2 Chroniques 33

¹ בֶּן־שְׁתֵּ֥ים עֶשְׂרֵ֛ה שָׁנָ֖ה מְנַשֶּׁ֣ה בְמָלְכֹ֑ו וַחֲמִשִּׁ֤ים וְחָמֵשׁ֙ שָׁנָ֔ה מָלַ֖ךְ בִּירוּשָׁלִָֽם׃ ben־sheteym ʿesereh shanah menasheh vemalekhow waḥamishiym weḥamesh shanah malakhe biyrushalim׃

² וַיַּ֥עַשׂ הָרַ֖ע בְּעֵינֵ֣י יְהוָ֑ה כְּתֹֽועֲבֹות֙ הַגֹּויִ֔ם אֲשֶׁר֙ הֹורִ֣ישׁ יְהוָ֔ה מִפְּנֵ֖י בְּנֵ֥י יִשְׂרָאֵֽל׃ wayaʿas haraʿ beʿeyney yehwah ketowʿavowt hagowyim ʾasher howriysh yehwah mipeney beney yiseraʾel׃

³ וַיָּ֗שָׁב וַיִּ֙בֶן֙ אֶת־הַבָּמֹ֔ות אֲשֶׁ֥ר נִתַּ֖ץ יְחִזְקִיָּ֣הוּ אָבִ֑יו וַיָּ֨קֶם מִזְבְּחֹ֤ות לַבְּעָלִים֙ וַיַּ֣עַשׂ אֲשֵׁרֹ֔ות וַיִּשְׁתַּ֙חוּ֙ לְכָל־צְבָ֣א הַשָּׁמַ֔יִם וַֽיַּעֲבֹ֖ד אֹתָֽם׃ wayashav wayiven ʾet־habamowt ʾasher nitats yeḥizeqiyahu ʾaviyw wayaqem mizebeḥowt labeʿaliym wayaʿas ʾasherowt wayishetaḥu lekhal־tsevaʾ hashamayim wayaʿavod ʾotam׃

⁴ וּבָנָ֥ה מִזְבְּחֹ֖ות בְּבֵ֣ית יְהוָ֑ה אֲשֶׁר֙ אָמַ֣ר יְהוָ֔ה בִּירוּשָׁלִַ֥ם יִֽהְיֶה־שְּׁמִ֖י לְעֹולָֽם׃ uvanah mizebeḥowt beveyt yehwah ʾasher ʾamar yehwah biyrushalim yiheyeh־shemiy leʿowlam׃

⁵ וַיִּ֥בֶן מִזְבְּחֹ֖ות לְכָל־צְבָ֣א הַשָּׁמָ֑יִם בִּשְׁתֵּ֖י חַצְרֹ֥ות בֵּית־יְהוָֽה׃ wayiven mizebeḥowt lekhal־tsevaʾ hashamayim bishetey ḥatserowt beyt־yehwah׃

⁶ וְהוּא֩ הֶעֱבִ֨יר אֶת־בָּנָ֤יו בָּאֵשׁ֙ בְּגֵ֣י בֶן־הִנֹּ֔ם וְעֹונֵ֤ן וְנִחֵשׁ֙ וְֽכִשֵּׁ֔ף וְעָ֥שָׂה אֹ֖וב וְיִדְּעֹונִ֑י הִרְבָּ֗ה לַעֲשֹׂ֥ות הָרַ֛ע בְּעֵינֵ֥י יְהוָ֖ה לְהַכְעִיסֹֽו׃ wehuʾ heʿeviyr ʾet־banayw baʾesh begey ven־hinom weʿownen weniḥesh wekhishef weʿasah ʾowv weyideʿowniy hirebah laʿasowt haraʿ beʿeyney yehwah lehakheʿiysow׃

⁷ וַיָּ֕שֶׂם אֶת־פֶּ֥סֶל הַסֶּ֖מֶל אֲשֶׁ֣ר עָשָׂ֑ה בְּבֵ֣ית הָאֱלֹהִ֗ים אֲשֶׁ֨ר אָמַ֤ר אֱלֹהִים֙ אֶל־דָּוִיד֙ וְאֶל־שְׁלֹמֹ֣ה בְנֹ֔ו בַּבַּ֨יִת הַזֶּ֜ה וּבִֽירוּשָׁלִַ֗ם אֲשֶׁ֤ר בָּחַ֙רְתִּי֙ מִכֹּל֙ שִׁבְטֵ֣י יִשְׂרָאֵ֔ל אָשִׂ֥ים אֶת־שְׁמִ֖י לְעֵילֹֽום׃ wayasem ʾet־pesel hasemel ʾasher ʿasah beveyt haʾelohiym ʾasher ʾamar ʾelohiym ʾel־dawiyd weʾel־shelomoh venow babayit hazeh uviyrushalim ʾasher baḥaretiy mikol shiveṭey yiseraʾel ʾasiym ʾet־shemiy leʿeylowm׃

⁸ וְלֹ֣א אֹוסִ֗יף לְהָסִיר֙ אֶת־רֶ֣גֶל יִשְׂרָאֵ֔ל מֵעַל֙ הָֽאֲדָמָ֔ה אֲשֶׁ֥ר הֶֽעֱמַ֖דְתִּי לַאֲבֹֽתֵיכֶ֑ם רַ֣ק ׀ אִם־יִשְׁמְר֣וּ לַעֲשֹׂ֗ות אֵ֚ת כָּל־אֲשֶׁ֣ר צִוִּיתִ֔ים לְכָל־הַתֹּורָ֛ה וְהַֽחֻקִּ֥ים וְהַמִּשְׁפָּטִ֖ים בְּיַד־מֹשֶֽׁה׃ weloʾ ʾowsiyf lehasiyr ʾet־regel yiseraʾel meʿal haʾadamah ʾasher heʿemadetiy laʾavoteykhem raq ׀ ʾim־yishemeru laʿasowt ʾet kal־ʾasher tsiuiytiym lekhal־hatowrah wehaḥuqiym wehamishepaṭiym beyad־mosheh׃

⁹ וַיֶּ֣תַע מְנַשֶּׁ֔ה אֶת־יְהוּדָ֖ה וְיֹשְׁבֵ֣י יְרוּשָׁלִָ֑ם לַעֲשֹׂ֣ות רָ֔ע מִן־הַ֨גֹּויִ֔ם אֲשֶׁר֙ הִשְׁמִ֣יד יְהוָ֔ה מִפְּנֵ֖י בְּנֵ֥י יִשְׂרָאֵֽל׃ פ wayetaʿ menasheh ʾet־yehudah weyoshevey yerushalim laʿasowt raʿ min־hagowyim ʾasher hishemiyd yehwah mipeney beney yiseraʾel׃ f

¹⁰ וַיְדַבֵּ֧ר יְהוָ֛ה אֶל־מְנַשֶּׁ֥ה וְאֶל־עַמֹּ֖ו וְלֹ֥א הִקְשִֽׁיבוּ׃ wayedaber yehwah ʾel־menasheh weʾel־ʿamow weloʾ hiqeshiyvu׃

¹¹ וַיָּבֵ֨א יְהוָ֜ה עֲלֵיהֶ֗ם אֶת־שָׂרֵ֤י הַצָּבָא֙ אֲשֶׁר֙ לְמֶ֣לֶךְ אַשּׁ֔וּר וַיִּלְכְּד֥וּ אֶת־מְנַשֶּׁ֖ה בַּחֹחִ֑ים וַיַּֽאַסְרֻ֙הוּ֙ בַּֽנְחֻשְׁתַּ֔יִם וַיֹּולִיכֻ֖הוּ בָּבֶֽלָה׃ wayaveʾ yehwah ʿaleyhem ʾet־sarey hatsavaʾ ʾasher lemelekhe ʾashur wayilekedu ʾet־menasheh baḥoḥiym wayaʾaseruhu baneḥushetayim wayowliykhuhu bavelah׃

¹² וּכְהָצֵ֣ר לֹ֔ו חִלָּ֕ה אֶת־פְּנֵ֖י יְהוָ֣ה אֱלֹהָ֑יו וַיִּכָּנַ֣ע מְאֹ֔ד מִלִּפְנֵ֖י אֱלֹהֵ֥י אֲבֹתָֽיו׃ ukhehatser low ḥilah ʾet־peney yehwah ʾelohayw wayikanaʿ meʾod milifeney ʾelohey ʾavotayw׃

¹³ וַיִּתְפַּלֵּ֣ל אֵלָ֗יו וַיֵּעָ֤תֶר לֹו֙ וַיִּשְׁמַ֣ע תְּחִנָּתֹ֔ו וַיְשִׁיבֵ֥הוּ יְרוּשָׁלִַ֖ם לְמַלְכוּתֹ֑ו וַיֵּ֣דַע מְנַשֶּׁ֔ה כִּ֥י יְהוָ֖ה ה֥וּא הָֽאֱלֹהִֽים׃ wayitepalel ʾelayw wayeʿater low wayishemaʿ teḥinatow wayeshiyvehu yerushalim lemalekhutow wayedaʿ menasheh kiy yehwah huʾ haʾelohiym׃

¹⁴ וְאַחֲרֵי־כֵ֡ן בָּנָ֣ה חֹומָ֣ה חִֽיצֹונָ֣ה ׀ לְעִיר־דָּוִ֡יד מַעְרָבָה֩ לְגִיחֹ֨ון בַּנַּ֜חַל וְלָבֹ֨וא בְשַׁ֤עַר הַדָּגִים֙ וְסָבַ֣ב לָעֹ֔פֶל וַיַּגְבִּיהֶ֖הָ מְאֹ֑ד וַיָּ֧שֶׂם שָֽׂרֵי־חַ֛יִל בְּכָל־הֶעָרִ֥ים הַבְּצֻרֹ֖ות בִּיהוּדָֽה׃ weʾaḥarey־khen banah ḥowmah ḥiytsownah ׀ leʿiyr־dawiyd maʿeravah legiyḥown banaḥal welavowʾ veshaʿar hadagiym wesavav laʿofel wayagebiyheah meʾod wayasem sarey־ḥayil bekhal־heʿariym habetsurowt biyhudah׃

¹⁵ וַ֠יָּסַר אֶת־אֱלֹהֵ֨י הַנֵּכָ֤ר וְאֶת־הַסֶּ֙מֶל֙ מִבֵּ֣ית יְהוָ֔ה וְכָל־הַֽמִּזְבְּחֹ֗ות אֲשֶׁ֥ר בָּנָ֛ה בְּהַ֥ר בֵּית־יְהוָ֖ה וּבִירוּשָׁלִָ֑ם וַיַּשְׁלֵ֖ךְ ח֥וּצָה לָעִֽיר׃ wayasar ʾet־ʾelohey hanekhar weʾet־hasemel mibeyt yehwah wekhal־hamizebeḥowt ʾasher banah behar beyt־yehwah uviyrushalim wayashelekhe ḥutsah laʿiyr׃

¹⁶ [וַיָּכֶן כ] (וַיִּ֙בֶן֙ ק) אֶת־מִזְבַּ֣ח יְהוָ֔ה וַיִּזְבַּ֣ח עָלָ֔יו זִבְחֵ֥י שְׁלָמִ֖ים וְתֹודָ֑ה וַיֹּ֙אמֶר֙ לִֽיהוּדָ֔ה לַעֲבֹ֕וד אֶת־יְהוָ֖ה אֱלֹהֵ֥י יִשְׂרָאֵֽל׃ [wayakhen kh] (wayiven q) ʾet־mizebaḥ yehwah wayizebaḥ ʿalayw ziveḥey shelamiym wetowdah wayoʾmer liyhudah laʿavowd ʾet־yehwah ʾelohey yiseraʾel׃

¹⁷ אֲבָל֙ עֹ֣וד הָעָ֔ם זֹבְחִ֖ים בַּבָּמֹ֑ות רַ֖ק לַיהוָ֥ה אֱלֹהֵיהֶֽם׃ ʾaval ʿowd haʿam zoveḥiym babamowt raq layhwah ʾeloheyhem׃

¹⁸ וְיֶ֨תֶר דִּבְרֵ֣י מְנַשֶּׁה֮ וּתְפִלָּתֹ֣ו אֶל־אֱלֹהָיו֒ וְדִבְרֵי֙ הַֽחֹזִ֔ים הַֽמְדַבְּרִ֣ים אֵלָ֔יו בְּשֵׁ֥ם יְהוָ֖ה אֱלֹהֵ֣י יִשְׂרָאֵ֑ל הִנָּ֕ם עַל־דִּבְרֵ֖י מַלְכֵ֥י יִשְׂרָאֵֽל׃ weyeter diverey menasheh utefilatow ʾel־ʾelohayw wediverey haḥoziym hamedaberiym ʾelayw beshem yehwah ʾelohey yiseraʾel hinam ʿal־diverey malekhey yiseraʾel׃

¹⁹ וּתְפִלָּתֹ֣ו וְהֵֽעָתֶר־לֹו֮ וְכָל־חַטָּאתֹ֣ו וּמַעְלֹו֒ וְהַמְּקֹמֹ֗ות אֲשֶׁר֩ בָּנָ֨ה בָהֶ֤ם בָּמֹות֙ וְהֶעֱמִיד֙ הָאֲשֵׁרִ֣ים וְהַפְּסִלִ֔ים לִפְנֵ֖י הִכָּנְעֹ֑ו הִנָּ֣ם כְּתוּבִ֔ים עַ֖ל דִּבְרֵ֥י חֹוזָֽי׃ utefilatow weheʿater־low wekhal־ḥaṭaʾtow umaʿelow wehameqomowt ʾasher banah vahem bamowt weheʿemiyd haʾasheriym wehapesiliym lifeney hikaneʿow hinam ketuviym ʿal diverey ḥowzay׃

²⁰ וַיִּשְׁכַּ֤ב מְנַשֶּׁה֙ עִם־אֲבֹתָ֔יו וַֽיִּקְבְּרֻ֖הוּ בֵּיתֹ֑ו וַיִּמְלֹ֛ךְ אָמֹ֥ון בְּנֹ֖ו תַּחְתָּֽיו׃ פ wayishekav menasheh ʿim־ʾavotayw wayiqeberuhu beytow wayimelokhe ʾamown benow taḥetayw׃ f

²¹ בֶּן־עֶשְׂרִ֧ים וּשְׁתַּ֛יִם שָׁנָ֖ה אָמֹ֣ון בְּמָלְכֹ֑ו וּשְׁתַּ֣יִם שָׁנִ֔ים מָלַ֖ךְ בִּֽירוּשָׁלִָֽם׃ ben־ʿeseriym ushetayim shanah ʾamown bemalekhow ushetayim shaniym malakhe biyrushalim׃

²² וַיַּ֤עַשׂ הָרַע֙ בְּעֵינֵ֣י יְהוָ֔ה כַּאֲשֶׁ֥ר עָשָׂ֖ה מְנַשֶּׁ֣ה אָבִ֑יו וּֽלְכָל־הַפְּסִילִ֗ים אֲשֶׁ֤ר עָשָׂה֙ מְנַשֶּׁ֣ה אָבִ֔יו זִבַּ֥ח אָמֹ֖ון וַיַּֽעַבְדֵֽם׃ wayaʿas haraʿ beʿeyney yehwah kaʾasher ʿasah menasheh ʾaviyw ulekhal־hapesiyliym ʾasher ʿasah menasheh ʾaviyw zibaḥ ʾamown wayaʿavedem׃

²³ וְלֹ֤א נִכְנַע֙ מִלִּפְנֵ֣י יְהוָ֔ה כְּהִכָּנַ֖ע מְנַשֶּׁ֣ה אָבִ֑יו כִּ֛י ה֥וּא אָמֹ֖ון הִרְבָּ֥ה אַשְׁמָֽה׃ weloʾ nikhenaʿ milifeney yehwah kehikanaʿ menasheh ʾaviyw kiy huʾ ʾamown hirebah ʾashemah׃

²⁴ וַיִּקְשְׁר֤וּ עָלָיו֙ עֲבָדָ֔יו וַיְמִיתֻ֖הוּ בְּבֵיתֹֽו׃ wayiqesheru ʿalayw ʿavadayw wayemiytuhu beveytow׃

²⁵ וַיַּכּוּ֙ עַם־הָאָ֔רֶץ אֵ֥ת כָּל־הַקֹּֽשְׁרִ֖ים עַל־הַמֶּ֣לֶךְ אָמֹ֑ון וַיַּמְלִ֧יכוּ עַם־הָאָ֛רֶץ אֶת־יֹאשִׁיָּ֥הוּ בְנֹ֖ו תַּחְתָּֽיו׃ פ wayaku ʿam־haʾarets ʾet kal־haqosheriym ʿal־hamelekhe ʾamown wayameliykhu ʿam־haʾarets ʾet־yoʾshiyahu venow taḥetayw׃ f