Jérémie 36

¹ וַֽיְהִי֙ בַּשָּׁנָ֣ה הָרְבִיעִ֔ת לִיהֹויָקִ֥ים בֶּן־יֹאשִׁיָּ֖הוּ מֶ֣לֶךְ יְהוּדָ֑ה הָיָ֞ה הַדָּבָ֤ר הַזֶּה֙ אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃ wayehiy bashanah hareviyʿit liyhowyaqiym ben־yoʾshiyahu melekhe yehudah hayah hadavar hazeh ʾel־yiremeyahu meʾet yehwah leʾmor׃

² קַח־לְךָ֮ מְגִלַּת־סֵפֶר֒ וְכָתַבְתָּ֣ אֵלֶ֗יהָ אֵ֣ת כָּל־הַדְּבָרִ֞ים אֲשֶׁר־דִּבַּ֧רְתִּי אֵלֶ֛יךָ עַל־יִשְׂרָאֵ֥ל וְעַל־יְהוּדָ֖ה וְעַל־כָּל־הַגֹּויִ֑ם מִיֹּ֞ום דִּבַּ֤רְתִּי אֵלֶ֙יךָ֙ מִימֵ֣י יֹאשִׁיָּ֔הוּ וְעַ֖ד הַיֹּ֥ום הַזֶּֽה׃ qaḥ־lekha megilat־sefer wekhataveta ʾeleyha ʾet kal־hadevariym ʾasher־dibaretiy ʾeleykha ʿal־yiseraʾel weʿal־yehudah weʿal־kal־hagowyim miyowm dibaretiy ʾeleykha miymey yoʾshiyahu weʿad hayowm hazeh׃

³ אוּלַ֤י יִשְׁמְעוּ֙ בֵּ֣ית יְהוּדָ֔ה אֵ֚ת כָּל־הָ֣רָעָ֔ה אֲשֶׁ֛ר אָנֹכִ֥י חֹשֵׁ֖ב לַעֲשֹׂ֣ות לָהֶ֑ם לְמַ֣עַן יָשׁ֗וּבוּ אִ֚ישׁ מִדַּרְכֹּ֣ו הָרָעָ֔ה וְסָלַחְתִּ֥י לַעֲוֹנָ֖ם וּלְחַטָּאתָֽם׃ ס ʾulay yishemeʿu beyt yehudah ʾet kal־haraʿah ʾasher ʾanokhiy ḥoshev laʿasowt lahem lemaʿan yashuvu ʾiysh midarekow haraʿah wesalaḥetiy laʿaonam uleḥaṭaʾtam׃ s

⁴ וַיִּקְרָ֣א יִרְמְיָ֔הוּ אֶת־בָּר֖וּךְ בֶּן־נֵֽרִיָּ֑ה וַיִּכְתֹּ֨ב בָּר֜וּךְ מִפִּ֣י יִרְמְיָ֗הוּ אֵ֣ת כָּל־דִּבְרֵ֧י יְהוָ֛ה אֲשֶׁר־דִּבֶּ֥ר אֵלָ֖יו עַל־מְגִלַּת־סֵֽפֶר׃ wayiqeraʾ yiremeyahu ʾet־barukhe ben־neriyah wayikhetov barukhe mipiy yiremeyahu ʾet kal־diverey yehwah ʾasher־diber ʾelayw ʿal־megilat־sefer׃

⁵ וַיְצַוֶּ֣ה יִרְמְיָ֔הוּ אֶת־בָּר֖וּךְ לֵאמֹ֑ר אֲנִ֣י עָצ֔וּר לֹ֣א אוּכַ֔ל לָבֹ֖וא בֵּ֥ית יְהוָֽה׃ wayetsaueh yiremeyahu ʾet־barukhe leʾmor ʾaniy ʿatsur loʾ ʾukhal lavowʾ beyt yehwah׃

⁶ וּבָאתָ֣ אַתָּ֡ה וְקָרָ֣אתָ בַמְּגִלָּ֣ה אֲשֶׁר־כָּתַֽבְתָּ־מִפִּי֩ אֶת־דִּבְרֵ֨י יְהוָ֜ה בְּאָזְנֵ֥י הָעָ֛ם בֵּ֥ית יְהוָ֖ה בְּיֹ֣ום צֹ֑ום וְגַ֨ם בְּאָזְנֵ֧י כָל־יְהוּדָ֛ה הַבָּאִ֥ים מֵעָרֵיהֶ֖ם תִּקְרָאֵֽם׃ uvaʾta ʾatah weqaraʾta vamegilah ʾasher־kataveta־mipiy ʾet־diverey yehwah beʾazeney haʿam beyt yehwah beyowm tsowm wegam beʾazeney khal־yehudah habaʾiym meʿareyhem tiqeraʾem׃

⁷ אוּלַ֞י תִּפֹּ֤ל תְּחִנָּתָם֙ לִפְנֵ֣י יְהוָ֔ה וְיָשֻׁ֕בוּ אִ֖ישׁ מִדַּרְכֹּ֣ו הָרָעָ֑ה כִּֽי־גָדֹ֤ול הָאַף֙ וְהַ֣חֵמָ֔ה אֲשֶׁר־דִּבֶּ֥ר יְהוָ֖ה אֶל־הָעָ֥ם הַזֶּֽה׃ ʾulay tipol teḥinatam lifeney yehwah weyashuvu ʾiysh midarekow haraʿah kiy־gadowl haʾaf wehaḥemah ʾasher־diber yehwah ʾel־haʿam hazeh׃

⁸ וַיַּ֗עַשׂ בָּרוּךְ֙ בֶּן־נֵ֣רִיָּ֔ה כְּכֹ֥ל אֲשֶׁר־צִוָּ֖הוּ יִרְמְיָ֣הוּ הַנָּבִ֑יא לִקְרֹ֥א בַסֵּ֛פֶר דִּבְרֵ֥י יְהוָ֖ה בֵּ֥ית יְהֹוָֽה׃ ס wayaʿas barukhe ben־neriyah kekhol ʾasher־tsiuahu yiremeyahu hanaviyʾ liqeroʾ vasefer diverey yehwah beyt yehowah׃ s

⁹ וַיְהִ֣י בַשָּׁנָ֣ה הַ֠חֲמִשִׁית לִיהֹויָקִ֨ים בֶּן־יֹאשִׁיָּ֤הוּ מֶֽלֶךְ־יְהוּדָה֙ בַּחֹ֣דֶשׁ הַתְּשִׁעִ֔י קָרְא֨וּ צֹ֜ום לִפְנֵ֧י יְהוָ֛ה כָּל־הָעָ֖ם בִּירֽוּשָׁלִָ֑ם וְכָל־הָעָ֗ם הַבָּאִ֛ים מֵעָרֵ֥י יְהוּדָ֖ה בִּירוּשָׁלִָֽם׃ wayehiy vashanah haḥamishiyt liyhowyaqiym ben־yoʾshiyahu melekhe־yehudah baḥodesh hateshiʿiy qareʾu tsowm lifeney yehwah kal־haʿam biyrushalim wekhal־haʿam habaʾiym meʿarey yehudah biyrushalim׃

¹⁰ וַיִּקְרָ֨א בָר֥וּךְ בַּסֵּ֛פֶר אֶת־דִּבְרֵ֥י יִרְמְיָ֖הוּ בֵּ֣ית יְהוָ֑ה בְּלִשְׁכַּ֡ת גְּמַרְיָהוּ֩ בֶן־שָׁפָ֨ן הַסֹּפֵ֜ר בֶּחָצֵ֣ר הָעֶלְיֹ֗ון פֶּ֣תַח שַׁ֤עַר בֵּית־יְהוָה֙ הֶֽחָדָ֔שׁ בְּאָזְנֵ֖י כָּל־הָעָֽם׃ wayiqeraʾ varukhe basefer ʾet־diverey yiremeyahu beyt yehwah belishekat gemareyahu ven־shafan hasofer beḥatser haʿeleyown petaḥ shaʿar beyt־yehwah heḥadash beʾazeney kal־haʿam׃

¹¹ וַ֠יִּשְׁמַ֗ע מִכָ֨יְהוּ בֶן־גְּמַרְיָ֧הוּ בֶן־שָׁפָ֛ן אֶת־כָּל־דִּבְרֵ֥י יְהוָ֖ה מֵעַ֥ל הַסֵּֽפֶר׃ wayishemaʿ mikhayehu ven־gemareyahu ven־shafan ʾet־kal־diverey yehwah meʿal hasefer׃

¹² וַיֵּ֤רֶד בֵּית־הַמֶּ֙לֶךְ֙ עַל־לִשְׁכַּ֣ת הַסֹּפֵ֔ר וְהִ֨נֵּה־שָׁ֔ם כָּל־הַשָּׂרִ֖ים יֹֽושְׁבִ֑ים אֱלִישָׁמָ֣ע הַסֹּפֵ֡ר וּדְלָיָ֣הוּ בֶןשְׁ֠־מַעְיָהוּ וְאֶלְנָתָ֨ן בֶּן־עַכְבֹּ֜ור וּגְמַרְיָ֧הוּ בֶן־שָׁפָ֛ן וְצִדְקִיָּ֥הוּ בֶן־חֲנַנְיָ֖הוּ וְכָל־הַשָּׂרִֽים׃ wayered beyt־hamelekhe ʿal־lishekat hasofer wehineh־sham kal־hasariym yowsheviym ʾeliyshamaʿ hasofer udelayahu venshe־maʿeyahu weʾelenatan ben־ʿakhebowr ugemareyahu ven־shafan wetsideqiyahu ven־ḥananeyahu wekhal־hasariym׃

¹³ וַיַּגֵּ֤ד לָהֶם֙ מִכָ֔יְהוּ אֵ֥ת כָּל־הַדְּבָרִ֖ים אֲשֶׁ֣ר שָׁמֵ֑עַ בִּקְרֹ֥א בָר֛וּךְ בַּסֵּ֖פֶר בְּאָזְנֵ֥י הָעָֽם׃ wayaged lahem mikhayehu ʾet kal־hadevariym ʾasher shameaʿ biqeroʾ varukhe basefer beʾazeney haʿam׃

¹⁴ וַיִּשְׁלְח֨וּ כָל־הַשָּׂרִ֜ים אֶל־בָּר֗וּךְ אֶת־יְהוּדִ֡י בֶּן־נְ֠תַנְיָהוּ בֶּן־שֶׁלֶמְיָ֣הוּ בֶן־כּוּשִׁי֮ לֵאמֹר֒ הַמְּגִלָּ֗ה אֲשֶׁ֨ר קָרָ֤אתָ בָּהּ֙ בְּאָזְנֵ֣י הָעָ֔ם קָחֶ֥נָּה בְיָדְךָ֖ וָלֵ֑ךְ וַ֠יִּקַּח בָּר֨וּךְ בֶּן־נֵרִיָּ֤הוּ אֶת־הַמְּגִלָּה֙ בְּיָדֹ֔ו וַיָּבֹ֖א אֲלֵיהֶֽם׃ wayisheleḥu khal־hasariym ʾel־barukhe ʾet־yehudiy ben־netaneyahu ben־shelemeyahu ven־kushiy leʾmor hamegilah ʾasher qaraʾta bah beʾazeney haʿam qaḥenah veyadekha walekhe wayiqaḥ barukhe ben־neriyahu ʾet־hamegilah beyadow wayavoʾ ʾaleyhem׃

¹⁵ וַיֹּאמְר֣וּ אֵלָ֔יו שֵׁ֣ב נָ֔א וּקְרָאֶ֖נָּה בְּאָזְנֵ֑ינוּ וַיִּקְרָ֥א בָר֖וּךְ בְּאָזְנֵיהֶֽם׃ wayoʾmeru ʾelayw shev naʾ uqeraʾenah beʾazeneynu wayiqeraʾ varukhe beʾazeneyhem׃

¹⁶ וַיְהִ֗י כְּשָׁמְעָם֙ אֶת־כָּל־הַדְּבָרִ֔ים פָּחֲד֖וּ אִ֣ישׁ אֶל־רֵעֵ֑הוּ וַיֹּֽאמְרוּ֙ אֶל־בָּר֔וּךְ הַגֵּ֤יד נַגִּיד֙ לַמֶּ֔לֶךְ אֵ֥ת כָּל־הַדְּבָרִ֖ים הָאֵֽלֶּה׃ wayehiy keshameʿam ʾet־kal־hadevariym paḥadu ʾiysh ʾel־reʿehu wayoʾmeru ʾel־barukhe hageyd nagiyd lamelekhe ʾet kal־hadevariym haʾeleh׃

¹⁷ וְאֶ֨ת־בָּר֔וּךְ שָׁאֲל֖וּ לֵאמֹ֑ר הַגֶּד־נָ֣א לָ֔נוּ אֵ֗יךְ כָּתַ֛בְתָּ אֶת־כָּל־הַדְּבָרִ֥ים הָאֵ֖לֶּה מִפִּֽיו׃ weʾet־barukhe shaʾalu leʾmor haged־naʾ lanu ʾeykhe kataveta ʾet־kal־hadevariym haʾeleh mipiyw׃

¹⁸ וַיֹּ֤אמֶר לָהֶם֙ בָּר֔וּךְ מִפִּיו֙ יִקְרָ֣א אֵלַ֔י אֵ֥ת כָּל־הַדְּבָרִ֖ים הָאֵ֑לֶּה וַאֲנִ֛י כֹּתֵ֥ב עַל־הַסֵּ֖פֶר בַּדְּיֹֽו׃ פ wayoʾmer lahem barukhe mipiyw yiqeraʾ ʾelay ʾet kal־hadevariym haʾeleh waʾaniy kotev ʿal־hasefer badeyow׃ f

¹⁹ וַיֹּאמְר֤וּ הַשָּׂרִים֙ אֶל־בָּר֔וּךְ לֵ֥ךְ הִסָּתֵ֖ר אַתָּ֣ה וְיִרְמְיָ֑הוּ וְאִ֥ישׁ אַל־יֵדַ֖ע אֵיפֹ֥ה אַתֶּֽם׃ wayoʾmeru hasariym ʾel־barukhe lekhe hisater ʾatah weyiremeyahu weʾiysh ʾal־yedaʿ ʾeyfoh ʾatem׃

²⁰ וַיָּבֹ֤אוּ אֶל־הַמֶּ֙לֶךְ֙ חָצֵ֔רָה וְאֶת־הַמְּגִלָּ֣ה הִפְקִ֔דוּ בְּלִשְׁכַּ֖ת אֱלִישָׁמָ֣ע הַסֹּפֵ֑ר וַיַּגִּ֙ידוּ֙ בְּאָזְנֵ֣י הַמֶּ֔לֶךְ אֵ֖ת כָּל־הַדְּבָרִֽים׃ wayavoʾu ʾel־hamelekhe ḥatserah weʾet־hamegilah hifeqidu belishekat ʾeliyshamaʿ hasofer wayagiydu beʾazeney hamelekhe ʾet kal־hadevariym׃

²¹ וַיִּשְׁלַ֨ח הַמֶּ֜לֶךְ אֶת־יְהוּדִ֗י לָקַ֙חַת֙ אֶת־הַמְּגִלָּ֔ה וַיִּ֨קָּחֶ֔הָ מִלִּשְׁכַּ֖ת אֱלִישָׁמָ֣ע הַסֹּפֵ֑ר וַיִּקְרָאֶ֤הָ יְהוּדִי֙ בְּאָזְנֵ֣י הַמֶּ֔לֶךְ וּבְאָזְנֵי֙ כָּל־הַשָּׂרִ֔ים הָעֹמְדִ֖ים מֵעַ֥ל הַמֶּֽלֶךְ׃ wayishelaḥ hamelekhe ʾet־yehudiy laqaḥat ʾet־hamegilah wayiqaḥeah milishekat ʾeliyshamaʿ hasofer wayiqeraʾeah yehudiy beʾazeney hamelekhe uveʾazeney kal־hasariym haʿomediym meʿal hamelekhe׃

²² וְהַמֶּ֗לֶךְ יֹושֵׁב֙ בֵּ֣ית הַחֹ֔רֶף בַּחֹ֖דֶשׁ הַתְּשִׁיעִ֑י וְאֶת־הָאָ֖ח לְפָנָ֥יו מְבֹעָֽרֶת׃ wehamelekhe yowshev beyt haḥoref baḥodesh hateshiyʿiy weʾet־haʾaḥ lefanayw mevoʿaret׃

²³ וַיְהִ֣י ׀ כִּקְרֹ֣וא יְהוּדִ֗י שָׁלֹ֣שׁ דְּלָתֹות֮ וְאַרְבָּעָה֒ יִֽקְרָעֶ֙הָ֙ בְּתַ֣עַר הַסֹּפֵ֔ר וְהַשְׁלֵ֕ךְ אֶל־הָאֵ֖שׁ אֲשֶׁ֣ר אֶל־הָאָ֑ח עַד־תֹּם֙ כָּל־הַמְּגִלָּ֔ה עַל־הָאֵ֖שׁ אֲשֶׁ֥ר עַל־הָאָֽח׃ wayehiy ׀ kiqerowʾ yehudiy shalosh delatowt weʾarebaʿah yiqeraʿeah betaʿar hasofer wehashelekhe ʾel־haʾesh ʾasher ʾel־haʾaḥ ʿad־tom kal־hamegilah ʿal־haʾesh ʾasher ʿal־haʾaḥ׃

²⁴ וְלֹ֣א פָחֲד֔וּ וְלֹ֥א קָרְע֖וּ אֶת־בִּגְדֵיהֶ֑ם הַמֶּ֙לֶךְ֙ וְכָל־עֲבָדָ֔יו הַשֹּׁ֣מְעִ֔ים אֵ֥ת כָּל־הַדְּבָרִ֖ים הָאֵֽלֶּה׃ weloʾ faḥadu weloʾ qareʿu ʾet־bigedeyhem hamelekhe wekhal־ʿavadayw hashomeʿiym ʾet kal־hadevariym haʾeleh׃

²⁵ וְגַם֩ אֶלְנָתָ֨ן וּדְלָיָ֤הוּ וּגְמַרְיָ֙הוּ֙ הִפְגִּ֣עוּ בַמֶּ֔לֶךְ לְבִלְתִּ֥י שְׂרֹ֖ף אֶת־הַמְּגִלָּ֑ה וְלֹ֥א שָׁמַ֖ע אֲלֵיהֶֽם׃ wegam ʾelenatan udelayahu ugemareyahu hifegiʿu vamelekhe leviletiy serof ʾet־hamegilah weloʾ shamaʿ ʾaleyhem׃

²⁶ וַיְצַוֶּ֣ה הַ֠מֶּלֶךְ אֶת־יְרַחְמְאֵ֨ל בֶּן־הַמֶּ֜לֶךְ וְאֶת־שְׂרָיָ֣הוּ בֶן־עַזְרִיאֵ֗ל וְאֶת־שֶֽׁלֶמְיָ֙הוּ֙ בֶּֽן־עַבְדְּאֵ֔ל לָקַ֙חַת֙ אֶת־בָּר֣וּךְ הַסֹּפֵ֔ר וְאֵ֖ת יִרְמְיָ֣הוּ הַנָּבִ֑יא וַיַּסְתִּרֵ֖ם יְהוָֽה׃ ס wayetsaueh hamelekhe ʾet־yeraḥemeʾel ben־hamelekhe weʾet־serayahu ven־ʿazeriyʾel weʾet־shelemeyahu ben־ʿavedeʾel laqaḥat ʾet־barukhe hasofer weʾet yiremeyahu hanaviyʾ wayasetirem yehwah׃ s

²⁷ וַיְהִ֥י דְבַר־יְהוָ֖ה אֶֽל־יִרְמְיָ֑הוּ אַחֲרֵ֣י ׀ שְׂרֹ֣ף הַמֶּ֗לֶךְ אֶת־הַמְּגִלָּה֙ וְאֶת־הַדְּבָרִ֔ים אֲשֶׁ֨ר כָּתַ֥ב בָּר֛וּךְ מִפִּ֥י יִרְמְיָ֖הוּ לֵאמֹֽר׃ wayehiy devar־yehwah ʾel־yiremeyahu ʾaḥarey ׀ serof hamelekhe ʾet־hamegilah weʾet־hadevariym ʾasher katav barukhe mipiy yiremeyahu leʾmor׃

²⁸ שׁ֥וּב קַח־לְךָ֖ מְגִלָּ֣ה אַחֶ֑רֶת וּכְתֹ֣ב עָלֶ֗יהָ אֵ֤ת כָּל־הַדְּבָרִים֙ הָרִ֣אשֹׁנִ֔ים אֲשֶׁ֣ר הָי֗וּ עַל־הַמְּגִלָּה֙ הָרִ֣אשֹׁנָ֔ה אֲשֶׁ֥ר שָׂרַ֖ף יְהֹויָקִ֥ים מֶֽלֶךְ־יְהוּדָֽה׃ shuv qaḥ־lekha megilah ʾaḥeret ukhetov ʿaleyha ʾet kal־hadevariym hariʾshoniym ʾasher hayu ʿal־hamegilah hariʾshonah ʾasher saraf yehowyaqiym melekhe־yehudah׃

²⁹ וְעַל־יְהֹויָקִ֤ים מֶֽלֶךְ־יְהוּדָה֙ תֹּאמַ֔ר כֹּ֖ה אָמַ֣ר יְהוָ֑ה אַ֠תָּה שָׂרַ֜פְתָּ אֶת־הַמְּגִלָּ֤ה הַזֹּאת֙ לֵאמֹ֔ר מַדּוּעַ֩ כָּתַ֨בְתָּ עָלֶ֜יהָ לֵאמֹ֗ר בֹּֽא־יָבֹ֤וא מֶֽלֶךְ־בָּבֶל֙ וְהִשְׁחִית֙ אֶת־הָאָ֣רֶץ הַזֹּ֔את וְהִשְׁבִּ֥ית מִמֶּ֖נָּה אָדָ֥ם וּבְהֵמָֽה׃ ס weʿal־yehowyaqiym melekhe־yehudah toʾmar koh ʾamar yehwah ʾatah sarafeta ʾet־hamegilah hazoʾt leʾmor maduaʿ kataveta ʿaleyha leʾmor boʾ־yavowʾ melekhe־bavel wehisheḥiyt ʾet־haʾarets hazoʾt wehishebiyt mimenah ʾadam uvehemah׃ s

³⁰ לָכֵ֞ן כֹּֽה־אָמַ֣ר יְהוָ֗ה עַל־יְהֹֽויָקִים֙ מֶ֣לֶךְ יְהוּדָ֔ה לֹא־יִֽהְיֶה־לֹּ֥ו יֹושֵׁ֖ב עַל־כִּסֵּ֣א דָוִ֑ד וְנִבְלָתֹו֙ תִּֽהְיֶ֣ה מֻשְׁלֶ֔כֶת לַחֹ֥רֶב בַּיֹּ֖ום וְלַקֶּ֥רַח בַּלָּֽיְלָה׃ lakhen koh־ʾamar yehwah ʿal־yehowyaqiym melekhe yehudah loʾ־yiheyeh־low yowshev ʿal־kiseʾ dawid wenivelatow tiheyeh mushelekhet laḥorev bayowm welaqeraḥ balayelah׃

³¹ וּפָקַדְתִּ֨י עָלָ֧יו וְעַל־זַרְעֹ֛ו וְעַל־עֲבָדָ֖יו אֶת־עֲוֹנָ֑ם וְהֵבֵאתִ֣י עֲ֠לֵיהֶם וְעַל־יֹשְׁבֵ֨י יְרוּשָׁלִַ֜ם וְאֶל־אִ֣ישׁ יְהוּדָ֗ה אֵ֧ת כָּל־הָרָעָ֛ה אֲשֶׁר־דִּבַּ֥רְתִּי אֲלֵיהֶ֖ם וְלֹ֥א שָׁמֵֽעוּ׃ ס ufaqadetiy ʿalayw weʿal־zareʿow weʿal־ʿavadayw ʾet־ʿaonam weheveʾtiy ʿaleyhem weʿal־yoshevey yerushalim weʾel־ʾiysh yehudah ʾet kal־haraʿah ʾasher־dibaretiy ʾaleyhem weloʾ shameʿu׃ s

³² וְיִרְמְיָ֜הוּ לָקַ֣ח ׀ מְגִלָּ֣ה אַחֶ֗רֶת וַֽיִּתְּנָהּ֮ אֶל־בָּר֣וּךְ בֶּן־נֵרִיָּהוּ֮ הַסֹּפֵר֒ וַיִּכְתֹּ֤ב עָלֶ֙יהָ֙ מִפִּ֣י יִרְמְיָ֔הוּ אֵ֚ת כָּל־דִּבְרֵ֣י הַסֵּ֔פֶר אֲשֶׁ֥ר שָׂרַ֛ף יְהֹויָקִ֥ים מֶֽלֶךְ־יְהוּדָ֖ה בָּאֵ֑שׁ וְעֹ֨וד נֹוסַ֧ף עֲלֵיהֶ֛ם דְּבָרִ֥ים רַבִּ֖ים כָּהֵֽמָּה׃ ס weyiremeyahu laqaḥ ׀ megilah ʾaḥeret wayitenah ʾel־barukhe ben־neriyahu hasofer wayikhetov ʿaleyha mipiy yiremeyahu ʾet kal־diverey hasefer ʾasher saraf yehowyaqiym melekhe־yehudah baʾesh weʿowd nowsaf ʿaleyhem devariym rabiym kahemah׃ s