Jérémie 44

¹ הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ אֶ֚ל כָּל־הַיְּהוּדִ֔ים הַיֹּשְׁבִ֖ים בְּאֶ֣רֶץ מִצְרָ֑יִם הַיֹּשְׁבִ֤ים בְּמִגְדֹּל֙ וּבְתַחְפַּנְחֵ֣ס וּבְנֹ֔ף וּבְאֶ֥רֶץ פַּתְרֹ֖וס לֵאמֹֽר׃ ס hadavar ʾasher hayah ʾel־yiremeyahu ʾel kal־hayehudiym hayosheviym beʾerets mitserayim hayosheviym bemigedol uvetaḥepaneḥes uvenof uveʾerets paterows leʾmor׃ s

² כֹּה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל אַתֶּ֣ם רְאִיתֶ֗ם אֵ֤ת כָּל־הָֽרָעָה֙ אֲשֶׁ֤ר הֵבֵ֙אתִי֙ עַל־יְר֣וּשָׁלִַ֔ם וְעַ֖ל כָּל־עָרֵ֣י יְהוּדָ֑ה וְהִנָּ֤ם חָרְבָּה֙ הַיֹּ֣ום הַזֶּ֔ה וְאֵ֥ין בָּהֶ֖ם יֹושֵֽׁב׃ koh־ʾamar yehwah tsevaʾowt ʾelohey yiseraʾel ʾatem reʾiytem ʾet kal־haraʿah ʾasher heveʾtiy ʿal־yerushalim weʿal kal־ʿarey yehudah wehinam ḥarebah hayowm hazeh weʾeyn bahem yowshev׃

³ מִפְּנֵ֣י רָעָתָ֗ם אֲשֶׁ֤ר עָשׂוּ֙ לְהַכְעִסֵ֔נִי לָלֶ֣כֶת לְקַטֵּ֔ר לַעֲבֹ֖ד לֵאלֹהִ֣ים אֲחֵרִ֑ים אֲשֶׁר֙ לֹ֣א יְדָע֔וּם הֵ֖מָּה אַתֶּ֥ם וַאֲבֹתֵיכֶֽם׃ mipeney raʿatam ʾasher ʿasu lehakheʿiseniy lalekhet leqaṭer laʿavod leʾlohiym ʾaḥeriym ʾasher loʾ yedaʿum hemah ʾatem waʾavoteykhem׃

⁴ וָאֶשְׁלַ֤ח אֲלֵיכֶם֙ אֶת־כָּל־עֲבָדַ֣י הַנְּבִיאִ֔ים הַשְׁכֵּ֥ים וְשָׁלֹ֖חַ לֵאמֹ֑ר אַל־נָ֣א תַעֲשׂ֗וּ אֵ֛ת דְּבַֽר־הַתֹּעֵבָ֥ה הַזֹּ֖את אֲשֶׁ֥ר שָׂנֵֽאתִי׃ waʾeshelaḥ ʾaleykhem ʾet־kal־ʿavaday haneviyʾiym hashekeym weshaloaḥ leʾmor ʾal־naʾ taʿasu ʾet devar־hatoʿevah hazoʾt ʾasher saneʾtiy׃

⁵ וְלֹ֤א שָֽׁמְעוּ֙ וְלֹא־הִטּ֣וּ אֶת־אָזְנָ֔ם לָשׁ֖וּב מֵרָֽעָתָ֑ם לְבִלְתִּ֥י קַטֵּ֖ר לֵאלֹהִ֥ים אֲחֵרִֽים׃ weloʾ shameʿu weloʾ־hiṭu ʾet־ʾazenam lashuv meraʿatam leviletiy qaṭer leʾlohiym ʾaḥeriym׃

⁶ וַתִּתַּ֤ךְ חֲמָתִי֙ וְאַפִּ֔י וַתִּבְעַר֙ בְּעָרֵ֣י יְהוּדָ֔ה וּבְחֻצֹ֖ות יְרֽוּשָׁלִָ֑ם וַתִּהְיֶ֛ינָה לְחָרְבָּ֥ה לִשְׁמָמָ֖ה כַּיֹּ֥ום הַזֶּֽה׃ ס watitakhe ḥamatiy weʾapiy wativeʿar beʿarey yehudah uveḥutsowt yerushalim watiheyeynah leḥarebah lishemamah kayowm hazeh׃ s

⁷ וְעַתָּ֡ה כֹּֽה־אָמַ֣ר יְהוָה֩ אֱלֹהֵ֨י צְבָאֹ֜ות אֱלֹהֵ֣י יִשְׂרָאֵ֗ל לָמָה֩ אַתֶּ֨ם עֹשִׂ֜ים רָעָ֤ה גְדֹולָה֙ אֶל־נַפְשֹׁ֣תֵכֶ֔ם לְהַכְרִ֨ית לָכֶ֧ם אִישׁ־וְאִשָּׁ֛ה עֹולֵ֥ל וְיֹונֵ֖ק מִתֹּ֣וךְ יְהוּדָ֑ה לְבִלְתִּ֛י הֹותִ֥יר לָכֶ֖ם שְׁאֵרִֽית׃ weʿatah koh־ʾamar yehwah ʾelohey tsevaʾowt ʾelohey yiseraʾel lamah ʾatem ʿosiym raʿah gedowlah ʾel־nafeshotekhem lehakheriyt lakhem ʾiysh־weʾishah ʿowlel weyowneq mitowkhe yehudah leviletiy howtiyr lakhem sheʾeriyt׃

⁸ לְהַכְעִסֵ֙נִי֙ בְּמַעֲשֵׂ֣י יְדֵיכֶ֔ם לְקַטֵּ֞ר לֵאלֹהִ֤ים אֲחֵרִים֙ בְּאֶ֣רֶץ מִצְרַ֔יִם אֲשֶׁר־אַתֶּ֥ם בָּאִ֖ים לָג֣וּר שָׁ֑ם לְמַ֙עַן֙ הַכְרִ֣ית לָכֶ֔ם וּלְמַ֤עַן הֱיֹֽותְכֶם֙ לִקְלָלָ֣ה וּלְחֶרְפָּ֔ה בְּכֹ֖ל גֹּויֵ֥י הָאָֽרֶץ׃ lehakheʿiseniy bemaʿasey yedeykhem leqaṭer leʾlohiym ʾaḥeriym beʾerets mitserayim ʾasher־ʾatem baʾiym lagur sham lemaʿan hakheriyt lakhem ulemaʿan heyowtekhem liqelalah uleḥerepah bekhol gowyey haʾarets׃

⁹ הַֽשְׁכַחְתֶּם֩ אֶת־רָעֹ֨ות אֲבֹותֵיכֶ֜ם וְאֶת־רָעֹ֣ות ׀ מַלְכֵ֣י יְהוּדָ֗ה וְאֵת֙ רָעֹ֣ות נָשָׁ֔יו וְאֵת֙ רָעֹ֣תֵכֶ֔ם וְאֵ֖ת רָעֹ֣ת נְשֵׁיכֶ֑ם אֲשֶׁ֤ר עָשׂוּ֙ בְּאֶ֣רֶץ יְהוּדָ֔ה וּבְחֻצֹ֖ות יְרוּשָׁלִָֽם׃ hashekhaḥetem ʾet־raʿowt ʾavowteykhem weʾet־raʿowt ׀ malekhey yehudah weʾet raʿowt nashayw weʾet raʿotekhem weʾet raʿot nesheykhem ʾasher ʿasu beʾerets yehudah uveḥutsowt yerushalim׃

¹⁰ לֹ֣א דֻכְּא֔וּ עַ֖ד הַיֹּ֣ום הַזֶּ֑ה וְלֹ֣א יָרְא֗וּ וְלֹֽא־הָלְכ֤וּ בְתֹֽורָתִי֙ וּבְחֻקֹּתַ֔י אֲשֶׁר־נָתַ֥תִּי לִפְנֵיכֶ֖ם וְלִפְנֵ֥י אֲבֹותֵיכֶֽם׃ ס loʾ dukeʾu ʿad hayowm hazeh weloʾ yareʾu weloʾ־halekhu vetowratiy uveḥuqotay ʾasher־natatiy lifeneykhem welifeney ʾavowteykhem׃ s

¹¹ לָכֵ֗ן כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִ֨י שָׂ֥ם פָּנַ֛י בָּכֶ֖ם לְרָעָ֑ה וּלְהַכְרִ֖ית אֶת־כָּל־יְהוּדָֽה׃ lakhen koh־ʾamar yehwah tsevaʾowt ʾelohey yiseraʾel hineniy sam panay bakhem leraʿah ulehakheriyt ʾet־kal־yehudah׃

¹² וְלָקַחְתִּ֞י אֶת־שְׁאֵרִ֣ית יְהוּדָ֗ה אֲשֶׁר־שָׂ֨מוּ פְנֵיהֶ֜ם לָבֹ֣וא אֶֽרֶץ־מִצְרַיִם֮ לָג֣וּר שָׁם֒ וְתַ֨מּוּ כֹ֜ל בְּאֶ֧רֶץ מִצְרַ֣יִם יִפֹּ֗לוּ בַּחֶ֤רֶב בָּֽרָעָב֙ יִתַּ֔מּוּ מִקָּטֹן֙ וְעַד־גָּדֹ֔ול בַּחֶ֥רֶב וּבָרָעָ֖ב יָמֻ֑תוּ וְהָיוּ֙ לְאָלָ֣ה לְשַׁמָּ֔ה וְלִקְלָלָ֖ה וּלְחֶרְפָּֽה׃ welaqaḥetiy ʾet־sheʾeriyt yehudah ʾasher־samu feneyhem lavowʾ ʾerets־mitserayim lagur sham wetamu khol beʾerets mitserayim yipolu baḥerev baraʿav yitamu miqaṭon weʿad־gadowl baḥerev uvaraʿav yamutu wehayu leʾalah leshamah weliqelalah uleḥerepah׃

¹³ וּפָקַדְתִּ֗י עַ֤ל הַיֹּֽושְׁבִים֙ בְּאֶ֣רֶץ מִצְרַ֔יִם כַּאֲשֶׁ֥ר פָּקַ֖דְתִּי עַל־יְרֽוּשָׁלִָ֑ם בַּחֶ֥רֶב בָּרָעָ֖ב וּבַדָּֽבֶר׃ ufaqadetiy ʿal hayowsheviym beʾerets mitserayim kaʾasher paqadetiy ʿal־yerushalim baḥerev baraʿav uvadaver׃

¹⁴ וְלֹ֨א יִהְיֶ֜ה פָּלִ֤יט וְשָׂרִיד֙ לִשְׁאֵרִ֣ית יְהוּדָ֔ה הַבָּאִ֥ים לָגֽוּר־שָׁ֖ם בְּאֶ֣רֶץ מִצְרָ֑יִם וְלָשׁ֣וּב ׀ אֶ֣רֶץ יְהוּדָ֗ה אֲשֶׁר־הֵ֜מָּה מְנַשְּׂאִ֤ים אֶת־נַפְשָׁם֙ לָשׁוּב֙ לָשֶׁ֣בֶת שָׁ֔ם כִּ֥י לֹֽא־יָשׁ֖וּבוּ כִּ֥י אִם־פְּלֵטִֽים׃ ס weloʾ yiheyeh paliyṭ wesariyd lisheʾeriyt yehudah habaʾiym lagur־sham beʾerets mitserayim welashuv ׀ ʾerets yehudah ʾasher־hemah menaseʾiym ʾet־nafesham lashuv lashevet sham kiy loʾ־yashuvu kiy ʾim־peleṭiym׃ s

¹⁵ וַיַּעֲנ֣וּ אֶֽת־יִרְמְיָ֗הוּ כָּל־הָאֲנָשִׁ֤ים הַיֹּֽדְעִים֙ כִּֽי־מְקַטְּרֹ֤ות נְשֵׁיהֶם֙ לֵאלֹהִ֣ים אֲחֵרִ֔ים וְכָל־הַנָּשִׁ֥ים הָעֹמְדֹ֖ות קָהָ֣ל גָּדֹ֑ול וְכָל־הָעָ֛ם הַיֹּשְׁבִ֥ים בְּאֶֽרֶץ־מִצְרַ֖יִם בְּפַתְרֹ֥וס לֵאמֹֽר׃ wayaʿanu ʾet־yiremeyahu kal־haʾanashiym hayodeʿiym kiy־meqaṭerowt nesheyhem leʾlohiym ʾaḥeriym wekhal־hanashiym haʿomedowt qahal gadowl wekhal־haʿam hayosheviym beʾerets־mitserayim befaterows leʾmor׃

¹⁶ הַדָּבָ֛ר אֲשֶׁר־דִּבַּ֥רְתָּ אֵלֵ֖ינוּ בְּשֵׁ֣ם יְהוָ֑ה אֵינֶ֥נּוּ שֹׁמְעִ֖ים אֵלֶֽיךָ׃ hadavar ʾasher־dibareta ʾeleynu beshem yehwah ʾeynenu shomeʿiym ʾeleykha׃

¹⁷ כִּ֩י עָשֹׂ֨ה נַעֲשֶׂ֜ה אֶֽת־כָּל־הַדָּבָ֣ר ׀ אֲשֶׁר־יָצָ֣א מִפִּ֗ינוּ לְקַטֵּ֞ר לִמְלֶ֣כֶת הַשָּׁמַיִם֮ וְהַסֵּֽיךְ־לָ֣הּ נְסָכִים֒ כַּאֲשֶׁ֨ר עָשִׂ֜ינוּ אֲנַ֤חְנוּ וַאֲבֹתֵ֙ינוּ֙ מְלָכֵ֣ינוּ וְשָׂרֵ֔ינוּ בְּעָרֵ֣י יְהוּדָ֔ה וּבְחֻצֹ֖ות יְרוּשָׁלִָ֑ם וַנִּֽשְׂבַּֽע־לֶ֙חֶם֙ וַנִּֽהְיֶ֣ה טֹובִ֔ים וְרָעָ֖ה לֹ֥א רָאִֽינוּ׃ kiy ʿasoh naʿaseh ʾet־kal־hadavar ׀ ʾasher־yatsaʾ mipiynu leqaṭer limelekhet hashamayim wehaseykhe־lah nesakhiym kaʾasher ʿasiynu ʾanaḥenu waʾavoteynu melakheynu wesareynu beʿarey yehudah uveḥutsowt yerushalim wanisebaʿ־leḥem waniheyeh ṭowviym weraʿah loʾ raʾiynu׃

¹⁸ וּמִן־אָ֡ז חָדַ֜לְנוּ לְקַטֵּ֨ר לִמְלֶ֧כֶת הַשָּׁמַ֛יִם וְהַסֵּֽךְ־לָ֥הּ נְסָכִ֖ים חָסַ֣רְנוּ כֹ֑ל וּבַחֶ֥רֶב וּבָרָעָ֖ב תָּֽמְנוּ׃ umin־ʾaz ḥadalenu leqaṭer limelekhet hashamayim wehasekhe־lah nesakhiym ḥasarenu khol uvaḥerev uvaraʿav tamenu׃

¹⁹ וְכִֽי־אֲנַ֤חְנוּ מְקַטְּרִים֙ לִמְלֶ֣כֶת הַשָּׁמַ֔יִם וּלְהַסֵּ֥ךְ לָ֖הּ נְסָכִ֑ים הֲמִֽבַּלְעֲדֵ֣י אֲנָשֵׁ֗ינוּ עָשִׂ֨ינוּ לָ֤הּ כַּוָּנִים֙ לְהַ֣עֲצִבָ֔ה וְהַסֵּ֥ךְ לָ֖הּ נְסָכִֽים׃ פ wekhiy־ʾanaḥenu meqaṭeriym limelekhet hashamayim ulehasekhe lah nesakhiym hamibaleʿadey ʾanasheynu ʿasiynu lah kauaniym lehaʿatsivah wehasekhe lah nesakhiym׃ f

²⁰ וַיֹּ֥אמֶר יִרְמְיָ֖הוּ אֶל־כָּל־הָעָ֑ם עַל־הַגְּבָרִ֤ים וְעַל־הַנָּשִׁים֙ וְעַל־כָּל־הָעָ֔ם הָעֹנִ֥ים אֹתֹ֛ו דָּבָ֖ר לֵאמֹֽר׃ wayoʾmer yiremeyahu ʾel־kal־haʿam ʿal־hagevariym weʿal־hanashiym weʿal־kal־haʿam haʿoniym ʾotow davar leʾmor׃

²¹ הֲלֹ֣וא אֶת־הַקִּטֵּ֗ר אֲשֶׁ֨ר קִטַּרְתֶּ֜ם בְּעָרֵ֤י יְהוּדָה֙ וּבְחֻצֹ֣ות יְרוּשָׁלִַ֔ם אַתֶּ֧ם וַאֲבֹֽותֵיכֶ֛ם מַלְכֵיכֶ֥ם וְשָׂרֵיכֶ֖ם וְעַ֣ם הָאָ֑רֶץ אֹתָם֙ זָכַ֣ר יְהוָ֔ה וַֽתַּעֲלֶ֖ה עַל־לִבֹּֽו׃ halowʾ ʾet־haqiṭer ʾasher qiṭaretem beʿarey yehudah uveḥutsowt yerushalim ʾatem waʾavowteykhem malekheykhem wesareykhem weʿam haʾarets ʾotam zakhar yehwah wataʿaleh ʿal־libow׃

²² וְלֹֽא־יוּכַל֩ יְהוָ֨ה עֹ֜וד לָשֵׂ֗את מִפְּנֵי֙ רֹ֣עַ מַעַלְלֵיכֶ֔ם מִפְּנֵ֥י הַתֹּועֵבֹ֖ת אֲשֶׁ֣ר עֲשִׂיתֶ֑ם וַתְּהִ֣י אַ֠רְצְכֶם לְחָרְבָּ֨ה וּלְשַׁמָּ֧ה וְלִקְלָלָ֛ה מֵאֵ֥ין יֹושֵׁ֖ב כְּהַיֹּ֥ום הַזֶּֽה׃ weloʾ־yukhal yehwah ʿowd laseʾt mipeney roaʿ maʿaleleykhem mipeney hatowʿevot ʾasher ʿasiytem watehiy ʾaretsekhem leḥarebah uleshamah weliqelalah meʾeyn yowshev kehayowm hazeh׃

²³ מִפְּנֵי֩ אֲשֶׁ֨ר קִטַּרְתֶּ֜ם וַאֲשֶׁ֧ר חֲטָאתֶ֣ם לַיהוָ֗ה וְלֹ֤א שְׁמַעְתֶּם֙ בְּקֹ֣ול יְהוָ֔ה וּבְתֹרָתֹ֧ו וּבְחֻקֹּתָ֛יו וּבְעֵדְוֹתָ֖יו לֹ֣א הֲלַכְתֶּ֑ם עַל־כֵּ֞ן קָרָ֥את אֶתְכֶ֛ם הָרָעָ֥ה הַזֹּ֖את כַּיֹּ֥ום הַזֶּֽה׃ ס mipeney ʾasher qiṭaretem waʾasher ḥaṭaʾtem layhwah weloʾ shemaʿetem beqowl yehwah uvetoratow uveḥuqotayw uveʿedeotayw loʾ halakhetem ʿal־ken qaraʾt ʾetekhem haraʿah hazoʾt kayowm hazeh׃ s

²⁴ וַיֹּ֤אמֶר יִרְמְיָ֙הוּ֙ אֶל־כָּל־הָעָ֔ם וְאֶ֖ל כָּל־הַנָּשִׁ֑ים שִׁמְעוּ֙ דְּבַר־יְהוָ֔ה כָּל־יְהוּדָ֕ה אֲשֶׁ֖ר בְּאֶ֥רֶץ מִצְרָֽיִם׃ ס wayoʾmer yiremeyahu ʾel־kal־haʿam weʾel kal־hanashiym shimeʿu devar־yehwah kal־yehudah ʾasher beʾerets mitserayim׃ s

²⁵ כֹּֽה־אָמַ֣ר יְהוָֽה־צְבָאֹות֩ אֱלֹהֵ֨י יִשְׂרָאֵ֜ל לֵאמֹ֗ר אַתֶּ֨ם וּנְשֵׁיכֶ֜ם וַתְּדַבֵּ֣רְנָה בְּפִיכֶם֮ וּבִידֵיכֶ֣ם מִלֵּאתֶ֣ם ׀ לֵאמֹר֒ עָשֹׂ֨ה נַעֲשֶׂ֜ה אֶת־נְדָרֵ֗ינוּ אֲשֶׁ֤ר נָדַ֙רְנוּ֙ לְקַטֵּר֙ לִמְלֶ֣כֶת הַשָּׁמַ֔יִם וּלְהַסֵּ֥ךְ לָ֖הּ נְסָכִ֑ים הָקֵ֤ים תָּקִ֙ימְנָה֙ אֶת־נִדְרֵיכֶ֔ם וְעָשֹׂ֥ה תַעֲשֶׂ֖ינָה אֶת־נִדְרֵיכֶֽם׃ פ koh־ʾamar yehwah־tsevaʾowt ʾelohey yiseraʾel leʾmor ʾatem unesheykhem watedaberenah befiykhem uviydeykhem mileʾtem ׀ leʾmor ʿasoh naʿaseh ʾet־nedareynu ʾasher nadarenu leqaṭer limelekhet hashamayim ulehasekhe lah nesakhiym haqeym taqiymenah ʾet־nidereykhem weʿasoh taʿaseynah ʾet־nidereykhem׃ f

²⁶ לָכֵן֙ שִׁמְע֣וּ דְבַר־יְהוָ֔ה כָּל־יְהוּדָ֕ה הַיֹּשְׁבִ֖ים בְּאֶ֣רֶץ מִצְרָ֑יִם הִנְנִ֨י נִשְׁבַּ֜עְתִּי בִּשְׁמִ֤י הַגָּדֹול֙ אָמַ֣ר יְהוָ֔ה אִם־יִהְיֶה֩ עֹ֨וד שְׁמִ֜י נִקְרָ֣א ׀ בְּפִ֣י ׀ כָּל־אִ֣ישׁ יְהוּדָ֗ה אֹמֵ֛ר חַי־אֲדֹנָ֥י יְהוִ֖ה בְּכָל־אֶ֥רֶץ מִצְרָֽיִם׃ lakhen shimeʿu devar־yehwah kal־yehudah hayosheviym beʾerets mitserayim hineniy nishebaʿetiy bishemiy hagadowl ʾamar yehwah ʾim־yiheyeh ʿowd shemiy niqeraʾ ׀ befiy ׀ kal־ʾiysh yehudah ʾomer ḥay־ʾadonay yehwih bekhal־ʾerets mitserayim׃

²⁷ הִנְנִ֨י שֹׁקֵ֧ד עֲלֵיהֶ֛ם לְרָעָ֖ה וְלֹ֣א לְטֹובָ֑ה וְתַמּוּ֩ כָל־אִ֨ישׁ יְהוּדָ֜ה אֲשֶׁ֧ר בְּאֶֽרֶץ־מִצְרַ֛יִם בַּחֶ֥רֶב וּבָרָעָ֖ב עַד־כְּלֹותָֽם׃ hineniy shoqed ʿaleyhem leraʿah weloʾ leṭowvah wetamu khal־ʾiysh yehudah ʾasher beʾerets־mitserayim baḥerev uvaraʿav ʿad־kelowtam׃

²⁸ וּפְלִיטֵ֨י חֶ֜רֶב יְשֻׁב֨וּן מִן־אֶ֧רֶץ מִצְרַ֛יִם אֶ֥רֶץ יְהוּדָ֖ה מְתֵ֣י מִסְפָּ֑ר וְֽיָדְע֞וּ כָּל־שְׁאֵרִ֣ית יְהוּדָ֗ה הַבָּאִ֤ים לְאֶֽרֶץ־מִצְרַ֙יִם֙ לָג֣וּר שָׁ֔ם דְּבַר־מִ֥י יָק֖וּם מִמֶּ֥נִּי וּמֵהֶֽם׃ ufeliyṭey ḥerev yeshuvun min־ʾerets mitserayim ʾerets yehudah metey misepar weyadeʿu kal־sheʾeriyt yehudah habaʾiym leʾerets־mitserayim lagur sham devar־miy yaqum mimeniy umehem׃

²⁹ וְזֹאת־לָכֶ֤ם הָאֹות֙ נְאֻם־יְהוָ֔ה כִּֽי־פֹקֵ֥ד אֲנִ֛י עֲלֵיכֶ֖ם בַּמָּקֹ֣ום הַזֶּ֑ה לְמַ֙עַן֙ תֵּֽדְע֔וּ כִּי֩ קֹ֨ום יָק֧וּמוּ דְבָרַ֛י עֲלֵיכֶ֖ם לְרָעָֽה׃ ס wezoʾt־lakhem haʾowt neʾum־yehwah kiy־foqed ʾaniy ʿaleykhem bamaqowm hazeh lemaʿan tedeʿu kiy qowm yaqumu devaray ʿaleykhem leraʿah׃ s

³⁰ כֹּ֣ה ׀ אָמַ֣ר יְהוָ֗ה הִנְנִ֣י נֹ֠תֵן אֶת־פַּרְעֹ֨ה חָפְרַ֤ע מֶֽלֶךְ־מִצְרַ֙יִם֙ בְּיַ֣ד אֹֽיְבָ֔יו וּבְיַ֖ד מְבַקְשֵׁ֣י נַפְשֹׁ֑ו כַּאֲשֶׁ֨ר נָתַ֜תִּי אֶת־צִדְקִיָּ֣הוּ מֶֽלֶךְ־יְהוּדָ֗ה בְּיַ֨ד נְבוּכַדְרֶאצַּ֧ר מֶֽלֶךְ־בָּבֶ֛ל אֹיְבֹ֖ו וּמְבַקֵּ֥שׁ נַפְשֹֽׁו׃ ס koh ׀ ʾamar yehwah hineniy noten ʾet־pareʿoh ḥaferaʿ melekhe־mitserayim beyad ʾoyevayw uveyad mevaqeshey nafeshow kaʾasher natatiy ʾet־tsideqiyahu melekhe־yehudah beyad nevukhadereʾtsar melekhe־bavel ʾoyevow umevaqesh nafeshow׃ s