2 Chroniques 28

¹ בֶּן־עֶשְׂרִ֤ים שָׁנָה֙ אָחָ֣ז בְּמָלְכֹ֔ו וְשֵׁשׁ־עֶשְׂרֵ֣ה שָׁנָ֔ה מָלַ֖ךְ בִּירוּשָׁלִָ֑ם וְלֹא־עָשָׂ֧ה הַיָּשָׁ֛ר בְּעֵינֵ֥י יְהוָ֖ה כְּדָוִ֥יד אָבִֽיו׃ ben־ʿeseriym shanah ʾaḥaz bemalekhow weshesh־ʿesereh shanah malakhe biyrushalim weloʾ־ʿasah hayashar beʿeyney yehwah kedawiyd ʾaviyw׃

² וַיֵּ֕לֶךְ בְּדַרְכֵ֖י מַלְכֵ֣י יִשְׂרָאֵ֑ל וְגַ֧ם מַסֵּכֹ֛ות עָשָׂ֖ה לַבְּעָלִֽים׃ wayelekhe bedarekhey malekhey yiseraʾel wegam masekhowt ʿasah labeʿaliym׃

³ וְה֥וּא הִקְטִ֖יר בְּגֵ֣יא בֶן־הִנֹּ֑ם וַיַּבְעֵ֤ר אֶת־בָּנָיו֙ בָּאֵ֔שׁ כְּתֹֽעֲבֹות֙ הַגֹּויִ֔ם אֲשֶׁר֙ הֹרִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃ wehuʾ hiqeṭiyr begeyʾ ven־hinom wayaveʿer ʾet־banayw baʾesh ketoʿavowt hagowyim ʾasher horiysh yehwah mipeney beney yiseraʾel׃

⁴ וַיְזַבֵּ֧חַ וַיְקַטֵּ֛ר בַּבָּמֹ֖ות וְעַל־הַגְּבָעֹ֑ות וְתַ֖חַת כָּל־עֵ֥ץ רַעֲנָֽן׃ wayezabeaḥ wayeqaṭer babamowt weʿal־hagevaʿowt wetaḥat kal־ʿets raʿanan׃

⁵ וַֽיִּתְּנֵ֜הוּ יְהוָ֣ה אֱלֹהָיו֮ בְּיַ֣ד מֶ֣לֶךְ אֲרָם֒ וַיַּ֨כּוּ־בֹ֔ו וַיִּשְׁבּ֤וּ מִמֶּ֙נּוּ֙ שִׁבְיָ֣ה גְדֹולָ֔ה וַיָּבִ֖יאוּ דַּרְמָ֑שֶׂק וְ֠גַם בְּיַד־מֶ֤לֶךְ יִשְׂרָאֵל֙ נִתָּ֔ן וַיַּךְ־בֹּ֖ו מַכָּ֥ה גְדֹולָֽה׃ ס wayitenehu yehwah ʾelohayw beyad melekhe ʾaram wayaku־vow wayishebu mimenu shiveyah gedowlah wayaviyʾu daremaseq wegam beyad־melekhe yiseraʾel nitan wayakhe־bow makah gedowlah׃ s

⁶ וַיַּהֲרֹג֩ פֶּ֨קַח בֶּן־רְמַלְיָ֜הוּ בִּֽיהוּדָ֗ה מֵאָ֨ה וְעֶשְׂרִ֥ים אֶ֛לֶף בְּיֹ֥ום אֶחָ֖ד הַכֹּ֣ל בְּנֵי־חָ֑יִל בְּעָזְבָ֕ם אֶת־יְהוָ֖ה אֱלֹהֵ֥י אֲבֹותָֽם׃ wayaharog peqaḥ ben־remaleyahu biyhudah meʾah weʿeseriym ʾelef beyowm ʾeḥad hakol beney־ḥayil beʿazevam ʾet־yehwah ʾelohey ʾavowtam׃

⁷ וַֽיַּהֲרֹ֞ג זִכְרִ֣י ׀ גִּבֹּ֣ור אֶפְרַ֗יִם אֶת־מַעֲשֵׂיָ֙הוּ֙ בֶּן־הַמֶּ֔לֶךְ וְאֶת־עַזְרִיקָ֖ם נְגִ֣יד הַבָּ֑יִת וְאֶת־אֶלְקָנָ֖ה מִשְׁנֵ֥ה הַמֶּֽלֶךְ׃ ס wayaharog zikheriy ׀ gibowr ʾeferayim ʾet־maʿaseyahu ben־hamelekhe weʾet־ʿazeriyqam negiyd habayit weʾet־ʾeleqanah misheneh hamelekhe׃ s

⁸ וַיִּשְׁבּוּ֩ בְנֵֽי־יִשְׂרָאֵ֨ל מֵֽאֲחֵיהֶ֜ם מָאתַ֣יִם אֶ֗לֶף נָשִׁים֙ בָּנִ֣ים וּבָנֹ֔ות וְגַם־שָׁלָ֥ל רָ֖ב בָּזְז֣וּ מֵהֶ֑ם וַיָּבִ֥יאוּ אֶת־הַשָּׁלָ֖ל לְשֹׁמְרֹֽון׃ ס wayishebu veney־yiseraʾel meʾaḥeyhem maʾtayim ʾelef nashiym baniym uvanowt wegam־shalal rav bazezu mehem wayaviyʾu ʾet־hashalal leshomerown׃ s

⁹ וְ֠שָׁם הָיָ֨ה נָבִ֥יא לַֽיהוָה֮ עֹדֵ֣ד שְׁמֹו֒ וַיֵּצֵ֗א לִפְנֵ֤י הַצָּבָא֙ הַבָּ֣א לְשֹׁמְרֹ֔ון וַיֹּ֣אמֶר לָהֶ֗ם הִ֠נֵּה בַּחֲמַ֨ת יְהוָ֧ה אֱלֹהֵֽי־אֲבֹותֵיכֶ֛ם עַל־יְהוּדָ֖ה נְתָנָ֣ם בְּיֶדְכֶ֑ם וַתַּֽהַרְגוּ־בָ֣ם בְזַ֔עַף עַ֥ד לַשָּׁמַ֖יִם הִגִּֽיעַ׃ wesham hayah naviyʾ layhwah ʿoded shemow wayetseʾ lifeney hatsavaʾ habaʾ leshomerown wayoʾmer lahem hineh baḥamat yehwah ʾelohey־ʾavowteykhem ʿal־yehudah netanam beyedekhem wataharegu־vam vezaʿaf ʿad lashamayim higiyʿa׃

¹⁰ וְ֠עַתָּה בְּנֵֽי־יְהוּדָ֤ה וִֽירוּשָׁלִַ֙ם֙ אַתֶּ֣ם אֹמְרִ֔ים לִכְבֹּ֛שׁ לַעֲבָדִ֥ים וְלִשְׁפָחֹ֖ות לָכֶ֑ם הֲלֹ֤א רַק־אַתֶּם֙ עִמָּכֶ֣ם אֲשָׁמֹ֔ות לַיהוָ֖ה אֱלֹהֵיכֶֽם׃ weʿatah beney־yehudah wiyrushalim ʾatem ʾomeriym likhebosh laʿavadiym welishefaḥowt lakhem haloʾ raq־ʾatem ʿimakhem ʾashamowt layhwah ʾeloheykhem׃

¹¹ וְעַתָּ֣ה שְׁמָע֔וּנִי וְהָשִׁ֙יבוּ֙ הַשִּׁבְיָ֔ה אֲשֶׁ֥ר שְׁבִיתֶ֖ם מֵאֲחֵיכֶ֑ם כִּ֛י חֲרֹ֥ון אַף־יְהוָ֖ה עֲלֵיכֶֽם׃ ס weʿatah shemaʿuniy wehashiyvu hashiveyah ʾasher sheviytem meʾaḥeykhem kiy ḥarown ʾaf־yehwah ʿaleykhem׃ s

¹² וַיָּקֻ֨מוּ אֲנָשִׁ֜ים מֵרָאשֵׁ֣י בְנֵֽי־אֶפְרַ֗יִם עֲזַרְיָ֤הוּ בֶן־יְהֹֽוחָנָן֙ בֶּרֶכְיָ֣הוּ בֶן־מְשִׁלֵּמֹ֔ות וִֽיחִזְקִיָּ֙הוּ֙ בֶּן־שַׁלֻּ֔ם וַעֲמָשָׂ֖א בֶּן־חַדְלָ֑י עַל־הַבָּאִ֖ים מִן־הַצָּבָֽא׃ wayaqumu ʾanashiym meraʾshey veney־ʾeferayim ʿazareyahu ven־yehowḥanan berekheyahu ven־meshilemowt wiyḥizeqiyahu ben־shalum waʿamasaʾ ben־ḥadelay ʿal־habaʾiym min־hatsavaʾ׃

¹³ וַיֹּאמְר֣וּ לָהֶ֗ם לֹא־תָבִ֤יאוּ אֶת־הַשִּׁבְיָה֙ הֵ֔נָּה כִּי֩ לְאַשְׁמַ֨ת יְהוָ֤ה עָלֵ֙ינוּ֙ אַתֶּ֣ם אֹמְרִ֔ים לְהֹסִ֥יף עַל־חַטֹּאתֵ֖ינוּ וְעַל־אַשְׁמָתֵ֑ינוּ כִּֽי־רַבָּ֤ה אַשְׁמָה֙ לָ֔נוּ וַחֲרֹ֥ון אָ֖ף עַל־יִשְׂרָאֵֽל׃ ס wayoʾmeru lahem loʾ־taviyʾu ʾet־hashiveyah henah kiy leʾashemat yehwah ʿaleynu ʾatem ʾomeriym lehosiyf ʿal־ḥaṭoʾteynu weʿal־ʾashemateynu kiy־rabah ʾashemah lanu waḥarown ʾaf ʿal־yiseraʾel׃ s

¹⁴ וַיַּעֲזֹ֣ב הֶֽחָל֗וּץ אֶת־הַשִּׁבְיָה֙ וְאֶת־הַבִּזָּ֔ה לִפְנֵ֥י הַשָּׂרִ֖ים וְכָל־הַקָּהָֽל׃ wayaʿazov heḥaluts ʾet־hashiveyah weʾet־habizah lifeney hasariym wekhal־haqahal׃

¹⁵ וַיָּקֻ֣מוּ הָאֲנָשִׁים֩ אֲשֶׁר־נִקְּב֨וּ בְשֵׁמֹ֜ות וַיַּחֲזִ֣יקוּ בַשִּׁבְיָ֗ה וְכָֽל־מַעֲרֻמֵּיהֶם֮ הִלְבִּ֣ישׁוּ מִן־הַשָּׁלָל֒ וַיַּלְבִּשׁ֣וּם וַ֠יַּנְעִלוּם וַיַּאֲכִל֨וּם וַיַּשְׁק֜וּם וַיְסֻכ֗וּם וַיְנַהֲל֤וּם בַּחֲמֹרִים֙ לְכָל־כֹּושֵׁ֔ל וַיְבִיא֛וּם יְרֵחֹ֥ו עִיר־הַתְּמָרִ֖ים אֵ֣צֶל אֲחֵיהֶ֑ם וַיָּשׁ֖וּבוּ שֹׁמְרֹֽון׃ פ wayaqumu haʾanashiym ʾasher־niqevu veshemowt wayaḥaziyqu vashiveyah wekhal־maʿarumeyhem hilebiyshu min־hashalal wayalebishum wayaneʿilum wayaʾakhilum wayashequm wayesukhum wayenahalum baḥamoriym lekhal־kowshel wayeviyʾum yereḥow ʿiyr־hatemariym ʾetsel ʾaḥeyhem wayashuvu shomerown׃ f

¹⁶ בָּעֵ֣ת הַהִ֗יא שָׁלַ֞ח הַמֶּ֧לֶךְ אָחָ֛ז עַל־מַלְכֵ֥י אַשּׁ֖וּר לַעְזֹ֥ר לֹֽו׃ baʿet hahiyʾ shalaḥ hamelekhe ʾaḥaz ʿal־malekhey ʾashur laʿezor low׃

¹⁷ וְעֹ֥וד אֲדֹומִ֖ים בָּ֑אוּ וַיַּכּ֥וּ בִיהוּדָ֖ה וַיִּשְׁבּוּ־שֶֽׁבִי׃ weʿowd ʾadowmiym baʾu wayaku viyhudah wayishebu־sheviy׃

¹⁸ וּפְלִשְׁתִּ֣ים פָּשְׁט֗וּ בְּעָרֵ֨י הַשְּׁפֵלָ֣ה וְהַנֶּגֶב֮ לִֽיהוּדָה֒ וַֽ֠יִּלְכְּדוּ אֶת־בֵּֽית־שֶׁ֨מֶשׁ וְאֶת־אַיָּלֹ֜ון וְאֶת־הַגְּדֵרֹ֗ות וְאֶת־שֹׂוכֹ֤ו וּבְנֹותֶ֙יהָ֙ וְאֶת־תִּמְנָ֣ה וּבְנֹותֶ֔יהָ וְאֶת־גִּמְזֹ֖ו וְאֶת־בְּנֹתֶ֑יהָ וַיֵּשְׁב֖וּ שָֽׁם׃ ufelishetiym pasheṭu beʿarey hashefelah wehanegev liyhudah wayilekedu ʾet־beyt־shemesh weʾet־ʾayalown weʾet־hagederowt weʾet־sowkhow uvenowteyha weʾet־timenah uvenowteyha weʾet־gimezow weʾet־benoteyha wayeshevu sham׃

¹⁹ כִּֽי־הִכְנִ֤יעַ יְהוָה֙ אֶת־יְהוּדָ֔ה בַּעֲב֖וּר אָחָ֣ז מֶֽלֶךְ־יִשְׂרָאֵ֑ל כִּ֤י הִפְרִ֙יעַ֙ בִּֽיהוּדָ֔ה וּמָעֹ֥ול מַ֖עַל בַּיהוָֽה׃ kiy־hikheniyʿa yehwah ʾet־yehudah baʿavur ʾaḥaz melekhe־yiseraʾel kiy hiferiyʿa biyhudah umaʿowl maʿal bayhwah׃

²⁰ וַיָּבֹ֣א עָלָ֔יו תִּלְּגַ֥ת פִּלְנְאֶ֖סֶר מֶ֣לֶךְ אַשּׁ֑וּר וַיָּ֥צַר לֹ֖ו וְלֹ֥א חֲזָקֹֽו׃ wayavoʾ ʿalayw tilegat pileneʾeser melekhe ʾashur wayatsar low weloʾ ḥazaqow׃

²¹ כִּֽי־חָלַ֤ק אָחָז֙ אֶת־בֵּ֣ית יְהוָ֔ה וְאֶת־בֵּ֥ית הַמֶּ֖לֶךְ וְהַשָּׂרִ֑ים וַיִּתֵּן֙ לְמֶ֣לֶךְ אַשּׁ֔וּר וְלֹ֥א לְעֶזְרָ֖ה לֹֽו׃ kiy־ḥalaq ʾaḥaz ʾet־beyt yehwah weʾet־beyt hamelekhe wehasariym wayiten lemelekhe ʾashur weloʾ leʿezerah low׃

²² וּבְעֵת֙ הָצֵ֣ר לֹ֔ו וַיֹּ֖וסֶף לִמְעֹ֣ול בַּיהוָ֑ה ה֖וּא הַמֶּ֥לֶךְ אָחָֽז׃ uveʿet hatser low wayowsef limeʿowl bayhwah huʾ hamelekhe ʾaḥaz׃

²³ וַיִּזְבַּ֗ח לֵֽאלֹהֵ֣י דַרְמֶשֶׂק֮ הַמַּכִּ֣ים בֹּו֒ וַיֹּ֗אמֶר כִּ֠י אֱלֹהֵ֤י מַלְכֵֽי־אֲרָם֙ הֵ֚ם מַעְזְרִ֣ים אֹותָ֔ם לָהֶ֥ם אֲזַבֵּ֖חַ וְיַעְזְר֑וּנִי וְהֵ֛ם הָֽיוּ־לֹ֥ו לְהַכְשִׁילֹ֖ו וּלְכָל־יִשְׂרָאֵֽל׃ wayizebaḥ leʾlohey daremeseq hamakiym bow wayoʾmer kiy ʾelohey malekhey־ʾaram hem maʿezeriym ʾowtam lahem ʾazabeaḥ weyaʿezeruniy wehem hayu־low lehakheshiylow ulekhal־yiseraʾel׃

²⁴ וַיֶּאֱסֹ֨ף אָחָ֜ז אֶת־כְּלֵ֣י בֵית־הָֽאֱלֹהִ֗ים וַיְקַצֵּץ֙ אֶת־כְּלֵ֣י בֵית־הָֽאֱלֹהִ֔ים וַיִּסְגֹּ֖ר אֶת־דַּלְתֹ֣ות בֵּית־יְהוָ֑ה וַיַּ֨עַשׂ לֹ֧ו מִזְבְּחֹ֛ות בְּכָל־פִּנָּ֖ה בִּירוּשָׁלִָֽם׃ wayeʾesof ʾaḥaz ʾet־keley veyt־haʾelohiym wayeqatsets ʾet־keley veyt־haʾelohiym wayisegor ʾet־daletowt beyt־yehwah wayaʿas low mizebeḥowt bekhal־pinah biyrushalim׃

²⁵ וּבְכָל־עִ֨יר וָעִ֤יר לִֽיהוּדָה֙ עָשָׂ֣ה בָמֹ֔ות לְקַטֵּ֖ר לֵֽאלֹהִ֣ים אֲחֵרִ֑ים וַיַּכְעֵ֕ס אֶת־יְהוָ֖ה אֱלֹהֵ֥י אֲבֹתָֽיו׃ uvekhal־ʿiyr waʿiyr liyhudah ʿasah vamowt leqaṭer leʾlohiym ʾaḥeriym wayakheʿes ʾet־yehwah ʾelohey ʾavotayw׃

²⁶ וְיֶ֤תֶר דְּבָרָיו֙ וְכָל־דְּרָכָ֔יו הָרִאשֹׁנִ֖ים וְהָאַחֲרֹונִ֑ים הִנָּ֣ם כְּתוּבִ֔ים עַל־סֵ֥פֶר מַלְכֵֽי־יְהוּדָ֖ה וְיִשְׂרָאֵֽל׃ weyeter devarayw wekhal־derakhayw hariʾshoniym wehaʾaḥarowniym hinam ketuviym ʿal־sefer malekhey־yehudah weyiseraʾel׃

²⁷ וַיִּשְׁכַּ֨ב אָחָ֜ז עִם־אֲבֹתָ֗יו וַֽיִּקְבְּרֻ֤הוּ בָעִיר֙ בִּיר֣וּשָׁלִַ֔ם כִּ֚י לֹ֣א הֱבִיאֻ֔הוּ לְקִבְרֵ֖י מַלְכֵ֣י יִשְׂרָאֵ֑ל וַיִּמְלֹ֛ךְ יְחִזְקִיָּ֥הֽוּ בְנֹ֖ו תַּחְתָּֽיו׃ פ wayishekav ʾaḥaz ʿim־ʾavotayw wayiqeberuhu vaʿiyr biyrushalim kiy loʾ heviyʾuhu leqiverey malekhey yiseraʾel wayimelokhe yeḥizeqiyahu venow taḥetayw׃ f