Proverbes 29

¹ אִ֣ישׁ תֹּ֭וכָחֹות מַקְשֶׁה־עֹ֑רֶף פֶּ֥תַע יִ֝שָּׁבֵ֗ר וְאֵ֣ין מַרְפֵּֽא׃ ʾiysh towkhaḥowt maqesheh־ʿoref petaʿ yishaver weʾeyn marepeʾ׃

² בִּרְבֹ֣ות צַ֭דִּיקִים יִשְׂמַ֣ח הָעָ֑ם וּבִמְשֹׁ֥ל רָ֝שָׁ֗ע יֵאָ֥נַֽח עָֽם׃ birevowt tsadiyqiym yisemaḥ haʿam uvimeshol rashaʿ yeʾanaḥ ʿam׃

³ אִֽישׁ־אֹהֵ֣ב חָ֭כְמָה יְשַׂמַּ֣ח אָבִ֑יו וְרֹעֶ֥ה זֹ֝ונֹ֗ות יְאַבֶּד־הֹֽון׃ ʾiysh־ʾohev ḥakhemah yesamaḥ ʾaviyw weroʿeh zownowt yeʾabed־hown׃

⁴ מֶ֗לֶךְ בְּ֭מִשְׁפָּט יַעֲמִ֣יד אָ֑רֶץ וְאִ֖ישׁ תְּרוּמֹ֣ות יֶֽהֶרְסֶֽנָּה׃ melekhe bemishepaṭ yaʿamiyd ʾarets weʾiysh terumowt yeheresenah׃

⁵ גֶּ֭בֶר מַחֲלִ֣יק עַל־רֵעֵ֑הוּ רֶ֝֗שֶׁת פֹּורֵ֥שׂ עַל־פְּעָמָֽיו׃ gever maḥaliyq ʿal־reʿehu reshet powres ʿal־peʿamayw׃

⁶ בְּפֶ֤שַֽׁע אִ֣ישׁ רָ֣ע מֹוקֵ֑שׁ וְ֝צַדִּ֗יק יָר֥וּן וְשָׂמֵֽחַ׃ befeshaʿ ʾiysh raʿ mowqesh wetsadiyq yarun wesameaḥ׃

⁷ יֹדֵ֣עַ צַ֭דִּיק דִּ֣ין דַּלִּ֑ים רָ֝שָׁ֗ע לֹא־יָבִ֥ין דָּֽעַת׃ yodeaʿ tsadiyq diyn daliym rashaʿ loʾ־yaviyn daʿat׃

⁸ אַנְשֵׁ֣י לָ֭צֹון יָפִ֣יחוּ קִרְיָ֑ה וַ֝חֲכָמִ֗ים יָשִׁ֥יבוּ אָֽף׃ ʾaneshey latsown yafiyḥu qireyah waḥakhamiym yashiyvu ʾaf׃

⁹ אִֽישׁ־חָכָ֗ם נִ֭שְׁפָּט אֶת־אִ֣ישׁ אֱוִ֑יל וְרָגַ֥ז וְ֝שָׂחַ֗ק וְאֵ֣ין נָֽחַת׃ ʾiysh־ḥakham nishepaṭ ʾet־ʾiysh ʾewiyl weragaz wesaḥaq weʾeyn naḥat׃

¹⁰ אַנְשֵׁ֣י דָ֭מִים יִשְׂנְאוּ־תָ֑ם וִֽ֝ישָׁרִ֗ים יְבַקְשׁ֥וּ נַפְשֹֽׁו׃ ʾaneshey damiym yiseneʾu־tam wiyshariym yevaqeshu nafeshow׃

¹¹ כָּל־ר֭וּחֹו יֹוצִ֣יא כְסִ֑יל וְ֝חָכָ֗ם בְּאָחֹ֥ור יְשַׁבְּחֶֽנָּה׃ kal־ruḥow yowtsiyʾ khesiyl weḥakham beʾaḥowr yeshabeḥenah׃

¹² מֹ֭שֵׁל מַקְשִׁ֣יב עַל־דְּבַר־שָׁ֑קֶר כָּֽל־מְשָׁרְתָ֥יו רְשָׁעִֽים׃ moshel maqeshiyv ʿal־devar־shaqer kal־mesharetayw reshaʿiym׃

¹³ רָ֤שׁ וְאִ֣ישׁ תְּכָכִ֣ים נִפְגָּ֑שׁוּ מֵ֤אִיר־עֵינֵ֖י שְׁנֵיהֶ֣ם יְהוָֽה׃ rash weʾiysh tekhakhiym nifegashu meʾiyr־ʿeyney sheneyhem yehwah׃

¹⁴ מֶ֤לֶךְ שֹׁופֵ֣ט בֶּֽאֱמֶ֣ת דַּלִּ֑ים כִּ֝סְאֹ֗ו לָעַ֥ד יִכֹּֽון׃ melekhe showfeṭ beʾemet daliym kiseʾow laʿad yikown׃

¹⁵ שֵׁ֣בֶט וְ֭תֹוכַחַת יִתֵּ֣ן חָכְמָ֑ה וְנַ֥עַר מְ֝שֻׁלָּ֗ח מֵבִ֥ישׁ אִמֹּֽו׃ sheveṭ wetowkhaḥat yiten ḥakhemah wenaʿar meshulaḥ meviysh ʾimow׃

¹⁶ בִּרְבֹ֣ות רְ֭שָׁעִים יִרְבֶּה־פָּ֑שַׁע וְ֝צַדִּיקִ֗ים בְּֽמַפַּלְתָּ֥ם יִרְאֽוּ׃ birevowt reshaʿiym yirebeh־pashaʿ wetsadiyqiym bemapaletam yireʾu׃

¹⁷ יַסֵּ֣ר בִּ֭נְךָ וִֽינִיחֶ֑ךָ וְיִתֵּ֖ן מַעֲדַנִּ֣ים לְנַפְשֶֽׁךָ׃ פ yaser binekha wiyniyḥekha weyiten maʿadaniym lenafeshekha׃ f

¹⁸ בְּאֵ֣ין חָ֭זֹון יִפָּ֣רַֽע עָ֑ם וְשֹׁמֵ֖ר תֹּורָ֣ה אַשְׁרֵֽהוּ׃ beʾeyn ḥazown yiparaʿ ʿam weshomer towrah ʾasherehu׃

¹⁹ בִּ֭דְבָרִים לֹא־יִוָּ֣סֶר עָ֑בֶד כִּֽי־יָ֝בִ֗ין וְאֵ֣ין מַעֲנֶֽה׃ bidevariym loʾ־yiuaser ʿaved kiy־yaviyn weʾeyn maʿaneh׃

²⁰ חָזִ֗יתָ אִ֭ישׁ אָ֣ץ בִּדְבָרָ֑יו תִּקְוָ֖ה לִכְסִ֣יל מִמֶּֽנּוּ׃ ḥaziyta ʾiysh ʾats bidevarayw tiqewah likhesiyl mimenu׃

²¹ מְפַנֵּ֣ק מִנֹּ֣עַר עַבְדֹּ֑ו וְ֝אַחֲרִיתֹ֗ו יִהְיֶ֥ה מָנֹֽון׃ mefaneq minoʿar ʿavedow weʾaḥariytow yiheyeh manown׃

²² אִֽישׁ־אַ֭ף יְגָרֶ֣ה מָדֹ֑ון וּבַ֖עַל חֵמָ֣ה רַב־פָּֽשַׁע׃ ʾiysh־ʾaf yegareh madown uvaʿal ḥemah rav־pashaʿ׃

²³ גַּאֲוַ֣ת אָ֭דָם תַּשְׁפִּילֶ֑נּוּ וּשְׁפַל־ר֝֗וּחַ יִתְמֹ֥ךְ כָּבֹֽוד׃ gaʾawat ʾadam tashepiylenu ushefal־ruaḥ yitemokhe kavowd׃

²⁴ חֹולֵ֣ק עִם־גַּ֭נָּב שֹׂונֵ֣א נַפְשֹׁ֑ו אָלָ֥ה יִ֝שְׁמַ֗ע וְלֹ֣א יַגִּֽיד׃ ḥowleq ʿim־ganav sowneʾ nafeshow ʾalah yishemaʿ weloʾ yagiyd׃

²⁵ חֶרְדַּ֣ת אָ֭דָם יִתֵּ֣ן מֹוקֵ֑שׁ וּבֹוטֵ֖חַ בַּיהוָ֣ה יְשֻׂגָּֽב׃ ḥeredat ʾadam yiten mowqesh uvowṭeaḥ bayhwah yesugav׃

²⁶ רַ֭בִּים מְבַקְשִׁ֣ים פְּנֵי־מֹושֵׁ֑ל וּ֝מֵיְהוָ֗ה מִשְׁפַּט־אִֽישׁ׃ rabiym mevaqeshiym peney־mowshel umeyehwah mishepaṭ־ʾiysh׃

²⁷ תֹּועֲבַ֣ת צַ֭דִּיקִים אִ֣ישׁ עָ֑וֶל וְתֹועֲבַ֖ת רָשָׁ֣ע יְשַׁר־דָּֽרֶךְ׃ פ towʿavat tsadiyqiym ʾiysh ʿawel wetowʿavat rashaʿ yeshar־darekhe׃ f