1 וַיֹּ֤אמֶר שְׁמוּאֵל֙ אֶל־שָׁא֔וּל אֹתִ֨י שָׁלַ֤ח יְהוָה֙ לִמְשָׁחֳךָ֣ לְמֶ֔לֶךְ עַל־עַמֹּ֖ו עַל־יִשְׂרָאֵ֑ל וְעַתָּ֣ה שְׁמַ֔ע לְקֹ֖ול דִּבְרֵ֥י יְהוָֽה׃ ס wayoʾmer shemuʾel ʾel־shaʾul ʾotiy shalaḥ yehwah limeshaḥokha lemelekhe ʿal־ʿamow ʿal־yiseraʾel weʿatah shemaʿ leqowl diverey yehwah׃ s

2 כֹּ֤ה אָמַר֙ יְהוָ֣ה צְבָאֹ֔ות פָּקַ֕דְתִּי אֵ֛ת אֲשֶׁר־עָשָׂ֥ה עֲמָלֵ֖ק לְיִשְׂרָאֵ֑ל אֲשֶׁר־שָׂ֥ם לֹו֙ בַּדֶּ֔רֶךְ בַּעֲלֹתֹ֖ו מִמִּצְרָֽיִם׃ koh ʾamar yehwah tsevaʾowt paqadetiy ʾet ʾasher־ʿasah ʿamaleq leyiseraʾel ʾasher־sam low baderekhe baʿalotow mimitserayim׃

3 עַתָּה֩ לֵ֨ךְ וְהִכִּֽיתָ֜ה אֶת־עֲמָלֵ֗ק וְהַֽחֲרַמְתֶּם֙ אֶת־כָּל־אֲשֶׁר־לֹ֔ו וְלֹ֥א תַחְמֹ֖ל עָלָ֑יו וְהֵמַתָּ֞ה מֵאִ֣ישׁ עַד־אִשָּׁ֗ה מֵֽעֹלֵל֙ וְעַד־יֹונֵ֔ק מִשֹּׁ֣ור וְעַד־שֶׂ֔ה מִגָּמָ֖ל וְעַד־חֲמֹֽור׃ ס ʿatah lekhe wehikiytah ʾet־ʿamaleq wehaḥarametem ʾet־kal־ʾasher־low weloʾ taḥemol ʿalayw wehematah meʾiysh ʿad־ʾishah meʿolel weʿad־yowneq mishowr weʿad־seh migamal weʿad־ḥamowr׃ s

4 וַיְשַׁמַּ֤ע שָׁאוּל֙ אֶת־הָעָ֔ם וַֽיִּפְקְדֵם֙ בַּטְּלָאִ֔ים מָאתַ֥יִם אֶ֖לֶף רַגְלִ֑י וַעֲשֶׂ֥רֶת אֲלָפִ֖ים אֶת־אִ֥ישׁ יְהוּדָֽה׃ wayeshamaʿ shaʾul ʾet־haʿam wayifeqedem baṭelaʾiym maʾtayim ʾelef rageliy waʿaseret ʾalafiym ʾet־ʾiysh yehudah׃

5 וַיָּבֹ֥א שָׁא֖וּל עַד־עִ֣יר עֲמָלֵ֑ק וַיָּ֖רֶב בַּנָּֽחַל׃ wayavoʾ shaʾul ʿad־ʿiyr ʿamaleq wayarev banaḥal׃

6 וַיֹּ֣אמֶר שָׁא֣וּל אֶֽל־הַקֵּינִ֡י לְכוּ֩ סֻּ֨רוּ רְד֜וּ מִתֹּ֣וךְ עֲמָלֵקִ֗י פֶּן־אֹֽסִפְךָ֙ עִמֹּ֔ו וְאַתָּ֞ה עָשִׂ֤יתָה חֶ֙סֶד֙ עִם־כָּל־בְּנֵ֣י יִשְׂרָאֵ֔ל בַּעֲלֹותָ֖ם מִמִּצְרָ֑יִם וַיָּ֥סַר קֵינִ֖י מִתֹּ֥וךְ עֲמָלֵֽק׃ wayoʾmer shaʾul ʾel־haqeyniy lekhu suru redu mitowkhe ʿamaleqiy pen־ʾosifekha ʿimow weʾatah ʿasiytah ḥesed ʿim־kal־beney yiseraʾel baʿalowtam mimitserayim wayasar qeyniy mitowkhe ʿamaleq׃

7 וַיַּ֥ךְ שָׁא֖וּל אֶת־עֲמָלֵ֑ק מֵֽחֲוִילָה֙ בֹּואֲךָ֣ שׁ֔וּר אֲשֶׁ֖ר עַל־פְּנֵ֥י מִצְרָֽיִם׃ wayakhe shaʾul ʾet־ʿamaleq meḥawiylah bowʾakha shur ʾasher ʿal־peney mitserayim׃

8 וַיִּתְפֹּ֛שׂ אֶת־אֲגַ֥ג מֶֽלֶךְ־עֲמָלֵ֖ק חָ֑י וְאֶת־כָּל־הָעָ֖ם הֶחֱרִ֥ים לְפִי־חָֽרֶב׃ wayitepos ʾet־ʾagag melekhe־ʿamaleq ḥay weʾet־kal־haʿam heḥeriym lefiy־ḥarev׃

9 וַיַּחְמֹל֩ שָׁא֨וּל וְהָעָ֜ם עַל־אֲגָ֗ג וְעַל־מֵיטַ֣ב הַצֹּאן֩ וְהַבָּקָ֨ר וְהַמִּשְׁנִ֤ים וְעַל־הַכָּרִים֙ וְעַל־כָּל־הַטֹּ֔וב וְלֹ֥א אָב֖וּ הַחֲרִימָ֑ם וְכָל־הַמְּלָאכָ֛ה נְמִבְזָ֥ה וְנָמֵ֖ס אֹתָ֥הּ הֶחֱרִֽימוּ׃ פ wayaḥemol shaʾul wehaʿam ʿal־ʾagag weʿal־meyṭav hatsoʾn wehabaqar wehamisheniym weʿal־hakariym weʿal־kal־haṭowv weloʾ ʾavu haḥariymam wekhal־hamelaʾkhah nemivezah wenames ʾotah heḥeriymu׃ f

10 וַֽיְהִי֙ דְּבַר־יְהוָ֔ה אֶל־שְׁמוּאֵ֖ל לֵאמֹֽר׃ wayehiy devar־yehwah ʾel־shemuʾel leʾmor׃

11 נִחַ֗מְתִּי כִּֽי־הִמְלַ֤כְתִּי אֶת־שָׁאוּל֙ לְמֶ֔לֶךְ כִּֽי־שָׁב֙ מֵאַֽחֲרַ֔י וְאֶת־דְּבָרַ֖י לֹ֣א הֵקִ֑ים וַיִּ֙חַר֙ לִשְׁמוּאֵ֔ל וַיִּזְעַ֥ק אֶל־יְהוָ֖ה כָּל־הַלָּֽיְלָה׃ niḥametiy kiy־himelakhetiy ʾet־shaʾul lemelekhe kiy־shav meʾaḥaray weʾet־devaray loʾ heqiym wayiḥar lishemuʾel wayizeʿaq ʾel־yehwah kal־halayelah׃

12 וַיַּשְׁכֵּ֧ם שְׁמוּאֵ֛ל לִקְרַ֥את שָׁא֖וּל בַּבֹּ֑קֶר וַיֻּגַּ֨ד לִשְׁמוּאֵ֜ל לֵאמֹ֗ר בָּֽא־שָׁא֤וּל הַכַּרְמֶ֙לָה֙ וְהִנֵּ֨ה מַצִּ֥יב לֹו֙ יָ֔ד וַיִּסֹּב֙ וַֽיַּעֲבֹ֔ר וַיֵּ֖רֶד הַגִּלְגָּֽל׃ wayashekem shemuʾel liqeraʾt shaʾul baboqer wayugad lishemuʾel leʾmor baʾ־shaʾul hakaremelah wehineh matsiyv low yad wayisov wayaʿavor wayered hagilegal׃

13 וַיָּבֹ֥א שְׁמוּאֵ֖ל אֶל־שָׁא֑וּל וַיֹּ֧אמֶר לֹ֣ו שָׁא֗וּל בָּר֤וּךְ אַתָּה֙ לַֽיהוָ֔ה הֲקִימֹ֖תִי אֶת־דְּבַ֥ר יְהוָֽה׃ wayavoʾ shemuʾel ʾel־shaʾul wayoʾmer low shaʾul barukhe ʾatah layhwah haqiymotiy ʾet־devar yehwah׃

14 וַיֹּ֣אמֶר שְׁמוּאֵ֔ל וּמֶ֛ה קֹֽול־הַצֹּ֥אן הַזֶּ֖ה בְּאָזְנָ֑י וְקֹ֣ול הַבָּקָ֔ר אֲשֶׁ֥ר אָנֹכִ֖י שֹׁמֵֽעַ׃ wayoʾmer shemuʾel umeh qowl־hatsoʾn hazeh beʾazenay weqowl habaqar ʾasher ʾanokhiy shomeaʿ׃

15 וַיֹּ֨אמֶר שָׁא֜וּל מֵעֲמָלֵקִ֣י הֱבִיא֗וּם אֲשֶׁ֨ר חָמַ֤ל הָעָם֙ עַל־מֵיטַ֤ב הַצֹּאן֙ וְהַבָּקָ֔ר לְמַ֥עַן זְבֹ֖חַ לַיהוָ֣ה אֱלֹהֶ֑יךָ וְאֶת־הַיֹּותֵ֖ר הֶחֱרַֽמְנוּ׃ ס wayoʾmer shaʾul meʿamaleqiy heviyʾum ʾasher ḥamal haʿam ʿal־meyṭav hatsoʾn wehabaqar lemaʿan zevoaḥ layhwah ʾeloheykha weʾet־hayowter heḥeramenu׃ s

16 וַיֹּ֤אמֶר שְׁמוּאֵל֙ אֶל־שָׁא֔וּל הֶ֚רֶף וְאַגִּ֣ידָה לְּךָ֔ אֵת֩ אֲשֶׁ֨ר דִּבֶּ֧ר יְהוָ֛ה אֵלַ֖י הַלָּ֑יְלָה [וַיֹּאמְרוּ כ] (וַיֹּ֥אמֶר ק) לֹ֖ו דַּבֵּֽר׃ ס wayoʾmer shemuʾel ʾel־shaʾul heref weʾagiydah lekha ʾet ʾasher diber yehwah ʾelay halayelah [wayoʾmeru kh] (wayoʾmer q) low daber׃ s

17 וַיֹּ֣אמֶר שְׁמוּאֵ֔ל הֲלֹ֗וא אִם־קָטֹ֤ן אַתָּה֙ בְּעֵינֶ֔יךָ רֹ֛אשׁ שִׁבְטֵ֥י יִשְׂרָאֵ֖ל אָ֑תָּה וַיִּמְשָׁחֲךָ֧ יְהוָ֛ה לְמֶ֖לֶךְ עַל־יִשְׂרָאֵֽל׃ wayoʾmer shemuʾel halowʾ ʾim־qaṭon ʾatah beʿeyneykha roʾsh shiveṭey yiseraʾel ʾatah wayimeshaḥakha yehwah lemelekhe ʿal־yiseraʾel׃

18 וַיִּשְׁלָחֲךָ֥ יְהוָ֖ה בְּדָ֑רֶךְ וַיֹּ֗אמֶר לֵ֣ךְ וְהַחֲרַמְתָּ֞ה אֶת־הַֽחַטָּאִים֙ אֶת־עֲמָלֵ֔ק וְנִלְחַמְתָּ֣ בֹ֔ו עַ֥ד כַּלֹּותָ֖ם אֹתָֽם׃ wayishelaḥakha yehwah bedarekhe wayoʾmer lekhe wehaḥarametah ʾet־haḥaṭaʾiym ʾet־ʿamaleq wenileḥameta vow ʿad kalowtam ʾotam׃

19 וְלָ֥מָּה לֹא־שָׁמַ֖עְתָּ בְּקֹ֣ול יְהוָ֑ה וַתַּ֙עַט֙ אֶל־הַשָּׁלָ֔ל וַתַּ֥עַשׂ הָרַ֖ע בְּעֵינֵ֥י יְהוָֽה׃ ס welamah loʾ־shamaʿeta beqowl yehwah wataʿaṭ ʾel־hashalal wataʿas haraʿ beʿeyney yehwah׃ s

20 וַיֹּ֨אמֶר שָׁא֜וּל אֶל־שְׁמוּאֵ֗ל אֲשֶׁ֤ר שָׁמַ֙עְתִּי֙ בְּקֹ֣ול יְהוָ֔ה וָאֵלֵ֕ךְ בַּדֶּ֖רֶךְ אֲשֶׁר־שְׁלָחַ֣נִי יְהוָ֑ה וָאָבִ֗יא אֶת־אֲגַג֙ מֶ֣לֶךְ עֲמָלֵ֔ק וְאֶת־עֲמָלֵ֖ק הֶחֱרַֽמְתִּי׃ wayoʾmer shaʾul ʾel־shemuʾel ʾasher shamaʿetiy beqowl yehwah waʾelekhe baderekhe ʾasher־shelaḥaniy yehwah waʾaviyʾ ʾet־ʾagag melekhe ʿamaleq weʾet־ʿamaleq heḥerametiy׃

21 וַיִּקַּ֨ח הָעָ֧ם מֵהַשָּׁלָ֛ל צֹ֥אן וּבָקָ֖ר רֵאשִׁ֣ית הַחֵ֑רֶם לִזְבֹּ֛חַ לַֽיהוָ֥ה אֱלֹהֶ֖יךָ בַּגִּלְגָּֽל׃ wayiqaḥ haʿam mehashalal tsoʾn uvaqar reʾshiyt haḥerem lizeboaḥ layhwah ʾeloheykha bagilegal׃

22 וַיֹּ֣אמֶר שְׁמוּאֵ֗ל הַחֵ֤פֶץ לַֽיהוָה֙ בְּעֹלֹ֣ות וּזְבָחִ֔ים כִּשְׁמֹ֖עַ בְּקֹ֣ול יְהוָ֑ה הִנֵּ֤ה שְׁמֹ֙עַ֙ מִזֶּ֣בַח טֹ֔וב לְהַקְשִׁ֖יב מֵחֵ֥לֶב אֵילִֽים׃ wayoʾmer shemuʾel haḥefets layhwah beʿolowt uzevaḥiym kishemoaʿ beqowl yehwah hineh shemoaʿ mizevaḥ ṭowv lehaqeshiyv meḥelev ʾeyliym׃

23 כִּ֤י חַטַּאת־קֶ֙סֶם֙ מֶ֔רִי וְאָ֥וֶן וּתְרָפִ֖ים הַפְצַ֑ר יַ֗עַן מָאַ֙סְתָּ֙ אֶת־דְּבַ֣ר יְהוָ֔ה וַיִּמְאָסְךָ֖ מִמֶּֽלֶךְ׃ ס kiy ḥaṭaʾt־qesem meriy weʾawen uterafiym hafetsar yaʿan maʾaseta ʾet־devar yehwah wayimeʾasekha mimelekhe׃ s

24 וַיֹּ֨אמֶר שָׁא֤וּל אֶל־שְׁמוּאֵל֙ חָטָ֔אתִי כִּֽי־עָבַ֥רְתִּי אֶת־פִּֽי־יְהוָ֖ה וְאֶת־דְּבָרֶ֑יךָ כִּ֤י יָרֵ֙אתִי֙ אֶת־הָעָ֔ם וָאֶשְׁמַ֖ע בְּקֹולָֽם׃ wayoʾmer shaʾul ʾel־shemuʾel ḥaṭaʾtiy kiy־ʿavaretiy ʾet־piy־yehwah weʾet־devareykha kiy yareʾtiy ʾet־haʿam waʾeshemaʿ beqowlam׃

25 וְעַתָּ֕ה שָׂ֥א נָ֖א אֶת־חַטָּאתִ֑י וְשׁ֣וּב עִמִּ֔י וְאֶֽשְׁתַּחֲוֶ֖ה לַֽיהוָֽה׃ weʿatah saʾ naʾ ʾet־ḥaṭaʾtiy weshuv ʿimiy weʾeshetaḥaweh layhwah׃

26 וַיֹּ֤אמֶר שְׁמוּאֵל֙ אֶל־שָׁא֔וּל לֹ֥א אָשׁ֖וּב עִמָּ֑ךְ כִּ֤י מָאַ֙סְתָּה֙ אֶת־דְּבַ֣ר יְהוָ֔ה וַיִּמְאָסְךָ֣ יְהוָ֔ה מִהְיֹ֥ות מֶ֖לֶךְ עַל־יִשְׂרָאֵֽל׃ ס wayoʾmer shemuʾel ʾel־shaʾul loʾ ʾashuv ʿimakhe kiy maʾasetah ʾet־devar yehwah wayimeʾasekha yehwah miheyowt melekhe ʿal־yiseraʾel׃ s

27 וַיִּסֹּ֥ב שְׁמוּאֵ֖ל לָלֶ֑כֶת וַיַּחֲזֵ֥ק בִּכְנַף־מְעִילֹ֖ו וַיִּקָּרַֽע׃ wayisov shemuʾel lalekhet wayaḥazeq bikhenaf־meʿiylow wayiqaraʿ׃

28 וַיֹּ֤אמֶר אֵלָיו֙ שְׁמוּאֵ֔ל קָרַ֨ע יְהוָ֜ה אֶֽת־מַמְלְכ֧וּת יִשְׂרָאֵ֛ל מֵעָלֶ֖יךָ הַיֹּ֑ום וּנְתָנָ֕הּ לְרֵעֲךָ֖ הַטֹּ֥וב מִמֶּֽךָּ׃ wayoʾmer ʾelayw shemuʾel qaraʿ yehwah ʾet־mamelekhut yiseraʾel meʿaleykha hayowm unetanah lereʿakha haṭowv mimeka׃

29 וְגַם֙ נֵ֣צַח יִשְׂרָאֵ֔ל לֹ֥א יְשַׁקֵּ֖ר וְלֹ֣א יִנָּחֵ֑ם כִּ֣י לֹ֥א אָדָ֛ם ה֖וּא לְהִנָּחֵֽם׃ wegam netsaḥ yiseraʾel loʾ yeshaqer weloʾ yinaḥem kiy loʾ ʾadam huʾ lehinaḥem׃

30 וַיֹּ֣אמֶר חָטָ֔אתִי עַתָּ֗ה כַּבְּדֵ֥נִי נָ֛א נֶ֥גֶד זִקְנֵֽי־עַמִּ֖י וְנֶ֣גֶד יִשְׂרָאֵ֑ל וְשׁ֣וּב עִמִּ֔י וְהִֽשְׁתַּחֲוֵ֖יתִי לַֽיהוָ֥ה אֱלֹהֶֽיךָ׃ wayoʾmer ḥaṭaʾtiy ʿatah kabedeniy naʾ neged ziqeney־ʿamiy weneged yiseraʾel weshuv ʿimiy wehishetaḥaweytiy layhwah ʾeloheykha׃

31 וַיָּ֥שָׁב שְׁמוּאֵ֖ל אַחֲרֵ֣י שָׁא֑וּל וַיִּשְׁתַּ֥חוּ שָׁא֖וּל לַֽיהוָֽה׃ ס wayashav shemuʾel ʾaḥarey shaʾul wayishetaḥu shaʾul layhwah׃ s

32 וַיֹּ֣אמֶר שְׁמוּאֵ֗ל הַגִּ֤ישׁוּ אֵלַי֙ אֶת־אֲגַג֙ מֶ֣לֶךְ עֲמָלֵ֔ק וַיֵּ֣לֶךְ אֵלָ֔יו אֲגַ֖ג מַעֲדַנֹּ֑ת וַיֹּ֣אמֶר אֲגָ֔ג אָכֵ֖ן סָ֥ר מַר־הַמָּֽוֶת׃ ס wayoʾmer shemuʾel hagiyshu ʾelay ʾet־ʾagag melekhe ʿamaleq wayelekhe ʾelayw ʾagag maʿadanot wayoʾmer ʾagag ʾakhen sar mar־hamawet׃ s

33 וַיֹּ֣אמֶר שְׁמוּאֵ֔ל כַּאֲשֶׁ֨ר שִׁכְּלָ֤ה נָשִׁים֙ חַרְבֶּ֔ךָ כֵּן־תִּשְׁכַּ֥ל מִנָּשִׁ֖ים אִמֶּ֑ךָ וַיְשַׁסֵּ֨ף שְׁמוּאֵ֧ל אֶת־אֲגָ֛ג לִפְנֵ֥י יְהוָ֖ה בַּגִּלְגָּֽל׃ ס wayoʾmer shemuʾel kaʾasher shikelah nashiym ḥarebekha ken־tishekal minashiym ʾimekha wayeshasef shemuʾel ʾet־ʾagag lifeney yehwah bagilegal׃ s

34 וַיֵּ֥לֶךְ שְׁמוּאֵ֖ל הָרָמָ֑תָה וְשָׁא֛וּל עָלָ֥ה אֶל־בֵּיתֹ֖ו גִּבְעַ֥ת שָׁאֽוּל׃ wayelekhe shemuʾel haramatah weshaʾul ʿalah ʾel־beytow giveʿat shaʾul׃

35 וְלֹא־יָסַ֨ף שְׁמוּאֵ֜ל לִרְאֹ֤ות אֶת־שָׁאוּל֙ עַד־יֹ֣ום מֹותֹ֔ו כִּֽי־הִתְאַבֵּ֥ל שְׁמוּאֵ֖ל אֶל־שָׁא֑וּל וַיהוָ֣ה נִחָ֔ם כִּֽי־הִמְלִ֥יךְ אֶת־שָׁא֖וּל עַל־יִשְׂרָאֵֽל׃ פ weloʾ־yasaf shemuʾel lireʾowt ʾet־shaʾul ʿad־yowm mowtow kiy־hiteʾabel shemuʾel ʾel־shaʾul wayhwah niḥam kiy־himeliykhe ʾet־shaʾul ʿal־yiseraʾel׃ f