֤צֵא אֵשׁ֙ מֵאֲבִימֶ֔לֶךְ וְתֹאכַ֛ל אֶת־בַּעֲלֵ֥י שְׁכֶ֖ם וְאֶת־בֵּ֣ית מִלֹּ֑וא וְתֵצֵ֨א אֵ֜שׁ מִבַּעֲלֵ֤י שְׁכֶם֙ וּמִבֵּ֣ית מִלֹּ֔וא וְתֹאכַ֖ל אֶת־אֲבִימֶֽלֶךְ׃ weʾim־ʾayin tetseʾ ʾesh meʾaviymelekhe wetoʾkhal ʾet־baʿaley shekhem weʾet־beyt milowʾ wetetseʾ ʾesh mibaʿaley shekhem umibeyt milowʾ wetoʾkhal ʾet־ʾaviymelekhe׃

²¹ וַיָּ֣נָס יֹותָ֔ם וַיִּבְרַ֖ח וַיֵּ֣לֶךְ בְּאֵ֑רָה וַיֵּ֣שֶׁב שָׁ֔ם מִפְּנֵ֖י אֲבִימֶ֥לֶךְ אָחִֽיו׃ פ wayanas yowtam wayiveraḥ wayelekhe beʾerah wayeshev sham mipeney ʾaviymelekhe ʾaḥiyw׃ f

²² וַיָּ֧שַׂר אֲבִימֶ֛לֶךְ עַל־יִשְׂרָאֵ֖ל שָׁלֹ֥שׁ שָׁנִֽים׃ wayasar ʾaviymelekhe ʿal־yiseraʾel shalosh shaniym׃

²³ וַיִּשְׁלַ֤ח אֱלֹהִים֙ ר֣וּחַ רָעָ֔ה בֵּ֣ין אֲבִימֶ֔לֶךְ וּבֵ֖ין בַּעֲלֵ֣י שְׁכֶ֑ם וַיִּבְגְּד֥וּ בַעֲלֵי־שְׁכֶ֖ם בַּאֲבִימֶֽלֶךְ׃ wayishelaḥ ʾelohiym ruaḥ raʿah beyn ʾaviymelekhe uveyn baʿaley shekhem wayivegedu vaʿaley־shekhem baʾaviymelekhe׃

²⁴ לָבֹ֕וא חֲמַ֖ס שִׁבְעִ֣ים בְּנֵֽי־יְרֻבָּ֑עַל וְדָמָ֗ם לָשׂ֞וּם עַל־אֲבִימֶ֤לֶךְ אֲחִיהֶם֙ אֲשֶׁ֣ר הָרַ֣ג אֹותָ֔ם וְעַל֙ בַּעֲלֵ֣י שְׁכֶ֔ם אֲשֶׁר־חִזְּק֥וּ אֶת־יָדָ֖יו לַהֲרֹ֥ג אֶת־אֶחָֽיו׃ lavowʾ ḥamas shiveʿiym beney־yerubaʿal wedamam lasum ʿal־ʾaviymelekhe ʾaḥiyhem ʾasher harag ʾowtam weʿal baʿaley shekhem ʾasher־ḥizequ ʾet־yadayw laharog ʾet־ʾeḥayw׃

²⁵ וַיָּשִׂ֣ימוּ לֹו֩ בַעֲלֵ֨י שְׁכֶ֜ם מְאָרְבִ֗ים עַ֚ל רָאשֵׁ֣י הֶהָרִ֔ים וַיִּגְזְל֗וּ אֵ֛ת כָּל־אֲשֶׁר־יַעֲבֹ֥ר עֲלֵיהֶ֖ם בַּדָּ֑רֶךְ וַיֻּגַּ֖ד לַאֲבִימֶֽלֶךְ׃ פ wayasiymu low vaʿaley shekhem meʾareviym ʿal raʾshey hehariym wayigezelu ʾet kal־ʾasher־yaʿavor ʿaleyhem badarekhe wayugad laʾaviymelekhe׃ f

²⁶ וַיָּבֹ֞א גַּ֤עַל בֶּן־עֶ֙בֶד֙ וְאֶחָ֔יו וַיַּעַבְר֖וּ בִּשְׁכֶ֑ם וַיִּבְטְחוּ־בֹ֖ו בַּעֲלֵ֥י שְׁכֶֽם׃ wayavoʾ gaʿal ben־ʿeved weʾeḥayw wayaʿaveru bishekhem wayiveṭeḥu־vow baʿaley shekhem׃

²⁷ וַיֵּצְא֨וּ הַשָּׂדֶ֜ה וַֽיִּבְצְר֤וּ אֶת־כַּרְמֵיהֶם֙ וַֽיִּדְרְכ֔וּ וַֽיַּעֲשׂ֖וּ הִלּוּלִ֑ים וַיָּבֹ֙אוּ֙ בֵּ֣ית אֱ‍ֽלֹֽהֵיהֶ֔ם וַיֹּֽאכְלוּ֙ וַיִּשְׁתּ֔וּ וַֽיְקַלְל֖וּ אֶת־אֲבִימֶֽלֶךְ׃ wayetseʾu hasadeh wayivetseru ʾet־karemeyhem wayiderekhu wayaʿasu hiluliym wayavoʾu beyt א‍loheyhem wayoʾkhelu wayishetu wayeqalelu ʾet־ʾaviymelekhe׃

²⁸ וַיֹּ֣אמֶר ׀ גַּ֣עַל בֶּן־עֶ֗בֶד מִֽי־אֲבִימֶ֤לֶךְ וּמִֽי־שְׁכֶם֙ כִּ֣י נַעַבְדֶ֔נּוּ הֲלֹ֥א בֶן־יְרֻבַּ֖עַל וּזְבֻ֣ל פְּקִידֹ֑ו עִבְד֗וּ אֶת־אַנְשֵׁ֤י חֲמֹור֙ אֲבִ֣י שְׁכֶ֔ם וּמַדּ֖וּעַ נַעַבְדֶ֥נּוּ אֲנָֽחְנוּ׃ wayoʾmer ׀ gaʿal ben־ʿeved miy־ʾaviymelekhe umiy־shekhem kiy naʿavedenu haloʾ ven־yerubaʿal uzevul peqiydow ʿivedu ʾet־ʾaneshey ḥamowr ʾaviy shekhem umaduaʿ naʿavedenu ʾanaḥenu׃

²⁹ וּמִ֨י יִתֵּ֜ן אֶת־הָעָ֤ם הַזֶּה֙ בְּיָדִ֔י וְאָסִ֖ירָה אֶת־אֲבִימֶ֑לֶךְ וַיֹּ֙אמֶר֙ לַאֲבִימֶ֔לֶךְ רַבֶּ֥ה צְבָאֲךָ֖ וָצֵֽאָה׃ umiy yiten ʾet־haʿam hazeh beyadiy weʾasiyrah ʾet־ʾaviymelekhe wayoʾmer laʾaviymelekhe rabeh tsevaʾakha watseʾah׃

³⁰ וַיִּשְׁמַ֗ע זְבֻל֙ שַׂר־הָעִ֔יר אֶת־דִּבְרֵ֖י גַּ֣עַל בֶּן־עָ֑בֶד וַיִּ֖חַר אַפֹּֽו׃ wayishemaʿ zevul sar־haʿiyr ʾet־diverey gaʿal ben־ʿaved wayiḥar ʾapow׃

³¹ וַיִּשְׁלַ֧ח מַלְאָכִ֛ים אֶל־אֲבִימֶ֖לֶךְ בְּתָרְמָ֣ה לֵאמֹ֑ר הִנֵּה֩ גַ֨עַל בֶּן־עֶ֤בֶד וְאֶחָיו֙ בָּאִ֣ים שְׁכֶ֔מָה וְהִנָּ֛ם צָרִ֥ים אֶת־הָעִ֖יר עָלֶֽיךָ׃ wayishelaḥ maleʾakhiym ʾel־ʾaviymelekhe betaremah leʾmor hineh gaʿal ben־ʿeved weʾeḥayw baʾiym shekhemah wehinam tsariym ʾet־haʿiyr ʿaleykha׃

³² וְעַתָּה֙ ק֣וּם לַ֔יְלָה אַתָּ֖ה וְהָעָ֣ם אֲשֶׁר־אִתָּ֑ךְ וֶאֱרֹ֖ב בַּשָּׂדֶֽה׃ weʿatah qum layelah ʾatah wehaʿam ʾasher־ʾitakhe weʾerov basadeh׃

³³ וְהָיָ֤ה בַבֹּ֙קֶר֙ כִּזְרֹ֣חַ הַשֶּׁ֔מֶשׁ תַּשְׁכִּ֖ים וּפָשַׁטְתָּ֣ עַל־הָעִ֑יר וְהִנֵּה־ה֞וּא וְהָעָ֤ם אֲשֶׁר־אִתֹּו֙ יֹצְאִ֣ים אֵלֶ֔יךָ וְעָשִׂ֣יתָ לֹּ֔ו כַּאֲשֶׁ֖ר תִּמְצָ֥א יָדֶֽךָ׃ ס wehayah vaboqer kizeroaḥ hashemesh tashekiym ufashaṭeta ʿal־haʿiyr wehineh־huʾ wehaʿam ʾasher־ʾitow yotseʾiym ʾeleykha weʿasiyta low kaʾasher timetsaʾ yadekha׃ s

³⁴ וַיָּ֧קָם אֲבִימֶ֛לֶךְ וְכָל־הָעָ֥ם אֲשֶׁר־עִמֹּ֖ו לָ֑יְלָה וַיֶּאֶרְב֣וּ עַל־שְׁכֶ֔ם אַרְבָּעָ֖ה רָאשִֽׁים׃ wayaqam ʾaviymelekhe wekhal־haʿam ʾasher־ʿimow layelah wayeʾerevu ʿal־shekhem ʾarebaʿah raʾshiym׃

³⁵ וַיֵּצֵא֙ גַּ֣עַל בֶּן־עֶ֔בֶד וַיַּעֲמֹ֕ד פֶּ֖תַח שַׁ֣עַר הָעִ֑יר וַיָּ֧קָם אֲבִימֶ֛לֶךְ וְהָעָ֥ם אֲשֶׁר־אִתֹּ֖ו מִן־הַמַּאְרָֽב׃ wayetseʾ gaʿal ben־ʿeved wayaʿamod petaḥ shaʿar haʿiyr wayaqam ʾaviymelekhe wehaʿam ʾasher־ʾitow min־hamaʾerav׃

³⁶ וַיַּרְא־גַּעַל֮ אֶת־הָעָם֒ וַיֹּ֣אמֶר אֶל־זְבֻ֔ל הִנֵּה־עָ֣ם יֹורֵ֔ד מֵרָאשֵׁ֖י הֶהָרִ֑ים וַיֹּ֤אמֶר אֵלָיו֙ זְבֻ֔ל אֵ֣ת צֵ֧ל הֶהָרִ֛ים אַתָּ֥ה רֹאֶ֖ה כָּאֲנָשִֽׁים׃ ס wayareʾ־gaʿal ʾet־haʿam wayoʾmer ʾel־zevul hineh־ʿam yowred meraʾshey hehariym wayoʾmer ʾelayw zevul ʾet tsel hehariym ʾatah roʾeh kaʾanashiym׃ s

³⁷ וַיֹּ֨סֶף עֹ֣וד גַּעַל֮ לְדַבֵּר֒ וַיֹּ֕אמֶר הִנֵּה־עָם֙ יֹֽורְדִ֔ים מֵעִ֖ם טַבּ֣וּר הָאָ֑רֶץ וְרֹאשׁ־אֶחָ֣ד בָּ֔א מִדֶּ֖רֶךְ אֵלֹ֥ון מְעֹונְנִֽים׃ wayosef ʿowd gaʿal ledaber wayoʾmer hineh־ʿam yowrediym meʿim ṭabur haʾarets weroʾsh־ʾeḥad baʾ miderekhe ʾelown meʿowneniym׃

³⁸ וַיֹּ֨אמֶר אֵלָ֜יו זְבֻ֗ל אַיֵּ֨ה אֵפֹ֥וא פִ֙יךָ֙ אֲשֶׁ֣ר תֹּאמַ֔ר מִ֥י אֲבִימֶ֖לֶךְ כִּ֣י נַעַבְדֶ֑נּוּ הֲלֹ֨א זֶ֤ה הָעָם֙ אֲשֶׁ֣ר מָאַ֣סְתָּה בֹּ֔ו צֵא־נָ֥א עַתָּ֖ה וְהִלָּ֥חֶם בֹּֽו׃ ס wayoʾmer ʾelayw zevul ʾayeh ʾefowʾ fiykha ʾasher toʾmar miy ʾaviymelekhe kiy naʿavedenu haloʾ zeh haʿam ʾasher maʾasetah bow tseʾ־naʾ ʿatah wehilaḥem bow׃ s

³⁹ וַיֵּ֣צֵא גַ֔עַל לִפְנֵ֖י בַּעֲלֵ֣י שְׁכֶ֑ם וַיִּלָּ֖חֶם בַּאֲבִימֶֽלֶךְ׃ wayetseʾ gaʿal lifeney baʿaley shekhem wayilaḥem baʾaviymelekhe׃

⁴⁰ וַיִּרְדְּפֵ֣הוּ אֲבִימֶ֔לֶךְ וַיָּ֖נָס מִפָּנָ֑יו וַֽיִּפְּל֛וּ חֲלָלִ֥ים רַבִּ֖ים עַד־פֶּ֥תַח הַשָּֽׁעַר׃ wayiredefehu ʾaviymelekhe wayanas mipanayw wayipelu ḥalaliym rabiym ʿad־petaḥ hashaʿar׃

⁴¹ וַיֵּ֥שֶׁב אֲבִימֶ֖לֶךְ בָּארוּמָ֑ה וַיְגָ֧רֶשׁ זְבֻ֛ל אֶת־גַּ֥עַל וְאֶת־אֶחָ֖יו מִשֶּׁ֥בֶת בִּשְׁכֶֽם׃ wayeshev ʾaviymelekhe baʾrumah wayegaresh zevul ʾet־gaʿal weʾet־ʾeḥayw mishevet bishekhem׃

⁴² וַֽיְהִי֙ מִֽמָּחֳרָ֔ת וַיֵּצֵ֥א הָעָ֖ם הַשָּׂדֶ֑ה וַיַּגִּ֖דוּ לַאֲבִימֶֽלֶךְ׃ wayehiy mimaḥorat wayetseʾ haʿam hasadeh wayagidu laʾaviymelekhe׃

⁴³ וַיִּקַּ֣ח אֶת־הָעָ֗ם וַֽיֶּחֱצֵם֙ לִשְׁלֹשָׁ֣ה רָאשִׁ֔ים וַיֶּאֱרֹ֖ב בַּשָּׂדֶ֑ה וַיַּ֗רְא וְהִנֵּ֤ה הָעָם֙ יֹצֵ֣א מִן־הָעִ֔יר וַיָּ֥קָם עֲלֵיהֶ֖ם וַיַּכֵּֽם׃ wayiqaḥ ʾet־haʿam wayeḥetsem lisheloshah raʾshiym wayeʾerov basadeh wayareʾ wehineh haʿam yotseʾ min־haʿiyr wayaqam ʿaleyhem wayakem׃

⁴⁴ וַאֲבִימֶ֗לֶךְ וְהָרָאשִׁים֙ אֲשֶׁ֣ר עִמֹּ֔ו פָּשְׁט֕וּ וַיַּ֣עַמְד֔וּ פֶּ֖תַח שַׁ֣עַר הָעִ֑יר וּשְׁנֵ֣י הָֽרָאשִׁ֗ים פָּֽשְׁט֛וּ עַֽל־כָּל־אֲשֶׁ֥ר בַּשָּׂדֶ֖ה וַיַּכּֽוּם׃ waʾaviymelekhe weharaʾshiym ʾasher ʿimow pasheṭu wayaʿamedu petaḥ shaʿar haʿiyr usheney haraʾshiym pasheṭu ʿal־kal־ʾasher basadeh wayakum׃

⁴⁵ וַאֲבִימֶ֜לֶךְ נִלְחָ֣ם בָּעִ֗יר כֹּ֚ל הַיֹּ֣ום הַה֔וּא וַיִּלְכֹּד֙ אֶת־הָעִ֔יר וְאֶת־הָעָ֥ם אֲשֶׁר־בָּ֖הּ הָרָ֑ג וַיִּתֹּץ֙ אֶת־הָעִ֔יר וַיִּזְרָעֶ֖הָ מֶֽלַח׃ פ waʾaviymelekhe nileḥam baʿiyr kol hayowm hahuʾ wayilekod ʾet־haʿiyr weʾet־haʿam ʾasher־bah harag wayitots ʾet־haʿiyr wayizeraʿeah melaḥ׃ f

⁴⁶ וַֽיִּשְׁמְע֔וּ כָּֽל־בַּעֲלֵ֖י מִֽגְדַּל־שְׁכֶ֑ם וַיָּבֹ֣אוּ אֶל־צְרִ֔יחַ בֵּ֖ית אֵ֥ל בְּרִֽית׃ wayishemeʿu kal־baʿaley migedal־shekhem wayavoʾu ʾel־tseriyḥa beyt ʾel beriyt׃

⁴⁷ וַיֻּגַּ֖ד לַאֲבִימֶ֑לֶךְ כִּ֣י הִֽתְקַבְּצ֔וּ כָּֽל־בַּעֲלֵ֖י מִֽגְדַּל־שְׁכֶֽם׃ wayugad laʾaviymelekhe kiy hiteqabetsu kal־baʿaley migedal־shekhem׃

⁴⁸ וַיַּ֨עַל אֲבִימֶ֜לֶךְ הַר־צַלְמֹ֗ון הוּא֮ וְכָל־הָעָ֣ם אֲשֶׁר־אִתֹּו֒ וַיִּקַּח֩ אֲבִימֶ֨לֶךְ אֶת־הַקַּרְדֻּמֹּ֜ות בְּיָדֹ֗ו וַיִּכְרֹת֙ שֹׂוכַ֣ת עֵצִ֔ים וַיִּ֨שָּׂאֶ֔הָ וַיָּ֖שֶׂם עַל־שִׁכְמֹ֑ו וַיֹּ֜אמֶר אֶל־הָעָ֣ם אֲשֶׁר־עִמֹּ֗ו מָ֤ה רְאִיתֶם֙ עָשִׂ֔יתִי מַהֲר֖וּ עֲשׂ֥וּ כָמֹֽונִי׃ wayaʿal ʾaviymelekhe har־tsalemown huʾ wekhal־haʿam ʾasher־ʾitow wayiqaḥ ʾaviymelekhe ʾet־haqaredumowt beyadow wayikherot sowkhat ʿetsiym wayisaʾeah wayasem ʿal־shikhemow wayoʾmer ʾel־haʿam ʾasher־ʿimow mah reʾiytem ʿasiytiy maharu ʿasu khamowniy׃

⁴⁹ וַיִּכְרְת֨וּ גַם־כָּל־הָעָ֜ם אִ֣ישׁ שֹׂוכֹ֗ה וַיֵּ֨לְכ֜וּ אַחֲרֵ֤י אֲבִימֶ֙לֶךְ֙ וַיָּשִׂ֣ימוּ עַֽל־הַצְּרִ֔יחַ וַיַּצִּ֧יתוּ עֲלֵיהֶ֛ם אֶֽת־הַצְּרִ֖יחַ בָּאֵ֑שׁ וַיָּמֻ֜תוּ גַּ֣ם כָּל־אַנְשֵׁ֧י מִֽגְדַּל־שְׁכֶ֛ם כְּאֶ֖לֶף אִ֥ישׁ וְאִשָּֽׁה׃ פ wayikheretu gam־kal־haʿam ʾiysh sowkhoh wayelekhu ʾaḥarey ʾaviymelekhe wayasiymu ʿal־hatseriyḥa wayatsiytu ʿaleyhem ʾet־hatseriyḥa baʾesh wayamutu gam kal־ʾaneshey migedal־shekhem keʾelef ʾiysh weʾishah׃ f

⁵⁰ וַיֵּ֥לֶךְ אֲבִימֶ֖לֶךְ אֶל־תֵּבֵ֑ץ וַיִּ֥חַן בְּתֵבֵ֖ץ וַֽיִּלְכְּדָֽהּ׃ wayelekhe ʾaviymelekhe ʾel־tevets wayiḥan betevets wayilekedah׃

⁵¹ וּמִגְדַּל־עֹז֮ הָיָ֣ה בְתֹוךְ־הָעִיר֒ וַיָּנֻ֨סוּ שָׁ֜מָּה כָּל־הָאֲנָשִׁ֣ים וְהַנָּשִׁ֗ים וְכֹל֙ בַּעֲלֵ֣י הָעִ֔יר וַֽיִּסְגְּר֖וּ בַּעֲדָ֑ם וַֽיַּעֲל֖וּ עַל־גַּ֥ג הַמִּגְדָּֽל׃ umigedal־ʿoz hayah vetowkhe־haʿiyr wayanusu shamah kal־haʾanashiym wehanashiym wekhol baʿaley haʿiyr wayisegeru baʿadam wayaʿalu ʿal־gag hamigedal׃

⁵² וַיָּבֹ֤א אֲבִימֶ֙לֶךְ֙ עַד־הַמִּגְדָּ֔ל וַיִּלָּ֖חֶם בֹּ֑ו וַיִּגַּ֛שׁ עַד־פֶּ֥תַח הַמִּגְדָּ֖ל לְשָׂרְפֹ֥ו בָאֵֽשׁ׃ wayavoʾ ʾaviymelekhe ʿad־hamigedal wayilaḥem bow wayigash ʿad־petaḥ hamigedal lesarefow vaʾesh׃

⁵³ וַתַּשְׁלֵ֞ךְ אִשָּׁ֥ה אַחַ֛ת פֶּ֥לַח רֶ֖כֶב עַל־רֹ֣אשׁ אֲבִימֶ֑לֶךְ וַתָּ֖רִץ אֶת־גֻּלְגָּלְתֹּֽו׃ watashelekhe ʾishah ʾaḥat pelaḥ rekhev ʿal־roʾsh ʾaviymelekhe watarits ʾet־gulegaletow׃

⁵⁴ וַיִּקְרָ֨א מְהֵרָ֜ה אֶל־הַנַּ֣עַר ׀ נֹשֵׂ֣א כֵלָ֗יו וַיֹּ֤אמֶר לֹו֙ שְׁלֹ֤ף חַרְבְּךָ֙ וּמֹ֣ותְתֵ֔נִי פֶּן־יֹ֥אמְרוּ לִ֖י אִשָּׁ֣ה הֲרָגָ֑תְהוּ וַיִּדְקְרֵ֥הוּ נַעֲרֹ֖ו וַיָּמֹֽת׃ wayiqeraʾ meherah ʾel־hanaʿar ׀ noseʾ khelayw wayoʾmer low shelof ḥarebekha umowteteniy pen־yoʾmeru liy ʾishah haragatehu wayideqerehu naʿarow wayamot׃

⁵⁵ וַיִּרְא֥וּ אִֽישׁ־יִשְׂרָאֵ֖ל כִּ֣י מֵ֣ת אֲבִימֶ֑לֶךְ וַיֵּלְכ֖וּ אִ֥ישׁ לִמְקֹמֹֽו׃ wayireʾu ʾiysh־yiseraʾel kiy met ʾaviymelekhe wayelekhu ʾiysh limeqomow׃

⁵⁶ וַיָּ֣שֶׁב אֱלֹהִ֔ים אֵ֖ת רָעַ֣ת אֲבִימֶ֑לֶךְ אֲשֶׁ֤ר עָשָׂה֙ לְאָבִ֔יו לַהֲרֹ֖ג אֶת־שִׁבְעִ֥ים אֶחָֽיו׃ wayashev ʾelohiym ʾet raʿat ʾaviymelekhe ʾasher ʿasah leʾaviyw laharog ʾet־shiveʿiym ʾeḥayw׃

⁵⁷ וְאֵ֗ת כָּל־רָעַת֙ אַנְשֵׁ֣י שְׁכֶ֔ם הֵשִׁ֥יב אֱלֹהִ֖ים בְּרֹאשָׁ֑ם וַתָּבֹ֣א אֲלֵיהֶ֔ם קִֽלֲלַ֖ת יֹותָ֥ם בֶּן־יְרֻבָּֽעַל׃ פ weʾet kal־raʿat ʾaneshey shekhem heshiyv ʾelohiym beroʾsham watavoʾ ʾaleyhem qilalat yowtam ben־yerubaʿal׃ f