Ésaïe 46

¹ כָּרַ֥ע בֵּל֙ קֹרֵ֣ס נְבֹ֔ו הָיוּ֙ עֲצַבֵּיהֶ֔ם לַחַיָּ֖ה וְלַבְּהֵמָ֑ה נְשֻׂאֹתֵיכֶ֣ם עֲמוּסֹ֔ות מַשָּׂ֖א לַעֲיֵפָֽה׃ karaʿ bel qores nevow hayu ʿatsabeyhem laḥayah welabehemah nesuʾoteykhem ʿamusowt masaʾ laʿayefah׃

² קָרְס֤וּ כָֽרְעוּ֙ יַחְדָּ֔ו לֹ֥א יָכְל֖וּ מַלֵּ֣ט מַשָּׂ֑א וְנַפְשָׁ֖ם בַּשְּׁבִ֥י הָלָֽכָה׃ ס qaresu khareʿu yaḥedaw loʾ yakhelu maleṭ masaʾ wenafesham basheviy halakhah׃ s

³ שִׁמְע֤וּ אֵלַי֙ בֵּ֣ית יַעֲקֹ֔ב וְכָל־שְׁאֵרִ֖ית בֵּ֣ית יִשְׂרָאֵ֑ל הַֽעֲמֻסִים֙ מִנִּי־בֶ֔טֶן הַנְּשֻׂאִ֖ים מִנִּי־רָֽחַם׃ shimeʿu ʾelay beyt yaʿaqov wekhal־sheʾeriyt beyt yiseraʾel haʿamusiym miniy־veṭen hanesuʾiym miniy־raḥam׃

⁴ וְעַד־זִקְנָה֙ אֲנִ֣י ה֔וּא וְעַד־שֵיבָ֖ה אֲנִ֣י אֶסְבֹּ֑ל אֲנִ֤י עָשִׂ֙יתִי֙ וַאֲנִ֣י אֶשָּׂ֔א וַאֲנִ֥י אֶסְבֹּ֖ל וַאֲמַלֵּֽט׃ ס weʿad־ziqenah ʾaniy huʾ weʿad־sheyvah ʾaniy ʾesebol ʾaniy ʿasiytiy waʾaniy ʾesaʾ waʾaniy ʾesebol waʾamaleṭ׃ s

⁵ לְמִ֥י תְדַמְי֖וּנִי וְתַשְׁו֑וּ וְתַמְשִׁל֖וּנִי וְנִדְמֶֽה׃ lemiy tedameyuniy wetashewu wetameshiluniy wenidemeh׃

⁶ הַזָּלִ֤ים זָהָב֙ מִכִּ֔יס וְכֶ֖סֶף בַּקָּנֶ֣ה יִשְׁקֹ֑לוּ יִשְׂכְּר֤וּ צֹורֵף֙ וְיַעֲשֵׂ֣הוּ אֵ֔ל יִסְגְּד֖וּ אַף־יִֽשְׁתַּחֲוּֽוּ ׃ hazaliym zahav mikiys wekhesef baqaneh yisheqolu yisekeru tsowref weyaʿasehu ʾel yisegedu ʾaf־yishetaḥauu ׃

⁷ יִ֠שָּׂאֻהוּ עַל־כָּתֵ֨ף יִסְבְּלֻ֜הוּ וְיַנִּיחֻ֤הוּ תַחְתָּיו֙ וְיַֽעֲמֹ֔ד מִמְּקֹומֹ֖ו לֹ֣א יָמִ֑ישׁ אַף־יִצְעַ֤ק אֵלָיו֙ וְלֹ֣א יַעֲנֶ֔ה מִצָּרָתֹ֖ו לֹ֥א יֹושִׁיעֶֽנּוּ׃ ס yisaʾuhu ʿal־katef yisebeluhu weyaniyḥuhu taḥetayw weyaʿamod mimeqowmow loʾ yamiysh ʾaf־yitseʿaq ʾelayw weloʾ yaʿaneh mitsaratow loʾ yowshiyʿenu׃ s

⁸ זִכְרוּ־זֹ֖את וְהִתְאֹשָׁ֑שׁוּ הָשִׁ֥יבוּ פֹושְׁעִ֖ים עַל־לֵֽב׃ zikheru־zoʾt wehiteʾoshashu hashiyvu fowsheʿiym ʿal־lev׃

⁹ זִכְר֥וּ רִאשֹׁנֹ֖ות מֵעֹולָ֑ם כִּ֣י אָנֹכִ֥י אֵל֙ וְאֵ֣ין עֹ֔וד אֱלֹהִ֖ים וְאֶ֥פֶס כָּמֹֽונִי׃ zikheru riʾshonowt meʿowlam kiy ʾanokhiy ʾel weʾeyn ʿowd ʾelohiym weʾefes kamowniy׃

¹⁰ מַגִּ֤יד מֵֽרֵאשִׁית֙ אַחֲרִ֔ית וּמִקֶּ֖דֶם אֲשֶׁ֣ר לֹא־נַעֲשׂ֑וּ אֹמֵר֙ עֲצָתִ֣י תָק֔וּם וְכָל־חֶפְצִ֖י אֶעֱשֶֽׂה׃ magiyd mereʾshiyt ʾaḥariyt umiqedem ʾasher loʾ־naʿasu ʾomer ʿatsatiy taqum wekhal־ḥefetsiy ʾeʿeseh׃

¹¹ קֹרֵ֤א מִמִּזְרָח֙ עַ֔יִט מֵאֶ֥רֶץ מֶרְחָ֖ק אִ֣ישׁ [עֲצָתֹו כ] (עֲצָתִ֑י ק) אַף־דִּבַּ֙רְתִּי֙ אַף־אֲבִיאֶ֔נָּה יָצַ֖רְתִּי אַף־אֶעֱשֶֽׂנָּה׃ ס qoreʾ mimizeraḥ ʿayiṭ meʾerets mereḥaq ʾiysh [ʿatsatow kh] (ʿatsatiy q) ʾaf־dibaretiy ʾaf־ʾaviyʾenah yatsaretiy ʾaf־ʾeʿesenah׃ s

¹² שִׁמְע֥וּ אֵלַ֖י אַבִּ֣ירֵי לֵ֑ב הָרְחֹוקִ֖ים מִצְּדָקָֽה׃ shimeʿu ʾelay ʾabiyrey lev hareḥowqiym mitsedaqah׃

¹³ קֵרַ֤בְתִּי צִדְקָתִי֙ לֹ֣א תִרְחָ֔ק וּתְשׁוּעָתִ֖י לֹ֣א תְאַחֵ֑ר וְנָתַתִּ֤י בְצִיֹּון֙ תְּשׁוּעָ֔ה לְיִשְׂרָאֵ֖ל תִּפְאַרְתִּֽי׃ ס qeravetiy tsideqatiy loʾ tireḥaq uteshuʿatiy loʾ teʾaḥer wenatatiy vetsiyown teshuʿah leyiseraʾel tifeʾaretiy׃ s