Ecclésiaste 9

¹ כִּ֣י אֶת־כָּל־זֶ֞ה נָתַ֤תִּי אֶל־לִבִּי֙ וְלָב֣וּר אֶת־כָּל־זֶ֔ה אֲשֶׁ֨ר הַצַּדִּיקִ֧ים וְהַחֲכָמִ֛ים וַעֲבָדֵיהֶ֖ם בְּיַ֣ד הָאֱלֹהִ֑ים גַּֽם־אַהֲבָ֣ה גַם־שִׂנְאָ֗ה אֵ֤ין יֹודֵ֙עַ֙ הָֽאָדָ֔ם הַכֹּ֖ל לִפְנֵיהֶֽם׃ kiy ʾet־kal־zeh natatiy ʾel־libiy welavur ʾet־kal־zeh ʾasher hatsadiyqiym wehaḥakhamiym waʿavadeyhem beyad haʾelohiym gam־ʾahavah gam־sineʾah ʾeyn yowdeaʿ haʾadam hakol lifeneyhem׃

² הַכֹּ֞ל כַּאֲשֶׁ֣ר לַכֹּ֗ל מִקְרֶ֨ה אֶחָ֜ד לַצַּדִּ֤יק וְלָרָשָׁע֙ לַטֹּוב֙ וְלַטָּהֹ֣ור וְלַטָּמֵ֔א וְלַזֹּבֵ֔חַ וְלַאֲשֶׁ֖ר אֵינֶ֣נּוּ זֹבֵ֑חַ כַּטֹּוב֙ כַּֽחֹטֶ֔א הַנִּשְׁבָּ֕ע כַּאֲשֶׁ֖ר שְׁבוּעָ֥ה יָרֵֽא׃ hakol kaʾasher lakol miqereh ʾeḥad latsadiyq welarashaʿ laṭowv welaṭahowr welaṭameʾ welazoveaḥ welaʾasher ʾeynenu zoveaḥ kaṭowv kaḥoṭeʾ hanishebaʿ kaʾasher shevuʿah yareʾ׃

³ זֶ֣ה ׀ רָ֗ע בְּכֹ֤ל אֲשֶֽׁר־נַעֲשָׂה֙ תַּ֣חַת הַשֶּׁ֔מֶשׁ כִּֽי־מִקְרֶ֥ה אֶחָ֖ד לַכֹּ֑ל וְגַ֣ם לֵ֣ב בְּֽנֵי־הָ֠אָדָם מָלֵא־רָ֨ע וְהֹולֵלֹ֤ות בִּלְבָבָם֙ בְּחַיֵּיהֶ֔ם וְאַחֲרָ֖יו אֶל־הַמֵּתִֽים׃ zeh ׀ raʿ bekhol ʾasher־naʿasah taḥat hashemesh kiy־miqereh ʾeḥad lakol wegam lev beney־haʾadam maleʾ־raʿ wehowlelowt bilevavam beḥayeyhem weʾaḥarayw ʾel־hametiym׃

⁴ כִּי־מִי֙ אֲשֶׁ֣ר [יִבָּחֵר כ] (יְחֻבַּ֔ר ק) אֶ֥ל כָּל־הַחַיִּ֖ים יֵ֣שׁ בִּטָּחֹ֑ון כִּֽי־לְכֶ֤לֶב חַי֙ ה֣וּא טֹ֔וב מִן־הָאַרְיֵ֖ה הַמֵּֽת׃ kiy־miy ʾasher [yibaḥer kh] (yeḥubar q) ʾel kal־haḥayiym yesh biṭaḥown kiy־lekhelev ḥay huʾ ṭowv min־haʾareyeh hamet׃

⁵ כִּ֧י הַֽחַיִּ֛ים יֹודְעִ֖ים שֶׁיָּמֻ֑תוּ וְהַמֵּתִ֞ים אֵינָ֧ם יֹודְעִ֣ים מְא֗וּמָה וְאֵֽין־עֹ֤וד לָהֶם֙ שָׂכָ֔ר כִּ֥י נִשְׁכַּ֖ח זִכְרָֽם׃ kiy haḥayiym yowdeʿiym sheyamutu wehametiym ʾeynam yowdeʿiym meʾumah weʾeyn־ʿowd lahem sakhar kiy nishekaḥ zikheram׃

⁶ גַּ֣ם אַהֲבָתָ֧ם גַּם־שִׂנְאָתָ֛ם גַּם־קִנְאָתָ֖ם כְּבָ֣ר אָבָ֑דָה וְחֵ֨לֶק אֵין־לָהֶ֥ם עֹוד֙ לְעֹולָ֔ם בְּכֹ֥ל אֲשֶֽׁר־נַעֲשָׂ֖ה תַּ֥חַת הַשָּֽׁמֶשׁ׃ gam ʾahavatam gam־sineʾatam gam־qineʾatam kevar ʾavadah weḥeleq ʾeyn־lahem ʿowd leʿowlam bekhol ʾasher־naʿasah taḥat hashamesh׃

⁷ לֵ֣ךְ אֱכֹ֤ל בְּשִׂמְחָה֙ לַחְמֶ֔ךָ וּֽשֲׁתֵ֥ה בְלֶב־טֹ֖וב יֵינֶ֑ךָ כִּ֣י כְבָ֔ר רָצָ֥ה הָאֱלֹהִ֖ים אֶֽת־מַעֲשֶֽׂיךָ׃ lekhe ʾekhol besimeḥah laḥemekha ushateh velev־ṭowv yeynekha kiy khevar ratsah haʾelohiym ʾet־maʿaseykha׃

⁸ בְּכָל־עֵ֕ת יִהְי֥וּ בְגָדֶ֖יךָ לְבָנִ֑ים וְשֶׁ֖מֶן עַל־רֹאשְׁךָ֥ אַל־יֶחְסָֽר׃ bekhal־ʿet yiheyu vegadeykha levaniym weshemen ʿal־roʾshekha ʾal־yeḥesar׃

⁹ רְאֵ֨ה חַיִּ֜ים עִם־אִשָּׁ֣ה אֲשֶׁר־אָהַ֗בְתָּ כָּל־יְמֵי֙ חַיֵּ֣י הֶבְלֶ֔ךָ אֲשֶׁ֤ר נָֽתַן־לְךָ֙ תַּ֣חַת הַשֶּׁ֔מֶשׁ כֹּ֖ל יְמֵ֣י הֶבְלֶ֑ךָ כִּ֣י ה֤וּא חֶלְקְךָ֙ בַּֽחַיִּ֔ים וּבַעֲמָ֣לְךָ֔ אֲשֶׁר־אַתָּ֥ה עָמֵ֖ל תַּ֥חַת הַשָּֽׁמֶשׁ׃ reʾeh ḥayiym ʿim־ʾishah ʾasher־ʾahaveta kal־yemey ḥayey hevelekha ʾasher natan־lekha taḥat hashemesh kol yemey hevelekha kiy huʾ ḥeleqekha baḥayiym uvaʿamalekha ʾasher־ʾatah ʿamel taḥat hashamesh׃

¹⁰ כֹּ֠ל אֲשֶׁ֨ר תִּמְצָ֧א יָֽדְךָ֛ לַעֲשֹׂ֥ות בְּכֹחֲךָ֖ עֲשֵׂ֑ה כִּי֩ אֵ֨ין מַעֲשֶׂ֤ה וְחֶשְׁבֹּון֙ וְדַ֣עַת וְחָכְמָ֔ה בִּשְׁאֹ֕ול אֲשֶׁ֥ר אַתָּ֖ה הֹלֵ֥ךְ שָֽׁמָּה׃ ס kol ʾasher timetsaʾ yadekha laʿasowt bekhoḥakha ʿaseh kiy ʾeyn maʿaseh weḥeshebown wedaʿat weḥakhemah bisheʾowl ʾasher ʾatah holekhe shamah׃ s

¹¹ שַׁ֜בְתִּי וְרָאֹ֣ה תַֽחַת־הַשֶּׁ֗מֶשׁ כִּ֣י לֹא֩ לַקַּלִּ֨ים הַמֵּרֹ֜וץ וְלֹ֧א לַגִּבֹּורִ֣ים הַמִּלְחָמָ֗ה וְ֠גַם לֹ֣א לַחֲכָמִ֥ים לֶ֙חֶם֙ וְגַ֨ם לֹ֤א לַנְּבֹנִים֙ עֹ֔שֶׁר וְגַ֛ם לֹ֥א לַיֹּדְעִ֖ים חֵ֑ן כִּי־עֵ֥ת וָפֶ֖גַע יִקְרֶ֥ה אֶת־כֻּלָּֽם׃ shavetiy weraʾoh taḥat־hashemesh kiy loʾ laqaliym hamerowts weloʾ lagibowriym hamileḥamah wegam loʾ laḥakhamiym leḥem wegam loʾ lanevoniym ʿosher wegam loʾ layodeʿiym ḥen kiy־ʿet wafegaʿ yiqereh ʾet־kulam׃

¹² כִּ֡י גַּם֩ לֹֽא־יֵדַ֨ע הָאָדָ֜ם אֶת־עִתֹּ֗ו כַּדָּגִים֙ שֶׁנֶּֽאֱחָזִים֙ בִּמְצֹודָ֣ה רָעָ֔ה וְכַ֨צִּפֳּרִ֔ים הָאֲחֻזֹ֖ות בַּפָּ֑ח כָּהֵ֗ם יֽוּקָשִׁים֙ בְּנֵ֣י הָֽאָדָ֔ם לְעֵ֣ת רָעָ֔ה כְּשֶׁתִּפֹּ֥ול עֲלֵיהֶ֖ם פִּתְאֹֽם׃ kiy gam loʾ־yedaʿ haʾadam ʾet־ʿitow kadagiym sheneʾeḥaziym bimetsowdah raʿah wekhatsiporiym haʾaḥuzowt bapaḥ kahem yuqashiym beney haʾadam leʿet raʿah keshetipowl ʿaleyhem piteʾom׃

¹³ גַּם־זֹ֛ה רָאִ֥יתִי חָכְמָ֖ה תַּ֣חַת הַשָּׁ֑מֶשׁ וּגְדֹולָ֥ה הִ֖יא אֵלָֽי׃ gam־zoh raʾiytiy ḥakhemah taḥat hashamesh ugedowlah hiyʾ ʾelay׃

¹⁴ עִ֣יר קְטַנָּ֔ה וַאֲנָשִׁ֥ים בָּ֖הּ מְעָ֑ט וּבָֽא־אֵלֶ֜יהָ מֶ֤לֶךְ גָּדֹול֙ וְסָבַ֣ב אֹתָ֔הּ וּבָנָ֥ה עָלֶ֖יהָ מְצֹודִ֥ים גְּדֹלִֽים׃ ʿiyr qeṭanah waʾanashiym bah meʿaṭ uvaʾ־ʾeleyha melekhe gadowl wesavav ʾotah uvanah ʿaleyha metsowdiym gedoliym׃

¹⁵ וּמָ֣צָא בָ֗הּ אִ֤ישׁ מִסְכֵּן֙ חָכָ֔ם וּמִלַּט־ה֥וּא אֶת־הָעִ֖יר בְּחָכְמָתֹ֑ו וְאָדָם֙ לֹ֣א זָכַ֔ר אֶת־הָאִ֥ישׁ הַמִּסְכֵּ֖ן הַהֽוּא׃ umatsaʾ vah ʾiysh miseken ḥakham umilaṭ־huʾ ʾet־haʿiyr beḥakhematow weʾadam loʾ zakhar ʾet־haʾiysh hamiseken hahuʾ׃

¹⁶ וְאָמַ֣רְתִּי אָ֔נִי טֹובָ֥ה חָכְמָ֖ה מִגְּבוּרָ֑ה וְחָכְמַ֤ת הַמִּסְכֵּן֙ בְּזוּיָ֔ה וּדְבָרָ֖יו אֵינָ֥ם נִשְׁמָעִֽים׃ weʾamaretiy ʾaniy ṭowvah ḥakhemah migevurah weḥakhemat hamiseken bezuyah udevarayw ʾeynam nishemaʿiym׃

¹⁷ דִּבְרֵ֣י חֲכָמִ֔ים בְּנַ֖חַת נִשְׁמָעִ֑ים מִזַּעֲקַ֥ת מֹושֵׁ֖ל בַּכְּסִילִֽים׃ diverey ḥakhamiym benaḥat nishemaʿiym mizaʿaqat mowshel bakesiyliym׃

¹⁸ טֹובָ֥ה חָכְמָ֖ה מִכְּלֵ֣י קְרָ֑ב וְחֹוטֶ֣א אֶחָ֔ד יְאַבֵּ֥ד טֹובָ֥ה הַרְבֵּֽה׃ ṭowvah ḥakhemah mikeley qerav weḥowṭeʾ ʾeḥad yeʾabed ṭowvah harebeh׃