Jérémie 13

¹ כֹּֽה־אָמַ֨ר יְהוָ֜ה אֵלַ֗י הָלֹ֞וךְ וְקָנִ֤יתָ לְּךָ֙ אֵזֹ֣ור פִּשְׁתִּ֔ים וְשַׂמְתֹּ֖ו עַל־מָתְנֶ֑יךָ וּבַמַּ֖יִם לֹ֥א תְבִאֵֽהוּ׃ koh־ʾamar yehwah ʾelay halowkhe weqaniyta lekha ʾezowr pishetiym wesametow ʿal־mateneykha uvamayim loʾ teviʾehu׃

² וָאֶקְנֶ֥ה אֶת־הָאֵזֹ֖ור כִּדְבַ֣ר יְהוָ֑ה וָאָשִׂ֖ם עַל־מָתְנָֽי׃ ס waʾeqeneh ʾet־haʾezowr kidevar yehwah waʾasim ʿal־matenay׃ s

³ וַיְהִ֧י דְבַר־יְהוָ֛ה אֵלַ֖י שֵׁנִ֥ית לֵאמֹֽר׃ wayehiy devar־yehwah ʾelay sheniyt leʾmor׃

⁴ קַ֧ח אֶת־הָאֵזֹ֛ור אֲשֶׁ֥ר קָנִ֖יתָ אֲשֶׁ֣ר עַל־מָתְנֶ֑יךָ וְקוּם֙ לֵ֣ךְ פְּרָ֔תָה וְטָמְנֵ֥הוּ שָׁ֖ם בִּנְקִ֥יק הַסָּֽלַע׃ qaḥ ʾet־haʾezowr ʾasher qaniyta ʾasher ʿal־mateneykha wequm lekhe peratah weṭamenehu sham bineqiyq hasalaʿ׃

⁵ וָאֵלֵ֕ךְ וָאֶטְמְנֵ֖הוּ בִּפְרָ֑ת כַּאֲשֶׁ֛ר צִוָּ֥ה יְהוָ֖ה אֹותִֽי׃ waʾelekhe waʾeṭemenehu biferat kaʾasher tsiuah yehwah ʾowtiy׃

⁶ וַיְהִ֕י מִקֵּ֖ץ יָמִ֣ים רַבִּ֑ים וַיֹּ֨אמֶר יְהוָ֜ה אֵלַ֗י ק֚וּם לֵ֣ךְ פְּרָ֔תָה וְקַ֤ח מִשָּׁם֙ אֶת־הָ֣אֵזֹ֔ור אֲשֶׁ֥ר צִוִּיתִ֖יךָ לְטָמְנֹו־שָֽׁם׃ wayehiy miqets yamiym rabiym wayoʾmer yehwah ʾelay qum lekhe peratah weqaḥ misham ʾet־haʾezowr ʾasher tsiuiytiykha leṭamenow־sham׃

⁷ וָאֵלֵ֣ךְ פְּרָ֔תָה וָאֶחְפֹּ֗ר וָֽאֶקַּח֙ אֶת־הָ֣אֵזֹ֔ור מִן־הַמָּקֹ֖ום אֲשֶׁר־טְמַנְתִּ֣יו שָׁ֑מָּה וְהִנֵּה֙ נִשְׁחַ֣ת הָאֵזֹ֔ור לֹ֥א יִצְלַ֖ח לַכֹּֽל׃ פ waʾelekhe peratah waʾeḥepor waʾeqaḥ ʾet־haʾezowr min־hamaqowm ʾasher־ṭemanetiyw shamah wehineh nisheḥat haʾezowr loʾ yitselaḥ lakol׃ f

⁸ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

⁹ כֹּ֖ה אָמַ֣ר יְהוָ֑ה כָּ֠כָה אַשְׁחִ֞ית אֶת־גְּאֹ֧ון יְהוּדָ֛ה וְאֶת־גְּאֹ֥ון יְרוּשָׁלִַ֖ם הָרָֽב׃ koh ʾamar yehwah kakhah ʾasheḥiyt ʾet־geʾown yehudah weʾet־geʾown yerushalim harav׃

¹⁰ הָעָם֩ הַזֶּ֨ה הָרָ֜ע הַֽמֵּאֲנִ֣ים ׀ לִשְׁמֹ֣ועַ אֶת־דְּבָרַ֗י הַהֹֽלְכִים֙ בִּשְׁרִר֣וּת לִבָּ֔ם וַיֵּלְכ֗וּ אַֽחֲרֵי֙ אֱלֹהִ֣ים אֲחֵרִ֔ים לְעָבְדָ֖ם וּלְהִשְׁתַּחֲוֹ֣ת לָהֶ֑ם וִיהִי֙ כָּאֵזֹ֣ור הַזֶּ֔ה אֲשֶׁ֥ר לֹא־יִצְלַ֖ח לַכֹּֽל׃ haʿam hazeh haraʿ hameʾaniym ׀ lishemowʿa ʾet־devaray haholekhiym bisherirut libam wayelekhu ʾaḥarey ʾelohiym ʾaḥeriym leʿavedam ulehishetaḥaot lahem wiyhiy kaʾezowr hazeh ʾasher loʾ־yitselaḥ lakol׃

¹¹ כִּ֡י כַּאֲשֶׁר֩ יִדְבַּ֨ק הָאֵזֹ֜ור אֶל־מָתְנֵי־אִ֗ישׁ כֵּ֣ן הִדְבַּ֣קְתִּי אֵ֠לַי אֶת־כָּל־בֵּ֨ית יִשְׂרָאֵ֜ל וְאֶת־כָּל־בֵּ֤ית יְהוּדָה֙ נְאֻם־יְהוָ֔ה לִֽהְיֹ֥ות לִי֙ לְעָ֔ם וּלְשֵׁ֥ם וְלִתְהִלָּ֖ה וּלְתִפְאָ֑רֶת וְלֹ֖א שָׁמֵֽעוּ׃ kiy kaʾasher yidebaq haʾezowr ʾel־mateney־ʾiysh ken hidebaqetiy ʾelay ʾet־kal־beyt yiseraʾel weʾet־kal־beyt yehudah neʾum־yehwah liheyowt liy leʿam uleshem welitehilah uletifeʾaret weloʾ shameʿu׃

¹² וְאָמַרְתָּ֙ אֲלֵיהֶ֜ם אֶת־הַדָּבָ֣ר הַזֶּ֗ה ס כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כָּל־נֵ֖בֶל יִמָּ֣לֵא יָ֑יִן וְאָמְר֣וּ אֵלֶ֔יךָ הֲיָדֹ֙עַ֙ לֹ֣א נֵדַ֔ע כִּ֥י כָל־נֵ֖בֶל יִמָּ֥לֵא יָֽיִן׃ weʾamareta ʾaleyhem ʾet־hadavar hazeh s koh־ʾamar yehwah ʾelohey yiseraʾel kal־nevel yimaleʾ yayin weʾameru ʾeleykha hayadoaʿ loʾ nedaʿ kiy khal־nevel yimaleʾ yayin׃

¹³ וְאָמַרְתָּ֙ אֲלֵיהֶ֜ם כֹּֽה־אָמַ֣ר יְהוָ֗ה הִנְנִ֣י מְמַלֵּ֣א אֶת־כָּל־יֹשְׁבֵ֣י הָאָ֪רֶץ הַזֹּ֟את וְאֶת־הַמְּלָכִ֣ים הַיֹּשְׁבִים֩ לְדָוִ֨ד עַל־כִּסְאֹ֜ו וְאֶת־הַכֹּהֲנִ֣ים וְאֶת־הַנְּבִיאִ֗ים וְאֵ֛ת כָּל־יֹשְׁבֵ֥י יְרוּשָׁלִָ֖ם שִׁכָּרֹֽון׃ weʾamareta ʾaleyhem koh־ʾamar yehwah hineniy memaleʾ ʾet־kal־yoshevey haʾarets hazoʾt weʾet־hamelakhiym hayosheviym ledawid ʿal־kiseʾow weʾet־hakohaniym weʾet־haneviyʾiym weʾet kal־yoshevey yerushalim shikarown׃

¹⁴ וְנִפַּצְתִּים֩ אִ֨ישׁ אֶל־אָחִ֜יו וְהָאָבֹ֧ות וְהַבָּנִ֛ים יַחְדָּ֖ו נְאֻם־יְהוָ֑ה לֹֽא־אֶחְמֹ֧ול וְלֹֽא־אָח֛וּס וְלֹ֥א אֲרַחֵ֖ם מֵהַשְׁחִיתָֽם׃ ס wenipatsetiym ʾiysh ʾel־ʾaḥiyw wehaʾavowt wehabaniym yaḥedaw neʾum־yehwah loʾ־ʾeḥemowl weloʾ־ʾaḥus weloʾ ʾaraḥem mehasheḥiytam׃ s

¹⁵ שִׁמְע֥וּ וְהַאֲזִ֖ינוּ אַל־תִּגְבָּ֑הוּ כִּ֥י יְהוָ֖ה דִּבֵּֽר׃ shimeʿu wehaʾaziynu ʾal־tigebahu kiy yehwah diber׃

¹⁶ תְּנוּ֩ לַיהוָ֨ה אֱלֹהֵיכֶ֤ם כָּבֹוד֙ בְּטֶ֣רֶם יַחְשִׁ֔ךְ וּבְטֶ֛רֶם יִֽתְנַגְּפ֥וּ רַגְלֵיכֶ֖ם עַל־הָ֣רֵי נָ֑שֶׁף וְקִוִּיתֶ֤ם לְאֹור֙ וְשָׂמָ֣הּ לְצַלְמָ֔וֶת [יָשִׁית כ] (וְשִׁ֖ית ק) לַעֲרָפֶֽל׃ tenu layhwah ʾeloheykhem kavowd beṭerem yaḥeshikhe uveṭerem yitenagefu rageleykhem ʿal־harey nashef weqiuiytem leʾowr wesamah letsalemawet [yashiyt kh] (weshiyt q) laʿarafel׃

¹⁷ וְאִם֙ לֹ֣א תִשְׁמָע֔וּהָ בְּמִסְתָּרִ֥ים תִּבְכֶּֽה־נַפְשִׁ֖י מִפְּנֵ֣י גֵוָ֑ה וְדָמֹ֨עַ תִּדְמַ֜ע וְתֵרַ֤ד עֵינִי֙ דִּמְעָ֔ה כִּ֥י נִשְׁבָּ֖ה עֵ֥דֶר יְהוָֽה׃ ס weʾim loʾ tishemaʿuah bemisetariym tivekeh־nafeshiy mipeney gewah wedamoaʿ tidemaʿ weterad ʿeyniy dimeʿah kiy nishebah ʿeder yehwah׃ s

¹⁸ אֱמֹ֥ר לַמֶּ֛לֶךְ וְלַגְּבִירָ֖ה הַשְׁפִּ֣ילוּ שֵׁ֑בוּ כִּ֤י יָרַד֙ מַרְאֲשֹׁ֣ותֵיכֶ֔ם עֲטֶ֖רֶת תִּֽפְאַרְתְּכֶֽם׃ ʾemor lamelekhe welageviyrah hashepiylu shevu kiy yarad mareʾashowteykhem ʿaṭeret tifeʾaretekhem׃

¹⁹ עָרֵ֥י הַנֶּ֛גֶב סֻגְּר֖וּ וְאֵ֣ין פֹּתֵ֑חַ הָגְלָ֧ת יְהוּדָ֛ה כֻּלָּ֖הּ הָגְלָ֥ת שְׁלֹומִֽים׃ ס ʿarey hanegev sugeru weʾeyn poteaḥ hagelat yehudah kulah hagelat shelowmiym׃ s

²⁰ [שְׂאִי כ] (שְׂא֤וּ ק) עֵֽינֵיכֶם֙ [וּרְאִי כ] (וּרְא֔וּ ק) הַבָּאִ֖ים מִצָּפֹ֑ון אַיֵּ֗ה הָעֵ֙דֶר֙ נִתַּן־לָ֔ךְ צֹ֖אן תִּפְאַרְתֵּֽךְ׃ [seʾiy kh] (seʾu q) ʿeyneykhem [ureʾiy kh] (ureʾu q) habaʾiym mitsafown ʾayeh haʿeder nitan־lakhe tsoʾn tifeʾaretekhe׃

²¹ מַה־תֹּֽאמְרִי֙ כִּֽי־יִפְקֹ֣ד עָלַ֔יִךְ וְ֠אַתְּ לִמַּ֨דְתְּ אֹתָ֥ם עָלַ֛יִךְ אַלֻּפִ֖ים לְרֹ֑אשׁ הֲלֹ֤וא חֲבָלִים֙ יֹאחֱז֔וּךְ כְּמֹ֖ו אֵ֥שֶׁת לֵדָֽה׃ mah־toʾmeriy kiy־yifeqod ʿalayikhe weʾate limadete ʾotam ʿalayikhe ʾalufiym leroʾsh halowʾ ḥavaliym yoʾḥezukhe kemow ʾeshet ledah׃

²² וְכִ֤י תֹאמְרִי֙ בִּלְבָבֵ֔ךְ מַדּ֖וּעַ קְרָאֻ֣נִי אֵ֑לֶּה בְּרֹ֧ב עֲוֹנֵ֛ךְ נִגְל֥וּ שׁוּלַ֖יִךְ נֶחְמְס֥וּ עֲקֵבָֽיִךְ׃ wekhiy toʾmeriy bilevavekhe maduaʿ qeraʾuniy ʾeleh berov ʿaonekhe nigelu shulayikhe neḥemesu ʿaqevayikhe׃

²³ הֲיַהֲפֹ֤ךְ כּוּשִׁי֙ עֹורֹ֔ו וְנָמֵ֖ר חֲבַרְבֻּרֹתָ֑יו גַּם־אַתֶּם֙ תּוּכְל֣וּ לְהֵיטִ֔יב לִמֻּדֵ֖י הָרֵֽעַ׃ hayahafokhe kushiy ʿowrow wenamer ḥavareburotayw gam־ʾatem tukhelu leheyṭiyv limudey hareaʿ׃

²⁴ וַאֲפִיצֵ֖ם כְּקַשׁ־עֹובֵ֑ר לְר֖וּחַ מִדְבָּֽר׃ waʾafiytsem keqash־ʿowver leruaḥ midebar׃

²⁵ זֶ֣ה גֹורָלֵ֧ךְ מְנָת־מִדַּ֛יִךְ מֵֽאִתִּ֖י נְאֻם־יְהוָ֑ה אֲשֶׁר֙ שָׁכַ֣חַתְּ אֹותִ֔י וַֽתִּבְטְחִ֖י בַּשָּֽׁקֶר׃ zeh gowralekhe menat־midayikhe meʾitiy neʾum־yehwah ʾasher shakhaḥate ʾowtiy wativeṭeḥiy bashaqer׃

²⁶ וְגַם־אֲנִ֛י חָשַׂ֥פְתִּי שׁוּלַ֖יִךְ עַל־פָּנָ֑יִךְ וְנִרְאָ֖ה קְלֹונֵֽךְ׃ wegam־ʾaniy ḥasafetiy shulayikhe ʿal־panayikhe wenireʾah qelownekhe׃

²⁷ נִֽאֻפַ֤יִךְ וּמִצְהֲלֹותַ֙יִךְ֙ זִמַּ֣ת זְנוּתֵ֔ךְ עַל־גְּבָעֹות֙ בַּשָּׂדֶ֔ה רָאִ֖יתִי שִׁקּוּצָ֑יִךְ אֹ֥וי לָךְ֙ יְר֣וּשָׁלִַ֔ם לֹ֣א תִטְהֲרִ֔י אַחֲרֵ֥י מָתַ֖י עֹֽד׃ פ niʾufayikhe umitsehalowtayikhe zimat zenutekhe ʿal־gevaʿowt basadeh raʾiytiy shiqutsayikhe ʾowy lakhe yerushalim loʾ tiṭehariy ʾaḥarey matay ʿod׃ f