1 Rois 20

¹ וּבֶן־הֲדַ֣ד מֶֽלֶךְ־אֲרָ֗ם קָבַץ֙ אֶת־כָּל־חֵילֹ֔ו וּשְׁלֹשִׁ֨ים וּשְׁנַ֥יִם מֶ֛לֶךְ אִתֹּ֖ו וְס֣וּס וָרָ֑כֶב וַיַּ֗עַל וַיָּ֙צַר֙ עַל־שֹׁ֣מְרֹ֔ון וַיִּלָּ֖חֶם בָּֽהּ׃ uven־hadad melekhe־ʾaram qavats ʾet־kal־ḥeylow usheloshiym ushenayim melekhe ʾitow wesus warakhev wayaʿal wayatsar ʿal־shomerown wayilaḥem bah׃

² וַיִּשְׁלַ֧ח מַלְאָכִ֛ים אֶל־אַחְאָ֥ב מֶֽלֶךְ־יִשְׂרָאֵ֖ל הָעִֽירָה׃ wayishelaḥ maleʾakhiym ʾel־ʾaḥeʾav melekhe־yiseraʾel haʿiyrah׃

³ וַיֹּ֣אמֶר לֹ֗ו כֹּ֚ה אָמַ֣ר בֶּן־הֲדַ֔ד כַּסְפְּךָ֥ וּֽזְהָבְךָ֖ לִֽי־ה֑וּא וְנָשֶׁ֧יךָ וּבָנֶ֛יךָ הַטֹּובִ֖ים לִי־הֵֽם׃ wayoʾmer low koh ʾamar ben־hadad kasepekha uzehavekha liy־huʾ wenasheykha uvaneykha haṭowviym liy־hem׃

⁴ וַיַּ֤עַן מֶֽלֶךְ־יִשְׂרָאֵל֙ וַיֹּ֔אמֶר כִּדְבָרְךָ֖ אֲדֹנִ֣י הַמֶּ֑לֶךְ לְךָ֥ אֲנִ֖י וְכָל־אֲשֶׁר־לִֽי׃ wayaʿan melekhe־yiseraʾel wayoʾmer kidevarekha ʾadoniy hamelekhe lekha ʾaniy wekhal־ʾasher־liy׃

⁵ וַיָּשֻׁ֙בוּ֙ הַמַּלְאָכִ֔ים וַיֹּ֣אמְר֔וּ כֹּֽה־אָמַ֥ר בֶּן־הֲדַ֖ד לֵאמֹ֑ר כִּֽי־שָׁלַ֤חְתִּי אֵלֶ֙יךָ֙ לֵאמֹ֔ר כַּסְפְּךָ֧ וּזְהָבְךָ֛ וְנָשֶׁ֧יךָ וּבָנֶ֖יךָ לִ֥י תִתֵּֽן׃ wayashuvu hamaleʾakhiym wayoʾmeru koh־ʾamar ben־hadad leʾmor kiy־shalaḥetiy ʾeleykha leʾmor kasepekha uzehavekha wenasheykha uvaneykha liy titen׃

⁶ כִּ֣י ׀ אִם־כָּעֵ֣ת מָחָ֗ר אֶשְׁלַ֤ח אֶת־עֲבָדַי֙ אֵלֶ֔יךָ וְחִפְּשׂוּ֙ אֶת־בֵּ֣יתְךָ֔ וְאֵ֖ת בָּתֵּ֣י עֲבָדֶ֑יךָ וְהָיָה֙ כָּל־מַחְמַ֣ד עֵינֶ֔יךָ יָשִׂ֥ימוּ בְיָדָ֖ם וְלָקָֽחוּ׃ kiy ׀ ʾim־kaʿet maḥar ʾeshelaḥ ʾet־ʿavaday ʾeleykha weḥipesu ʾet־beytekha weʾet batey ʿavadeykha wehayah kal־maḥemad ʿeyneykha yasiymu veyadam welaqaḥu׃

⁷ וַיִּקְרָ֤א מֶֽלֶךְ־יִשְׂרָאֵל֙ לְכָל־זִקְנֵ֣י הָאָ֔רֶץ וַיֹּ֙אמֶר֙ דְּעֽוּ־נָ֣א וּרְא֔וּ כִּ֥י רָעָ֖ה זֶ֣ה מְבַקֵּ֑שׁ כִּֽי־שָׁלַ֨ח אֵלַ֜י לְנָשַׁ֤י וּלְבָנַי֙ וּלְכַסְפִּ֣י וְלִזְהָבִ֔י וְלֹ֥א מָנַ֖עְתִּי מִמֶּֽנּוּ׃ wayiqeraʾ melekhe־yiseraʾel lekhal־ziqeney haʾarets wayoʾmer deʿu־naʾ ureʾu kiy raʿah zeh mevaqesh kiy־shalaḥ ʾelay lenashay ulevanay ulekhasepiy welizehaviy weloʾ manaʿetiy mimenu׃

⁸ וַיֹּאמְר֥וּ אֵלָ֛יו כָּל־הַזְּקֵנִ֖ים וְכָל־הָעָ֑ם אַל־תִּשְׁמַ֖ע וְלֹ֥וא תֹאבֶֽה׃ wayoʾmeru ʾelayw kal־hazeqeniym wekhal־haʿam ʾal־tishemaʿ welowʾ toʾveh׃

⁹ וַיֹּ֜אמֶר לְמַלְאֲכֵ֣י בֶן־הֲדַ֗ד אִמְר֞וּ לַֽאדֹנִ֤י הַמֶּ֙לֶךְ֙ כֹּל֩ אֲשֶׁר־שָׁלַ֨חְתָּ אֶל־עַבְדְּךָ֤ בָרִֽאשֹׁנָה֙ אֶעֱשֶׂ֔ה וְהַדָּבָ֣ר הַזֶּ֔ה לֹ֥א אוּכַ֖ל לַעֲשֹׂ֑ות וַיֵּֽלְכוּ֙ הַמַּלְאָכִ֔ים וַיְשִׁבֻ֖הוּ דָּבָֽר׃ wayoʾmer lemaleʾakhey ven־hadad ʾimeru laʾdoniy hamelekhe kol ʾasher־shalaḥeta ʾel־ʿavedekha variʾshonah ʾeʿeseh wehadavar hazeh loʾ ʾukhal laʿasowt wayelekhu hamaleʾakhiym wayeshivuhu davar׃

¹⁰ וַיִּשְׁלַ֤ח אֵלָיו֙ בֶּן־הֲדַ֔ד וַיֹּ֕אמֶר כֹּֽה־יַעֲשׂ֥וּן לִ֛י אֱלֹהִ֖ים וְכֹ֣ה יֹוסִ֑פוּ אִם־יִשְׂפֹּק֙ עֲפַ֣ר שֹׁמְרֹ֔ון לִשְׁעָלִ֕ים לְכָל־הָעָ֖ם אֲשֶׁ֥ר בְּרַגְלָֽי׃ wayishelaḥ ʾelayw ben־hadad wayoʾmer koh־yaʿasun liy ʾelohiym wekhoh yowsifu ʾim־yisepoq ʿafar shomerown lisheʿaliym lekhal־haʿam ʾasher beragelay׃

¹¹ וַיַּ֤עַן מֶֽלֶךְ־יִשְׂרָאֵל֙ וַיֹּ֣אמֶר דַּבְּר֔וּ אַל־יִתְהַלֵּ֥ל חֹגֵ֖ר כִּמְפַתֵּֽחַ׃ wayaʿan melekhe־yiseraʾel wayoʾmer daberu ʾal־yitehalel ḥoger kimefateaḥ׃

¹² וַיְהִ֗י כִּשְׁמֹ֙עַ֙ אֶת־הַדָּבָ֣ר הַזֶּ֔ה וְה֥וּא שֹׁתֶ֛ה ה֥וּא וְהַמְּלָכִ֖ים בַּסֻּכֹּ֑ות וַיֹּ֤אמֶר אֶל־עֲבָדָיו֙ שִׂ֔ימוּ וַיָּשִׂ֖ימוּ עַל־הָעִֽיר׃ wayehiy kishemoaʿ ʾet־hadavar hazeh wehuʾ shoteh huʾ wehamelakhiym basukowt wayoʾmer ʾel־ʿavadayw siymu wayasiymu ʿal־haʿiyr׃

¹³ וְהִנֵּ֣ה ׀ נָבִ֣יא אֶחָ֗ד נִגַּשׁ֮ אֶל־אַחְאָ֣ב מֶֽלֶךְ־יִשְׂרָאֵל֒ וַיֹּ֗אמֶר כֹּ֚ה אָמַ֣ר יְהוָ֔ה הְֽרָאִ֔יתָ אֵ֛ת כָּל־הֶהָמֹ֥ון הַגָּדֹ֖ול הַזֶּ֑ה הִנְנִ֨י נֹתְנֹ֤ו בְיָֽדְךָ֙ הַיֹּ֔ום וְיָדַעְתָּ֖ כִּֽי־אֲנִ֥י יְהוָֽה׃ wehineh ׀ naviyʾ ʾeḥad nigash ʾel־ʾaḥeʾav melekhe־yiseraʾel wayoʾmer koh ʾamar yehwah heraʾiyta ʾet kal־hehamown hagadowl hazeh hineniy notenow veyadekha hayowm weyadaʿeta kiy־ʾaniy yehwah׃

¹⁴ וַיֹּ֤אמֶר אַחְאָב֙ בְּמִ֔י וַיֹּ֙אמֶר֙ כֹּֽה־אָמַ֣ר יְהוָ֔ה בְּנַעֲרֵ֖י שָׂרֵ֣י הַמְּדִינֹ֑ות וַיֹּ֛אמֶר מִֽי־יֶאְסֹ֥ר הַמִּלְחָמָ֖ה וַיֹּ֥אמֶר אָֽתָּה׃ wayoʾmer ʾaḥeʾav bemiy wayoʾmer koh־ʾamar yehwah benaʿarey sarey hamediynowt wayoʾmer miy־yeʾesor hamileḥamah wayoʾmer ʾatah׃

¹⁵ וַיִּפְקֹ֗ד אֶֽת־נַעֲרֵי֙ שָׂרֵ֣י הַמְּדִינֹ֔ות וַיִּהְי֕וּ מָאתַ֖יִם שְׁנַ֣יִם וּשְׁלֹשִׁ֑ים וְאַחֲרֵיהֶ֗ם פָּקַ֧ד אֶת־כָּל־הָעָ֛ם כָּל־בְּנֵ֥י יִשְׂרָאֵ֖ל שִׁבְעַ֥ת אֲלָפִֽים׃ wayifeqod ʾet־naʿarey sarey hamediynowt wayiheyu maʾtayim shenayim usheloshiym weʾaḥareyhem paqad ʾet־kal־haʿam kal־beney yiseraʾel shiveʿat ʾalafiym׃

¹⁶ וַיֵּצְא֖וּ בַּֽצָּהֳרָ֑יִם וּבֶן־הֲדַד֩ שֹׁתֶ֨ה שִׁכֹּ֜ור בַּסֻּכֹּ֗ות ה֧וּא וְהַמְּלָכִ֛ים שְׁלֹשִֽׁים־וּשְׁנַ֥יִם מֶ֖לֶךְ עֹזֵ֥ר אֹתֹֽו׃ wayetseʾu batsahorayim uven־hadad shoteh shikowr basukowt huʾ wehamelakhiym sheloshiym־ushenayim melekhe ʿozer ʾotow׃

¹⁷ וַיֵּצְא֗וּ נַעֲרֵ֛י שָׂרֵ֥י הַמְּדִינֹ֖ות בָּרִֽאשֹׁנָ֑ה וַיִּשְׁלַ֣ח בֶּן־הֲדַ֗ד וַיַּגִּ֤ידוּ לֹו֙ לֵאמֹ֔ר אֲנָשִׁ֕ים יָצְא֖וּ מִשֹּׁמְרֹֽון׃ wayetseʾu naʿarey sarey hamediynowt bariʾshonah wayishelaḥ ben־hadad wayagiydu low leʾmor ʾanashiym yatseʾu mishomerown׃

¹⁸ וַיֹּ֛אמֶר אִם־לְשָׁלֹ֥ום יָצָ֖אוּ תִּפְשׂ֣וּם חַיִּ֑ים וְאִ֧ם לְמִלְחָמָ֛ה יָצָ֖אוּ חַיִּ֥ים תִּפְשֽׂוּם׃ wayoʾmer ʾim־leshalowm yatsaʾu tifesum ḥayiym weʾim lemileḥamah yatsaʾu ḥayiym tifesum׃

¹⁹ וְאֵ֙לֶּה֙ יָצְא֣וּ מִן־הָעִ֔יר נַעֲרֵ֖י שָׂרֵ֣י הַמְּדִינֹ֑ות וְהַחַ֖יִל אֲשֶׁ֥ר אַחֲרֵיהֶֽם׃ weʾeleh yatseʾu min־haʿiyr naʿarey sarey hamediynowt wehaḥayil ʾasher ʾaḥareyhem׃

²⁰ וַיַּכּוּ֙ אִ֣ישׁ אִישֹׁ֔ו וַיָּנֻ֣סוּ אֲרָ֔ם וַֽיִּרְדְּפֵ֖ם יִשְׂרָאֵ֑ל וַיִּמָּלֵ֗ט בֶּן־הֲדַד֙ מֶ֣לֶךְ אֲרָ֔ם עַל־ס֖וּס וּפָרָשִֽׁים׃ wayaku ʾiysh ʾiyshow wayanusu ʾaram wayiredefem yiseraʾel wayimaleṭ ben־hadad melekhe ʾaram ʿal־sus ufarashiym׃

²¹ וַיֵּצֵא֙ מֶ֣לֶךְ יִשְׂרָאֵ֔ל וַיַּ֥ךְ אֶת־הַסּ֖וּס וְאֶת־הָרָ֑כֶב וְהִכָּ֥ה בַאֲרָ֖ם מַכָּ֥ה גְדֹולָֽה׃ wayetseʾ melekhe yiseraʾel wayakhe ʾet־hasus weʾet־harakhev wehikah vaʾaram makah gedowlah׃

²² וַיִּגַּ֤שׁ הַנָּבִיא֙ אֶל־מֶ֣לֶךְ יִשְׂרָאֵ֔ל וַיֹּ֤אמֶר לֹו֙ לֵ֣ךְ הִתְחַזַּ֔ק וְדַ֥ע וּרְאֵ֖ה אֵ֣ת אֲשֶֽׁר־תַּעֲשֶׂ֑ה כִּ֚י לִתְשׁוּבַ֣ת הַשָּׁנָ֔ה מֶ֥לֶךְ אֲרָ֖ם עֹלֶ֥ה עָלֶֽיךָ׃ ס wayigash hanaviyʾ ʾel־melekhe yiseraʾel wayoʾmer low lekhe hiteḥazaq wedaʿ ureʾeh ʾet ʾasher־taʿaseh kiy liteshuvat hashanah melekhe ʾaram ʿoleh ʿaleykha׃ s

²³ וְעַבְדֵ֨י מֶֽלֶךְ־אֲרָ֜ם אָמְר֣וּ אֵלָ֗יו אֱלֹהֵ֤י הָרִים֙ אֱלֹ֣הֵיהֶ֔ם עַל־כֵּ֖ן חָזְק֣וּ מִמֶּ֑נּוּ וְאוּלָ֗ם נִלָּחֵ֤ם אִתָּם֙ בַּמִּישֹׁ֔ור אִם־לֹ֥א נֶחֱזַ֖ק מֵהֶֽם׃ weʿavedey melekhe־ʾaram ʾameru ʾelayw ʾelohey hariym ʾeloheyhem ʿal־ken ḥazequ mimenu weʾulam nilaḥem ʾitam bamiyshowr ʾim־loʾ neḥezaq mehem׃

²⁴ וְאֶת־הַדָּבָ֥ר הַזֶּ֖ה עֲשֵׂ֑ה הָסֵ֤ר הַמְּלָכִים֙ אִ֣ישׁ מִמְּקֹמֹ֔ו וְשִׂ֥ים פַּחֹ֖ות תַּחְתֵּיהֶֽם׃ weʾet־hadavar hazeh ʿaseh haser hamelakhiym ʾiysh mimeqomow wesiym paḥowt taḥeteyhem׃

²⁵ וְאַתָּ֣ה תִֽמְנֶה־לְךָ֣ ׀ חַ֡יִל כַּחַיִל֩ הַנֹּפֵ֨ל מֵאֹותָ֜ךְ וְס֣וּס כַּסּ֣וּס ׀ וְרֶ֣כֶב כָּרֶ֗כֶב וְנִֽלָּחֲמָ֤ה אֹותָם֙ בַּמִּישֹׁ֔ור אִם־לֹ֥א נֶחֱזַ֖ק מֵהֶ֑ם וַיִּשְׁמַ֥ע לְקֹלָ֖ם וַיַּ֥עַשׂ כֵּֽן׃ פ weʾatah timeneh־lekha ׀ ḥayil kaḥayil hanofel meʾowtakhe wesus kasus ׀ werekhev karekhev wenilaḥamah ʾowtam bamiyshowr ʾim־loʾ neḥezaq mehem wayishemaʿ leqolam wayaʿas ken׃ f

²⁶ וַֽיְהִי֙ לִתְשׁוּבַ֣ת הַשָּׁנָ֔ה וַיִּפְקֹ֥ד בֶּן־הֲדַ֖ד אֶת־אֲרָ֑ם וַיַּ֣עַל אֲפֵ֔קָה לַמִּלְחָמָ֖ה עִם־יִשְׂרָאֵֽל׃ wayehiy liteshuvat hashanah wayifeqod ben־hadad ʾet־ʾaram wayaʿal ʾafeqah lamileḥamah ʿim־yiseraʾel׃

²⁷ וּבְנֵ֣י יִשְׂרָאֵ֗ל הָתְפָּקְדוּ֙ וְכָלְכְּל֔וּ וַיֵּלְכ֖וּ לִקְרָאתָ֑ם וַיַּחֲנ֨וּ בְנֵֽי־יִשְׂרָאֵ֜ל נֶגְדָּ֗ם כִּשְׁנֵי֙ חֲשִׂפֵ֣י עִזִּ֔ים וַאֲרָ֖ם מִלְא֥וּ אֶת־הָאָֽרֶץ׃ uveney yiseraʾel hatepaqedu wekhalekelu wayelekhu liqeraʾtam wayaḥanu veney־yiseraʾel negedam kisheney ḥasifey ʿiziym waʾaram mileʾu ʾet־haʾarets׃

²⁸ וַיִּגַּ֞שׁ אִ֣ישׁ הָאֱלֹהִ֗ים וַיֹּאמֶר֮ אֶל־מֶ֣לֶךְ יִשְׂרָאֵל֒ וַיֹּ֜אמֶר כֹּֽה־אָמַ֣ר יְהוָ֗ה יַ֠עַן אֲשֶׁ֨ר אָמְר֤וּ אֲרָם֙ אֱלֹהֵ֤י הָרִים֙ יְהוָ֔ה וְלֹֽא־אֱלֹהֵ֥י עֲמָקִ֖ים ה֑וּא וְ֠נָתַתִּי אֶת־כָּל־הֶהָמֹ֨ון הַגָּ֤דֹול הַזֶּה֙ בְּיָדֶ֔ךָ וִֽידַעְתֶּ֖ם כִּֽי־אֲנִ֥י יְהוָֽה׃ wayigash ʾiysh haʾelohiym wayoʾmer ʾel־melekhe yiseraʾel wayoʾmer koh־ʾamar yehwah yaʿan ʾasher ʾameru ʾaram ʾelohey hariym yehwah weloʾ־ʾelohey ʿamaqiym huʾ wenatatiy ʾet־kal־hehamown hagadowl hazeh beyadekha wiydaʿetem kiy־ʾaniy yehwah׃

²⁹ וַֽיַּחֲנ֧וּ אֵ֦לֶּה נֹ֥כַח אֵ֖לֶּה שִׁבְעַ֣ת יָמִ֑ים וַיְהִ֣י ׀ בַּיֹּ֣ום הַשְּׁבִיעִ֗י וַתִּקְרַב֙ הַמִּלְחָמָ֔ה וַיַּכּ֨וּ בְנֵֽי־יִשְׂרָאֵ֧ל אֶת־אֲרָ֛ם מֵאָה־אֶ֥לֶף רַגְלִ֖י בְּיֹ֥ום אֶחָֽד׃ wayaḥanu ʾeleh nokhaḥ ʾeleh shiveʿat yamiym wayehiy ׀ bayowm hasheviyʿiy watiqerav hamileḥamah wayaku veney־yiseraʾel ʾet־ʾaram meʾah־ʾelef rageliy beyowm ʾeḥad׃

³⁰ וַיָּנֻ֨סוּ הַנֹּותָרִ֥ים ׀ אֲפֵקָה֮ אֶל־הָעִיר֒ וַתִּפֹּל֙ הַחֹומָ֔ה עַל־עֶשְׂרִ֨ים וְשִׁבְעָ֥ה אֶ֛לֶף אִ֖ישׁ הַנֹּותָרִ֑ים וּבֶן־הֲדַ֣ד נָ֔ס וַיָּבֹ֥א אֶל־הָעִ֖יר חֶ֥דֶר בְּחָֽדֶר׃ ס wayanusu hanowtariym ׀ ʾafeqah ʾel־haʿiyr watipol haḥowmah ʿal־ʿeseriym weshiveʿah ʾelef ʾiysh hanowtariym uven־hadad nas wayavoʾ ʾel־haʿiyr ḥeder beḥader׃ s

³¹ וַיֹּאמְר֣וּ אֵלָיו֮ עֲבָדָיו֒ הִנֵּֽה־נָ֣א שָׁמַ֔עְנוּ כִּ֗י מַלְכֵי֙ בֵּ֣ית יִשְׂרָאֵ֔ל כִּֽי־מַלְכֵ֥י חֶ֖סֶד הֵ֑ם נָשִׂ֣ימָה נָּא֩ שַׂקִּ֨ים בְּמָתְנֵ֜ינוּ וַחֲבָלִ֣ים בְּרֹאשֵׁ֗נוּ וְנֵצֵא֙ אֶל־מֶ֣לֶךְ יִשְׂרָאֵ֔ל אוּלַ֖י יְחַיֶּ֥ה אֶת־נַפְשֶֽׁךָ׃ wayoʾmeru ʾelayw ʿavadayw hineh־naʾ shamaʿenu kiy malekhey beyt yiseraʾel kiy־malekhey ḥesed hem nasiymah naʾ saqiym bemateneynu waḥavaliym beroʾshenu wenetseʾ ʾel־melekhe yiseraʾel ʾulay yeḥayeh ʾet־nafeshekha׃

³² וַיַּחְגְּרוּ֩ שַׂקִּ֨ים בְּמָתְנֵיהֶ֜ם וַחֲבָלִ֣ים בְּרָאשֵׁיהֶ֗ם וַיָּבֹ֙אוּ֙ אֶל־מֶ֣לֶךְ יִשְׂרָאֵ֔ל וַיֹּ֣אמְר֔וּ עַבְדְּךָ֧ בֶן־הֲדַ֛ד אָמַ֖ר תְּחִֽי־נָ֣א נַפְשִׁ֑י וַיֹּ֛אמֶר הַעֹודֶ֥נּוּ חַ֖י אָחִ֥י הֽוּא׃ wayaḥegeru saqiym bemateneyhem waḥavaliym beraʾsheyhem wayavoʾu ʾel־melekhe yiseraʾel wayoʾmeru ʿavedekha ven־hadad ʾamar teḥiy־naʾ nafeshiy wayoʾmer haʿowdenu ḥay ʾaḥiy huʾ׃

³³ וְהָאֲנָשִׁים֩ יְנַחֲשׁ֨וּ וַֽיְמַהֲר֜וּ וַיַּחְלְט֣וּ הֲמִמֶּ֗נּוּ וַיֹּֽאמְרוּ֙ אָחִ֣יךָ בֶן־הֲדַ֔ד וַיֹּ֖אמֶר בֹּ֣אוּ קָחֻ֑הוּ וַיֵּצֵ֤א אֵלָיו֙ בֶּן־הֲדַ֔ד וַֽיַּעֲלֵ֖הוּ עַל־הַמֶּרְכָּבָֽה׃ wehaʾanashiym yenaḥashu wayemaharu wayaḥeleṭu hamimenu wayoʾmeru ʾaḥiykha ven־hadad wayoʾmer boʾu qaḥuhu wayetseʾ ʾelayw ben־hadad wayaʿalehu ʿal־hamerekavah׃

³⁴ וַיֹּ֣אמֶר אֵלָ֡יו הֶעָרִ֣ים אֲשֶׁר־לָֽקַח־אָבִי֩ מֵאֵ֨ת אָבִ֜יךָ אָשִׁ֗יב וְ֠חוּצֹות תָּשִׂ֨ים לְךָ֤ בְדַמֶּ֙שֶׂק֙ כַּאֲשֶׁר־שָׂ֤ם אָבִי֙ בְּשֹׁ֣מְרֹ֔ון וַאֲנִ֖י בַּבְּרִ֣ית אֲשַׁלְּחֶ֑ךָּ וַיִּכְרָת־לֹ֥ו בְרִ֖ית וַֽיְשַׁלְּחֵֽהוּ׃ ס wayoʾmer ʾelayw heʿariym ʾasher־laqaḥ־ʾaviy meʾet ʾaviykha ʾashiyv weḥutsowt tasiym lekha vedameseq kaʾasher־sam ʾaviy beshomerown waʾaniy baberiyt ʾashaleḥeka wayikherat־low veriyt wayeshaleḥehu׃ s

³⁵ וְאִ֨ישׁ אֶחָ֜ד מִבְּנֵ֣י הַנְּבִיאִ֗ים אָמַ֧ר אֶל־רֵעֵ֛הוּ בִּדְבַ֥ר יְהוָ֖ה הַכֵּ֣ינִי נָ֑א וַיְמָאֵ֥ן הָאִ֖ישׁ לְהַכֹּתֹֽו׃ weʾiysh ʾeḥad mibeney haneviyʾiym ʾamar ʾel־reʿehu bidevar yehwah hakeyniy naʾ wayemaʾen haʾiysh lehakotow׃

³⁶ וַיֹּ֣אמֶר לֹ֗ו יַ֚עַן אֲשֶׁ֤ר לֹֽא־שָׁמַ֙עְתָּ֙ בְּקֹ֣ול יְהוָ֔ה הִנְּךָ֤ הֹולֵךְ֙ מֵֽאִתִּ֔י וְהִכְּךָ֖ הָאַרְיֵ֑ה וַיֵּ֙לֶךְ֙ מֵֽאֶצְלֹ֔ו וַיִּמְצָאֵ֥הוּ הָאַרְיֵ֖ה וַיַּכֵּֽהוּ׃ wayoʾmer low yaʿan ʾasher loʾ־shamaʿeta beqowl yehwah hinekha howlekhe meʾitiy wehikekha haʾareyeh wayelekhe meʾetselow wayimetsaʾehu haʾareyeh wayakehu׃

³⁷ וַיִּמְצָא֙ אִ֣ישׁ אַחֵ֔ר וַיֹּ֖אמֶר הַכֵּ֣ינִי נָ֑א וַיַּכֵּ֥הוּ הָאִ֖ישׁ הַכֵּ֥ה וּפָצֹֽעַ׃ wayimetsaʾ ʾiysh ʾaḥer wayoʾmer hakeyniy naʾ wayakehu haʾiysh hakeh ufatsoaʿ׃

³⁸ וַיֵּ֙לֶךְ֙ הַנָּבִ֔יא וַיַּעֲמֹ֥ד לַמֶּ֖לֶךְ עַל־הַדָּ֑רֶךְ וַיִּתְחַפֵּ֥שׂ בָּאֲפֵ֖ר עַל־עֵינָֽיו׃ wayelekhe hanaviyʾ wayaʿamod lamelekhe ʿal־hadarekhe wayiteḥapes baʾafer ʿal־ʿeynayw׃

³⁹ וַיְהִ֤י הַמֶּ֙לֶךְ֙ עֹבֵ֔ר וְה֖וּא צָעַ֣ק אֶל־הַמֶּ֑לֶךְ וַיֹּ֜אמֶר עַבְדְּךָ֣ ׀ יָצָ֣א בְקֶֽרֶב־הַמִּלְחָמָ֗ה וְהִנֵּֽה־אִ֨ישׁ סָ֜ר וַיָּבֵ֧א אֵלַ֣י אִ֗ישׁ וַיֹּ֙אמֶר֙ שְׁמֹר֙ אֶת־הָאִ֣ישׁ הַזֶּ֔ה אִם־הִפָּקֵד֙ יִפָּקֵ֔ד וְהָיְתָ֤ה נַפְשְׁךָ֙ תַּ֣חַת נַפְשֹׁ֔ו אֹ֥ו כִכַּר־כֶּ֖סֶף תִּשְׁקֹֽול׃ wayehiy hamelekhe ʿover wehuʾ tsaʿaq ʾel־hamelekhe wayoʾmer ʿavedekha ׀ yatsaʾ veqerev־hamileḥamah wehineh־ʾiysh sar wayaveʾ ʾelay ʾiysh wayoʾmer shemor ʾet־haʾiysh hazeh ʾim־hipaqed yipaqed wehayetah nafeshekha taḥat nafeshow ʾow khikar־kesef tisheqowl׃

⁴⁰ וַיְהִ֣י עַבְדְּךָ֗ עֹשֵׂ֥ה הֵ֛נָּה וָהֵ֖נָּה וְה֣וּא אֵינֶ֑נּוּ וַיֹּ֨אמֶר אֵלָ֧יו מֶֽלֶךְ־יִשְׂרָאֵ֛ל כֵּ֥ן מִשְׁפָּטֶ֖ךָ אַתָּ֥ה חָרָֽצְתָּ׃ wayehiy ʿavedekha ʿoseh henah wahenah wehuʾ ʾeynenu wayoʾmer ʾelayw melekhe־yiseraʾel ken mishepaṭekha ʾatah ḥaratseta׃

⁴¹ וַיְמַהֵ֕ר וַיָּ֙סַר֙ אֶת־הָ֣אֲפֵ֔ר [מֵעַל כ] (מֵעֲלֵ֖י ק) עֵינָ֑יו וַיַּכֵּ֤ר אֹתֹו֙ מֶ֣לֶךְ יִשְׂרָאֵ֔ל כִּ֥י מֵֽהַנְּבִאִ֖ים הֽוּא׃ wayemaher wayasar ʾet־haʾafer [meʿal kh] (meʿaley q) ʿeynayw wayaker ʾotow melekhe yiseraʾel kiy mehaneviʾiym huʾ׃

⁴² וַיֹּ֣אמֶר אֵלָ֗יו כֹּ֚ה אָמַ֣ר יְהוָ֔ה יַ֛עַן שִׁלַּ֥חְתָּ אֶת־אִישׁ־חֶרְמִ֖י מִיָּ֑ד וְהָיְתָ֤ה נַפְשְׁךָ֙ תַּ֣חַת נַפְשֹׁ֔ו וְעַמְּךָ֖ תַּ֥חַת עַמֹּֽו׃ wayoʾmer ʾelayw koh ʾamar yehwah yaʿan shilaḥeta ʾet־ʾiysh־ḥeremiy miyad wehayetah nafeshekha taḥat nafeshow weʿamekha taḥat ʿamow׃

⁴³ וַיֵּ֧לֶךְ מֶֽלֶךְ־יִשְׂרָאֵ֛ל עַל־בֵּיתֹ֖ו סַ֣ר וְזָעֵ֑ף וַיָּבֹ֖א שֹׁמְרֹֽונָה׃ פ wayelekhe melekhe־yiseraʾel ʿal־beytow sar wezaʿef wayavoʾ shomerownah׃ f