1 וַיָּבֹ֤אוּ הַזִּפִים֙ אֶל־שָׁא֔וּל הַגִּבְעָ֖תָה לֵאמֹ֑ר הֲלֹ֨וא דָוִ֤ד מִסְתַּתֵּר֙ בְּגִבְעַ֣ת הַחֲכִילָ֔ה עַ֖ל פְּנֵ֥י הַיְשִׁימֹֽן׃ wayavoʾu hazifiym ʾel־shaʾul hagiveʿatah leʾmor halowʾ dawid misetater begiveʿat haḥakhiylah ʿal peney hayeshiymon׃
2 וַיָּ֣קָם שָׁא֗וּל וַיֵּ֙רֶד֙ אֶל־מִדְבַּר־זִ֔יף וְאִתֹּ֛ו שְׁלֹֽשֶׁת־אֲלָפִ֥ים אִ֖ישׁ בְּחוּרֵ֣י יִשְׂרָאֵ֑ל לְבַקֵּ֥שׁ אֶת־דָּוִ֖ד בְּמִדְבַּר־זִֽיף׃ wayaqam shaʾul wayered ʾel־midebar־ziyf weʾitow sheloshet־ʾalafiym ʾiysh beḥurey yiseraʾel levaqesh ʾet־dawid bemidebar־ziyf׃
3 וַיִּ֨חַן שָׁא֜וּל בְּגִבְעַ֣ת הַחֲכִילָ֗ה אֲשֶׁ֛ר עַל־פְּנֵ֥י הַיְשִׁימֹ֖ן עַל־הַדָּ֑רֶךְ וְדָוִד֙ יֹשֵׁ֣ב בַּמִּדְבָּ֔ר וַיַּ֕רְא כִּ֣י בָ֥א שָׁא֛וּל אַחֲרָ֖יו הַמִּדְבָּֽרָה׃ wayiḥan shaʾul begiveʿat haḥakhiylah ʾasher ʿal־peney hayeshiymon ʿal־hadarekhe wedawid yoshev bamidebar wayareʾ kiy vaʾ shaʾul ʾaḥarayw hamidebarah׃
4 וַיִּשְׁלַ֥ח דָּוִ֖ד מְרַגְּלִ֑ים וַיֵּ֕דַע כִּֽי־בָ֥א שָׁא֖וּל אֶל־נָכֹֽון׃ wayishelaḥ dawid merageliym wayedaʿ kiy־vaʾ shaʾul ʾel־nakhown׃
5 וַיָּ֣קָם דָּוִ֗ד וַיָּבֹא֮ אֶֽל־הַמָּקֹום֮ אֲשֶׁ֣ר חָנָה־שָׁ֣ם שָׁאוּל֒ וַיַּ֣רְא דָּוִ֗ד אֶת־הַמָּקֹום֙ אֲשֶׁ֣ר שָֽׁכַב־שָׁ֣ם שָׁא֔וּל וְאַבְנֵ֥ר בֶּן־נֵ֖ר שַׂר־צְבָאֹ֑ו וְשָׁאוּל֙ שֹׁכֵ֣ב בַּמַּעְגָּ֔ל וְהָעָ֖ם חֹנִ֥ים [סְבִיבֹתֹו כ] (סְבִיבֹתָֽיו׃ ק) wayaqam dawid wayavoʾ ʾel־hamaqowm ʾasher ḥanah־sham shaʾul wayareʾ dawid ʾet־hamaqowm ʾasher shakhav־sham shaʾul weʾavener ben־ner sar־tsevaʾow weshaʾul shokhev bamaʿegal wehaʿam ḥoniym [seviyvotow kh] (seviyvotayw׃ q)
6 וַיַּ֨עַן דָּוִ֜ד וַיֹּ֣אמֶר ׀ אֶל־אֲחִימֶ֣לֶךְ הַחִתִּ֗י וְאֶל־אֲבִישַׁ֨י בֶּן־צְרוּיָ֜ה אֲחִ֤י יֹואָב֙ לֵאמֹ֔ר מִֽי־יֵרֵ֥ד אִתִּ֛י אֶל־שָׁא֖וּל אֶל־הַֽמַּחֲנֶ֑ה וַיֹּ֣אמֶר אֲבִישַׁ֔י אֲנִ֖י אֵרֵ֥ד עִמָּֽךְ׃ wayaʿan dawid wayoʾmer ׀ ʾel־ʾaḥiymelekhe haḥitiy weʾel־ʾaviyshay ben־tseruyah ʾaḥiy yowʾav leʾmor miy־yered ʾitiy ʾel־shaʾul ʾel־hamaḥaneh wayoʾmer ʾaviyshay ʾaniy ʾered ʿimakhe׃
7 וַיָּבֹא֩ דָוִ֨ד וַאֲבִישַׁ֥י ׀ אֶל־הָעָם֮ לַיְלָה֒ וְהִנֵּ֣ה שָׁא֗וּל שֹׁכֵ֤ב יָשֵׁן֙ בַּמַּעְגָּ֔ל וַחֲנִיתֹ֥ו מְעוּכָֽה־בָאָ֖רֶץ [מְרַאֲשֹׁתֹו כ] (מְרַאֲשֹׁתָ֑יו ק) וְאַבְנֵ֣ר וְהָעָ֔ם שֹׁכְבִ֖ים [סְבִיבֹתֹו כ] (סְבִיבֹתָֽיו׃ ק) ס wayavoʾ dawid waʾaviyshay ׀ ʾel־haʿam layelah wehineh shaʾul shokhev yashen bamaʿegal waḥaniytow meʿukhah־vaʾarets [meraʾashotow kh] (meraʾashotayw q) weʾavener wehaʿam shokheviym [seviyvotow kh] (seviyvotayw׃ q) s
8 וַיֹּ֤אמֶר אֲבִישַׁי֙ אֶל־דָּוִ֔ד סִגַּ֨ר אֱלֹהִ֥ים הַיֹּ֛ום אֶת־אֹויִבְךָ֖ בְּיָדֶ֑ךָ וְעַתָּה֩ אַכֶּ֨נּוּ נָ֜א בַּחֲנִ֤ית וּבָאָ֙רֶץ֙ פַּ֣עַם אַחַ֔ת וְלֹ֥א אֶשְׁנֶ֖ה לֹֽו׃ wayoʾmer ʾaviyshay ʾel־dawid sigar ʾelohiym hayowm ʾet־ʾowyivekha beyadekha weʿatah ʾakenu naʾ baḥaniyt uvaʾarets paʿam ʾaḥat weloʾ ʾesheneh low׃
9 וַיֹּ֧אמֶר דָּוִ֛ד אֶל־אֲבִישַׁ֖י אַל־תַּשְׁחִיתֵ֑הוּ כִּ֠י מִ֣י שָׁלַ֥ח יָדֹ֛ו בִּמְשִׁ֥יחַ יְהוָ֖ה וְנִקָּֽה׃ פ wayoʾmer dawid ʾel־ʾaviyshay ʾal־tasheḥiytehu kiy miy shalaḥ yadow bimeshiyḥa yehwah weniqah׃ f
10 וַיֹּ֤אמֶר דָּוִד֙ חַי־יְהוָ֔ה כִּ֥י אִם־יְהוָ֖ה יִגָּפֶ֑נּוּ אֹֽו־יֹומֹ֤ו יָבֹוא֙ וָמֵ֔ת אֹ֧ו בַמִּלְחָמָ֛ה יֵרֵ֖ד וְנִסְפָּֽה׃ wayoʾmer dawid ḥay־yehwah kiy ʾim־yehwah yigafenu ʾow־yowmow yavowʾ wamet ʾow vamileḥamah yered wenisepah׃
11 חָלִ֤ילָה לִּי֙ מֵֽיהוָ֔ה מִשְּׁלֹ֥חַ יָדִ֖י בִּמְשִׁ֣יחַ יְהוָ֑ה וְ֠עַתָּה קַח־נָ֨א אֶֽת־הַחֲנִ֜ית אֲשֶׁ֧ר [מְרַאֲשֹׁתֹו כ] (מְרַאֲשֹׁתָ֛יו ק) וְאֶת־צַפַּ֥חַת הַמַּ֖יִם וְנֵ֥לֲכָה לָּֽנוּ׃ ḥaliylah liy meyhwah misheloaḥ yadiy bimeshiyḥa yehwah weʿatah qaḥ־naʾ ʾet־haḥaniyt ʾasher [meraʾashotow kh] (meraʾashotayw q) weʾet־tsapaḥat hamayim wenelakhah lanu׃
12 וַיִּקַּח֩ דָּוִ֨ד אֶֽת־הַחֲנִ֜ית וְאֶת־צַפַּ֤חַת הַמַּ֙יִם֙ מֵרַאֲשֹׁתֵ֣י שָׁא֔וּל וַיֵּלְכ֖וּ לָהֶ֑ם וְאֵ֣ין רֹאֶה֩ וְאֵ֨ין יֹודֵ֜עַ וְאֵ֣ין מֵקִ֗יץ כִּ֤י כֻלָּם֙ יְשֵׁנִ֔ים כִּ֚י תַּרְדֵּמַ֣ת יְהוָ֔ה נָפְלָ֖ה עֲלֵיהֶֽם׃ wayiqaḥ dawid ʾet־haḥaniyt weʾet־tsapaḥat hamayim meraʾashotey shaʾul wayelekhu lahem weʾeyn roʾeh weʾeyn yowdeaʿ weʾeyn meqiyts kiy khulam yesheniym kiy taredemat yehwah nafelah ʿaleyhem׃
13 וַיַּעֲבֹ֤ר דָּוִד֙ הָעֵ֔בֶר וַיַּעֲמֹ֥ד עַל־רֹאשׁ־הָהָ֖ר מֵֽרָחֹ֑ק רַ֥ב הַמָּקֹ֖ום בֵּינֵיהֶֽם׃ wayaʿavor dawid haʿever wayaʿamod ʿal־roʾsh־hahar meraḥoq rav hamaqowm beyneyhem׃
14 וַיִּקְרָ֨א דָוִ֜ד אֶל־הָעָ֗ם וְאֶל־אַבְנֵ֤ר בֶּן־נֵר֙ לֵאמֹ֔ר הֲלֹ֥וא תַעֲנֶ֖ה אַבְנֵ֑ר וַיַּ֤עַן אַבְנֵר֙ וַיֹּ֔אמֶר מִ֥י אַתָּ֖ה קָרָ֥אתָ אֶל־הַמֶּֽלֶךְ׃ פ wayiqeraʾ dawid ʾel־haʿam weʾel־ʾavener ben־ner leʾmor halowʾ taʿaneh ʾavener wayaʿan ʾavener wayoʾmer miy ʾatah qaraʾta ʾel־hamelekhe׃ f
15 וַיֹּאמֶר֩ דָּוִ֨ד אֶל־אַבְנֵ֜ר הֲלֹוא־אִ֣ישׁ אַתָּ֗ה וּמִ֤י כָמֹ֙וךָ֙ בְּיִשְׂרָאֵ֔ל וְלָ֙מָּה֙ לֹ֣א שָׁמַ֔רְתָּ אֶל־אֲדֹנֶ֖יךָ הַמֶּ֑לֶךְ כִּי־בָא֙ אַחַ֣ד הָעָ֔ם לְהַשְׁחִ֖ית אֶת־הַמֶּ֥לֶךְ אֲדֹנֶֽיךָ׃ wayoʾmer dawid ʾel־ʾavener halowʾ־ʾiysh ʾatah umiy khamowkha beyiseraʾel welamah loʾ shamareta ʾel־ʾadoneykha hamelekhe kiy־vaʾ ʾaḥad haʿam lehasheḥiyt ʾet־hamelekhe ʾadoneykha׃
16 לֹא־טֹ֞וב הַדָּבָ֣ר הַזֶּה֮ אֲשֶׁ֣ר עָשִׂיתָ֒ חַי־יְהוָ֗ה כִּ֤י בְנֵי־מָ֙וֶת֙ אַתֶּ֔ם אֲשֶׁ֧ר לֹֽא־שְׁמַרְתֶּ֛ם עַל־אֲדֹנֵיכֶ֖ם עַל־מְשִׁ֣יחַ יְהוָ֑ה וְעַתָּ֣ה ׀ רְאֵ֗ה אֵֽי־חֲנִ֥ית הַמֶּ֛לֶךְ וְאֶת־צַפַּ֥חַת הַמַּ֖יִם אֲשֶׁ֥ר [מְרַאֲשֹׁתֹו כ] (מְרַאֲשֹׁתָֽיו׃ ק) loʾ־ṭowv hadavar hazeh ʾasher ʿasiyta ḥay־yehwah kiy veney־mawet ʾatem ʾasher loʾ־shemaretem ʿal־ʾadoneykhem ʿal־meshiyḥa yehwah weʿatah ׀ reʾeh ʾey־ḥaniyt hamelekhe weʾet־tsapaḥat hamayim ʾasher [meraʾashotow kh] (meraʾashotayw׃ q)
17 וַיַּכֵּ֤ר שָׁאוּל֙ אֶת־קֹ֣ול דָּוִ֔ד וַיֹּ֕אמֶר הֲקֹולְךָ֥ זֶ֖ה בְּנִ֣י דָוִ֑ד וַיֹּ֣אמֶר דָּוִ֔ד קֹולִ֖י אֲדֹנִ֥י הַמֶּֽלֶךְ׃ wayaker shaʾul ʾet־qowl dawid wayoʾmer haqowlekha zeh beniy dawid wayoʾmer dawid qowliy ʾadoniy hamelekhe׃
18 וַיֹּ֕אמֶר לָ֥מָּה זֶּ֛ה אֲדֹנִ֥י רֹדֵ֖ף אַחֲרֵ֣י עַבְדֹּ֑ו כִּ֚י מֶ֣ה עָשִׂ֔יתִי וּמַה־בְּיָדִ֖י רָעָֽה׃ wayoʾmer lamah zeh ʾadoniy rodef ʾaḥarey ʿavedow kiy meh ʿasiytiy umah־beyadiy raʿah׃
19 וְעַתָּ֗ה יִֽשְׁמַֽע־נָא֙ אֲדֹנִ֣י הַמֶּ֔לֶךְ אֵ֖ת דִּבְרֵ֣י עַבְדֹּ֑ו אִם־יְהוָ֞ה הֱסִֽיתְךָ֥ בִי֙ יָרַ֣ח מִנְחָ֔ה וְאִ֣ם ׀ בְּנֵ֣י הָאָדָ֗ם אֲרוּרִ֥ים הֵם֙ לִפְנֵ֣י יְהוָ֔ה כִּֽי־גֵרְשׁ֣וּנִי הַיֹּ֗ום מֵהִסְתַּפֵּ֜חַ בְּנַחֲלַ֤ת יְהוָה֙ לֵאמֹ֔ר לֵ֥ךְ עֲבֹ֖ד אֱלֹהִ֥ים אֲחֵרִֽים׃ weʿatah yishemaʿ־naʾ ʾadoniy hamelekhe ʾet diverey ʿavedow ʾim־yehwah hesiytekha viy yaraḥ mineḥah weʾim ׀ beney haʾadam ʾaruriym hem lifeney yehwah kiy־gereshuniy hayowm mehisetapeaḥ benaḥalat yehwah leʾmor lekhe ʿavod ʾelohiym ʾaḥeriym׃
20 וְעַתָּ֗ה אַל־יִפֹּ֤ל דָּֽמִי֙ אַ֔רְצָה מִנֶּ֖גֶד פְּנֵ֣י יְהוָ֑ה כִּֽי־יָצָ֞א מֶ֣לֶךְ יִשְׂרָאֵ֗ל לְבַקֵּשׁ֙ אֶת־פַּרְעֹ֣שׁ אֶחָ֔ד כַּאֲשֶׁ֛ר יִרְדֹּ֥ף הַקֹּרֵ֖א בֶּהָרִֽים׃ weʿatah ʾal־yipol damiy ʾaretsah mineged peney yehwah kiy־yatsaʾ melekhe yiseraʾel levaqesh ʾet־pareʿosh ʾeḥad kaʾasher yiredof haqoreʾ behariym׃
21 וַיֹּאמֶר֩ שָׁא֨וּל חָטָ֜אתִי שׁ֣וּב בְּנִֽי־דָוִ֗ד כִּ֠י לֹֽא־אָרַ֤ע לְךָ֙ עֹ֔וד תַּ֠חַת אֲשֶׁ֨ר יָקְרָ֥ה נַפְשִׁ֛י בְּעֵינֶ֖יךָ הַיֹּ֣ום הַזֶּ֑ה הִנֵּ֥ה הִסְכַּ֛לְתִּי וָאֶשְׁגֶּ֖ה הַרְבֵּ֥ה מְאֹֽד׃ wayoʾmer shaʾul ḥaṭaʾtiy shuv beniy־dawid kiy loʾ־ʾaraʿ lekha ʿowd taḥat ʾasher yaqerah nafeshiy beʿeyneykha hayowm hazeh hineh hisekaletiy waʾeshegeh harebeh meʾod׃
22 וַיַּ֤עַן דָּוִד֙ וַיֹּ֔אמֶר הִנֵּ֖ה [הַחֲנִית כ] (חֲנִ֣ית ק) הַמֶּ֑לֶךְ וְיַעֲבֹ֛ר אֶחָ֥ד מֵֽהַנְּעָרִ֖ים וְיִקָּחֶֽהָ׃ wayaʿan dawid wayoʾmer hineh [haḥaniyt kh] (ḥaniyt q) hamelekhe weyaʿavor ʾeḥad mehaneʿariym weyiqaḥeah׃
23 וַֽיהוָה֙ יָשִׁ֣יב לָאִ֔ישׁ אֶת־צִדְקָתֹ֖ו וְאֶת־אֱמֻנָתֹ֑ו אֲשֶׁר֩ נְתָנְךָ֙ יְהוָ֤ה ׀ הַיֹּום֙ בְּיָ֔ד וְלֹ֣א אָבִ֔יתִי לִשְׁלֹ֥חַ יָדִ֖י בִּמְשִׁ֥יחַ יְהוָֽה׃ wayhwah yashiyv laʾiysh ʾet־tsideqatow weʾet־ʾemunatow ʾasher netanekha yehwah ׀ hayowm beyad weloʾ ʾaviytiy lisheloaḥ yadiy bimeshiyḥa yehwah׃
24 וְהִנֵּ֗ה כַּאֲשֶׁ֨ר גָּדְלָ֧ה נַפְשְׁךָ֛ הַיֹּ֥ום הַזֶּ֖ה בְּעֵינָ֑י כֵּ֣ן תִּגְדַּ֤ל נַפְשִׁי֙ בְּעֵינֵ֣י יְהוָ֔ה וְיַצִּלֵ֖נִי מִכָּל־צָרָֽה׃ פ wehineh kaʾasher gadelah nafeshekha hayowm hazeh beʿeynay ken tigedal nafeshiy beʿeyney yehwah weyatsileniy mikal־tsarah׃ f
25 וַיֹּ֨אמֶר שָׁא֜וּל אֶל־דָּוִ֗ד בָּר֤וּךְ אַתָּה֙ בְּנִ֣י דָוִ֔ד גַּ֚ם עָשֹׂ֣ה תַעֲשֶׂ֔ה וְגַ֖ם יָכֹ֣ל תּוּכָ֑ל וַיֵּ֤לֶךְ דָּוִד֙ לְדַרְכֹּ֔ו וְשָׁא֖וּל שָׁ֥ב לִמְקֹומֹֽו׃ פ wayoʾmer shaʾul ʾel־dawid barukhe ʾatah beniy dawid gam ʿasoh taʿaseh wegam yakhol tukhal wayelekhe dawid ledarekow weshaʾul shav limeqowmow׃ f