Ézéchiel 19

¹ וְאַתָּה֙ שָׂ֣א קִינָ֔ה אֶל־נְשִׂיאֵ֖י יִשְׂרָאֵֽל׃ weʾatah saʾ qiynah ʾel־nesiyʾey yiseraʾel׃

² וְאָמַרְתָּ֗ מָ֤ה אִמְּךָ֙ לְבִיָּ֔א בֵּ֥ין אֲרָיֹ֖ות רָבָ֑צָה בְּתֹ֥וךְ כְּפִרִ֖ים רִבְּתָ֥ה גוּרֶֽיהָ׃ weʾamareta mah ʾimekha leviyaʾ beyn ʾarayowt ravatsah betowkhe kefiriym ribetah gureyha׃

³ וַתַּ֛עַל אֶחָ֥ד מִגֻּרֶ֖יהָ כְּפִ֣יר הָיָ֑ה וַיִּלְמַ֥ד לִטְרָף־טֶ֖רֶף אָדָ֥ם אָכָֽל׃ wataʿal ʾeḥad migureyha kefiyr hayah wayilemad liṭeraf־ṭeref ʾadam ʾakhal׃

⁴ וַיִּשְׁמְע֥וּ אֵלָ֛יו גֹּויִ֖ם בְּשַׁחְתָּ֣ם נִתְפָּ֑שׂ וַיְבִאֻ֥הוּ בַֽחַחִ֖ים אֶל־אֶ֥רֶץ מִצְרָֽיִם׃ wayishemeʿu ʾelayw gowyim beshaḥetam nitepas wayeviʾuhu vaḥaḥiym ʾel־ʾerets mitserayim׃

⁵ וַתֵּ֙רֶא֙ כִּ֣י נֹֽוחֲלָ֔ה אָבְדָ֖ה תִּקְוָתָ֑הּ וַתִּקַּ֛ח אֶחָ֥ד מִגֻּרֶ֖יהָ כְּפִ֥יר שָׂמָֽתְהוּ׃ watereʾ kiy nowḥalah ʾavedah tiqewatah watiqaḥ ʾeḥad migureyha kefiyr samatehu׃

⁶ וַיִּתְהַלֵּ֥ךְ בְּתֹוךְ־אֲרָיֹ֖ות כְּפִ֣יר הָיָ֑ה וַיִּלְמַ֥ד לִטְרָף־טֶ֖רֶף אָדָ֥ם אָכָֽל׃ wayitehalekhe betowkhe־ʾarayowt kefiyr hayah wayilemad liṭeraf־ṭeref ʾadam ʾakhal׃

⁷ וַיֵּ֙דַע֙ אַלְמְנֹותָ֔יו וְעָרֵיהֶ֖ם הֶחֱרִ֑יב וַתֵּ֤שַׁם אֶ֙רֶץ֙ וּמְלֹאָ֔הּ מִקֹּ֖ול שַׁאֲגָתֹֽו׃ wayedaʿ ʾalemenowtayw weʿareyhem heḥeriyv watesham ʾerets umeloʾah miqowl shaʾagatow׃

⁸ וַיִּתְּנ֨וּ עָלָ֥יו גֹּויִ֛ם סָבִ֖יב מִמְּדִינֹ֑ות וַֽיִּפְרְשׂ֥וּ עָלָ֛יו רִשְׁתָּ֖ם בְּשַׁחְתָּ֥ם נִתְפָּֽשׂ׃ wayitenu ʿalayw gowyim saviyv mimediynowt wayiferesu ʿalayw rishetam beshaḥetam nitepas׃

⁹ וַֽיִּתְּנֻ֤הוּ בַסּוּגַר֙ בַּֽחַחִ֔ים וַיְבִאֻ֖הוּ אֶל־מֶ֣לֶךְ בָּבֶ֑ל יְבִאֻ֙הוּ֙ בַּמְּצֹדֹ֔ות לְמַ֗עַן לֹא־יִשָּׁמַ֥ע קֹולֹ֛ו עֹ֖וד אֶל־הָרֵ֥י יִשְׂרָאֵֽל׃ פ wayitenuhu vasugar baḥaḥiym wayeviʾuhu ʾel־melekhe bavel yeviʾuhu bametsodowt lemaʿan loʾ־yishamaʿ qowlow ʿowd ʾel־harey yiseraʾel׃ f

¹⁰ אִמְּךָ֥ כַגֶּ֛פֶן בְּדָמְךָ֖ עַל־מַ֣יִם שְׁתוּלָ֑ה פֹּֽרִיָּה֙ וַֽעֲנֵפָ֔ה הָיְתָ֖ה מִמַּ֥יִם רַבִּֽים׃ ʾimekha khagefen bedamekha ʿal־mayim shetulah poriyah waʿanefah hayetah mimayim rabiym׃

¹¹ וַיִּֽהְיוּ־לָ֞הּ מַטֹּ֣ות עֹ֗ז אֶל־שִׁבְטֵי֙ מֹֽשְׁלִ֔ים וַתִּגְבַּ֥הּ קֹֽומָתֹ֖ו עַל־בֵּ֣ין עֲבֹתִ֑ים וַיֵּרָ֣א בְגָבְהֹ֔ו בְּרֹ֖ב דָּלִיֹּתָֽיו׃ wayiheyu־lah maṭowt ʿoz ʾel־shiveṭey mosheliym watigebah qowmatow ʿal־beyn ʿavotiym wayeraʾ vegavehow berov daliyotayw׃

¹² וַתֻּתַּ֤שׁ בְּחֵמָה֙ לָאָ֣רֶץ הֻשְׁלָ֔כָה וְר֥וּחַ הַקָּדִ֖ים הֹובִ֣ישׁ פִּרְיָ֑הּ הִתְפָּרְק֧וּ וְיָבֵ֛שׁוּ מַטֵּ֥ה עֻזָּ֖הּ אֵ֥שׁ אֲכָלָֽתְהוּ׃ watutash beḥemah laʾarets hushelakhah weruaḥ haqadiym howviysh pireyah hiteparequ weyaveshu maṭeh ʿuzah ʾesh ʾakhalatehu׃

¹³ וְעַתָּ֖ה שְׁתוּלָ֣ה בַמִּדְבָּ֑ר בְּאֶ֖רֶץ צִיָּ֥ה וְצָמָֽא׃ weʿatah shetulah vamidebar beʾerets tsiyah wetsamaʾ׃

¹⁴ וַתֵּצֵ֨א אֵ֜שׁ מִמַּטֵּ֤ה בַדֶּ֙יהָ֙ פִּרְיָ֣הּ אָכָ֔לָה וְלֹא־הָ֥יָה בָ֛הּ מַטֵּה־עֹ֖ז שֵׁ֣בֶט לִמְשֹׁ֑ול קִ֥ינָה הִ֖יא וַתְּהִ֥י לְקִינָֽה׃ פ watetseʾ ʾesh mimaṭeh vadeyha pireyah ʾakhalah weloʾ־hayah vah maṭeh־ʿoz sheveṭ limeshowl qiynah hiyʾ watehiy leqiynah׃ f