1 וַיִּקַּ֣ח קֹ֔רַח בֶּן־יִצְהָ֥ר בֶּן־קְהָ֖ת בֶּן־לֵוִ֑י וְדָתָ֨ן וַאֲבִירָ֜ם בְּנֵ֧י אֱלִיאָ֛ב וְאֹ֥ון בֶּן־פֶּ֖לֶת בְּנֵ֥י רְאוּבֵֽן׃ wayiqaḥ qoraḥ ben־yitsehar ben־qehat ben־lewiy wedatan waʾaviyram beney ʾeliyʾav weʾown ben־pelet beney reʾuven׃
2 וַיָּקֻ֙מוּ֙ לִפְנֵ֣י מֹשֶׁ֔ה וַאֲנָשִׁ֥ים מִבְּנֵֽי־יִשְׂרָאֵ֖ל חֲמִשִּׁ֣ים וּמָאתָ֑יִם נְשִׂיאֵ֥י עֵדָ֛ה קְרִאֵ֥י מֹועֵ֖ד אַנְשֵׁי־שֵֽׁם׃ wayaqumu lifeney mosheh waʾanashiym mibeney־yiseraʾel ḥamishiym umaʾtayim nesiyʾey ʿedah qeriʾey mowʿed ʾaneshey־shem׃
3 וַיִּֽקָּהֲל֞וּ עַל־מֹשֶׁ֣ה וְעַֽל־אַהֲרֹ֗ן וַיֹּאמְר֣וּ אֲלֵהֶם֮ רַב־לָכֶם֒ כִּ֤י כָל־הָֽעֵדָה֙ כֻּלָּ֣ם קְדֹשִׁ֔ים וּבְתֹוכָ֖ם יְהוָ֑ה וּמַדּ֥וּעַ תִּֽתְנַשְּׂא֖וּ עַל־קְהַ֥ל יְהוָֽה׃ wayiqahalu ʿal־mosheh weʿal־ʾaharon wayoʾmeru ʾalehem rav־lakhem kiy khal־haʿedah kulam qedoshiym uvetowkham yehwah umaduaʿ titenaseʾu ʿal־qehal yehwah׃
4 וַיִּשְׁמַ֣ע מֹשֶׁ֔ה וַיִּפֹּ֖ל עַל־פָּנָֽיו׃ wayishemaʿ mosheh wayipol ʿal־panayw׃
5 וַיְדַבֵּ֨ר אֶל־קֹ֜רַח וְאֶֽל־כָּל־עֲדָתֹו֮ לֵאמֹר֒ בֹּ֠קֶר וְיֹדַ֨ע יְהוָ֧ה אֶת־אֲשֶׁר־לֹ֛ו וְאֶת־הַקָּדֹ֖ושׁ וְהִקְרִ֣יב אֵלָ֑יו וְאֵ֛ת אֲשֶׁ֥ר יִבְחַר־בֹּ֖ו יַקְרִ֥יב אֵלָֽיו׃ wayedaber ʾel־qoraḥ weʾel־kal־ʿadatow leʾmor boqer weyodaʿ yehwah ʾet־ʾasher־low weʾet־haqadowsh wehiqeriyv ʾelayw weʾet ʾasher yiveḥar־bow yaqeriyv ʾelayw׃
6 זֹ֖את עֲשׂ֑וּ קְחוּ־לָכֶ֣ם מַחְתֹּ֔ות קֹ֖רַח וְכָל־עֲדָתֹֽו׃ zoʾt ʿasu qeḥu־lakhem maḥetowt qoraḥ wekhal־ʿadatow׃
7 וּתְנ֣וּ בָהֵ֣ן ׀ אֵ֡שׁ וְשִׂימוּ֩ עֲלֵיהֶ֨ן קְטֹ֜רֶת לִפְנֵ֤י יְהוָה֙ מָחָ֔ר וְהָיָ֗ה הָאִ֛ישׁ אֲשֶׁר־יִבְחַ֥ר יְהוָ֖ה ה֣וּא הַקָּדֹ֑ושׁ רַב־לָכֶ֖ם בְּנֵ֥י לֵוִֽי׃ utenu vahen ׀ ʾesh wesiymu ʿaleyhen qeṭoret lifeney yehwah maḥar wehayah haʾiysh ʾasher־yiveḥar yehwah huʾ haqadowsh rav־lakhem beney lewiy׃
8 וַיֹּ֥אמֶר מֹשֶׁ֖ה אֶל־קֹ֑רַח שִׁמְעוּ־נָ֖א בְּנֵ֥י לֵוִֽי׃ wayoʾmer mosheh ʾel־qoraḥ shimeʿu־naʾ beney lewiy׃
9 הַמְעַ֣ט מִכֶּ֗ם כִּֽי־הִבְדִּיל֩ אֱלֹהֵ֨י יִשְׂרָאֵ֤ל אֶתְכֶם֙ מֵעֲדַ֣ת יִשְׂרָאֵ֔ל לְהַקְרִ֥יב אֶתְכֶ֖ם אֵלָ֑יו לַעֲבֹ֗ד אֶת־עֲבֹדַת֙ מִשְׁכַּ֣ן יְהוָ֔ה וְלַעֲמֹ֛ד לִפְנֵ֥י הָעֵדָ֖ה לְשָׁרְתָֽם׃ hameʿaṭ mikem kiy־hivediyl ʾelohey yiseraʾel ʾetekhem meʿadat yiseraʾel lehaqeriyv ʾetekhem ʾelayw laʿavod ʾet־ʿavodat mishekan yehwah welaʿamod lifeney haʿedah lesharetam׃
10 וַיַּקְרֵב֙ אֹֽתְךָ֔ וְאֶת־כָּל־אַחֶ֥יךָ בְנֵי־לֵוִ֖י אִתָּ֑ךְ וּבִקַּשְׁתֶּ֖ם גַּם־כְּהֻנָּֽה׃ wayaqerev ʾotekha weʾet־kal־ʾaḥeykha veney־lewiy ʾitakhe uviqashetem gam־kehunah׃
11 לָכֵ֗ן אַתָּה֙ וְכָל־עֲדָ֣תְךָ֔ הַנֹּעָדִ֖ים עַל־יְהוָ֑ה וְאַהֲרֹ֣ן מַה־ה֔וּא כִּ֥י [תִלֹּונוּ כ] (תַלִּ֖ינוּ ק) עָלָֽיו׃ lakhen ʾatah wekhal־ʿadatekha hanoʿadiym ʿal־yehwah weʾaharon mah־huʾ kiy [tilownu kh] (taliynu q) ʿalayw׃
12 וַיִּשְׁלַ֣ח מֹשֶׁ֔ה לִקְרֹ֛א לְדָתָ֥ן וְלַאֲבִירָ֖ם בְּנֵ֣י אֱלִיאָ֑ב וַיֹּאמְר֖וּ לֹ֥א נַעֲלֶֽה׃ wayishelaḥ mosheh liqeroʾ ledatan welaʾaviyram beney ʾeliyʾav wayoʾmeru loʾ naʿaleh׃
13 הַמְעַ֗ט כִּ֤י הֶֽעֱלִיתָ֙נוּ֙ מֵאֶ֨רֶץ זָבַ֤ת חָלָב֙ וּדְבַ֔שׁ לַהֲמִיתֵ֖נוּ בַּמִּדְבָּ֑ר כִּֽי־תִשְׂתָּרֵ֥ר עָלֵ֖ינוּ גַּם־הִשְׂתָּרֵֽר׃ hameʿaṭ kiy heʿeliytanu meʾerets zavat ḥalav udevash lahamiytenu bamidebar kiy־tisetarer ʿaleynu gam־hisetarer׃
14 אַ֡ף לֹ֣א אֶל־אֶרֶץ֩ זָבַ֨ת חָלָ֤ב וּדְבַשׁ֙ הֲבִ֣יאֹתָ֔נוּ וַתִּ֨תֶּן־לָ֔נוּ נַחֲלַ֖ת שָׂדֶ֣ה וָכָ֑רֶם הַעֵינֵ֞י הָאֲנָשִׁ֥ים הָהֵ֛ם תְּנַקֵּ֖ר לֹ֥א נַעֲלֶֽה׃ ʾaf loʾ ʾel־ʾerets zavat ḥalav udevash haviyʾotanu watiten־lanu naḥalat sadeh wakharem haʿeyney haʾanashiym hahem tenaqer loʾ naʿaleh׃
15 וַיִּ֤חַר לְמֹשֶׁה֙ מְאֹ֔ד וַיֹּ֙אמֶר֙ אֶל־יְהוָ֔ה אַל־תֵּ֖פֶן אֶל־מִנְחָתָ֑ם לֹ֠א חֲמֹ֨ור אֶחָ֤ד מֵהֶם֙ נָשָׂ֔אתִי וְלֹ֥א הֲרֵעֹ֖תִי אֶת־אַחַ֥ד מֵהֶֽם׃ wayiḥar lemosheh meʾod wayoʾmer ʾel־yehwah ʾal־tefen ʾel־mineḥatam loʾ ḥamowr ʾeḥad mehem nasaʾtiy weloʾ hareʿotiy ʾet־ʾaḥad mehem׃
16 וַיֹּ֤אמֶר מֹשֶׁה֙ אֶל־קֹ֔רַח אַתָּה֙ וְכָל־עֲדָ֣תְךָ֔ הֱי֖וּ לִפְנֵ֣י יְהוָ֑ה אַתָּ֥ה וָהֵ֛ם וְאַהֲרֹ֖ן מָחָֽר׃ wayoʾmer mosheh ʾel־qoraḥ ʾatah wekhal־ʿadatekha heyu lifeney yehwah ʾatah wahem weʾaharon maḥar׃
17 וּקְח֣וּ ׀ אִ֣ישׁ מַחְתָּתֹ֗ו וּנְתַתֶּ֤ם עֲלֵיהֶם֙ קְטֹ֔רֶת וְהִקְרַבְתֶּ֞ם לִפְנֵ֤י יְהוָה֙ אִ֣ישׁ מַחְתָּתֹ֔ו חֲמִשִּׁ֥ים וּמָאתַ֖יִם מַחְתֹּ֑ת וְאַתָּ֥ה וְאַהֲרֹ֖ן אִ֥ישׁ מַחְתָּתֹֽו׃ uqeḥu ׀ ʾiysh maḥetatow unetatem ʿaleyhem qeṭoret wehiqeravetem lifeney yehwah ʾiysh maḥetatow ḥamishiym umaʾtayim maḥetot weʾatah weʾaharon ʾiysh maḥetatow׃
18 וַיִּקְח֞וּ אִ֣ישׁ מַחְתָּתֹ֗ו וַיִּתְּנ֤וּ עֲלֵיהֶם֙ אֵ֔שׁ וַיָּשִׂ֥ימוּ עֲלֵיהֶ֖ם קְטֹ֑רֶת וַֽיַּעַמְד֗וּ פֶּ֛תַח אֹ֥הֶל מֹועֵ֖ד וּמֹשֶׁ֥ה וְאַהֲרֹֽן׃ wayiqeḥu ʾiysh maḥetatow wayitenu ʿaleyhem ʾesh wayasiymu ʿaleyhem qeṭoret wayaʿamedu petaḥ ʾohel mowʿed umosheh weʾaharon׃
19 וַיַּקְהֵ֨ל עֲלֵיהֶ֥ם קֹ֙רַח֙ אֶת־כָּל־הָ֣עֵדָ֔ה אֶל־פֶּ֖תַח אֹ֣הֶל מֹועֵ֑ד וַיֵּרָ֥א כְבֹוד־יְהוָ֖ה אֶל־כָּל־הָעֵדָֽה׃ פ wayaqehel ʿaleyhem qoraḥ ʾet־kal־haʿedah ʾel־petaḥ ʾohel mowʿed wayeraʾ khevowd־yehwah ʾel־kal־haʿedah׃ f
20 וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃ wayedaber yehwah ʾel־mosheh weʾel־ʾaharon leʾmor׃
21 הִבָּ֣דְל֔וּ מִתֹּ֖וךְ הָעֵדָ֣ה הַזֹּ֑את וַאַכַלֶּ֥ה אֹתָ֖ם כְּרָֽגַע׃ hibadelu mitowkhe haʿedah hazoʾt waʾakhaleh ʾotam keragaʿ׃
22 וַיִּפְּל֤וּ עַל־פְּנֵיהֶם֙ וַיֹּ֣אמְר֔וּ אֵ֕ל אֱלֹהֵ֥י הָרוּחֹ֖ת לְכָל־בָּשָׂ֑ר הָאִ֤ישׁ אֶחָד֙ יֶחֱטָ֔א וְעַ֥ל כָּל־הָעֵדָ֖ה תִּקְצֹֽף׃ פ wayipelu ʿal־peneyhem wayoʾmeru ʾel ʾelohey haruḥot lekhal־basar haʾiysh ʾeḥad yeḥeṭaʾ weʿal kal־haʿedah tiqetsof׃ f
23 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
24 דַּבֵּ֥ר אֶל־הָעֵדָ֖ה לֵאמֹ֑ר הֵֽעָלוּ֙ מִסָּבִ֔יב לְמִשְׁכַּן־קֹ֖רַח דָּתָ֥ן וַאֲבִירָֽם׃ daber ʾel־haʿedah leʾmor heʿalu misaviyv lemishekan־qoraḥ datan waʾaviyram׃
25 וַיָּ֣קָם מֹשֶׁ֔ה וַיֵּ֖לֶךְ אֶל־דָּתָ֣ן וַאֲבִירָ֑ם וַיֵּלְכ֥וּ אַחֲרָ֖יו זִקְנֵ֥י יִשְׂרָאֵֽל׃ wayaqam mosheh wayelekhe ʾel־datan waʾaviyram wayelekhu ʾaḥarayw ziqeney yiseraʾel׃
26 וַיְדַבֵּ֨ר אֶל־הָעֵדָ֜ה לֵאמֹ֗ר ס֣וּרוּ נָ֡א מֵעַל֩ אָהֳלֵ֨י הָאֲנָשִׁ֤ים הָֽרְשָׁעִים֙ הָאֵ֔לֶּה וְאַֽל־תִּגְּע֖וּ בְּכָל־אֲשֶׁ֣ר לָהֶ֑ם פֶּן־תִּסָּפ֖וּ בְּכָל־חַטֹּאתָֽם׃ wayedaber ʾel־haʿedah leʾmor suru naʾ meʿal ʾaholey haʾanashiym hareshaʿiym haʾeleh weʾal־tigeʿu bekhal־ʾasher lahem pen־tisafu bekhal־ḥaṭoʾtam׃
27 וַיֵּעָל֗וּ מֵעַ֧ל מִשְׁכַּן־קֹ֛רֶח דָּתָ֥ן וַאֲבִירָ֖ם מִסָּבִ֑יב וְדָתָ֨ן וַאֲבִירָ֜ם יָצְא֣וּ נִצָּבִ֗ים פֶּ֚תַח אָֽהֳלֵיהֶ֔ם וּנְשֵׁיהֶ֥ם וּבְנֵיהֶ֖ם וְטַפָּֽם׃ wayeʿalu meʿal mishekan־qoreḥ datan waʾaviyram misaviyv wedatan waʾaviyram yatseʾu nitsaviym petaḥ ʾaholeyhem unesheyhem uveneyhem weṭapam׃
28 וַיֹּאמֶר֮ מֹשֶׁה֒ בְּזֹאת֙ תֵּֽדְע֔וּן כִּֽי־יְהוָ֣ה שְׁלָחַ֔נִי לַעֲשֹׂ֕ות אֵ֥ת כָּל־הַֽמַּעֲשִׂ֖ים הָאֵ֑לֶּה כִּי־לֹ֖א מִלִּבִּֽי׃ wayoʾmer mosheh bezoʾt tedeʿun kiy־yehwah shelaḥaniy laʿasowt ʾet kal־hamaʿasiym haʾeleh kiy־loʾ milibiy׃
29 אִם־כְּמֹ֤ות כָּל־הָֽאָדָם֙ יְמֻת֣וּן אֵ֔לֶּה וּפְקֻדַּת֙ כָּל־הָ֣אָדָ֔ם יִפָּקֵ֖ד עֲלֵיהֶ֑ם לֹ֥א יְהוָ֖ה שְׁלָחָֽנִי׃ ʾim־kemowt kal־haʾadam yemutun ʾeleh ufequdat kal־haʾadam yipaqed ʿaleyhem loʾ yehwah shelaḥaniy׃
30 וְאִם־בְּרִיאָ֞ה יִבְרָ֣א יְהוָ֗ה וּפָצְתָ֨ה הָאֲדָמָ֤ה אֶת־פִּ֙יהָ֙ וּבָלְעָ֤ה אֹתָם֙ וְאֶת־כָּל־אֲשֶׁ֣ר לָהֶ֔ם וְיָרְד֥וּ חַיִּ֖ים שְׁאֹ֑לָה וִֽידַעְתֶּ֕ם כִּ֧י נִֽאֲצ֛וּ הָאֲנָשִׁ֥ים הָאֵ֖לֶּה אֶת־יְהוָֽה׃ weʾim־beriyʾah yiveraʾ yehwah ufatsetah haʾadamah ʾet־piyha uvaleʿah ʾotam weʾet־kal־ʾasher lahem weyaredu ḥayiym sheʾolah wiydaʿetem kiy niʾatsu haʾanashiym haʾeleh ʾet־yehwah׃
31 וַיְהִי֙ כְּכַלֹּתֹ֔ו לְדַבֵּ֕ר אֵ֥ת כָּל־הַדְּבָרִ֖ים הָאֵ֑לֶּה וַתִּבָּקַ֥ע הָאֲדָמָ֖ה אֲשֶׁ֥ר תַּחְתֵּיהֶֽם׃ wayehiy kekhalotow ledaber ʾet kal־hadevariym haʾeleh watibaqaʿ haʾadamah ʾasher taḥeteyhem׃
32 וַתִּפְתַּ֤ח הָאָ֙רֶץ֙ אֶת־פִּ֔יהָ וַתִּבְלַ֥ע אֹתָ֖ם וְאֶת־בָּתֵּיהֶ֑ם וְאֵ֤ת כָּל־הָאָדָם֙ אֲשֶׁ֣ר לְקֹ֔רַח וְאֵ֖ת כָּל־הָרֲכֽוּשׁ׃ watifetaḥ haʾarets ʾet־piyha wativelaʿ ʾotam weʾet־bateyhem weʾet kal־haʾadam ʾasher leqoraḥ weʾet kal־harakhush׃
33 וַיֵּ֨רְד֜וּ הֵ֣ם וְכָל־אֲשֶׁ֥ר לָהֶ֛ם חַיִּ֖ים שְׁאֹ֑לָה וַתְּכַ֤ס עֲלֵיהֶם֙ הָאָ֔רֶץ וַיֹּאבְד֖וּ מִתֹּ֥וךְ הַקָּהָֽל׃ wayeredu hem wekhal־ʾasher lahem ḥayiym sheʾolah watekhas ʿaleyhem haʾarets wayoʾvedu mitowkhe haqahal׃
34 וְכָל־יִשְׂרָאֵ֗ל אֲשֶׁ֛ר סְבִיבֹתֵיהֶ֖ם נָ֣סוּ לְקֹלָ֑ם כִּ֣י אָֽמְר֔וּ פֶּן־תִּבְלָעֵ֖נוּ הָאָֽרֶץ׃ wekhal־yiseraʾel ʾasher seviyvoteyhem nasu leqolam kiy ʾameru pen־tivelaʿenu haʾarets׃
35 וְאֵ֥שׁ יָצְאָ֖ה מֵאֵ֣ת יְהוָ֑ה וַתֹּ֗אכַל אֵ֣ת הַחֲמִשִּׁ֤ים וּמָאתַ֙יִם֙ אִ֔ישׁ מַקְרִיבֵ֖י הַקְּטֹֽרֶת׃ פ weʾesh yatseʾah meʾet yehwah watoʾkhal ʾet haḥamishiym umaʾtayim ʾiysh maqeriyvey haqeṭoret׃ f