1 וַיְהִ֗י כְּהָכִ֞ין מַלְכ֤וּת רְחַבְעָם֙ וּכְחֶזְקָתֹ֔ו עָזַ֖ב אֶת־תֹּורַ֣ת יְהוָ֑ה וְכָל־יִשְׂרָאֵ֖ל עִמֹּֽו׃ פ wayehiy kehakhiyn malekhut reḥaveʿam ukheḥezeqatow ʿazav ʾet־towrat yehwah wekhal־yiseraʾel ʿimow׃ f
2 וַיְהִ֞י בַּשָּׁנָ֤ה הַֽחֲמִישִׁית֙ לַמֶּ֣לֶךְ רְחַבְעָ֔ם עָלָ֛ה שִׁישַׁ֥ק מֶֽלֶךְ־מִצְרַ֖יִם עַל־יְרוּשָׁלִָ֑ם כִּ֥י מָעֲל֖וּ בַּיהוָֽה׃ wayehiy bashanah haḥamiyshiyt lamelekhe reḥaveʿam ʿalah shiyshaq melekhe־mitserayim ʿal־yerushalim kiy maʿalu bayhwah׃
3 בְּאֶ֤לֶף וּמָאתַ֙יִם֙ רֶ֔כֶב וּבְשִׁשִּׁ֥ים אֶ֖לֶף פָּרָשִׁ֑ים וְאֵ֣ין מִסְפָּ֗ר לָעָ֞ם אֲשֶׁר־בָּ֤אוּ עִמֹּו֙ מִמִּצְרַ֔יִם לוּבִ֥ים סֻכִּיִּ֖ים וְכוּשִֽׁים׃ beʾelef umaʾtayim rekhev uveshishiym ʾelef parashiym weʾeyn misepar laʿam ʾasher־baʾu ʿimow mimitserayim luviym sukiyiym wekhushiym׃
4 וַיִּלְכֹּ֛ד אֶת־עָרֵ֥י הַמְּצֻרֹ֖ות אֲשֶׁ֣ר לִֽיהוּדָ֑ה וַיָּבֹ֖א עַד־יְרוּשָׁלִָֽם׃ ס wayilekod ʾet־ʿarey hametsurowt ʾasher liyhudah wayavoʾ ʿad־yerushalim׃ s
5 וּֽשְׁמַֽעְיָ֤ה הַנָּבִיא֙ בָּ֣א אֶל־רְחַבְעָ֔ם וְשָׂרֵ֣י יְהוּדָ֔ה אֲשֶׁר־נֶאֶסְפ֥וּ אֶל־יְרוּשָׁלִַ֖ם מִפְּנֵ֣י שִׁישָׁ֑ק וַיֹּ֨אמֶר לָהֶ֜ם כֹּה־אָמַ֣ר יְהוָ֗ה אַתֶּם֙ עֲזַבְתֶּ֣ם אֹתִ֔י וְאַף־אֲנִ֛י עָזַ֥בְתִּי אֶתְכֶ֖ם בְּיַד־שִׁישָֽׁק׃ ushemaʿeyah hanaviyʾ baʾ ʾel־reḥaveʿam wesarey yehudah ʾasher־neʾesefu ʾel־yerushalim mipeney shiyshaq wayoʾmer lahem koh־ʾamar yehwah ʾatem ʿazavetem ʾotiy weʾaf־ʾaniy ʿazavetiy ʾetekhem beyad־shiyshaq׃
6 וַיִּכָּנְע֥וּ שָׂרֵֽי־יִשְׂרָאֵ֖ל וְהַמֶּ֑לֶךְ וַיֹּאמְר֖וּ צַדִּ֥יק ׀ יְהוָֽה׃ wayikaneʿu sarey־yiseraʾel wehamelekhe wayoʾmeru tsadiyq ׀ yehwah׃
7 וּבִרְאֹ֤ות יְהוָה֙ כִּ֣י נִכְנָ֔עוּ הָיָה֩ דְבַר־יְהוָה֙ אֶל־שְׁמַֽעְיָ֧ה ׀ לֵאמֹ֛ר נִכְנְע֖וּ לֹ֣א אַשְׁחִיתֵ֑ם וְנָתַתִּ֨י לָהֶ֤ם כִּמְעַט֙ לִפְלֵיטָ֔ה וְלֹא־תִתַּ֧ךְ חֲמָתִ֛י בִּירוּשָׁלִַ֖ם בְּיַד־שִׁישָֽׁק׃ uvireʾowt yehwah kiy nikhenaʿu hayah devar־yehwah ʾel־shemaʿeyah ׀ leʾmor nikheneʿu loʾ ʾasheḥiytem wenatatiy lahem kimeʿaṭ lifeleyṭah weloʾ־titakhe ḥamatiy biyrushalim beyad־shiyshaq׃
8 כִּ֥י יִהְיוּ־לֹ֖ו לַעֲבָדִ֑ים וְיֵדְעוּ֙ עֲבֹ֣ודָתִ֔י וַעֲבֹודַ֖ת מַמְלְכֹ֥ות הָאֲרָצֹֽות׃ ס kiy yiheyu־low laʿavadiym weyedeʿu ʿavowdatiy waʿavowdat mamelekhowt haʾaratsowt׃ s
9 וַיַּ֨עַל שִׁישַׁ֥ק מֶֽלֶךְ־מִצְרַיִם֮ עַל־יְרוּשָׁלִַם֒ וַיִּקַּ֞ח אֶת־אֹצְרֹ֣ות בֵּית־יְהוָ֗ה וְאֶת־אֹֽצְרֹות֙ בֵּ֣ית הַמֶּ֔לֶךְ אֶת־הַכֹּ֖ל לָקָ֑ח וַיִּקַּח֙ אֶת־מָגִנֵּ֣י הַזָּהָ֔ב אֲשֶׁ֥ר עָשָׂ֖ה שְׁלֹמֹֽה׃ wayaʿal shiyshaq melekhe־mitserayim ʿal־yerushalim wayiqaḥ ʾet־ʾotserowt beyt־yehwah weʾet־ʾotserowt beyt hamelekhe ʾet־hakol laqaḥ wayiqaḥ ʾet־maginey hazahav ʾasher ʿasah shelomoh׃
10 וַיַּ֨עַשׂ הַמֶּ֤לֶךְ רְחַבְעָם֙ תַּחְתֵּיהֶ֔ם מָגִנֵּ֖י נְחֹ֑שֶׁת וְהִפְקִ֗יד עַל־יַד֙ שָׂרֵ֣י הָרָצִ֔ים הַשֹּׁ֣מְרִ֔ים פֶּ֖תַח בֵּ֥ית הַמֶּֽלֶךְ׃ wayaʿas hamelekhe reḥaveʿam taḥeteyhem maginey neḥoshet wehifeqiyd ʿal־yad sarey haratsiym hashomeriym petaḥ beyt hamelekhe׃
11 וַיְהִ֛י מִדֵּי־בֹ֥וא הַמֶּ֖לֶךְ בֵּ֣ית יְהוָ֑ה בָּ֤אוּ הָרָצִים֙ וּנְשָׂא֔וּם וֶהֱשִׁב֖וּם אֶל־תָּ֥א הָרָצִֽים׃ wayehiy midey־vowʾ hamelekhe beyt yehwah baʾu haratsiym unesaʾum weheshivum ʾel־taʾ haratsiym׃
12 וּבְהִכָּֽנְעֹ֗ו שָׁ֤ב מִמֶּ֙נּוּ֙ אַף־יְהוָ֔ה וְלֹ֥א לְהַשְׁחִ֖ית לְכָלָ֑ה וְגַם֙ בִּֽיהוּדָ֔ה הָיָ֖ה דְּבָרִ֥ים טֹובִֽים׃ ס uvehikaneʿow shav mimenu ʾaf־yehwah weloʾ lehasheḥiyt lekhalah wegam biyhudah hayah devariym ṭowviym׃ s
13 וַיִּתְחַזֵּ֞ק הַמֶּ֧לֶךְ רְחַבְעָ֛ם בִּירוּשָׁלִַ֖ם וַיִּמְלֹ֑ךְ כִּ֣י בֶן־אַרְבָּעִ֣ים וְאַחַ֣ת שָׁנָה֩ רְחַבְעָ֨ם בְּמָלְכֹ֜ו וּֽשֲׁבַ֨ע עֶשְׂרֵ֥ה שָׁנָ֣ה ׀ מָלַ֣ךְ בִּֽירוּשָׁלִַ֗ם הָ֠עִיר אֲשֶׁר־בָּחַ֨ר יְהוָ֜ה לָשׂ֨וּם אֶת־שְׁמֹ֥ו שָׁם֙ מִכֹּל֙ שִׁבְטֵ֣י יִשְׂרָאֵ֔ל וְשֵׁ֣ם אִמֹּ֔ו נַעֲמָ֖ה הָֽעַמֹּנִֽית׃ wayiteḥazeq hamelekhe reḥaveʿam biyrushalim wayimelokhe kiy ven־ʾarebaʿiym weʾaḥat shanah reḥaveʿam bemalekhow ushavaʿ ʿesereh shanah ׀ malakhe biyrushalim haʿiyr ʾasher־baḥar yehwah lasum ʾet־shemow sham mikol shiveṭey yiseraʾel weshem ʾimow naʿamah haʿamoniyt׃
14 וַיַּ֖עַשׂ הָרָ֑ע כִּ֣י לֹ֤א הֵכִין֙ לִבֹּ֔ו לִדְרֹ֖ושׁ אֶת־יְהוָֽה׃ ס wayaʿas haraʿ kiy loʾ hekhiyn libow liderowsh ʾet־yehwah׃ s
15 וְדִבְרֵ֣י רְחַבְעָ֗ם הָרִאשֹׁנִים֙ וְהָאֲ֣חַרֹונִ֔ים הֲלֹא־הֵ֨ם כְּתוּבִ֜ים בְּדִבְרֵ֨י שְׁמַֽעְיָ֧ה הַנָּבִ֛יא וְעִדֹּ֥ו הַחֹזֶ֖ה לְהִתְיַחֵ֑שׂ וּמִלְחֲמֹ֧ות רְחַבְעָ֛ם וְיָרָבְעָ֖ם כָּל־הַיָּמִֽים׃ wediverey reḥaveʿam hariʾshoniym wehaʾaḥarowniym haloʾ־hem ketuviym bediverey shemaʿeyah hanaviyʾ weʿidow haḥozeh lehiteyaḥes umileḥamowt reḥaveʿam weyaraveʿam kal־hayamiym׃
16 וַיִּשְׁכַּ֤ב רְחַבְעָם֙ עִם־אֲבֹתָ֔יו וַיִּקָּבֵ֖ר בְּעִ֣יר דָּוִ֑יד וַיִּמְלֹ֛ךְ אֲבִיָּ֥ה בְנֹ֖ו תַּחְתָּֽיו׃ פ wayishekav reḥaveʿam ʿim־ʾavotayw wayiqaver beʿiyr dawiyd wayimelokhe ʾaviyah venow taḥetayw׃ f