1 וְאֶת־הַמִּשְׁכָּ֥ן תַּעֲשֶׂ֖ה עֶ֣שֶׂר יְרִיעֹ֑ת שֵׁ֣שׁ מָשְׁזָ֗ר וּתְכֵ֤לֶת וְאַרְגָּמָן֙ וְתֹלַ֣עַת שָׁנִ֔י כְּרֻבִ֛ים מַעֲשֵׂ֥ה חֹשֵׁ֖ב תַּעֲשֶׂ֥ה אֹתָֽם׃ weʾet־hamishekan taʿaseh ʿeser yeriyʿot shesh mashezar utekhelet weʾaregaman wetolaʿat shaniy keruviym maʿaseh ḥoshev taʿaseh ʾotam׃
2 אֹ֣רֶךְ ׀ הַיְרִיעָ֣ה הָֽאַחַ֗ת שְׁמֹנֶ֤ה וְעֶשְׂרִים֙ בָּֽאַמָּ֔ה וְרֹ֙חַב֙ אַרְבַּ֣ע בָּאַמָּ֔ה הַיְרִיעָ֖ה הָאֶחָ֑ת מִדָּ֥ה אַחַ֖ת לְכָל־הַיְרִיעֹֽת׃ ʾorekhe ׀ hayeriyʿah haʾaḥat shemoneh weʿeseriym baʾamah weroḥav ʾarebaʿ baʾamah hayeriyʿah haʾeḥat midah ʾaḥat lekhal־hayeriyʿot׃
3 חֲמֵ֣שׁ הַיְרִיעֹ֗ת תִּֽהְיֶ֙יןָ֙ חֹֽבְרֹ֔ת אִשָּׁ֖ה אֶל־אֲחֹתָ֑הּ וְחָמֵ֤שׁ יְרִיעֹת֙ חֹֽבְרֹ֔ת אִשָּׁ֖ה אֶל־אֲחֹתָֽהּ׃ ḥamesh hayeriyʿot tiheyeyna ḥoverot ʾishah ʾel־ʾaḥotah weḥamesh yeriyʿot ḥoverot ʾishah ʾel־ʾaḥotah׃
4 וְעָשִׂ֜יתָ לֻֽלְאֹ֣ת תְּכֵ֗לֶת עַ֣ל שְׂפַ֤ת הַיְרִיעָה֙ הָאֶחָ֔ת מִקָּצָ֖ה בַּחֹבָ֑רֶת וְכֵ֤ן תַּעֲשֶׂה֙ בִּשְׂפַ֣ת הַיְרִיעָ֔ה הַקִּ֣יצֹונָ֔ה בַּמַּחְבֶּ֖רֶת הַשֵּׁנִֽית׃ weʿasiyta luleʾot tekhelet ʿal sefat hayeriyʿah haʾeḥat miqatsah baḥovaret wekhen taʿaseh bisefat hayeriyʿah haqiytsownah bamaḥeberet hasheniyt׃
5 חֲמִשִּׁ֣ים לֻֽלָאֹ֗ת תַּעֲשֶׂה֮ בַּיְרִיעָ֣ה הָאֶחָת֒ וַחֲמִשִּׁ֣ים לֻֽלָאֹ֗ת תַּעֲשֶׂה֙ בִּקְצֵ֣ה הַיְרִיעָ֔ה אֲשֶׁ֖ר בַּמַּחְבֶּ֣רֶת הַשֵּׁנִ֑ית מַקְבִּילֹת֙ הַלֻּ֣לָאֹ֔ת אִשָּׁ֖ה אֶל־אֲחֹתָֽהּ׃ ḥamishiym lulaʾot taʿaseh bayeriyʿah haʾeḥat waḥamishiym lulaʾot taʿaseh biqetseh hayeriyʿah ʾasher bamaḥeberet hasheniyt maqebiylot halulaʾot ʾishah ʾel־ʾaḥotah׃
6 וְעָשִׂ֕יתָ חֲמִשִּׁ֖ים קַרְסֵ֣י זָהָ֑ב וְחִבַּרְתָּ֙ אֶת־הַיְרִיעֹ֜ת אִשָּׁ֤ה אֶל־אֲחֹתָהּ֙ בַּקְּרָסִ֔ים וְהָיָ֥ה הַמִּשְׁכָּ֖ן אֶחָֽד׃ פ weʿasiyta ḥamishiym qaresey zahav weḥibareta ʾet־hayeriyʿot ʾishah ʾel־ʾaḥotah baqerasiym wehayah hamishekan ʾeḥad׃ f
7 וְעָשִׂ֙יתָ֙ יְרִיעֹ֣ת עִזִּ֔ים לְאֹ֖הֶל עַל־הַמִּשְׁכָּ֑ן עַשְׁתֵּי־עֶשְׂרֵ֥ה יְרִיעֹ֖ת תַּעֲשֶׂ֥ה אֹתָֽם׃ weʿasiyta yeriyʿot ʿiziym leʾohel ʿal־hamishekan ʿashetey־ʿesereh yeriyʿot taʿaseh ʾotam׃
8 אֹ֣רֶךְ ׀ הַיְרִיעָ֣ה הָֽאַחַ֗ת שְׁלֹשִׁים֙ בָּֽאַמָּ֔ה וְרֹ֙חַב֙ אַרְבַּ֣ע בָּאַמָּ֔ה הַיְרִיעָ֖ה הָאֶחָ֑ת מִדָּ֣ה אַחַ֔ת לְעַשְׁתֵּ֥י עֶשְׂרֵ֖ה יְרִיעֹֽת׃ ʾorekhe ׀ hayeriyʿah haʾaḥat sheloshiym baʾamah weroḥav ʾarebaʿ baʾamah hayeriyʿah haʾeḥat midah ʾaḥat leʿashetey ʿesereh yeriyʿot׃
9 וְחִבַּרְתָּ֞ אֶת־חֲמֵ֤שׁ הַיְרִיעֹת֙ לְבָ֔ד וְאֶת־שֵׁ֥שׁ הַיְרִיעֹ֖ת לְבָ֑ד וְכָפַלְתָּ֙ אֶת־הַיְרִיעָ֣ה הַשִּׁשִּׁ֔ית אֶל־מ֖וּל פְּנֵ֥י הָאֹֽהֶל׃ weḥibareta ʾet־ḥamesh hayeriyʿot levad weʾet־shesh hayeriyʿot levad wekhafaleta ʾet־hayeriyʿah hashishiyt ʾel־mul peney haʾohel׃
10 וְעָשִׂ֜יתָ חֲמִשִּׁ֣ים לֻֽלָאֹ֗ת עַ֣ל שְׂפַ֤ת הַיְרִיעָה֙ הָֽאֶחָ֔ת הַקִּיצֹנָ֖ה בַּחֹבָ֑רֶת וַחֲמִשִּׁ֣ים לֻֽלָאֹ֗ת עַ֚ל שְׂפַ֣ת הַיְרִיעָ֔ה הַחֹבֶ֖רֶת הַשֵּׁנִֽית׃ weʿasiyta ḥamishiym lulaʾot ʿal sefat hayeriyʿah haʾeḥat haqiytsonah baḥovaret waḥamishiym lulaʾot ʿal sefat hayeriyʿah haḥoveret hasheniyt׃
11 וְעָשִׂ֛יתָ קַרְסֵ֥י נְחֹ֖שֶׁת חֲמִשִּׁ֑ים וְהֵבֵאתָ֤ אֶת־הַקְּרָסִים֙ בַּלֻּ֣לָאֹ֔ת וְחִבַּרְתָּ֥ אֶת־הָאֹ֖הֶל וְהָיָ֥ה אֶחָֽד׃ weʿasiyta qaresey neḥoshet ḥamishiym weheveʾta ʾet־haqerasiym balulaʾot weḥibareta ʾet־haʾohel wehayah ʾeḥad׃
12 וְסֶ֙רַח֙ הָעֹדֵ֔ף בִּירִיעֹ֖ת הָאֹ֑הֶל חֲצִ֤י הַיְרִיעָה֙ הָעֹדֶ֔פֶת תִּסְרַ֕ח עַ֖ל אֲחֹרֵ֥י הַמִּשְׁכָּֽן׃ weseraḥ haʿodef biyriyʿot haʾohel ḥatsiy hayeriyʿah haʿodefet tiseraḥ ʿal ʾaḥorey hamishekan׃
13 וְהָאַמָּ֨ה מִזֶּ֜ה וְהָאַמָּ֤ה מִזֶּה֙ בָּעֹדֵ֔ף בְּאֹ֖רֶךְ יְרִיעֹ֣ת הָאֹ֑הֶל יִהְיֶ֨ה סָר֜וּחַ עַל־צִדֵּ֧י הַמִּשְׁכָּ֛ן מִזֶּ֥ה וּמִזֶּ֖ה לְכַסֹּתֹֽו׃ wehaʾamah mizeh wehaʾamah mizeh baʿodef beʾorekhe yeriyʿot haʾohel yiheyeh saruaḥ ʿal־tsidey hamishekan mizeh umizeh lekhasotow׃
14 וְעָשִׂ֤יתָ מִכְסֶה֙ לָאֹ֔הֶל עֹרֹ֥ת אֵילִ֖ם מְאָדָּמִ֑ים וּמִכְסֵ֛ה עֹרֹ֥ת תְּחָשִׁ֖ים מִלְמָֽעְלָה׃ פ weʿasiyta mikheseh laʾohel ʿorot ʾeylim meʾadamiym umikheseh ʿorot teḥashiym milemaʿelah׃ f
15 וְעָשִׂ֥יתָ אֶת־הַקְּרָשִׁ֖ים לַמִּשְׁכָּ֑ן עֲצֵ֥י שִׁטִּ֖ים עֹמְדִֽים׃ weʿasiyta ʾet־haqerashiym lamishekan ʿatsey shiṭiym ʿomediym׃
16 עֶ֥שֶׂר אַמֹּ֖ות אֹ֣רֶךְ הַקָּ֑רֶשׁ וְאַמָּה֙ וַחֲצִ֣י הָֽאַמָּ֔ה רֹ֖חַב הַקֶּ֥רֶשׁ הָאֶחָֽד׃ ʿeser ʾamowt ʾorekhe haqaresh weʾamah waḥatsiy haʾamah roḥav haqeresh haʾeḥad׃
17 שְׁתֵּ֣י יָדֹ֗ות לַקֶּ֙רֶשׁ֙ הָאֶחָ֔ד מְשֻׁלָּבֹ֔ת אִשָּׁ֖ה אֶל־אֲחֹתָ֑הּ כֵּ֣ן תַּעֲשֶׂ֔ה לְכֹ֖ל קַרְשֵׁ֥י הַמִּשְׁכָּֽן׃ shetey yadowt laqeresh haʾeḥad meshulavot ʾishah ʾel־ʾaḥotah ken taʿaseh lekhol qareshey hamishekan׃
18 וְעָשִׂ֥יתָ אֶת־הַקְּרָשִׁ֖ים לַמִּשְׁכָּ֑ן עֶשְׂרִ֣ים קֶ֔רֶשׁ לִפְאַ֖ת נֶ֥גְבָּה תֵימָֽנָה׃ weʿasiyta ʾet־haqerashiym lamishekan ʿeseriym qeresh lifeʾat negebah teymanah׃
19 וְאַרְבָּעִים֙ אַדְנֵי־כֶ֔סֶף תַּעֲשֶׂ֕ה תַּ֖חַת עֶשְׂרִ֣ים הַקָּ֑רֶשׁ שְׁנֵ֨י אֲדָנִ֜ים תַּֽחַת־הַקֶּ֤רֶשׁ הָאֶחָד֙ לִשְׁתֵּ֣י יְדֹתָ֔יו וּשְׁנֵ֧י אֲדָנִ֛ים תַּֽחַת־הַקֶּ֥רֶשׁ הָאֶחָ֖ד לִשְׁתֵּ֥י יְדֹתָֽיו׃ weʾarebaʿiym ʾadeney־khesef taʿaseh taḥat ʿeseriym haqaresh sheney ʾadaniym taḥat־haqeresh haʾeḥad lishetey yedotayw usheney ʾadaniym taḥat־haqeresh haʾeḥad lishetey yedotayw׃
20 וּלְצֶ֧לַע הַמִּשְׁכָּ֛ן הַשֵּׁנִ֖ית לִפְאַ֣ת צָפֹ֑ון עֶשְׂרִ֖ים קָֽרֶשׁ׃ uletselaʿ hamishekan hasheniyt lifeʾat tsafown ʿeseriym qaresh׃
21 וְאַרְבָּעִ֥ים אַדְנֵיהֶ֖ם כָּ֑סֶף שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָֽאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃ weʾarebaʿiym ʾadeneyhem kasef sheney ʾadaniym taḥat haqeresh haʾeḥad usheney ʾadaniym taḥat haqeresh haʾeḥad׃
22 וּֽלְיַרְכְּתֵ֥י הַמִּשְׁכָּ֖ן יָ֑מָּה תַּעֲשֶׂ֖ה שִׁשָּׁ֥ה קְרָשִֽׁים׃ uleyareketey hamishekan yamah taʿaseh shishah qerashiym׃
23 וּשְׁנֵ֤י קְרָשִׁים֙ תַּעֲשֶׂ֔ה לִמְקֻצְעֹ֖ת הַמִּשְׁכָּ֑ן בַּיַּרְכָתָֽיִם׃ usheney qerashiym taʿaseh limequtseʿot hamishekan bayarekhatayim׃
24 וְיִֽהְי֣וּ תֹֽאֲמִים֮ מִלְּמַטָּה֒ וְיַחְדָּ֗ו יִהְי֤וּ תַמִּים֙ עַל־רֹאשֹׁ֔ו אֶל־הַטַּבַּ֖עַת הָאֶחָ֑ת כֵּ֚ן יִהְיֶ֣ה לִשְׁנֵיהֶ֔ם לִשְׁנֵ֥י הַמִּקְצֹעֹ֖ת יִהְיֽוּ׃ weyiheyu toʾamiym milemaṭah weyaḥedaw yiheyu tamiym ʿal־roʾshow ʾel־haṭabaʿat haʾeḥat ken yiheyeh lisheneyhem lisheney hamiqetsoʿot yiheyu׃
25 וְהָיוּ֙ שְׁמֹנָ֣ה קְרָשִׁ֔ים וְאַדְנֵיהֶ֣ם כֶּ֔סֶף שִׁשָּׁ֥ה עָשָׂ֖ר אֲדָנִ֑ים שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃ wehayu shemonah qerashiym weʾadeneyhem kesef shishah ʿasar ʾadaniym sheney ʾadaniym taḥat haqeresh haʾeḥad usheney ʾadaniym taḥat haqeresh haʾeḥad׃
26 וְעָשִׂ֥יתָ בְרִיחִ֖ם עֲצֵ֣י שִׁטִּ֑ים חֲמִשָּׁ֕ה לְקַרְשֵׁ֥י צֶֽלַע־הַמִּשְׁכָּ֖ן הָאֶחָֽד׃ weʿasiyta veriyḥim ʿatsey shiṭiym ḥamishah leqareshey tselaʿ־hamishekan haʾeḥad׃
27 וַחֲמִשָּׁ֣ה בְרִיחִ֔ם לְקַרְשֵׁ֥י צֶֽלַע־הַמִּשְׁכָּ֖ן הַשֵּׁנִ֑ית וַחֲמִשָּׁ֣ה בְרִיחִ֗ם לְקַרְשֵׁי֙ צֶ֣לַע הַמִּשְׁכָּ֔ן לַיַּרְכָתַ֖יִם יָֽמָּה׃ waḥamishah veriyḥim leqareshey tselaʿ־hamishekan hasheniyt waḥamishah veriyḥim leqareshey tselaʿ hamishekan layarekhatayim yamah׃
28 וְהַבְּרִ֥יחַ הַתִּיכֹ֖ן בְּתֹ֣וךְ הַקְּרָשִׁ֑ים מַבְרִ֕חַ מִן־הַקָּצֶ֖ה אֶל־הַקָּצֶֽה׃ wehaberiyḥa hatiykhon betowkhe haqerashiym maveriaḥ min־haqatseh ʾel־haqatseh׃
29 וְֽאֶת־הַקְּרָשִׁ֞ים תְּצַפֶּ֣ה זָהָ֗ב וְאֶת־טַבְּעֹֽתֵיהֶם֙ תַּעֲשֶׂ֣ה זָהָ֔ב בָּתִּ֖ים לַבְּרִיחִ֑ם וְצִפִּיתָ֥ אֶת־הַבְּרִיחִ֖ם זָהָֽב׃ weʾet־haqerashiym tetsapeh zahav weʾet־ṭabeʿoteyhem taʿaseh zahav batiym laberiyḥim wetsipiyta ʾet־haberiyḥim zahav׃
30 וַהֲקֵמֹתָ֖ אֶת־הַמִּשְׁכָּ֑ן כְּמִ֨שְׁפָּטֹ֔ו אֲשֶׁ֥ר הָרְאֵ֖יתָ בָּהָֽר׃ ס wahaqemota ʾet־hamishekan kemishepaṭow ʾasher hareʾeyta bahar׃ s
31 וְעָשִׂ֣יתָ פָרֹ֗כֶת תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֥ה חֹשֵׁ֛ב יַעֲשֶׂ֥ה אֹתָ֖הּ כְּרֻבִֽים׃ weʿasiyta farokhet tekhelet weʾaregaman wetowlaʿat shaniy weshesh mashezar maʿaseh ḥoshev yaʿaseh ʾotah keruviym׃
32 וְנָתַתָּ֣ה אֹתָ֗הּ עַל־אַרְבָּעָה֙ עַמּוּדֵ֣י שִׁטִּ֔ים מְצֻפִּ֣ים זָהָ֔ב וָוֵיהֶ֖ם זָהָ֑ב עַל־אַרְבָּעָ֖ה אַדְנֵי־כָֽסֶף׃ wenatatah ʾotah ʿal־ʾarebaʿah ʿamudey shiṭiym metsupiym zahav waweyhem zahav ʿal־ʾarebaʿah ʾadeney־khasef׃
33 וְנָתַתָּ֣ה אֶת־הַפָּרֹכֶת֮ תַּ֣חַת הַקְּרָסִים֒ וְהֵבֵאתָ֥ שָׁ֙מָּה֙ מִבֵּ֣ית לַפָּרֹ֔כֶת אֵ֖ת אֲרֹ֣ון הָעֵד֑וּת וְהִבְדִּילָ֤ה הַפָּרֹ֙כֶת֙ לָכֶ֔ם בֵּ֣ין הַקֹּ֔דֶשׁ וּבֵ֖ין קֹ֥דֶשׁ הַקֳּדָשִֽׁים׃ wenatatah ʾet־haparokhet taḥat haqerasiym weheveʾta shamah mibeyt laparokhet ʾet ʾarown haʿedut wehivediylah haparokhet lakhem beyn haqodesh uveyn qodesh haqodashiym׃
34 וְנָתַתָּ֙ אֶת־הַכַּפֹּ֔רֶת עַ֖ל אֲרֹ֣ון הָעֵדֻ֑ת בְּקֹ֖דֶשׁ הַקֳּדָשִֽׁים׃ wenatata ʾet־hakaporet ʿal ʾarown haʿedut beqodesh haqodashiym׃
35 וְשַׂמְתָּ֤ אֶת־הַשֻּׁלְחָן֙ מִח֣וּץ לַפָּרֹ֔כֶת וְאֶת־הַמְּנֹרָה֙ נֹ֣כַח הַשֻּׁלְחָ֔ן עַ֛ל צֶ֥לַע הַמִּשְׁכָּ֖ן תֵּימָ֑נָה וְהַ֨שֻּׁלְחָ֔ן תִּתֵּ֖ן עַל־צֶ֥לַע צָפֹֽון׃ wesameta ʾet־hashuleḥan miḥuts laparokhet weʾet־hamenorah nokhaḥ hashuleḥan ʿal tselaʿ hamishekan teymanah wehashuleḥan titen ʿal־tselaʿ tsafown׃
36 וְעָשִׂ֤יתָ מָסָךְ֙ לְפֶ֣תַח הָאֹ֔הֶל תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֖ה רֹקֵֽם׃ weʿasiyta masakhe lefetaḥ haʾohel tekhelet weʾaregaman wetowlaʿat shaniy weshesh mashezar maʿaseh roqem׃
37 וְעָשִׂ֣יתָ לַמָּסָ֗ךְ חֲמִשָּׁה֙ עַמּוּדֵ֣י שִׁטִּ֔ים וְצִפִּיתָ֤ אֹתָם֙ זָהָ֔ב וָוֵיהֶ֖ם זָהָ֑ב וְיָצַקְתָּ֣ לָהֶ֔ם חֲמִשָּׁ֖ה אַדְנֵ֥י נְחֹֽשֶׁת׃ ס weʿasiyta lamasakhe ḥamishah ʿamudey shiṭiym wetsipiyta ʾotam zahav waweyhem zahav weyatsaqeta lahem ḥamishah ʾadeney neḥoshet׃ s