1 הִנֵּ֥ה יֹֽום־בָּ֖א לַֽיהוָ֑ה וְחֻלַּ֥ק שְׁלָלֵ֖ךְ בְּקִרְבֵּֽךְ׃ hineh yowm־baʾ layhwah weḥulaq shelalekhe beqirebekhe׃
2 וְאָסַפְתִּ֨י אֶת־כָּל־הַגֹּויִ֥ם ׀ אֶֽל־יְרוּשָׁלִַם֮ לַמִּלְחָמָה֒ וְנִלְכְּדָ֣ה הָעִ֗יר וְנָשַׁ֙סּוּ֙ הַבָּ֣תִּ֔ים וְהַנָּשִׁ֖ים [תִּשָּׁגַלְנָה כ] (תִּשָּׁכַ֑בְנָה ק) וְיָצָ֞א חֲצִ֤י הָעִיר֙ בַּגֹּולָ֔ה וְיֶ֣תֶר הָעָ֔ם לֹ֥א יִכָּרֵ֖ת מִן־הָעִֽיר׃ weʾasafetiy ʾet־kal־hagowyim ׀ ʾel־yerushalim lamileḥamah wenilekedah haʿiyr wenashasu habatiym wehanashiym [tishagalenah kh] (tishakhavenah q) weyatsaʾ ḥatsiy haʿiyr bagowlah weyeter haʿam loʾ yikaret min־haʿiyr׃
3 וְיָצָ֣א יְהוָ֔ה וְנִלְחַ֖ם בַּגֹּויִ֣ם הָהֵ֑ם כְּיֹ֥ום הִֽלָּחֲמֹ֖ו בְּיֹ֥ום קְרָֽב׃ weyatsaʾ yehwah wenileḥam bagowyim hahem keyowm hilaḥamow beyowm qerav׃
4 וְעָמְד֣וּ רַגְלָ֣יו בַּיֹּום־הַ֠הוּא עַל־הַ֨ר הַזֵּתִ֜ים אֲשֶׁ֨ר עַל־פְּנֵ֥י יְרוּשָׁלִַם֮ מִקֶּדֶם֒ וְנִבְקַע֩ הַ֨ר הַזֵּיתִ֤ים מֵֽחֶצְיֹו֙ מִזְרָ֣חָה וָיָ֔מָּה גֵּ֖יא גְּדֹולָ֣ה מְאֹ֑ד וּמָ֨שׁ חֲצִ֥י הָהָ֛ר צָפֹ֖ונָה וְחֶצְיֹו־נֶֽגְבָּה׃ weʿamedu ragelayw bayowm־hahuʾ ʿal־har hazetiym ʾasher ʿal־peney yerushalim miqedem weniveqaʿ har hazeytiym meḥetseyow mizeraḥah wayamah geyʾ gedowlah meʾod umash ḥatsiy hahar tsafownah weḥetseyow־negebah׃
5 וְנַסְתֶּ֣ם גֵּֽיא־הָרַ֗י כִּֽי־יַגִּ֣יעַ גֵּי־הָרִים֮ אֶל־אָצַל֒ וְנַסְתֶּ֗ם כַּאֲשֶׁ֤ר נַסְתֶּם֙ מִפְּנֵ֣י הָרַ֔עַשׁ בִּימֵ֖י עֻזִּיָּ֣ה מֶֽלֶךְ־יְהוּדָ֑ה וּבָא֙ יְהוָ֣ה אֱלֹהַ֔י כָּל־קְדֹשִׁ֖ים עִמָּֽךְ׃ wenasetem geyʾ־haray kiy־yagiyʿa gey־hariym ʾel־ʾatsal wenasetem kaʾasher nasetem mipeney haraʿash biymey ʿuziyah melekhe־yehudah uvaʾ yehwah ʾelohay kal־qedoshiym ʿimakhe׃
6 וְהָיָ֖ה בַּיֹּ֣ום הַה֑וּא לֹֽא־יִהְיֶ֣ה אֹ֔ור יְקָרֹ֖ות [יִקְפְּאוּן כ] (וְקִפָּאֹֽון׃ ק) wehayah bayowm hahuʾ loʾ־yiheyeh ʾowr yeqarowt [yiqepeʾun kh] (weqipaʾown׃ q)
7 וְהָיָ֣ה יֹום־אֶחָ֗ד ה֛וּא יִוָּדַ֥ע לַֽיהוָ֖ה לֹא־יֹ֣ום וְלֹא־לָ֑יְלָה וְהָיָ֥ה לְעֵֽת־עֶ֖רֶב יִֽהְיֶה־אֹֽור׃ wehayah yowm־ʾeḥad huʾ yiuadaʿ layhwah loʾ־yowm weloʾ־layelah wehayah leʿet־ʿerev yiheyeh־ʾowr׃
8 וְהָיָ֣ה ׀ בַּיֹּ֣ום הַה֗וּא יֵצְא֤וּ מַֽיִם־חַיִּים֙ מִיר֣וּשָׁלִַ֔ם חֶצְיָ֗ם אֶל־הַיָּם֙ הַקַּדְמֹונִ֔י וְחֶצְיָ֖ם אֶל־הַיָּ֣ם הָאַחֲרֹ֑ון בַּקַּ֥יִץ וּבָחֹ֖רֶף יִֽהְיֶֽה׃ wehayah ׀ bayowm hahuʾ yetseʾu mayim־ḥayiym miyrushalim ḥetseyam ʾel־hayam haqademowniy weḥetseyam ʾel־hayam haʾaḥarown baqayits uvaḥoref yiheyeh׃
9 וְהָיָ֧ה יְהוָ֛ה לְמֶ֖לֶךְ עַל־כָּל־הָאָ֑רֶץ בַּיֹּ֣ום הַה֗וּא יִהְיֶ֧ה יְהוָ֛ה אֶחָ֖ד וּשְׁמֹ֥ו אֶחָֽד׃ wehayah yehwah lemelekhe ʿal־kal־haʾarets bayowm hahuʾ yiheyeh yehwah ʾeḥad ushemow ʾeḥad׃
10 יִסֹּ֨וב כָּל־הָאָ֤רֶץ כָּעֲרָבָה֙ מִגֶּ֣בַע לְרִמֹּ֔ון נֶ֖גֶב יְרֽוּשָׁלִָ֑ם וְֽרָאֲמָה֩ וְיָשְׁבָ֨ה תַחְתֶּ֜יהָ לְמִשַּׁ֣עַר בִּנְיָמִ֗ן עַד־מְקֹ֞ום שַׁ֤עַר הָֽרִאשֹׁון֙ עַד־שַׁ֣עַר הַפִּנִּ֔ים וּמִגְדַּ֣ל חֲנַנְאֵ֔ל עַ֖ד יִקְבֵ֥י הַמֶּֽלֶךְ׃ yisowv kal־haʾarets kaʿaravah migevaʿ lerimown negev yerushalim weraʾamah weyashevah taḥeteyha lemishaʿar bineyamin ʿad־meqowm shaʿar hariʾshown ʿad־shaʿar hapiniym umigedal ḥananeʾel ʿad yiqevey hamelekhe׃
11 וְיָ֣שְׁבוּ בָ֔הּ וְחֵ֖רֶם לֹ֣א יִֽהְיֶה־עֹ֑וד וְיָשְׁבָ֥ה יְרוּשָׁלִַ֖ם לָבֶֽטַח׃ weyashevu vah weḥerem loʾ yiheyeh־ʿowd weyashevah yerushalim laveṭaḥ׃
12 וְזֹ֣את ׀ תִּֽהְיֶ֣ה הַמַּגֵּפָ֗ה אֲשֶׁ֨ר יִגֹּ֤ף יְהוָה֙ אֶת־כָּל־הָ֣עַמִּ֔ים אֲשֶׁ֥ר צָבְא֖וּ עַל־יְרוּשָׁלִָ֑ם הָמֵ֣ק ׀ בְּשָׂרֹ֗ו וְהוּא֙ עֹמֵ֣ד עַל־רַגְלָ֔יו וְעֵינָיו֙ תִּמַּ֣קְנָה בְחֹֽרֵיהֶ֔ן וּלְשֹׁונֹ֖ו תִּמַּ֥ק בְּפִיהֶֽם׃ wezoʾt ׀ tiheyeh hamagefah ʾasher yigof yehwah ʾet־kal־haʿamiym ʾasher tsaveʾu ʿal־yerushalim hameq ׀ besarow wehuʾ ʿomed ʿal־ragelayw weʿeynayw timaqenah veḥoreyhen uleshownow timaq befiyhem׃
13 וְהָיָה֙ בַּיֹּ֣ום הַה֔וּא תִּֽהְיֶ֧ה מְהֽוּמַת־יְהוָ֛ה רַבָּ֖ה בָּהֶ֑ם וְהֶחֱזִ֗יקוּ אִ֚ישׁ יַ֣ד רֵעֵ֔הוּ וְעָלְתָ֥ה יָדֹ֖ו עַל־יַ֥ד רֵעֵֽהוּ׃ wehayah bayowm hahuʾ tiheyeh mehumat־yehwah rabah bahem weheḥeziyqu ʾiysh yad reʿehu weʿaletah yadow ʿal־yad reʿehu׃
14 וְגַ֨ם־יְהוּדָ֔ה תִּלָּחֵ֖ם בִּירֽוּשָׁלִָ֑ם וְאֻסַּף֩ חֵ֨יל כָּל־הַגֹּויִ֜ם סָבִ֗יב זָהָ֥ב וָכֶ֛סֶף וּבְגָדִ֖ים לָרֹ֥ב מְאֹֽד׃ wegam־yehudah tilaḥem biyrushalim weʾusaf ḥeyl kal־hagowyim saviyv zahav wakhesef uvegadiym larov meʾod׃
15 וְכֵ֨ן תִּֽהְיֶ֜ה מַגֵּפַ֣ת הַסּ֗וּס הַפֶּ֙רֶד֙ הַגָּמָ֣ל וְהַחֲמֹ֔ור וְכָ֨ל־הַבְּהֵמָ֔ה אֲשֶׁ֥ר יִהְיֶ֖ה בַּמַּחֲנֹ֣ות הָהֵ֑מָּה כַּמַּגֵּפָ֖ה הַזֹּֽאת׃ wekhen tiheyeh magefat hasus hapered hagamal wehaḥamowr wekhal־habehemah ʾasher yiheyeh bamaḥanowt hahemah kamagefah hazoʾt׃
16 וְהָיָ֗ה כָּל־הַנֹּותָר֙ מִכָּל־הַגֹּויִ֔ם הַבָּאִ֖ים עַל־יְרֽוּשָׁלִָ֑ם וְעָל֞וּ מִדֵּ֧י שָׁנָ֣ה בְשָׁנָ֗ה לְהִֽשְׁתַּחֲוֹת֙ לְמֶ֙לֶךְ֙ יְהוָ֣ה צְבָאֹ֔ות וְלָחֹ֖ג אֶת־חַ֥ג הַסֻּכֹּֽות׃ wehayah kal־hanowtar mikal־hagowyim habaʾiym ʿal־yerushalim weʿalu midey shanah veshanah lehishetaḥaot lemelekhe yehwah tsevaʾowt welaḥog ʾet־ḥag hasukowt׃
17 וְ֠הָיָה אֲשֶׁ֨ר לֹֽא־יַעֲלֶ֜ה מֵאֵ֨ת מִשְׁפְּחֹ֤ות הָאָ֙רֶץ֙ אֶל־יְר֣וּשָׁלִַ֔ם לְהִֽשְׁתַּחֲוֹ֔ת לְמֶ֖לֶךְ יְהוָ֣ה צְבָאֹ֑ות וְלֹ֥א עֲלֵיהֶ֖ם יִהְיֶ֥ה הַגָּֽשֶׁם׃ wehayah ʾasher loʾ־yaʿaleh meʾet mishepeḥowt haʾarets ʾel־yerushalim lehishetaḥaot lemelekhe yehwah tsevaʾowt weloʾ ʿaleyhem yiheyeh hagashem׃
18 וְאִם־מִשְׁפַּ֨חַת מִצְרַ֧יִם לֹֽא־תַעֲלֶ֛ה וְלֹ֥א בָאָ֖ה וְלֹ֣א עֲלֵיהֶ֑ם תִּֽהְיֶ֣ה הַמַּגֵּפָ֗ה אֲשֶׁ֨ר יִגֹּ֤ף יְהוָה֙ אֶת־הַגֹּויִ֔ם אֲשֶׁר֙ לֹ֣א יַֽעֲל֔וּ לָחֹ֖ג אֶת־חַ֥ג הַסֻּכֹּֽות׃ weʾim־mishepaḥat mitserayim loʾ־taʿaleh weloʾ vaʾah weloʾ ʿaleyhem tiheyeh hamagefah ʾasher yigof yehwah ʾet־hagowyim ʾasher loʾ yaʿalu laḥog ʾet־ḥag hasukowt׃
19 זֹ֥את תִּהְיֶ֖ה חַטַּ֣את מִצְרָ֑יִם וְחַטַּאת֙ כָּל־הַגֹּויִ֔ם אֲשֶׁר֙ לֹ֣א יַֽעֲל֔וּ לָחֹ֖ג אֶת־חַ֥ג הַסֻּכֹּֽות׃ zoʾt tiheyeh ḥaṭaʾt mitserayim weḥaṭaʾt kal־hagowyim ʾasher loʾ yaʿalu laḥog ʾet־ḥag hasukowt׃
20 בַּיֹּ֣ום הַה֗וּא יִֽהְיֶה֙ עַל־מְצִלֹּ֣ות הַסּ֔וּס קֹ֖דֶשׁ לַֽיהוָ֑ה וְהָיָ֤ה הַסִּירֹות֙ בְּבֵ֣ית יְהוָ֔ה כַּמִּזְרָקִ֖ים לִפְנֵ֥י הַמִּזְבֵּֽחַ׃ bayowm hahuʾ yiheyeh ʿal־metsilowt hasus qodesh layhwah wehayah hasiyrowt beveyt yehwah kamizeraqiym lifeney hamizebeaḥ׃
21 וְ֠הָיָה כָּל־סִ֨יר בִּירוּשָׁלִַ֜ם וּבִֽיהוּדָ֗ה קֹ֚דֶשׁ לַיהוָ֣ה צְבָאֹ֔ות וּבָ֙אוּ֙ כָּל־הַזֹּ֣בְחִ֔ים וְלָקְח֥וּ מֵהֶ֖ם וּבִשְּׁל֣וּ בָהֶ֑ם וְלֹא־יִהְיֶ֨ה כְנַעֲנִ֥י עֹ֛וד בְּבֵית־יְהוָ֥ה צְבָאֹ֖ות בַּיֹּ֥ום הַהֽוּא׃ wehayah kal־siyr biyrushalim uviyhudah qodesh layhwah tsevaʾowt uvaʾu kal־hazoveḥiym welaqeḥu mehem uvishelu vahem weloʾ־yiheyeh khenaʿaniy ʿowd beveyt־yehwah tsevaʾowt bayowm hahuʾ׃