Exode 6

¹ וַיֹּ֤אמֶר יְהוָה֙ אֶל־מֹשֶׁ֔ה עַתָּ֣ה תִרְאֶ֔ה אֲשֶׁ֥ר אֶֽעֱשֶׂ֖ה לְפַרְעֹ֑ה כִּ֣י בְיָ֤ד חֲזָקָה֙ יְשַׁלְּחֵ֔ם וּבְיָ֣ד חֲזָקָ֔ה יְגָרְשֵׁ֖ם מֵאַרְצֹֽו׃ ס wayoʾmer yehwah ʾel־mosheh ʿatah tireʾeh ʾasher ʾeʿeseh lefareʿoh kiy veyad ḥazaqah yeshaleḥem uveyad ḥazaqah yegareshem meʾaretsow׃ s

² וַיְדַבֵּ֥ר אֱלֹהִ֖ים אֶל־מֹשֶׁ֑ה וַיֹּ֥אמֶר אֵלָ֖יו אֲנִ֥י יְהוָֽה׃ wayedaber ʾelohiym ʾel־mosheh wayoʾmer ʾelayw ʾaniy yehwah׃

³ וָאֵרָ֗א אֶל־אַבְרָהָ֛ם אֶל־יִצְחָ֥ק וְאֶֽל־יַעֲקֹ֖ב בְּאֵ֣ל שַׁדָּ֑י וּשְׁמִ֣י יְהוָ֔ה לֹ֥א נֹודַ֖עְתִּי לָהֶֽם׃ waʾeraʾ ʾel־ʾaveraham ʾel־yitseḥaq weʾel־yaʿaqov beʾel shaday ushemiy yehwah loʾ nowdaʿetiy lahem׃

⁴ וְגַ֨ם הֲקִמֹ֤תִי אֶת־בְּרִיתִי֙ אִתָּ֔ם לָתֵ֥ת לָהֶ֖ם אֶת־אֶ֣רֶץ כְּנָ֑עַן אֵ֛ת אֶ֥רֶץ מְגֻרֵיהֶ֖ם אֲשֶׁר־גָּ֥רוּ בָֽהּ׃ wegam haqimotiy ʾet־beriytiy ʾitam latet lahem ʾet־ʾerets kenaʿan ʾet ʾerets megureyhem ʾasher־garu vah׃

⁵ וְגַ֣ם ׀ אֲנִ֣י שָׁמַ֗עְתִּי אֶֽת־נַאֲקַת֙ בְּנֵ֣י יִשְׂרָאֵ֔ל אֲשֶׁ֥ר מִצְרַ֖יִם מַעֲבִדִ֣ים אֹתָ֑ם וָאֶזְכֹּ֖ר אֶת־בְּרִיתִֽי׃ wegam ׀ ʾaniy shamaʿetiy ʾet־naʾaqat beney yiseraʾel ʾasher mitserayim maʿavidiym ʾotam waʾezekor ʾet־beriytiy׃

⁶ לָכֵ֞ן אֱמֹ֥ר לִבְנֵֽי־יִשְׂרָאֵל֮ אֲנִ֣י יְהוָה֒ וְהֹוצֵאתִ֣י אֶתְכֶ֗ם מִתַּ֙חַת֙ סִבְלֹ֣ת מִצְרַ֔יִם וְהִצַּלְתִּ֥י אֶתְכֶ֖ם מֵעֲבֹדָתָ֑ם וְגָאַלְתִּ֤י אֶתְכֶם֙ בִּזְרֹ֣ועַ נְטוּיָ֔ה וּבִשְׁפָטִ֖ים גְּדֹלִֽים׃ lakhen ʾemor liveney־yiseraʾel ʾaniy yehwah wehowtseʾtiy ʾetekhem mitaḥat sivelot mitserayim wehitsaletiy ʾetekhem meʿavodatam wegaʾaletiy ʾetekhem bizerowʿa neṭuyah uvishefaṭiym gedoliym׃

⁷ וְלָקַחְתִּ֨י אֶתְכֶ֥ם לִי֙ לְעָ֔ם וְהָיִ֥יתִי לָכֶ֖ם לֵֽאלֹהִ֑ים וִֽידַעְתֶּ֗ם כִּ֣י אֲנִ֤י יְהוָה֙ אֱלֹ֣הֵיכֶ֔ם הַמֹּוצִ֣יא אֶתְכֶ֔ם מִתַּ֖חַת סִבְלֹ֥ות מִצְרָֽיִם׃ welaqaḥetiy ʾetekhem liy leʿam wehayiytiy lakhem leʾlohiym wiydaʿetem kiy ʾaniy yehwah ʾeloheykhem hamowtsiyʾ ʾetekhem mitaḥat sivelowt mitserayim׃

⁸ וְהֵבֵאתִ֤י אֶתְכֶם֙ אֶל־הָאָ֔רֶץ אֲשֶׁ֤ר נָשָׂ֙אתִי֙ אֶת־יָדִ֔י לָתֵ֣ת אֹתָ֔הּ לְאַבְרָהָ֥ם לְיִצְחָ֖ק וּֽלְיַעֲקֹ֑ב וְנָתַתִּ֨י אֹתָ֥הּ לָכֶ֛ם מֹורָשָׁ֖ה אֲנִ֥י יְהוָֽה׃ weheveʾtiy ʾetekhem ʾel־haʾarets ʾasher nasaʾtiy ʾet־yadiy latet ʾotah leʾaveraham leyitseḥaq uleyaʿaqov wenatatiy ʾotah lakhem mowrashah ʾaniy yehwah׃

⁹ וַיְדַבֵּ֥ר מֹשֶׁ֛ה כֵּ֖ן אֶל־בְּנֵ֣י יִשְׂרָאֵ֑ל וְלֹ֤א שָֽׁמְעוּ֙ אֶל־מֹשֶׁ֔ה מִקֹּ֣צֶר ר֔וּחַ וּמֵעֲבֹדָ֖ה קָשָֽׁה׃ פ wayedaber mosheh ken ʾel־beney yiseraʾel weloʾ shameʿu ʾel־mosheh miqotser ruaḥ umeʿavodah qashah׃ f

¹⁰ וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃

¹¹ בֹּ֣א דַבֵּ֔ר אֶל־פַּרְעֹ֖ה מֶ֣לֶךְ מִצְרָ֑יִם וִֽישַׁלַּ֥ח אֶת־בְּנֵֽי־יִשְׂרָאֵ֖ל מֵאַרְצֹֽו׃ boʾ daber ʾel־pareʿoh melekhe mitserayim wiyshalaḥ ʾet־beney־yiseraʾel meʾaretsow׃

¹² וַיְדַבֵּ֣ר מֹשֶׁ֔ה לִפְנֵ֥י יְהוָ֖ה לֵאמֹ֑ר הֵ֤ן בְּנֵֽי־יִשְׂרָאֵל֙ לֹֽא־שָׁמְע֣וּ אֵלַ֔י וְאֵיךְ֙ יִשְׁמָעֵ֣נִי פַרְעֹ֔ה וַאֲנִ֖י עֲרַ֥ל שְׂפָתָֽיִם׃ פ wayedaber mosheh lifeney yehwah leʾmor hen beney־yiseraʾel loʾ־shameʿu ʾelay weʾeykhe yishemaʿeniy fareʿoh waʾaniy ʿaral sefatayim׃ f

¹³ וַיְדַבֵּ֣ר יְהוָה֮ אֶל־מֹשֶׁ֣ה וְאֶֽל־אַהֲרֹן֒ וַיְצַוֵּם֙ אֶל־בְּנֵ֣י יִשְׂרָאֵ֔ל וְאֶל־פַּרְעֹ֖ה מֶ֣לֶךְ מִצְרָ֑יִם לְהֹוצִ֥יא אֶת־בְּנֵֽי־יִשְׂרָאֵ֖ל מֵאֶ֥רֶץ מִצְרָֽיִם׃ ס wayedaber yehwah ʾel־mosheh weʾel־ʾaharon wayetsauem ʾel־beney yiseraʾel weʾel־pareʿoh melekhe mitserayim lehowtsiyʾ ʾet־beney־yiseraʾel meʾerets mitserayim׃ s

¹⁴ אֵ֖לֶּה רָאשֵׁ֣י בֵית־אֲבֹתָ֑ם בְּנֵ֨י רְאוּבֵ֜ן בְּכֹ֣ר יִשְׂרָאֵ֗ל חֲנֹ֤וךְ וּפַלּוּא֙ חֶצְרֹ֣ון וְכַרְמִ֔י אֵ֖לֶּה מִשְׁפְּחֹ֥ת רְאוּבֵֽן׃ ʾeleh raʾshey veyt־ʾavotam beney reʾuven bekhor yiseraʾel ḥanowkhe ufaluʾ ḥetserown wekharemiy ʾeleh mishepeḥot reʾuven׃

¹⁵ וּבְנֵ֣י שִׁמְעֹ֗ון יְמוּאֵ֨ל וְיָמִ֤ין וְאֹ֙הַד֙ וְיָכִ֣ין וְצֹ֔חַר וְשָׁא֖וּל בֶּן־הַֽכְּנַעֲנִ֑ית אֵ֖לֶּה מִשְׁפְּחֹ֥ת שִׁמְעֹֽון׃ uveney shimeʿown yemuʾel weyamiyn weʾohad weyakhiyn wetsoḥar weshaʾul ben־hakenaʿaniyt ʾeleh mishepeḥot shimeʿown׃

¹⁶ וְאֵ֨לֶּה שְׁמֹ֤ות בְּנֵֽי־לֵוִי֙ לְתֹ֣לְדֹתָ֔ם גֵּרְשֹׁ֕ון וּקְהָ֖ת וּמְרָרִ֑י וּשְׁנֵי֙ חַיֵּ֣י לֵוִ֔י שֶׁ֧בַע וּשְׁלֹשִׁ֛ים וּמְאַ֖ת שָׁנָֽה׃ weʾeleh shemowt beney־lewiy letoledotam gereshown uqehat umerariy usheney ḥayey lewiy shevaʿ usheloshiym umeʾat shanah׃

¹⁷ בְּנֵ֥י גֵרְשֹׁ֛ון לִבְנִ֥י וְשִׁמְעִ֖י לְמִשְׁפְּחֹתָֽם׃ beney gereshown liveniy weshimeʿiy lemishepeḥotam׃

¹⁸ וּבְנֵ֣י קְהָ֔ת עַמְרָ֣ם וְיִצְהָ֔ר וְחֶבְרֹ֖ון וְעֻזִּיאֵ֑ל וּשְׁנֵי֙ חַיֵּ֣י קְהָ֔ת שָׁלֹ֧שׁ וּשְׁלֹשִׁ֛ים וּמְאַ֖ת שָׁנָֽה׃ uveney qehat ʿameram weyitsehar weḥeverown weʿuziyʾel usheney ḥayey qehat shalosh usheloshiym umeʾat shanah׃

¹⁹ וּבְנֵ֥י מְרָרִ֖י מַחְלִ֣י וּמוּשִׁ֑י אֵ֛לֶּה מִשְׁפְּחֹ֥ת הַלֵּוִ֖י לְתֹלְדֹתָֽם׃ uveney merariy maḥeliy umushiy ʾeleh mishepeḥot halewiy letoledotam׃

²⁰ וַיִּקַּ֨ח עַמְרָ֜ם אֶת־יֹוכֶ֤בֶד דֹּֽדָתֹו֙ לֹ֣ו לְאִשָּׁ֔ה וַתֵּ֣לֶד לֹ֔ו אֶֽת־אַהֲרֹ֖ן וְאֶת־מֹשֶׁ֑ה וּשְׁנֵי֙ חַיֵּ֣י עַמְרָ֔ם שֶׁ֧בַע וּשְׁלֹשִׁ֛ים וּמְאַ֖ת שָׁנָֽה׃ wayiqaḥ ʿameram ʾet־yowkheved dodatow low leʾishah wateled low ʾet־ʾaharon weʾet־mosheh usheney ḥayey ʿameram shevaʿ usheloshiym umeʾat shanah׃

²¹ וּבְנֵ֖י יִצְהָ֑ר קֹ֥רַח וָנֶ֖פֶג וְזִכְרִֽי׃ uveney yitsehar qoraḥ wanefeg wezikheriy׃

²² וּבְנֵ֖י עֻזִּיאֵ֑ל מִֽישָׁאֵ֥ל וְאֶלְצָפָ֖ן וְסִתְרִֽי׃ uveney ʿuziyʾel miyshaʾel weʾeletsafan wesiteriy׃

²³ וַיִּקַּ֨ח אַהֲרֹ֜ן אֶת־אֱלִישֶׁ֧בַע בַּת־עַמִּינָדָ֛ב אֲחֹ֥ות נַחְשֹׁ֖ון לֹ֣ו לְאִשָּׁ֑ה וַתֵּ֣לֶד לֹ֗ו אֶת־נָדָב֙ וְאֶת־אֲבִיה֔וּא אֶת־אֶלְעָזָ֖ר וְאֶת־אִֽיתָמָֽר׃ wayiqaḥ ʾaharon ʾet־ʾeliyshevaʿ bat־ʿamiynadav ʾaḥowt naḥeshown low leʾishah wateled low ʾet־nadav weʾet־ʾaviyhuʾ ʾet־ʾeleʿazar weʾet־ʾiytamar׃

²⁴ וּבְנֵ֣י קֹ֔רַח אַסִּ֥יר וְאֶלְקָנָ֖ה וַאֲבִיאָסָ֑ף אֵ֖לֶּה מִשְׁפְּחֹ֥ת הַקָּרְחִֽי׃ uveney qoraḥ ʾasiyr weʾeleqanah waʾaviyʾasaf ʾeleh mishepeḥot haqareḥiy׃

²⁵ וְאֶלְעָזָ֨ר בֶּֽן־אַהֲרֹ֜ן לָקַֽח־לֹ֨ו מִבְּנֹ֤ות פּֽוּטִיאֵל֙ לֹ֣ו לְאִשָּׁ֔ה וַתֵּ֥לֶד לֹ֖ו אֶת־פִּֽינְחָ֑ס אֵ֗לֶּה רָאשֵׁ֛י אֲבֹ֥ות הַלְוִיִּ֖ם לְמִשְׁפְּחֹתָֽם׃ weʾeleʿazar ben־ʾaharon laqaḥ־low mibenowt puṭiyʾel low leʾishah wateled low ʾet־piyneḥas ʾeleh raʾshey ʾavowt halewiyim lemishepeḥotam׃

²⁶ ה֥וּא אַהֲרֹ֖ן וּמֹשֶׁ֑ה אֲשֶׁ֨ר אָמַ֤ר יְהוָה֙ לָהֶ֔ם הֹוצִ֜יאוּ אֶת־בְּנֵ֧י יִשְׂרָאֵ֛ל מֵאֶ֥רֶץ מִצְרַ֖יִם עַל־צִבְאֹתָֽם׃ huʾ ʾaharon umosheh ʾasher ʾamar yehwah lahem howtsiyʾu ʾet־beney yiseraʾel meʾerets mitserayim ʿal־tsiveʾotam׃

²⁷ הֵ֗ם הַֽמְדַבְּרִים֙ אֶל־פַּרְעֹ֣ה מֶֽלֶךְ־מִצְרַ֔יִם לְהֹוצִ֥יא אֶת־בְּנֵֽי־יִשְׂרָאֵ֖ל מִמִּצְרָ֑יִם ה֥וּא מֹשֶׁ֖ה וְאַהֲרֹֽן׃ hem hamedaberiym ʾel־pareʿoh melekhe־mitserayim lehowtsiyʾ ʾet־beney־yiseraʾel mimitserayim huʾ mosheh weʾaharon׃

²⁸ וַיְהִ֗י בְּיֹ֨ום דִּבֶּ֧ר יְהוָ֛ה אֶל־מֹשֶׁ֖ה בְּאֶ֥רֶץ מִצְרָֽיִם׃ פ wayehiy beyowm diber yehwah ʾel־mosheh beʾerets mitserayim׃ f

²⁹ וַיְדַבֵּ֧ר יְהוָ֛ה אֶל־מֹשֶׁ֥ה לֵּאמֹ֖ר אֲנִ֣י יְהוָ֑ה דַּבֵּ֗ר אֶל־פַּרְעֹה֙ מֶ֣לֶךְ מִצְרַ֔יִם אֵ֛ת כָּל־אֲשֶׁ֥ר אֲנִ֖י דֹּבֵ֥ר אֵלֶֽיךָ׃ wayedaber yehwah ʾel־mosheh leʾmor ʾaniy yehwah daber ʾel־pareʿoh melekhe mitserayim ʾet kal־ʾasher ʾaniy dover ʾeleykha׃

³⁰ וַיֹּ֥אמֶר מֹשֶׁ֖ה לִפְנֵ֣י יְהוָ֑ה הֵ֤ן אֲנִי֙ עֲרַ֣ל שְׂפָתַ֔יִם וְאֵ֕יךְ יִשְׁמַ֥ע אֵלַ֖י פַּרְעֹֽה׃ פ wayoʾmer mosheh lifeney yehwah hen ʾaniy ʿaral sefatayim weʾeykhe yishemaʿ ʾelay pareʿoh׃ f