1 מִ֚י כְּהֶ֣חָכָ֔ם וּמִ֥י יֹודֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעֹ֥ז פָּנָ֖יו יְשֻׁנֶּֽא׃ miy keheḥakham umiy yowdeaʿ pesher davar ḥakhemat ʾadam taʾiyr panayw weʿoz panayw yeshuneʾ׃
2 אֲנִי֙ פִּי־מֶ֣לֶךְ שְׁמֹ֔ור וְעַ֕ל דִּבְרַ֖ת שְׁבוּעַ֥ת אֱלֹהִֽים׃ ʾaniy piy־melekhe shemowr weʿal diverat shevuʿat ʾelohiym׃
3 אַל־תִּבָּהֵ֤ל מִפָּנָיו֙ תֵּלֵ֔ךְ אַֽל־תַּעֲמֹ֖ד בְּדָבָ֣ר רָ֑ע כִּ֛י כָּל־אֲשֶׁ֥ר יַחְפֹּ֖ץ יַעֲשֶֽׂה׃ ʾal־tibahel mipanayw telekhe ʾal־taʿamod bedavar raʿ kiy kal־ʾasher yaḥepots yaʿaseh׃
4 בַּאֲשֶׁ֥ר דְּבַר־מֶ֖לֶךְ שִׁלְטֹ֑ון וּמִ֥י יֹֽאמַר־לֹ֖ו מַֽה־תַּעֲשֶֽׂה׃ baʾasher devar־melekhe shileṭown umiy yoʾmar־low mah־taʿaseh׃
5 שֹׁומֵ֣ר מִצְוָ֔ה לֹ֥א יֵדַ֖ע דָּבָ֣ר רָ֑ע וְעֵ֣ת וּמִשְׁפָּ֔ט יֵדַ֖ע לֵ֥ב חָכָֽם׃ showmer mitsewah loʾ yedaʿ davar raʿ weʿet umishepaṭ yedaʿ lev ḥakham׃
6 כִּ֣י לְכָל־חֵ֔פֶץ יֵ֖שׁ עֵ֣ת וּמִשְׁפָּ֑ט כִּֽי־רָעַ֥ת הָאָדָ֖ם רַבָּ֥ה עָלָֽיו׃ kiy lekhal־ḥefets yesh ʿet umishepaṭ kiy־raʿat haʾadam rabah ʿalayw׃
7 כִּֽי־אֵינֶ֥נּוּ יֹדֵ֖עַ מַה־שֶּׁיִּֽהְיֶ֑ה כִּ֚י כַּאֲשֶׁ֣ר יִֽהְיֶ֔ה מִ֖י יַגִּ֥יד לֹֽו׃ kiy־ʾeynenu yodeaʿ mah־sheyiheyeh kiy kaʾasher yiheyeh miy yagiyd low׃
8 אֵ֣ין אָדָ֞ם שַׁלִּ֤יט בָּר֙וּחַ֙ לִכְלֹ֣וא אֶת־הָר֔וּחַ וְאֵ֤ין שִׁלְטֹון֙ בְּיֹ֣ום הַמָּ֔וֶת וְאֵ֥ין מִשְׁלַ֖חַת בַּמִּלְחָמָ֑ה וְלֹֽא־יְמַלֵּ֥ט רֶ֖שַׁע אֶת־בְּעָלָֽיו׃ ʾeyn ʾadam shaliyṭ baruaḥ likhelowʾ ʾet־haruaḥ weʾeyn shileṭown beyowm hamawet weʾeyn mishelaḥat bamileḥamah weloʾ־yemaleṭ reshaʿ ʾet־beʿalayw׃
9 אֶת־כָּל־זֶ֤ה רָאִ֙יתִי֙ וְנָתֹ֣ון אֶת־לִבִּ֔י לְכָֽל־מַעֲשֶׂ֔ה אֲשֶׁ֥ר נַעֲשָׂ֖ה תַּ֣חַת הַשָּׁ֑מֶשׁ עֵ֗ת אֲשֶׁ֨ר שָׁלַ֧ט הָאָדָ֛ם בְּאָדָ֖ם לְרַ֥ע לֹֽו׃ ʾet־kal־zeh raʾiytiy wenatown ʾet־libiy lekhal־maʿaseh ʾasher naʿasah taḥat hashamesh ʿet ʾasher shalaṭ haʾadam beʾadam leraʿ low׃
10 וּבְכֵ֡ן רָאִיתִי֩ רְשָׁעִ֨ים קְבֻרִ֜ים וָבָ֗אוּ וּמִמְּקֹ֤ום קָדֹושׁ֙ יְהַלֵּ֔כוּ וְיִֽשְׁתַּכְּח֥וּ בָעִ֖יר אֲשֶׁ֣ר כֵּן־עָשׂ֑וּ גַּם־זֶ֖ה הָֽבֶל׃ uvekhen raʾiytiy reshaʿiym qevuriym wavaʾu umimeqowm qadowsh yehalekhu weyishetakeḥu vaʿiyr ʾasher ken־ʿasu gam־zeh havel׃
11 אֲשֶׁר֙ אֵין־נַעֲשָׂ֣ה פִתְגָ֔ם מַעֲשֵׂ֥ה הָרָעָ֖ה מְהֵרָ֑ה עַל־כֵּ֡ן מָלֵ֞א לֵ֧ב בְּֽנֵי־הָאָדָ֛ם בָּהֶ֖ם לַעֲשֹׂ֥ות רָֽע׃ ʾasher ʾeyn־naʿasah fitegam maʿaseh haraʿah meherah ʿal־ken maleʾ lev beney־haʾadam bahem laʿasowt raʿ׃
12 אֲשֶׁ֣ר חֹטֶ֗א עֹשֶׂ֥ה רָ֛ע מְאַ֖ת וּמַאֲרִ֣יךְ לֹ֑ו כִּ֚י גַּם־יֹודֵ֣עַ אָ֔נִי אֲשֶׁ֤ר יִהְיֶה־טֹּוב֙ לְיִרְאֵ֣י הָאֱלֹהִ֔ים אֲשֶׁ֥ר יִֽירְא֖וּ מִלְּפָנָֽיו׃ ʾasher ḥoṭeʾ ʿoseh raʿ meʾat umaʾariykhe low kiy gam־yowdeaʿ ʾaniy ʾasher yiheyeh־ṭowv leyireʾey haʾelohiym ʾasher yiyreʾu milefanayw׃
13 וְטֹוב֙ לֹֽא־יִהְיֶ֣ה לָֽרָשָׁ֔ע וְלֹֽא־יַאֲרִ֥יךְ יָמִ֖ים כַּצֵּ֑ל אֲשֶׁ֛ר אֵינֶ֥נּוּ יָרֵ֖א מִלִּפְנֵ֥י אֱלֹהִֽים׃ weṭowv loʾ־yiheyeh larashaʿ weloʾ־yaʾariykhe yamiym katsel ʾasher ʾeynenu yareʾ milifeney ʾelohiym׃
14 יֶשׁ־הֶבֶל֮ אֲשֶׁ֣ר נַעֲשָׂ֣ה עַל־הָאָרֶץ֒ אֲשֶׁ֣ר ׀ יֵ֣שׁ צַדִּיקִ֗ים אֲשֶׁ֨ר מַגִּ֤יעַ אֲלֵהֶם֙ כְּמַעֲשֵׂ֣ה הָרְשָׁעִ֔ים וְיֵ֣שׁ רְשָׁעִ֔ים שֶׁמַּגִּ֥יעַ אֲלֵהֶ֖ם כְּמַעֲשֵׂ֣ה הַצַּדִּיקִ֑ים אָמַ֕רְתִּי שֶׁגַּם־זֶ֖ה הָֽבֶל׃ yesh־hevel ʾasher naʿasah ʿal־haʾarets ʾasher ׀ yesh tsadiyqiym ʾasher magiyʿa ʾalehem kemaʿaseh hareshaʿiym weyesh reshaʿiym shemagiyʿa ʾalehem kemaʿaseh hatsadiyqiym ʾamaretiy shegam־zeh havel׃
15 וְשִׁבַּ֤חְתִּֽי אֲנִי֙ אֶת־הַשִּׂמְחָ֔ה אֲשֶׁ֨ר אֵֽין־טֹ֤וב לָֽאָדָם֙ תַּ֣חַת הַשֶּׁ֔מֶשׁ כִּ֛י אִם־לֶאֱכֹ֥ול וְלִשְׁתֹּ֖ות וְלִשְׂמֹ֑וחַ וְה֞וּא יִלְוֶ֣נּוּ בַעֲמָלֹ֗ו יְמֵ֥י חַיָּ֛יו אֲשֶׁר־נָֽתַן־לֹ֥ו הָאֱלֹהִ֖ים תַּ֥חַת הַשָּֽׁמֶשׁ׃ weshibaḥetiy ʾaniy ʾet־hasimeḥah ʾasher ʾeyn־ṭowv laʾadam taḥat hashemesh kiy ʾim־leʾekhowl welishetowt welisemowḥa wehuʾ yilewenu vaʿamalow yemey ḥayayw ʾasher־natan־low haʾelohiym taḥat hashamesh׃
16 כַּאֲשֶׁ֨ר נָתַ֤תִּי אֶת־לִבִּי֙ לָדַ֣עַת חָכְמָ֔ה וְלִרְאֹות֙ אֶת־הָ֣עִנְיָ֔ן אֲשֶׁ֥ר נַעֲשָׂ֖ה עַל־הָאָ֑רֶץ כִּ֣י גַ֤ם בַּיֹּום֙ וּבַלַּ֔יְלָה שֵׁנָ֕ה בְּעֵינָ֖יו אֵינֶ֥נּוּ רֹאֶֽה׃ kaʾasher natatiy ʾet־libiy ladaʿat ḥakhemah welireʾowt ʾet־haʿineyan ʾasher naʿasah ʿal־haʾarets kiy gam bayowm uvalayelah shenah beʿeynayw ʾeynenu roʾeh׃
17 וְרָאִיתִי֮ אֶת־כָּל־מַעֲשֵׂ֣ה הָאֱלֹהִים֒ כִּי֩ לֹ֨א יוּכַ֜ל הָאָדָ֗ם לִמְצֹוא֙ אֶת־הַֽמַּעֲשֶׂה֙ אֲשֶׁ֣ר נַעֲשָׂ֣ה תַֽחַת־הַשֶּׁ֔מֶשׁ בְּ֠שֶׁל אֲשֶׁ֨ר יַעֲמֹ֧ל הָאָדָ֛ם לְבַקֵּ֖שׁ וְלֹ֣א יִמְצָ֑א וְגַ֨ם אִם־יֹאמַ֤ר הֶֽחָכָם֙ לָדַ֔עַת לֹ֥א יוּכַ֖ל לִמְצֹֽא׃ weraʾiytiy ʾet־kal־maʿaseh haʾelohiym kiy loʾ yukhal haʾadam limetsowʾ ʾet־hamaʿaseh ʾasher naʿasah taḥat־hashemesh beshel ʾasher yaʿamol haʾadam levaqesh weloʾ yimetsaʾ wegam ʾim־yoʾmar heḥakham ladaʿat loʾ yukhal limetsoʾ׃