1 וַֽיְהִי֙ הַמֶּ֣לֶךְ שְׁלֹמֹ֔ה מֶ֖לֶךְ עַל־כָּל־יִשְׂרָאֵֽל׃ ס wayehiy hamelekhe shelomoh melekhe ʿal־kal־yiseraʾel׃ s
2 וְאֵ֥לֶּה הַשָּׂרִ֖ים אֲשֶׁר־לֹ֑ו עֲזַרְיָ֥הוּ בֶן־צָדֹ֖וק הַכֹּהֵֽן׃ ס weʾeleh hasariym ʾasher־low ʿazareyahu ven־tsadowq hakohen׃ s
3 אֱלִיחֹ֧רֶף וַאֲחִיָּ֛ה בְּנֵ֥י שִׁישָׁ֖א סֹפְרִ֑ים יְהֹושָׁפָ֥ט בֶּן־אֲחִיל֖וּד הַמַּזְכִּֽיר׃ ʾeliyḥoref waʾaḥiyah beney shiyshaʾ soferiym yehowshafaṭ ben־ʾaḥiylud hamazekiyr׃
4 וּבְנָיָ֥הוּ בֶן־יְהֹויָדָ֖ע עַל־הַצָּבָ֑א וְצָדֹ֥וק וְאֶבְיָתָ֖ר כֹּהֲנִֽים׃ ס uvenayahu ven־yehowyadaʿ ʿal־hatsavaʾ wetsadowq weʾeveyatar kohaniym׃ s
5 וַעֲזַרְיָ֥הוּ בֶן־נָתָ֖ן עַל־הַנִּצָּבִ֑ים וְזָב֧וּד בֶּן־נָתָ֛ן כֹּהֵ֖ן רֵעֶ֥ה הַמֶּֽלֶךְ׃ waʿazareyahu ven־natan ʿal־hanitsaviym wezavud ben־natan kohen reʿeh hamelekhe׃
6 וַאֲחִישָׁ֖ר עַל־הַבָּ֑יִת וַאֲדֹנִירָ֥ם בֶּן־עַבְדָּ֖א עַל־הַמַּֽס׃ ס waʾaḥiyshar ʿal־habayit waʾadoniyram ben־ʿavedaʾ ʿal־hamas׃ s
7 וְלִשְׁלֹמֹ֞ה שְׁנֵים־עָשָׂ֤ר נִצָּבִים֙ עַל־כָּל־יִשְׂרָאֵ֔ל וְכִלְכְּל֥וּ אֶת־הַמֶּ֖לֶךְ וְאֶת־בֵּיתֹ֑ו חֹ֧דֶשׁ בַּשָּׁנָ֛ה יִהְיֶ֥ה עַל־ [אֶחָד כ] (הָאֶחָ֖ד ק) לְכַלְכֵּֽל׃ ס welishelomoh sheneym־ʿasar nitsaviym ʿal־kal־yiseraʾel wekhilekelu ʾet־hamelekhe weʾet־beytow ḥodesh bashanah yiheyeh ʿal־ [ʾeḥad kh] (haʾeḥad q) lekhalekel׃ s
8 וְאֵ֣לֶּה שְׁמֹותָ֔ם בֶּן־ח֖וּר בְּהַ֥ר אֶפְרָֽיִם׃ ס weʾeleh shemowtam ben־ḥur behar ʾeferayim׃ s
9 בֶּן־דֶּ֛קֶר בְּמָקַ֥ץ וּבְשַֽׁעַלְבִ֖ים וּבֵ֣ית שָׁ֑מֶשׁ וְאֵילֹ֖ון בֵּ֥ית חָנָֽן׃ ס ben־deqer bemaqats uveshaʿaleviym uveyt shamesh weʾeylown beyt ḥanan׃ s
10 בֶּן־חֶ֖סֶד בָּֽאֲרֻבֹּ֑ות לֹ֥ו שֹׂכֹ֖ה וְכָל־אֶ֥רֶץ חֵֽפֶר׃ ס ben־ḥesed baʾarubowt low sokhoh wekhal־ʾerets ḥefer׃ s
11 בֶּן־אֲבִֽינָדָ֖ב כָּל־נָ֣פַת דֹּ֑אר טָפַת֙ בַּת־שְׁלֹמֹ֔ה הָ֥יְתָה לֹּ֖ו לְאִשָּֽׁה׃ ס ben־ʾaviynadav kal־nafat doʾr ṭafat bat־shelomoh hayetah low leʾishah׃ s
12 בַּֽעֲנָא֙ בֶּן־אֲחִיל֔וּד תַּעְנַ֖ךְ וּמְגִדֹּ֑ו וְכָל־בֵּ֣ית שְׁאָ֡ן אֲשֶׁר֩ אֵ֨צֶל צָרְתַ֜נָה מִתַּ֣חַת לְיִזְרְעֶ֗אל מִבֵּ֤ית שְׁאָן֙ עַ֚ד אָבֵ֣ל מְחֹולָ֔ה עַ֖ד מֵעֵ֥בֶר לְיָקְמֳעָֽם׃ ס baʿanaʾ ben־ʾaḥiylud taʿenakhe umegidow wekhal־beyt sheʾan ʾasher ʾetsel tsaretanah mitaḥat leyizereʿeʾl mibeyt sheʾan ʿad ʾavel meḥowlah ʿad meʿever leyaqemoʿam׃ s
13 בֶּן־גֶּ֖בֶר בְּרָמֹ֣ת גִּלְעָ֑ד לֹ֡ו חַוֹּת֩ יָאִ֨יר בֶּן־מְנַשֶּׁ֜ה אֲשֶׁ֣ר בַּגִּלְעָ֗ד לֹ֚ו חֶ֤בֶל אַרְגֹּב֙ אֲשֶׁ֣ר בַּבָּשָׁ֔ן שִׁשִּׁים֙ עָרִ֣ים גְּדֹלֹ֔ות חֹומָ֖ה וּבְרִ֥יחַ נְחֹֽשֶׁת׃ ס ben־gever beramot gileʿad low ḥaot yaʾiyr ben־menasheh ʾasher bagileʿad low ḥevel ʾaregov ʾasher babashan shishiym ʿariym gedolowt ḥowmah uveriyḥa neḥoshet׃ s
14 אֲחִֽינָדָ֥ב בֶּן־עִדֹּ֖א מַחֲנָֽיְמָה׃ ʾaḥiynadav ben־ʿidoʾ maḥanayemah׃
15 אֲחִימַ֖עַץ בְּנַפְתָּלִ֑י גַּם־ה֗וּא לָקַ֛ח אֶת־בָּשְׂמַ֥ת בַּת־שְׁלֹמֹ֖ה לְאִשָּֽׁה׃ ʾaḥiymaʿats benafetaliy gam־huʾ laqaḥ ʾet־basemat bat־shelomoh leʾishah׃
16 בַּֽעֲנָא֙ בֶּן־חוּשָׁ֔י בְּאָשֵׁ֖ר וּבְעָלֹֽות׃ ס baʿanaʾ ben־ḥushay beʾasher uveʿalowt׃ s
17 יְהֹושָׁפָ֥ט בֶּן־פָּר֖וּחַ בְּיִשָׂשכָֽר׃ ס yehowshafaṭ ben־paruaḥ beyisashkhar׃ s
18 שִׁמְעִ֥י בֶן־אֵלָ֖א בְּבִנְיָמִֽן׃ ס shimeʿiy ven־ʾelaʾ bevineyamin׃ s
19 גֶּ֥בֶר בֶּן־אֻרִ֖י בְּאֶ֣רֶץ גִּלְעָ֑ד אֶ֜רֶץ סִיחֹ֣ון ׀ מֶ֣לֶךְ הָאֱמֹרִ֗י וְעֹג֙ מֶ֣לֶךְ הַבָּשָׁ֔ן וּנְצִ֥יב אֶחָ֖ד אֲשֶׁ֥ר בָּאָֽרֶץ׃ gever ben־ʾuriy beʾerets gileʿad ʾerets siyḥown ׀ melekhe haʾemoriy weʿog melekhe habashan unetsiyv ʾeḥad ʾasher baʾarets׃
20 יְהוּדָ֤ה וְיִשְׂרָאֵל֙ רַבִּ֔ים כַּחֹ֥ול אֲשֶׁר־עַל־הַיָּ֖ם לָרֹ֑ב אֹכְלִ֥ים וְשֹׁתִ֖ים וּשְׂמֵחִֽים׃ yehudah weyiseraʾel rabiym kaḥowl ʾasher־ʿal־hayam larov ʾokheliym weshotiym usemeḥiym׃