1 וְאֵ֛לֶּה דִּבְרֵ֥י דָוִ֖ד הָאַֽחֲרֹנִ֑ים נְאֻ֧ם דָּוִ֣ד בֶּן־יִשַׁ֗י וּנְאֻ֤ם הַגֶּ֙בֶר֙ הֻ֣קַם עָ֔ל מְשִׁ֙יחַ֙ אֱלֹהֵ֣י יַֽעֲקֹ֔ב וּנְעִ֖ים זְמִרֹ֥ות יִשְׂרָאֵֽל׃ weʾeleh diverey dawid haʾaḥaroniym neʾum dawid ben־yishay uneʾum hagever huqam ʿal meshiyḥa ʾelohey yaʿaqov uneʿiym zemirowt yiseraʾel׃
2 ר֥וּחַ יְהוָ֖ה דִּבֶּר־בִּ֑י וּמִלָּתֹ֖ו עַל־לְשֹׁונִֽי׃ ruaḥ yehwah diber־biy umilatow ʿal־leshowniy׃
3 אָמַר֙ אֱלֹהֵ֣י יִשְׂרָאֵ֔ל לִ֥י דִבֶּ֖ר צ֣וּר יִשְׂרָאֵ֑ל מֹושֵׁל֙ בָּאָדָ֔ם צַדִּ֕יק מֹושֵׁ֖ל יִרְאַ֥ת אֱלֹהִֽים׃ ʾamar ʾelohey yiseraʾel liy diber tsur yiseraʾel mowshel baʾadam tsadiyq mowshel yireʾat ʾelohiym׃
4 וּכְאֹ֥ור בֹּ֖קֶר יִזְרַח־שָׁ֑מֶשׁ בֹּ֚קֶר לֹ֣א עָבֹ֔ות מִנֹּ֥גַהּ מִמָּטָ֖ר דֶּ֥שֶׁא מֵאָֽרֶץ׃ ukheʾowr boqer yizeraḥ־shamesh boqer loʾ ʿavowt minogah mimaṭar desheʾ meʾarets׃
5 כִּֽי־לֹא־כֵ֥ן בֵּיתִ֖י עִם־אֵ֑ל כִּי֩ בְרִ֨ית עֹולָ֜ם שָׂ֣ם לִ֗י עֲרוּכָ֤ה בַכֹּל֙ וּשְׁמֻרָ֔ה כִּֽי־כָל־יִשְׁעִ֥י וְכָל־חֵ֖פֶץ כִּֽי־לֹ֥א יַצְמִֽיחַ׃ kiy־loʾ־khen beytiy ʿim־ʾel kiy veriyt ʿowlam sam liy ʿarukhah vakol ushemurah kiy־khal־yisheʿiy wekhal־ḥefets kiy־loʾ yatsemiyḥa׃
6 וּבְלִיַּ֕עַל כְּקֹ֥וץ מֻנָ֖ד כֻּלָּ֑הַם כִּֽי־לֹ֥א בְיָ֖ד יִקָּֽחוּ׃ uveliyaʿal keqowts munad kulaham kiy־loʾ veyad yiqaḥu׃
7 וְאִישׁ֙ יִגַּ֣ע בָּהֶ֔ם יִמָּלֵ֥א בַרְזֶ֖ל וְעֵ֣ץ חֲנִ֑ית וּבָאֵ֕שׁ שָׂרֹ֥וף יִשָּׂרְפ֖וּ בַּשָּֽׁבֶת׃ פ weʾiysh yigaʿ bahem yimaleʾ varezel weʿets ḥaniyt uvaʾesh sarowf yisarefu bashavet׃ f
8 אֵ֛לֶּה שְׁמֹ֥ות הַגִּבֹּרִ֖ים אֲשֶׁ֣ר לְדָוִ֑ד יֹשֵׁ֨ב בַּשֶּׁ֜בֶת תַּחְכְּמֹנִ֣י ׀ רֹ֣אשׁ הַשָּׁלִשִׁ֗י ה֚וּא עֲדִינֹ֣ו [הָעֶצְנֹו כ] (הָֽעֶצְנִ֔י ק) עַל־שְׁמֹנֶ֥ה מֵאֹ֛ות חָלָ֖ל בְּפַ֥עַם [אֶחָד כ] (אֶחָֽת׃ ק) ס ʾeleh shemowt hagiboriym ʾasher ledawid yoshev bashevet taḥekemoniy ׀ roʾsh hashalishiy huʾ ʿadiynow [haʿetsenow kh] (haʿetseniy q) ʿal־shemoneh meʾowt ḥalal befaʿam [ʾeḥad kh] (ʾeḥat׃ q) s
9 [וְאַחֲרֹו כ] (וְאַחֲרָ֛יו ק) אֶלְעָזָ֥ר בֶּן־ [דֹּדִי כ] (דֹּדֹ֖ו ק) בֶּן־אֲחֹחִ֑י בִּשְׁלֹשָׁ֨ה [גִּבֹּרִים כ] (הַגִּבֹּרִ֜ים ק) עִם־דָּוִ֗ד בְּחָֽרְפָ֤ם בַּפְּלִשְׁתִּים נֶאֶסְפוּ־שָׁ֣ם לַמִּלְחָמָ֔ה וַֽיַּעֲל֖וּ אִ֥ישׁ יִשְׂרָאֵֽל׃ [weʾaḥarow kh] (weʾaḥarayw q) ʾeleʿazar ben־ [dodiy kh] (dodow q) ben־ʾaḥoḥiy bisheloshah [giboriym kh] (hagiboriym q) ʿim־dawid beḥarefam bapelishetiym neʾesefu־sham lamileḥamah wayaʿalu ʾiysh yiseraʾel׃
10 ה֣וּא קָם֩ וַיַּ֨ךְ בַּפְּלִשְׁתִּ֜ים עַ֣ד ׀ כִּֽי־יָגְעָ֣ה יָדֹ֗ו וַתִּדְבַּ֤ק יָדֹו֙ אֶל־הַחֶ֔רֶב וַיַּ֧עַשׂ יְהוָ֛ה תְּשׁוּעָ֥ה גְדֹולָ֖ה בַּיֹּ֣ום הַה֑וּא וְהָעָ֛ם יָשֻׁ֥בוּ אַחֲרָ֖יו אַךְ־לְפַשֵּֽׁט׃ ס huʾ qam wayakhe bapelishetiym ʿad ׀ kiy־yageʿah yadow watidebaq yadow ʾel־haḥerev wayaʿas yehwah teshuʿah gedowlah bayowm hahuʾ wehaʿam yashuvu ʾaḥarayw ʾakhe־lefasheṭ׃ s
11 וְאַחֲרָ֛יו שַׁמָּ֥א בֶן־אָגֵ֖א הָרָרִ֑י וַיֵּאָסְפ֨וּ פְלִשְׁתִּ֜ים לַחַיָּ֗ה וַתְּהִי־שָׁ֞ם חֶלְקַ֤ת הַשָּׂדֶה֙ מְלֵאָ֣ה עֲדָשִׁ֔ים וְהָעָ֥ם נָ֖ס מִפְּנֵ֥י פְלִשְׁתִּֽים׃ weʾaḥarayw shamaʾ ven־ʾageʾ harariy wayeʾasefu felishetiym laḥayah watehiy־sham ḥeleqat hasadeh meleʾah ʿadashiym wehaʿam nas mipeney felishetiym׃
12 וַיִּתְיַצֵּ֤ב בְּתֹוךְ־הַֽחֶלְקָה֙ וַיַּצִּילֶ֔הָ וַיַּ֖ךְ אֶת־פְּלִשְׁתִּ֑ים וַיַּ֥עַשׂ יְהוָ֖ה תְּשׁוּעָ֥ה גְדֹולָֽה׃ ס wayiteyatsev betowkhe־haḥeleqah wayatsiyleah wayakhe ʾet־pelishetiym wayaʿas yehwah teshuʿah gedowlah׃ s
13 וַיֵּרְד֨וּ [שְׁלֹשִׁים כ] (שְׁלֹשָׁ֜ה ק) מֵהַשְּׁלֹשִׁ֣ים רֹ֗אשׁ וַיָּבֹ֤אוּ אֶל־קָצִיר֙ אֶל־דָּוִ֔ד אֶל־מְעָרַ֖ת עֲדֻלָּ֑ם וְחַיַּ֣ת פְּלִשְׁתִּ֔ים חֹנָ֖ה בְּעֵ֥מֶק רְפָאִֽים׃ wayeredu [sheloshiym kh] (sheloshah q) mehasheloshiym roʾsh wayavoʾu ʾel־qatsiyr ʾel־dawid ʾel־meʿarat ʿadulam weḥayat pelishetiym ḥonah beʿemeq refaʾiym׃
14 וְדָוִ֖ד אָ֣ז בַּמְּצוּדָ֑ה וּמַצַּ֣ב פְּלִשְׁתִּ֔ים אָ֖ז בֵּ֥ית לָֽחֶם׃ wedawid ʾaz bametsudah umatsav pelishetiym ʾaz beyt laḥem׃
15 וַיִּתְאַוֶּ֥ה דָוִ֖ד וַיֹּאמַ֑ר מִ֚י יַשְׁקֵ֣נִי מַ֔יִם מִבֹּ֥אר בֵּֽית־לֶ֖חֶם אֲשֶׁ֥ר בַּשָּֽׁעַר׃ wayiteʾaueh dawid wayoʾmar miy yasheqeniy mayim miboʾr beyt־leḥem ʾasher bashaʿar׃
16 וַיִּבְקְעוּ֩ שְׁלֹ֨שֶׁת הַגִּבֹּרִ֜ים בְּמַחֲנֵ֣ה פְלִשְׁתִּ֗ים וַיִּֽשְׁאֲבוּ־מַ֙יִם֙ מִבֹּ֤אר בֵּֽית־לֶ֙חֶם֙ אֲשֶׁ֣ר בַּשַּׁ֔עַר וַיִּשְׂא֖וּ וַיָּבִ֣אוּ אֶל־דָּוִ֑ד וְלֹ֤א אָבָה֙ לִשְׁתֹּותָ֔ם וַיַּסֵּ֥ךְ אֹתָ֖ם לַֽיהוָֽה׃ wayiveqeʿu sheloshet hagiboriym bemaḥaneh felishetiym wayisheʾavu־mayim miboʾr beyt־leḥem ʾasher bashaʿar wayiseʾu wayaviʾu ʾel־dawid weloʾ ʾavah lishetowtam wayasekhe ʾotam layhwah׃
17 וַיֹּ֡אמֶר חָלִילָה֩ לִּ֨י יְהוָ֜ה מֵעֲשֹׂ֣תִי זֹ֗את הֲדַ֤ם הָֽאֲנָשִׁים֙ הַהֹלְכִ֣ים בְּנַפְשֹׁותָ֔ם וְלֹ֥א אָבָ֖ה לִשְׁתֹּותָ֑ם אֵ֣לֶּה עָשׂ֔וּ שְׁלֹ֖שֶׁת הַגִּבֹּרִֽים׃ ס wayoʾmer ḥaliylah liy yehwah meʿasotiy zoʾt hadam haʾanashiym haholekhiym benafeshowtam weloʾ ʾavah lishetowtam ʾeleh ʿasu sheloshet hagiboriym׃ s
18 וַאֲבִישַׁ֞י אֲחִ֣י ׀ יֹואָ֣ב בֶּן־צְרוּיָ֗ה ה֚וּא רֹ֣אשׁ [הַשְּׁלֹשִׁי כ] (הַשְּׁלֹשָׁ֔ה ק) וְהוּא֙ עֹורֵ֣ר אֶת־חֲנִיתֹ֔ו עַל־שְׁלֹ֥שׁ מֵאֹ֖ות חָלָ֑ל וְלֹו־שֵׁ֖ם בַּשְּׁלֹשָֽׁה׃ waʾaviyshay ʾaḥiy ׀ yowʾav ben־tseruyah huʾ roʾsh [hasheloshiy kh] (hasheloshah q) wehuʾ ʿowrer ʾet־ḥaniytow ʿal־shelosh meʾowt ḥalal welow־shem basheloshah׃
19 מִן־הַשְּׁלֹשָׁה֙ הֲכִ֣י נִכְבָּ֔ד וַיְהִ֥י לָהֶ֖ם לְשָׂ֑ר וְעַד־הַשְּׁלֹשָׁ֖ה לֹא־בָֽא׃ ס min־hasheloshah hakhiy nikhebad wayehiy lahem lesar weʿad־hasheloshah loʾ־vaʾ׃ s
20 וּבְנָיָ֨הוּ בֶן־יְהֹויָדָ֧ע בֶּן־אִֽישׁ־ [חַי כ] (חַ֛יִל ק) רַב־פְּעָלִ֖ים מִֽקַּבְצְאֵ֑ל ה֣וּא הִכָּ֗ה אֵ֣ת שְׁנֵ֤י אֲרִאֵל֙ מֹואָ֔ב וְ֠הוּא יָרַ֞ד וְהִכָּ֧ה אֶֽת־ [הָאֲרִיַּה כ] (הָאֲרִ֛י ק) בְּתֹ֥וךְ הַבֹּ֖אר בְּיֹ֥ום הַשָּֽׁלֶג׃ uvenayahu ven־yehowyadaʿ ben־ʾiysh־ [ḥay kh] (ḥayil q) rav־peʿaliym miqavetseʾel huʾ hikah ʾet sheney ʾariʾel mowʾav wehuʾ yarad wehikah ʾet־ [haʾariyah kh] (haʾariy q) betowkhe haboʾr beyowm hashaleg׃
21 וְהוּא־הִכָּה֩ אֶת־אִ֨ישׁ מִצְרִ֜י [אֲשֶׁר כ] (אִ֣ישׁ ק) מַרְאֶ֗ה וּבְיַ֤ד הַמִּצְרִי֙ חֲנִ֔ית וַיֵּ֥רֶד אֵלָ֖יו בַּשָּׁ֑בֶט וַיִּגְזֹ֤ל אֶֽת־הַחֲנִית֙ מִיַּ֣ד הַמִּצְרִ֔י וַיַּהַרְגֵ֖הוּ בַּחֲנִיתֹֽו׃ wehuʾ־hikah ʾet־ʾiysh mitseriy [ʾasher kh] (ʾiysh q) mareʾeh uveyad hamitseriy ḥaniyt wayered ʾelayw bashaveṭ wayigezol ʾet־haḥaniyt miyad hamitseriy wayaharegehu baḥaniytow׃
22 אֵ֣לֶּה עָשָׂ֔ה בְּנָיָ֖הוּ בֶּן־יְהֹויָדָ֑ע וְלֹו־שֵׁ֖ם בִּשְׁלֹשָׁ֥ה הַגִּבֹּרִֽים׃ ʾeleh ʿasah benayahu ben־yehowyadaʿ welow־shem bisheloshah hagiboriym׃
23 מִן־הַשְּׁלֹשִׁ֣ים נִכְבָּ֔ד וְאֶל־הַשְּׁלֹשָׁ֖ה לֹא־בָ֑א וַיְשִׂמֵ֥הוּ דָוִ֖ד אֶל־מִשְׁמַעְתֹּֽו׃ ס min־hasheloshiym nikhebad weʾel־hasheloshah loʾ־vaʾ wayesimehu dawid ʾel־mishemaʿetow׃ s
24 עֲשָׂה־אֵ֥ל אֲחִֽי־יֹואָ֖ב בַּשְּׁלֹשִׁ֑ים אֶלְחָנָ֥ן בֶּן־דֹּדֹ֖ו בֵּ֥ית לָֽחֶם׃ ʿasah־ʾel ʾaḥiy־yowʾav basheloshiym ʾeleḥanan ben־dodow beyt laḥem׃
25 שַׁמָּה֙ הַֽחֲרֹדִ֔י אֱלִיקָ֖א הַחֲרֹדִֽי׃ ס shamah haḥarodiy ʾeliyqaʾ haḥarodiy׃ s
26 חֶ֚לֶץ הַפַּלְטִ֔י עִירָ֥א בֶן־עִקֵּ֖שׁ הַתְּקֹועִֽי׃ ס ḥelets hapaleṭiy ʿiyraʾ ven־ʿiqesh hateqowʿiy׃ s
27 אֲבִיעֶ֙זֶר֙ הָֽעַנְּתֹתִ֔י מְבֻנַּ֖י הַחֻשָׁתִֽי׃ ס ʾaviyʿezer haʿanetotiy mevunay haḥushatiy׃ s
28 צַלְמֹון֙ הָֽאֲחֹחִ֔י מַהְרַ֖י הַנְּטֹפָתִֽי׃ ס tsalemown haʾaḥoḥiy maheray haneṭofatiy׃ s
29 חֵ֥לֶב בֶּֽן־בַּעֲנָ֖ה הַנְּטֹפָתִ֑י ס אִתַּי֙ בֶּן־רִיבַ֔י מִגִּבְעַ֖ת בְּנֵ֥י בִנְיָמִֽן׃ ס ḥelev ben־baʿanah haneṭofatiy s ʾitay ben־riyvay migiveʿat beney vineyamin׃ s
30 בְּנָיָ֙הוּ֙ פִּרְעָ֣תֹנִ֔י הִדַּ֖י מִנַּ֥חֲלֵי גָֽעַשׁ׃ ס benayahu pireʿatoniy hiday minaḥaley gaʿash׃ s
31 אֲבִֽי־עַלְבֹון֙ הָֽעַרְבָתִ֔י עַזְמָ֖וֶת הַבַּרְחֻמִֽי׃ ס ʾaviy־ʿalevown haʿarevatiy ʿazemawet habareḥumiy׃ s
32 אֶלְיַחְבָּא֙ הַשַּׁ֣עַלְבֹנִ֔י בְּנֵ֥י יָשֵׁ֖ן יְהֹונָתָֽן׃ ס ʾeleyaḥebaʾ hashaʿalevoniy beney yashen yehownatan׃ s
33 שַׁמָּה֙ הַֽהֲרָרִ֔י אֲחִיאָ֥ם בֶּן־שָׁרָ֖ר הָארָרִֽי׃ ס shamah haharariy ʾaḥiyʾam ben־sharar haʾrariy׃ s
34 אֱלִיפֶ֥לֶט בֶּן־אֲחַסְבַּ֖י בֶּן־הַמַּֽעֲכָתִ֑י ס אֱלִיעָ֥ם בֶּן־אֲחִיתֹ֖פֶל הַגִּלֹנִֽי׃ ס ʾeliyfeleṭ ben־ʾaḥasebay ben־hamaʿakhatiy s ʾeliyʿam ben־ʾaḥiytofel hagiloniy׃ s
35 [חֶצְרֹו כ] (חֶצְרַי֙ ק) הַֽכַּרְמְלִ֔י פַּעֲרַ֖י הָאַרְבִּֽי׃ ס [ḥetserow kh] (ḥetseray q) hakaremeliy paʿaray haʾarebiy׃ s
36 יִגְאָ֤ל בֶּן־נָתָן֙ מִצֹּבָ֔ה ס בָּנִ֖י הַגָּדִֽי׃ ס yigeʾal ben־natan mitsovah s baniy hagadiy׃ s
37 צֶ֖לֶק הָעַמֹּנִ֑י ס נַחְרַי֙ הַבְּאֵ֣רֹתִ֔י [נֹשְׂאֵי כ] (נֹשֵׂ֕א ק) כְּלֵ֖י יֹואָ֥ב בֶּן־צְרֻיָֽה׃ ס tseleq haʿamoniy s naḥeray habeʾerotiy [noseʾey kh] (noseʾ q) keley yowʾav ben־tseruyah׃ s
38 עִירָא֙ הַיִּתְרִ֔י גָּרֵ֖ב הַיִּתְרִֽי׃ ס ʿiyraʾ hayiteriy garev hayiteriy׃ s
39 אֽוּרִיָּה֙ הַֽחִתִּ֔י כֹּ֖ל שְׁלֹשִׁ֥ים וְשִׁבְעָֽה׃ פ ʾuriyah haḥitiy kol sheloshiym weshiveʿah׃ f