1 לַמְנַצֵּ֥חַ עַֽל־יְדוּת֗וּן מִזְמֹ֥ור לְדָוִֽד׃ lamenatseaḥ ʿal־yedutun mizemowr ledawid׃
2 אַ֣ךְ אֶל־אֱ֭לֹהִים דּֽוּמִיָּ֣ה נַפְשִׁ֑י מִ֝מֶּ֗נּוּ יְשׁוּעָתִֽי׃ ʾakhe ʾel־ʾelohiym dumiyah nafeshiy mimenu yeshuʿatiy׃
3 אַךְ־ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹא־אֶמֹּ֥וט רַבָּֽה׃ ʾakhe־huʾ tsuriy wiyshuʿatiy misegabiy loʾ־ʾemowṭ rabah׃
4 עַד־אָ֤נָה ׀ תְּהֹֽותְת֣וּ עַל אִישׁ֮ תְּרָצְּח֪וּ כֻ֫לְּכֶ֥ם כְּקִ֥יר נָט֑וּי גָּ֝דֵ֗ר הַדְּחוּיָֽה׃ ʿad־ʾanah ׀ tehowtetu ʿal ʾiysh teratseḥu khulekhem keqiyr naṭuy gader hadeḥuyah׃
5 אַ֤ךְ מִשְּׂאֵתֹ֨ו ׀ יָעֲצ֣וּ לְהַדִּיחַ֮ יִרְצ֪וּ כָ֫זָ֥ב בְּפִ֥יו יְבָרֵ֑כוּ וּ֝בְקִרְבָּ֗ם יְקַלְלוּ־סֶֽלָה׃ ʾakhe miseʾetow ׀ yaʿatsu lehadiyḥa yiretsu khazav befiyw yevarekhu uveqirebam yeqalelu־selah׃
6 אַ֣ךְ לֵ֭אלֹהִים דֹּ֣ומִּי נַפְשִׁ֑י כִּי־מִ֝מֶּ֗נּוּ תִּקְוָתִֽי׃ ʾakhe leʾlohiym dowmiy nafeshiy kiy־mimenu tiqewatiy׃
7 אַךְ־ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹ֣א אֶמֹּֽוט׃ ʾakhe־huʾ tsuriy wiyshuʿatiy misegabiy loʾ ʾemowṭ׃
8 עַל־אֱ֭לֹהִים יִשְׁעִ֣י וּכְבֹודִ֑י צוּר־עֻזִּ֥י מַ֝חְסִ֗י בֵּֽאלֹהִֽים׃ ʿal־ʾelohiym yisheʿiy ukhevowdiy tsur־ʿuziy maḥesiy beʾlohiym׃
9 בִּטְח֘וּ בֹ֤ו בְכָל־עֵ֨ת ׀ עָ֗ם שִׁפְכֽוּ־לְפָנָ֥יו לְבַבְכֶ֑ם אֱלֹהִ֖ים מַחֲסֶה־לָּ֣נוּ סֶֽלָה׃ biṭeḥu vow vekhal־ʿet ׀ ʿam shifekhu־lefanayw levavekhem ʾelohiym maḥaseh־lanu selah׃
10 אַ֤ךְ ׀ הֶ֥בֶל בְּנֵֽי־אָדָם֮ כָּזָ֪ב בְּנֵ֫י אִ֥ישׁ בְּמֹאזְנַ֥יִם לַעֲלֹ֑ות הֵ֝֗מָּה מֵהֶ֥בֶל יָֽחַד׃ ʾakhe ׀ hevel beney־ʾadam kazav beney ʾiysh bemoʾzenayim laʿalowt hemah mehevel yaḥad׃
11 אַל־תִּבְטְח֣וּ בְעֹשֶׁק֮ וּבְגָזֵ֪ל אַל־תֶּ֫הְבָּ֥לוּ חַ֤יִל ׀ כִּֽי־יָנ֑וּב אַל־תָּשִׁ֥יתוּ לֵֽב׃ ʾal־tiveṭeḥu veʿosheq uvegazel ʾal־tehebalu ḥayil ׀ kiy־yanuv ʾal־tashiytu lev׃
12 אַחַ֤ת ׀ דִּבֶּ֬ר אֱלֹהִ֗ים שְׁתַּֽיִם־ז֥וּ שָׁמָ֑עְתִּי כִּ֥י עֹ֝֗ז לֵאלֹהִֽים׃ ʾaḥat ׀ diber ʾelohiym shetayim־zu shamaʿetiy kiy ʿoz leʾlohiym׃
13 וּלְךָֽ־אֲדֹנָ֥י חָ֑סֶד כִּֽי־אַתָּ֨ה תְשַׁלֵּ֖ם לְאִ֣ישׁ כְּֽמַעֲשֵֽׂהוּ׃ ulekha־ʾadonay ḥased kiy־ʾatah teshalem leʾiysh kemaʿasehu׃