1 בְּיָמָ֣יו עָלָ֔ה נְבֻכַדְנֶאצַּ֖ר מֶ֣לֶךְ בָּבֶ֑ל וַיְהִי־לֹ֨ו יְהֹויָקִ֥ים עֶ֙בֶד֙ שָׁלֹ֣שׁ שָׁנִ֔ים וַיָּ֖שָׁב וַיִּמְרָד־בֹּֽו׃ beyamayw ʿalah nevukhadeneʾtsar melekhe bavel wayehiy־low yehowyaqiym ʿeved shalosh shaniym wayashav wayimerad־bow׃
2 וַיְשַׁלַּ֣ח יְהוָ֣ה ׀ בֹּ֡ו אֶת־גְּדוּדֵ֣י כַשְׂדִּים֩ וְאֶת־גְּדוּדֵ֨י אֲרָ֜ם וְאֵ֣ת ׀ גְּדוּדֵ֣י מֹואָ֗ב וְאֵת֙ גְּדוּדֵ֣י בְנֵֽי־עַמֹּ֔ון וַיְשַׁלְּחֵ֥ם בִּֽיהוּדָ֖ה לְהַֽאֲבִידֹ֑ו כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַ֖ד עֲבָדָ֥יו הַנְּבִיאִֽים׃ wayeshalaḥ yehwah ׀ bow ʾet־gedudey khasediym weʾet־gedudey ʾaram weʾet ׀ gedudey mowʾav weʾet gedudey veney־ʿamown wayeshaleḥem biyhudah lehaʾaviydow kidevar yehwah ʾasher diber beyad ʿavadayw haneviyʾiym׃
3 אַ֣ךְ ׀ עַל־פִּ֣י יְהוָ֗ה הָֽיְתָה֙ בִּֽיהוּדָ֔ה לְהָסִ֖יר מֵעַ֣ל פָּנָ֑יו בְּחַטֹּ֣את מְנַשֶּׁ֔ה כְּכֹ֖ל אֲשֶׁ֥ר עָשָֽׂה׃ ʾakhe ׀ ʿal־piy yehwah hayetah biyhudah lehasiyr meʿal panayw beḥaṭoʾt menasheh kekhol ʾasher ʿasah׃
4 וְגַ֤ם דַּֽם־הַנָּקִי֙ אֲשֶׁ֣ר שָׁפָ֔ךְ וַיְמַלֵּ֥א אֶת־יְרוּשָׁלִַ֖ם דָּ֣ם נָקִ֑י וְלֹֽא־אָבָ֥ה יְהוָ֖ה לִסְלֹֽחַ׃ wegam dam־hanaqiy ʾasher shafakhe wayemaleʾ ʾet־yerushalim dam naqiy weloʾ־ʾavah yehwah liseloaḥ׃
5 וְיֶ֛תֶר דִּבְרֵ֥י יְהֹויָקִ֖ים וְכָל־אֲשֶׁ֣ר עָשָׂ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey yehowyaqiym wekhal־ʾasher ʿasah haloʾ־hem ketuviym ʿal־sefer diverey hayamiym lemalekhey yehudah׃
6 וַיִּשְׁכַּ֥ב יְהֹויָקִ֖ים עִם־אֲבֹתָ֑יו וַיִּמְלֹ֛ךְ יְהֹויָכִ֥ין בְּנֹ֖ו תַּחְתָּֽיו׃ wayishekav yehowyaqiym ʿim־ʾavotayw wayimelokhe yehowyakhiyn benow taḥetayw׃
7 וְלֹֽא־הֹסִ֥יף עֹוד֙ מֶ֣לֶךְ מִצְרַ֔יִם לָצֵ֖את מֵֽאַרְצֹ֑ו כִּֽי־לָקַ֞ח מֶ֣לֶךְ בָּבֶ֗ל מִנַּ֤חַל מִצְרַ֙יִם֙ עַד־נְהַר־פְּרָ֔ת כֹּ֛ל אֲשֶׁ֥ר הָיְתָ֖ה לְמֶ֥לֶךְ מִצְרָֽיִם׃ פ weloʾ־hosiyf ʿowd melekhe mitserayim latseʾt meʾaretsow kiy־laqaḥ melekhe bavel minaḥal mitserayim ʿad־nehar־perat kol ʾasher hayetah lemelekhe mitserayim׃ f
8 בֶּן־שְׁמֹנֶ֨ה עֶשְׂרֵ֤ה שָׁנָה֙ יְהֹויָכִ֣ין בְּמָלְכֹ֔ו וּשְׁלֹשָׁ֣ה חֳדָשִׁ֔ים מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו נְחֻשְׁתָּ֥א בַת־אֶלְנָתָ֖ן מִירוּשָׁלִָֽם׃ ben־shemoneh ʿesereh shanah yehowyakhiyn bemalekhow usheloshah ḥodashiym malakhe biyrushalim weshem ʾimow neḥushetaʾ vat־ʾelenatan miyrushalim׃
9 וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה אָבִֽיו׃ wayaʿas haraʿ beʿeyney yehwah kekhol ʾasher־ʿasah ʾaviyw׃
10 בָּעֵ֣ת הַהִ֔יא [עָלָה כ] (עָל֗וּ ק) עַבְדֵ֛י נְבֻכַדְנֶאצַּ֥ר מֶֽלֶךְ־בָּבֶ֖ל יְרוּשָׁלִָ֑ם וַתָּבֹ֥א הָעִ֖יר בַּמָּצֹֽור׃ baʿet hahiyʾ [ʿalah kh] (ʿalu q) ʿavedey nevukhadeneʾtsar melekhe־bavel yerushalim watavoʾ haʿiyr bamatsowr׃
11 וַיָּבֹ֛א נְבוּכַדְנֶאצַּ֥ר מֶֽלֶךְ־בָּבֶ֖ל עַל־הָעִ֑יר וַעֲבָדָ֖יו צָרִ֥ים עָלֶֽיהָ׃ wayavoʾ nevukhadeneʾtsar melekhe־bavel ʿal־haʿiyr waʿavadayw tsariym ʿaleyha׃
12 וַיֵּצֵ֞א יְהֹויָכִ֤ין מֶֽלֶךְ־יְהוּדָה֙ עַל־מֶ֣לֶךְ בָּבֶ֔ל ה֣וּא וְאִמֹּ֔ו וַעֲבָדָ֖יו וְשָׂרָ֣יו וְסָֽרִיסָ֑יו וַיִּקַּ֤ח אֹתֹו֙ מֶ֣לֶךְ בָּבֶ֔ל בִּשְׁנַ֥ת שְׁמֹנֶ֖ה לְמָלְכֹֽו׃ wayetseʾ yehowyakhiyn melekhe־yehudah ʿal־melekhe bavel huʾ weʾimow waʿavadayw wesarayw wesariysayw wayiqaḥ ʾotow melekhe bavel bishenat shemoneh lemalekhow׃
13 וַיֹּוצֵ֣א מִשָּׁ֗ם אֶת־כָּל־אֹוצְרֹות֙ בֵּ֣ית יְהוָ֔ה וְאֹֽוצְרֹ֖ות בֵּ֣ית הַמֶּ֑לֶךְ וַיְקַצֵּ֞ץ אֶת־כָּל־כְּלֵ֣י הַזָּהָ֗ב אֲשֶׁ֨ר עָשָׂ֜ה שְׁלֹמֹ֤ה מֶֽלֶךְ־יִשְׂרָאֵל֙ בְּהֵיכַ֣ל יְהוָ֔ה כַּֽאֲשֶׁ֖ר דִּבֶּ֥ר יְהוָֽה׃ wayowtseʾ misham ʾet־kal־ʾowtserowt beyt yehwah weʾowtserowt beyt hamelekhe wayeqatsets ʾet־kal־keley hazahav ʾasher ʿasah shelomoh melekhe־yiseraʾel beheykhal yehwah kaʾasher diber yehwah׃
14 וְהִגְלָ֣ה אֶת־כָּל־יְ֠רוּשָׁלִַם וְֽאֶת־כָּל־הַשָּׂרִ֞ים וְאֵ֣ת ׀ כָּל־גִּבֹּורֵ֣י הַחַ֗יִל [עֲשָׂרָה כ] (עֲשֶׂ֤רֶת ק) אֲלָפִים֙ גֹּולֶ֔ה וְכָל־הֶחָרָ֖שׁ וְהַמַּסְגֵּ֑ר לֹ֣א נִשְׁאַ֔ר זוּלַ֖ת דַּלַּ֥ת עַם־הָאָֽרֶץ׃ wehigelah ʾet־kal־yerushalim weʾet־kal־hasariym weʾet ׀ kal־gibowrey haḥayil [ʿasarah kh] (ʿaseret q) ʾalafiym gowleh wekhal־heḥarash wehamaseger loʾ nisheʾar zulat dalat ʿam־haʾarets׃
15 וַיֶּ֥גֶל אֶת־יְהֹויָכִ֖ין בָּבֶ֑לָה וְאֶת־אֵ֣ם הַ֠מֶּלֶךְ וְאֶת־נְשֵׁ֨י הַמֶּ֜לֶךְ וְאֶת־סָרִיסָ֗יו וְאֵת֙ [אֱוִלֵי כ] (אֵילֵ֣י ק) הָאָ֔רֶץ הֹולִ֛יךְ גֹּולָ֥ה מִירוּשָׁלִַ֖ם בָּבֶֽלָה׃ wayegel ʾet־yehowyakhiyn bavelah weʾet־ʾem hamelekhe weʾet־neshey hamelekhe weʾet־sariysayw weʾet [ʾewiley kh] (ʾeyley q) haʾarets howliykhe gowlah miyrushalim bavelah׃
16 וְאֵת֩ כָּל־אַנְשֵׁ֨י הַחַ֜יִל שִׁבְעַ֣ת אֲלָפִ֗ים וְהֶחָרָ֤שׁ וְהַמַּסְגֵּר֙ אֶ֔לֶף הַכֹּ֕ל גִּבֹּורִ֖ים עֹשֵׂ֣י מִלְחָמָ֑ה וַיְבִיאֵ֧ם מֶֽלֶךְ־בָּבֶ֛ל גֹּולָ֖ה בָּבֶֽלָה׃ weʾet kal־ʾaneshey haḥayil shiveʿat ʾalafiym weheḥarash wehamaseger ʾelef hakol gibowriym ʿosey mileḥamah wayeviyʾem melekhe־bavel gowlah bavelah׃
17 וַיַּמְלֵ֧ךְ מֶֽלֶךְ־בָּבֶ֛ל אֶת־מַתַּנְיָ֥ה דֹדֹ֖ו תַּחְתָּ֑יו וַיַּסֵּ֥ב אֶת־שְׁמֹ֖ו צִדְקִיָּֽהוּ׃ פ wayamelekhe melekhe־bavel ʾet־mataneyah dodow taḥetayw wayasev ʾet־shemow tsideqiyahu׃ f
18 בֶּן־עֶשְׂרִ֨ים וְאַחַ֤ת שָׁנָה֙ צִדְקִיָּ֣הוּ בְמָלְכֹ֔ו וְאַחַ֤ת עֶשְׂרֵה֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו [חֲמִיטַל כ] (חֲמוּטַ֥ל ק) בַּֽת־יִרְמְיָ֖הוּ מִלִּבְנָֽה׃ ben־ʿeseriym weʾaḥat shanah tsideqiyahu vemalekhow weʾaḥat ʿesereh shanah malakhe biyrushalim weshem ʾimow [ḥamiyṭal kh] (ḥamuṭal q) bat־yiremeyahu milivenah׃
19 וַיַּ֥עַשׂ הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה יְהֹויָקִֽים׃ wayaʿas haraʿ beʿeyney yehwah kekhol ʾasher־ʿasah yehowyaqiym׃
20 כִּ֣י ׀ עַל־אַ֣ף יְהוָ֗ה הָיְתָ֤ה בִירוּשָׁלִַ֙ם֙ וּבִ֣יהוּדָ֔ה עַד־הִשְׁלִכֹ֥ו אֹתָ֖ם מֵעַ֣ל פָּנָ֑יו וַיִּמְרֹ֥ד צִדְקִיָּ֖הוּ בְּמֶ֥לֶךְ בָּבֶֽל׃ ס kiy ׀ ʿal־ʾaf yehwah hayetah viyrushalim uviyhudah ʿad־hishelikhow ʾotam meʿal panayw wayimerod tsideqiyahu bemelekhe bavel׃ s