1 וַיֵּ֥לֶךְ רְחַבְעָ֖ם שְׁכֶ֑מָה כִּ֥י שְׁכֶ֛ם בָּ֥אוּ כָל־יִשְׂרָאֵ֖ל לְהַמְלִ֥יךְ אֹתֹֽו׃ wayelekhe reḥaveʿam shekhemah kiy shekhem baʾu khal־yiseraʾel lehameliykhe ʾotow׃
2 וַיְהִ֞י כִּשְׁמֹ֨עַ יָרָבְעָ֤ם בֶּן־נְבָט֙ וְה֣וּא בְמִצְרַ֔יִם אֲשֶׁ֣ר בָּרַ֔ח מִפְּנֵ֖י שְׁלֹמֹ֣ה הַמֶּ֑לֶךְ וַיָּ֥שָׁב יָרָבְעָ֖ם מִמִּצְרָֽיִם׃ wayehiy kishemoaʿ yaraveʿam ben־nevaṭ wehuʾ vemitserayim ʾasher baraḥ mipeney shelomoh hamelekhe wayashav yaraveʿam mimitserayim׃
3 וַֽיִּשְׁלְחוּ֙ וַיִּקְרְאוּ־לֹ֔ו וַיָּבֹ֥א יָרָבְעָ֖ם וְכָל־יִשְׂרָאֵ֑ל וַֽיְדַבְּר֔וּ אֶל־רְחַבְעָ֖ם לֵאמֹֽר׃ wayisheleḥu wayiqereʾu־low wayavoʾ yaraveʿam wekhal־yiseraʾel wayedaberu ʾel־reḥaveʿam leʾmor׃
4 אָבִ֖יךָ הִקְשָׁ֣ה אֶת־עֻלֵּ֑נוּ וְעַתָּ֡ה הָקֵל֩ מֵעֲבֹדַ֨ת אָבִ֜יךָ הַקָּשָׁ֗ה וּמֵעֻלֹּ֧ו הַכָּבֵ֛ד אֲשֶׁר־נָתַ֥ן עָלֵ֖ינוּ וְנַֽעַבְדֶֽךָּ׃ ʾaviykha hiqeshah ʾet־ʿulenu weʿatah haqel meʿavodat ʾaviykha haqashah umeʿulow hakaved ʾasher־natan ʿaleynu wenaʿavedeka׃
5 וַיֹּ֣אמֶר אֲלֵהֶ֗ם עֹ֛וד שְׁלֹ֥שֶׁת יָמִ֖ים וְשׁ֣וּבוּ אֵלָ֑י וַיֵּ֖לֶךְ הָעָֽם׃ ס wayoʾmer ʾalehem ʿowd sheloshet yamiym weshuvu ʾelay wayelekhe haʿam׃ s
6 וַיִּוָּעַ֞ץ הַמֶּ֣לֶךְ רְחַבְעָ֗ם אֶת־הַזְּקֵנִים֙ אֲשֶׁר־הָי֣וּ עֹֽמְדִ֗ים לִפְנֵי֙ שְׁלֹמֹ֣ה אָבִ֔יו בִּֽהְיֹתֹ֥ו חַ֖י לֵאמֹ֑ר אֵ֚יךְ אַתֶּ֣ם נֹֽועָצִ֔ים לְהָשִׁ֥יב לָֽעָם־הַזֶּ֖ה דָּבָֽר׃ wayiuaʿats hamelekhe reḥaveʿam ʾet־hazeqeniym ʾasher־hayu ʿomediym lifeney shelomoh ʾaviyw biheyotow ḥay leʾmor ʾeykhe ʾatem nowʿatsiym lehashiyv laʿam־hazeh davar׃
7 וַיְדַבְּר֨וּ אֵלָ֜יו לֵאמֹ֗ר אִם־תִּֽהְיֶ֨ה לְטֹ֜וב לְהָעָ֤ם הַזֶּה֙ וּרְצִיתָ֔ם וְדִבַּרְתָּ֥ אֲלֵהֶ֖ם דְּבָרִ֣ים טֹובִ֑ים וְהָי֥וּ לְךָ֛ עֲבָדִ֖ים כָּל־הַיָּמִֽים׃ wayedaberu ʾelayw leʾmor ʾim־tiheyeh leṭowv lehaʿam hazeh uretsiytam wedibareta ʾalehem devariym ṭowviym wehayu lekha ʿavadiym kal־hayamiym׃
8 וַֽיַּעֲזֹ֛ב אֶת־עֲצַ֥ת הַזְּקֵנִ֖ים אֲשֶׁ֣ר יְעָצֻ֑הוּ וַיִּוָּעַ֗ץ אֶת־הַיְלָדִים֙ אֲשֶׁ֣ר גָּדְל֣וּ אִתֹּ֔ו הָעֹמְדִ֖ים לְפָנָֽיו׃ wayaʿazov ʾet־ʿatsat hazeqeniym ʾasher yeʿatsuhu wayiuaʿats ʾet־hayeladiym ʾasher gadelu ʾitow haʿomediym lefanayw׃
9 וַיֹּ֣אמֶר אֲלֵהֶ֗ם מָ֚ה אַתֶּ֣ם נֹֽועָצִ֔ים וְנָשִׁ֥יב דָּבָ֖ר אֶת־הָעָ֣ם הַזֶּ֑ה אֲשֶׁ֨ר דִּבְּר֤וּ אֵלַי֙ לֵאמֹ֔ר הָקֵל֙ מִן־הָעֹ֔ל אֲשֶׁר־נָתַ֥ן אָבִ֖יךָ עָלֵֽינוּ׃ wayoʾmer ʾalehem mah ʾatem nowʿatsiym wenashiyv davar ʾet־haʿam hazeh ʾasher diberu ʾelay leʾmor haqel min־haʿol ʾasher־natan ʾaviykha ʿaleynu׃
10 וַיְדַבְּר֣וּ אִתֹּ֗ו הַיְלָדִים֙ אֲשֶׁ֨ר גָּדְל֣וּ אִתֹּו֮ לֵאמֹר֒ כֹּֽה־תֹאמַ֡ר לָעָם֩ אֲשֶׁר־דִּבְּר֨וּ אֵלֶ֜יךָ לֵאמֹ֗ר אָבִ֙יךָ֙ הִכְבִּ֣יד אֶת־עֻלֵּ֔נוּ וְאַתָּ֖ה הָקֵ֣ל מֵעָלֵ֑ינוּ כֹּ֚ה תֹּאמַ֣ר אֲלֵהֶ֔ם קָֽטָנִּ֥י עָבָ֖ה מִמָּתְנֵ֥י אָבִֽי׃ wayedaberu ʾitow hayeladiym ʾasher gadelu ʾitow leʾmor koh־toʾmar laʿam ʾasher־diberu ʾeleykha leʾmor ʾaviykha hikhebiyd ʾet־ʿulenu weʾatah haqel meʿaleynu koh toʾmar ʾalehem qaṭaniy ʿavah mimateney ʾaviy׃
11 וְעַתָּ֗ה אָבִי֙ הֶעְמִ֤יס עֲלֵיכֶם֙ עֹ֣ל כָּבֵ֔ד וַאֲנִ֖י אֹסִ֣יף עַֽל־עֻלְּכֶ֑ם אָבִ֗י יִסַּ֤ר אֶתְכֶם֙ בַּשֹּׁוטִ֔ים וַאֲנִ֖י בָּֽעֲקְרַבִּֽים׃ ס weʿatah ʾaviy heʿemiys ʿaleykhem ʿol kaved waʾaniy ʾosiyf ʿal־ʿulekhem ʾaviy yisar ʾetekhem bashowṭiym waʾaniy baʿaqerabiym׃ s
12 וַיָּבֹ֨א יָרָבְעָ֧ם וְכָל־הָעָ֛ם אֶל־רְחַבְעָ֖ם בַּיֹּ֣ום הַשְּׁלִשִׁ֑י כַּאֲשֶׁ֨ר דִּבֶּ֤ר הַמֶּ֙לֶךְ֙ לֵאמֹ֔ר שׁ֥וּבוּ אֵלַ֖י בַּיֹּ֥ום הַשְּׁלִשִֽׁי׃ wayavoʾ yaraveʿam wekhal־haʿam ʾel־reḥaveʿam bayowm hashelishiy kaʾasher diber hamelekhe leʾmor shuvu ʾelay bayowm hashelishiy׃
13 וַיַּעֲנֵ֥ם הַמֶּ֖לֶךְ קָשָׁ֑ה וַֽיַּעֲזֹב֙ הַמֶּ֣לֶךְ רְחַבְעָ֔ם אֵ֖ת עֲצַ֥ת הַזְּקֵנִֽים׃ wayaʿanem hamelekhe qashah wayaʿazov hamelekhe reḥaveʿam ʾet ʿatsat hazeqeniym׃
14 וַיְדַבֵּ֣ר אֲלֵהֶ֗ם כַּעֲצַ֤ת הַיְלָדִים֙ לֵאמֹ֔ר אַכְבִּיד֙ אֶֽת־עֻלְּכֶ֔ם וַאֲנִ֖י אֹסִ֣יף עָלָ֑יו אָבִ֗י יִסַּ֤ר אֶתְכֶם֙ בַּשֹּׁוטִ֔ים וַאֲנִ֖י בָּעֲקְרַבִּֽים׃ wayedaber ʾalehem kaʿatsat hayeladiym leʾmor ʾakhebiyd ʾet־ʿulekhem waʾaniy ʾosiyf ʿalayw ʾaviy yisar ʾetekhem bashowṭiym waʾaniy baʿaqerabiym׃
15 וְלֹֽא־שָׁמַ֥ע הַמֶּ֖לֶךְ אֶל־הָעָ֑ם כִּֽי־הָיְתָ֤ה נְסִבָּה֙ מֵעִ֣ם הָֽאֱלֹהִ֔ים לְמַעַן֩ הָקִ֨ים יְהוָ֜ה אֶת־דְּבָרֹ֗ו אֲשֶׁ֤ר דִּבֶּר֙ בְּיַד֙ אֲחִיָּ֣הוּ הַשִּֽׁלֹונִ֔י אֶל־יָרָבְעָ֖ם בֶּן־נְבָֽט׃ weloʾ־shamaʿ hamelekhe ʾel־haʿam kiy־hayetah nesibah meʿim haʾelohiym lemaʿan haqiym yehwah ʾet־devarow ʾasher diber beyad ʾaḥiyahu hashilowniy ʾel־yaraveʿam ben־nevaṭ׃
16 וְכָל־יִשְׂרָאֵ֗ל כִּ֠י לֹא־שָׁמַ֣ע הַמֶּלֶךְ֮ לָהֶם֒ וַיָּשִׁ֣יבוּ הָעָ֣ם אֶת־הַמֶּ֣לֶךְ ׀ לֵאמֹ֡ר מַה־לָּנוּ֩ חֵ֨לֶק בְּדָוִ֜יד וְלֹֽא־נַחֲלָ֣ה בְּבֶן־יִשַׁ֗י אִ֤ישׁ לְאֹהָלֶ֙יךָ֙ יִשְׂרָאֵ֔ל עַתָּ֕ה רְאֵ֥ה בֵיתְךָ֖ דָּוִ֑יד וַיֵּ֥לֶךְ כָּל־יִשְׂרָאֵ֖ל לְאֹהָלָֽיו׃ ס wekhal־yiseraʾel kiy loʾ־shamaʿ hamelekhe lahem wayashiyvu haʿam ʾet־hamelekhe ׀ leʾmor mah־lanu ḥeleq bedawiyd weloʾ־naḥalah beven־yishay ʾiysh leʾohaleykha yiseraʾel ʿatah reʾeh veytekha dawiyd wayelekhe kal־yiseraʾel leʾohalayw׃ s
17 וּבְנֵ֣י יִשְׂרָאֵ֔ל הַיֹּֽשְׁבִ֖ים בְּעָרֵ֣י יְהוּדָ֑ה וַיִּמְלֹ֥ךְ עֲלֵיהֶ֖ם רְחַבְעָֽם׃ uveney yiseraʾel hayosheviym beʿarey yehudah wayimelokhe ʿaleyhem reḥaveʿam׃
18 וַיִּשְׁלַ֞ח הַמֶּ֣לֶךְ רְחַבְעָ֗ם אֶת־הֲדֹרָם֙ אֲשֶׁ֣ר עַל־הַמַּ֔ס וַיִּרְגְּמוּ־בֹ֧ו בְנֵֽי־יִשְׂרָאֵ֛ל אֶ֖בֶן וַיָּמֹ֑ת וְהַמֶּ֣לֶךְ רְחַבְעָ֗ם הִתְאַמֵּץ֙ לַֽעֲלֹ֣ות בַּמֶּרְכָּבָ֔ה לָנ֖וּס יְרוּשָׁלִָֽם׃ ס wayishelaḥ hamelekhe reḥaveʿam ʾet־hadoram ʾasher ʿal־hamas wayiregemu־vow veney־yiseraʾel ʾeven wayamot wehamelekhe reḥaveʿam hiteʾamets laʿalowt bamerekavah lanus yerushalim׃ s
19 וַיִּפְשְׁע֤וּ יִשְׂרָאֵל֙ בְּבֵ֣ית דָּוִ֔יד עַ֖ד הַיֹּ֥ום הַזֶּֽה׃ ס wayifesheʿu yiseraʾel beveyt dawiyd ʿad hayowm hazeh׃ s