Psaumes 92

¹ מִזְמֹ֥ור שִׁ֗יר לְיֹ֣ום הַשַּׁבָּֽת׃ mizemowr shiyr leyowm hashabat׃

² טֹ֗וב לְהֹדֹ֥ות לַיהוָ֑ה וּלְזַמֵּ֖ר לְשִׁמְךָ֣ עֶלְיֹֽון׃ ṭowv lehodowt layhwah ulezamer leshimekha ʿeleyown׃

³ לְהַגִּ֣יד בַּבֹּ֣קֶר חַסְֽדֶּ֑ךָ וֶ֝אֱמֽוּנָתְךָ֗ בַּלֵּילֹֽות׃ lehagiyd baboqer ḥasedekha weʾemunatekha baleylowt׃

⁴ עֲ‍ֽלֵי־עָ֭שֹׂור וַעֲלֵי־נָ֑בֶל עֲלֵ֖י הִגָּיֹ֣ון בְּכִנֹּֽור׃ ע‍ley־ʿasowr waʿaley־navel ʿaley higayown bekhinowr׃

⁵ כִּ֤י שִׂמַּחְתַּ֣נִי יְהוָ֣ה בְּפָעֳלֶ֑ךָ בְּֽמַעֲשֵׂ֖י יָדֶ֣יךָ אֲרַנֵּֽן׃ kiy simaḥetaniy yehwah befaʿolekha bemaʿasey yadeykha ʾaranen׃

⁶ מַה־גָּדְל֣וּ מַעֲשֶׂ֣יךָ יְהוָ֑ה מְ֝אֹ֗ד עָמְק֥וּ מַחְשְׁבֹתֶֽיךָ׃ mah־gadelu maʿaseykha yehwah meʾod ʿamequ maḥeshevoteykha׃

⁷ אִֽישׁ־בַּ֭עַר לֹ֣א יֵדָ֑ע וּ֝כְסִ֗יל לֹא־יָבִ֥ין אֶת־זֹֽאת׃ ʾiysh־baʿar loʾ yedaʿ ukhesiyl loʾ־yaviyn ʾet־zoʾt׃

⁸ בִּפְרֹ֤חַ רְשָׁעִ֨ים ׀ כְּמֹ֥ו עֵ֗שֶׂב וַ֭יָּצִיצוּ כָּל־פֹּ֣עֲלֵי אָ֑וֶן לְהִשָּֽׁמְדָ֥ם עֲדֵי־עַֽד׃ biferoaḥ reshaʿiym ׀ kemow ʿesev wayatsiytsu kal־poʿaley ʾawen lehishamedam ʿadey־ʿad׃

⁹ וְאַתָּ֥ה מָרֹ֗ום לְעֹלָ֥ם יְהוָֽה׃ weʾatah marowm leʿolam yehwah׃

¹⁰ כִּ֤י הִנֵּ֪ה אֹיְבֶ֡יךָ ׀ יְֽהוָ֗ה כִּֽי־הִנֵּ֣ה אֹיְבֶ֣יךָ יֹאבֵ֑דוּ יִ֝תְפָּרְד֗וּ כָּל־פֹּ֥עֲלֵי אָֽוֶן׃ kiy hineh ʾoyeveykha ׀ yehwah kiy־hineh ʾoyeveykha yoʾvedu yiteparedu kal־poʿaley ʾawen׃

¹¹ וַתָּ֣רֶם כִּרְאֵ֣ים קַרְנִ֑י בַּ֝לֹּתִ֗י בְּשֶׁ֣מֶן רַעֲנָֽן׃ watarem kireʾeym qareniy balotiy beshemen raʿanan׃

¹² וַתַּבֵּ֥ט עֵינִ֗י בְּשׁ֫וּרָ֥י בַּקָּמִ֖ים עָלַ֥י מְרֵעִ֗ים תִּשְׁמַ֥עְנָה אָזְנָֽי׃ watabeṭ ʿeyniy beshuray baqamiym ʿalay mereʿiym tishemaʿenah ʾazenay׃

¹³ צַ֭דִּיק כַּתָּמָ֣ר יִפְרָ֑ח כְּאֶ֖רֶז בַּלְּבָנֹ֣ון יִשְׂגֶּֽה׃ tsadiyq katamar yiferaḥ keʾerez balevanown yisegeh׃

¹⁴ תוּלִים בְּבֵ֣ית יְהוָ֑ה בְּחַצְרֹ֖ות אֱלֹהֵ֣ינוּ יַפְרִֽיחוּ׃ tuliym beveyt yehwah beḥatserowt ʾeloheynu yaferiyḥu׃

¹⁵ עֹ֖וד יְנוּב֣וּן בְּשֵׂיבָ֑ה דְּשֵׁנִ֖ים וְרַֽעֲנַנִּ֣ים יִהְיֽוּ׃ ʿowd yenuvun beseyvah desheniym weraʿananiym yiheyu׃

¹⁶ לְ֭הַגִּיד כִּֽי־יָשָׁ֣ר יְהוָ֑ה צ֝וּרִ֗י וְֽלֹא־ [עֹלָתָה כ] (עַוְלָ֥תָה ק) בֹּֽו׃ lehagiyd kiy־yashar yehwah tsuriy weloʾ־ [ʿolatah kh] (ʿawelatah q) bow׃