Jérémie 43

¹ וַיְהִי֩ כְּכַלֹּ֨ות יִרְמְיָ֜הוּ לְדַבֵּ֣ר אֶל־כָּל־הָעָ֗ם אֶת־כָּל־דִּבְרֵי֙ יְהוָ֣ה אֱלֹהֵיהֶ֔ם אֲשֶׁ֧ר שְׁלָחֹ֛ו יְהוָ֥ה אֱלֹהֵיהֶ֖ם אֲלֵיהֶ֑ם אֵ֥ת כָּל־הַדְּבָרִ֖ים הָאֵֽלֶּה׃ ס wayehiy kekhalowt yiremeyahu ledaber ʾel־kal־haʿam ʾet־kal־diverey yehwah ʾeloheyhem ʾasher shelaḥow yehwah ʾeloheyhem ʾaleyhem ʾet kal־hadevariym haʾeleh׃ s

² וַיֹּ֨אמֶר עֲזַרְיָ֤ה בֶן־הֹושַֽׁעְיָה֙ וְיֹוחָנָ֣ן בֶּן־קָרֵ֔חַ וְכָל־הָאֲנָשִׁ֖ים הַזֵּדִ֑ים אֹמְרִ֣ים אֶֽל־יִרְמְיָ֗הוּ קֶר אַתָּ֣ה מְדַבֵּ֔ר לֹ֣א שְׁלָחֲךָ֞ יְהוָ֤ה אֱלֹהֵ֙ינוּ֙ לֵאמֹ֔ר לֹֽא־תָבֹ֥אוּ מִצְרַ֖יִם לָג֥וּר שָֽׁם׃ wayoʾmer ʿazareyah ven־howshaʿeyah weyowḥanan ben־qareaḥ wekhal־haʾanashiym hazediym ʾomeriym ʾel־yiremeyahu qer ʾatah medaber loʾ shelaḥakha yehwah ʾeloheynu leʾmor loʾ־tavoʾu mitserayim lagur sham׃

³ כִּ֗י בָּרוּךְ֙ בֶּן־נֵ֣רִיָּ֔ה מַסִּ֥ית אֹתְךָ֖ בָּ֑נוּ לְמַעַן֩ תֵּ֨ת אֹתָ֤נוּ בְיַֽד־הַכַּשְׂדִּים֙ לְהָמִ֣ית אֹתָ֔נוּ וּלְהַגְלֹ֥ות אֹתָ֖נוּ בָּבֶֽל׃ kiy barukhe ben־neriyah masiyt ʾotekha banu lemaʿan tet ʾotanu veyad־hakasediym lehamiyt ʾotanu ulehagelowt ʾotanu bavel׃

⁴ וְלֹֽא־שָׁמַע֩ יֹוחָנָ֨ן בֶּן־קָרֵ֜חַ וְכָל־שָׂרֵ֧י הַחֲיָלִ֛ים וְכָל־הָעָ֖ם בְּקֹ֣ול יְהוָ֑ה לָשֶׁ֖בֶת בְּאֶ֥רֶץ יְהוּדָֽה׃ weloʾ־shamaʿ yowḥanan ben־qareaḥ wekhal־sarey haḥayaliym wekhal־haʿam beqowl yehwah lashevet beʾerets yehudah׃

⁵ וַיִּקַּ֞ח יֹוחָנָ֤ן בֶּן־קָרֵ֙חַ֙ וְכָל־שָׂרֵ֣י הַחֲיָלִ֔ים אֵ֖ת כָּל־שְׁאֵרִ֣ית יְהוּדָ֑ה אֲשֶׁר־שָׁ֗בוּ מִכָּל־הַגֹּויִם֙ אֲשֶׁ֣ר נִדְּחוּ־שָׁ֔ם לָג֖וּר בְּאֶ֥רֶץ יְהוּדָֽה׃ wayiqaḥ yowḥanan ben־qareaḥ wekhal־sarey haḥayaliym ʾet kal־sheʾeriyt yehudah ʾasher־shavu mikal־hagowyim ʾasher nideḥu־sham lagur beʾerets yehudah׃

⁶ אֶֽת־הַ֠גְּבָרִים וְאֶת־הַנָּשִׁ֣ים וְאֶת־הַטַּף֮ וְאֶת־בְּנֹ֣ות הַמֶּלֶךְ֒ וְאֵ֣ת כָּל־הַנֶּ֗פֶשׁ אֲשֶׁ֤ר הִנִּ֙יחַ֙ נְבוּזַרְאֲדָ֣ן רַב־טַבָּחִ֔ים אֶת־גְּדַלְיָ֖הוּ בֶּן־אֲחִיקָ֣ם בֶּן־שָׁפָ֑ן וְאֵת֙ יִרְמְיָ֣הוּ הַנָּבִ֔יא וְאֶת־בָּר֖וּךְ בֶּן־נֵרִיָּֽהוּ׃ ʾet־hagevariym weʾet־hanashiym weʾet־haṭaf weʾet־benowt hamelekhe weʾet kal־hanefesh ʾasher hiniyḥa nevuzareʾadan rav־ṭabaḥiym ʾet־gedaleyahu ben־ʾaḥiyqam ben־shafan weʾet yiremeyahu hanaviyʾ weʾet־barukhe ben־neriyahu׃

⁷ וַיָּבֹ֙אוּ֙ אֶ֣רֶץ מִצְרַ֔יִם כִּ֛י לֹ֥א שָׁמְע֖וּ בְּקֹ֣ול יְהוָ֑ה וַיָּבֹ֖אוּ עַד־תַּחְפַּנְחֵֽס׃ ס wayavoʾu ʾerets mitserayim kiy loʾ shameʿu beqowl yehwah wayavoʾu ʿad־taḥepaneḥes׃ s

⁸ וַיְהִ֤י דְבַר־יְהוָה֙ אֶֽל־יִרְמְיָ֔הוּ בְּתַחְפַּנְחֵ֖ס לֵאמֹֽר׃ wayehiy devar־yehwah ʾel־yiremeyahu betaḥepaneḥes leʾmor׃

⁹ קַ֣ח בְּיָדְךָ֞ אֲבָנִ֣ים גְּדֹלֹ֗ות וּטְמַנְתָּ֤ם בַּמֶּ֙לֶט֙ בַּמַּלְבֵּ֔ן אֲשֶׁ֛ר בְּפֶ֥תַח בֵּית־פַּרְעֹ֖ה בְּתַחְפַּנְחֵ֑ס לְעֵינֵ֖י אֲנָשִׁ֥ים יְהוּדִֽים׃ qaḥ beyadekha ʾavaniym gedolowt uṭemanetam bameleṭ bamaleben ʾasher befetaḥ beyt־pareʿoh betaḥepaneḥes leʿeyney ʾanashiym yehudiym׃

¹⁰ וְאָמַרְתָּ֣ אֲלֵיהֶ֡ם כֹּֽה־אָמַר֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל הִנְנִ֤י שֹׁלֵ֙חַ֙ וְ֠לָקַחְתִּי אֶת־נְבוּכַדְרֶאצַּ֤ר מֶֽלֶךְ־בָּבֶל֙ עַבְדִּ֔י וְשַׂמְתִּ֣י כִסְאֹ֔ו מִמַּ֛עַל לָאֲבָנִ֥ים הָאֵ֖לֶּה אֲשֶׁ֣ר טָמָ֑נְתִּי וְנָטָ֥ה אֶת־ [שַׁפְרוּרֹו כ] (שַׁפְרִירֹ֖ו ק) עֲלֵיהֶֽם׃ weʾamareta ʾaleyhem koh־ʾamar yehwah tsevaʾowt ʾelohey yiseraʾel hineniy sholeaḥ welaqaḥetiy ʾet־nevukhadereʾtsar melekhe־bavel ʿavediy wesametiy khiseʾow mimaʿal laʾavaniym haʾeleh ʾasher ṭamanetiy wenaṭah ʾet־ [shaferurow kh] (shaferiyrow q) ʿaleyhem׃

¹¹ [וּבָאָה כ] (וּבָ֕א ק) וְהִכָּ֖ה אֶת־אֶ֣רֶץ מִצְרָ֑יִם אֲשֶׁ֧ר לַמָּ֣וֶת לַמָּ֗וֶת וַאֲשֶׁ֤ר לַשְּׁבִי֙ לַשֶּׁ֔בִי וַאֲשֶׁ֥ר לַחֶ֖רֶב לֶחָֽרֶב׃ [uvaʾah kh] (uvaʾ q) wehikah ʾet־ʾerets mitserayim ʾasher lamawet lamawet waʾasher lasheviy lasheviy waʾasher laḥerev leḥarev׃

¹² וְהִצַּ֣תִּי אֵ֗שׁ בְּבָתֵּי֙ אֱלֹהֵ֣י מִצְרַ֔יִם וּשְׂרָפָ֖ם וְשָׁבָ֑ם וְעָטָה֩ אֶת־אֶ֨רֶץ מִצְרַ֜יִם כַּאֲשֶׁר־יַעְטֶ֤ה הָֽרֹעֶה֙ אֶת־בִּגְדֹ֔ו וְיָצָ֥א מִשָּׁ֖ם בְּשָׁלֹֽום׃ wehitsatiy ʾesh bevatey ʾelohey mitserayim userafam weshavam weʿaṭah ʾet־ʾerets mitserayim kaʾasher־yaʿeṭeh haroʿeh ʾet־bigedow weyatsaʾ misham beshalowm׃

¹³ וְשִׁבַּ֗ר אֶֽת־מַצְּבֹות֙ בֵּ֣ית שֶׁ֔מֶשׁ אֲשֶׁ֖ר בְּאֶ֣רֶץ מִצְרָ֑יִם וְאֶת־בָּתֵּ֥י אֱלֹהֵֽי־מִצְרַ֖יִם יִשְׂרֹ֥ף בָּאֵֽשׁ׃ ס weshibar ʾet־matsevowt beyt shemesh ʾasher beʾerets mitserayim weʾet־batey ʾelohey־mitserayim yiserof baʾesh׃ s