1 וַיְהִ֥י דְבַר־שְׁמוּאֵ֖ל לְכָל־יִשְׂרָאֵ֑ל וַיֵּצֵ֣א יִשְׂרָאֵל֩ לִקְרַ֨את פְּלִשְׁתִּ֜ים לַמִּלְחָמָ֗ה וַֽיַּחֲנוּ֙ עַל־הָאֶ֣בֶן הָעֵ֔זֶר וּפְלִשְׁתִּ֖ים חָנ֥וּ בַאֲפֵֽק׃ wayehiy devar־shemuʾel lekhal־yiseraʾel wayetseʾ yiseraʾel liqeraʾt pelishetiym lamileḥamah wayaḥanu ʿal־haʾeven haʿezer ufelishetiym ḥanu vaʾafeq׃
2 וַיַּעַרְכ֨וּ פְלִשְׁתִּ֜ים לִקְרַ֣את יִשְׂרָאֵ֗ל וַתִּטֹּשׁ֙ הַמִּלְחָמָ֔ה וַיִּנָּ֥גֶף יִשְׂרָאֵ֖ל לִפְנֵ֣י פְלִשְׁתִּ֑ים וַיַּכּ֤וּ בַמַּֽעֲרָכָה֙ בַּשָּׂדֶ֔ה כְּאַרְבַּ֥עַת אֲלָפִ֖ים אִֽישׁ׃ wayaʿarekhu felishetiym liqeraʾt yiseraʾel watiṭosh hamileḥamah wayinagef yiseraʾel lifeney felishetiym wayaku vamaʿarakhah basadeh keʾarebaʿat ʾalafiym ʾiysh׃
3 וַיָּבֹ֣א הָעָם֮ אֶל־הַֽמַּחֲנֶה֒ וַיֹּֽאמְרוּ֙ זִקְנֵ֣י יִשְׂרָאֵ֔ל לָ֣מָּה נְגָפָ֧נוּ יְהוָ֛ה הַיֹּ֖ום לִפְנֵ֣י פְלִשְׁתִּ֑ים נִקְחָ֧ה אֵלֵ֣ינוּ מִשִּׁלֹ֗ה אֶת־אֲרֹון֙ בְּרִ֣ית יְהוָ֔ה וְיָבֹ֣א בְקִרְבֵּ֔נוּ וְיֹשִׁעֵ֖נוּ מִכַּ֥ף אֹיְבֵֽינוּ׃ wayavoʾ haʿam ʾel־hamaḥaneh wayoʾmeru ziqeney yiseraʾel lamah negafanu yehwah hayowm lifeney felishetiym niqeḥah ʾeleynu mishiloh ʾet־ʾarown beriyt yehwah weyavoʾ veqirebenu weyoshiʿenu mikaf ʾoyeveynu׃
4 וַיִּשְׁלַ֤ח הָעָם֙ שִׁלֹ֔ה וַיִּשְׂא֣וּ מִשָּׁ֗ם אֵ֣ת אֲרֹ֧ון בְּרִית־יְהוָ֛ה צְבָאֹ֖ות יֹשֵׁ֣ב הַכְּרֻבִ֑ים וְשָׁ֞ם שְׁנֵ֣י בְנֵֽי־עֵלִ֗י עִם־אֲרֹון֙ בְּרִ֣ית הָאֱלֹהִ֔ים חָפְנִ֖י וּפִֽינְחָֽס׃ wayishelaḥ haʿam shiloh wayiseʾu misham ʾet ʾarown beriyt־yehwah tsevaʾowt yoshev hakeruviym wesham sheney veney־ʿeliy ʿim־ʾarown beriyt haʾelohiym ḥafeniy ufiyneḥas׃
5 וַיְהִ֗י כְּבֹ֨וא אֲרֹ֤ון בְּרִית־יְהוָה֙ אֶל־הַֽמַּחֲנֶ֔ה וַיָּרִ֥עוּ כָל־יִשְׂרָאֵ֖ל תְּרוּעָ֣ה גְדֹולָ֑ה וַתֵּהֹ֖ם הָאָֽרֶץ׃ wayehiy kevowʾ ʾarown beriyt־yehwah ʾel־hamaḥaneh wayariʿu khal־yiseraʾel teruʿah gedowlah watehom haʾarets׃
6 וַיִּשְׁמְע֤וּ פְלִשְׁתִּים֙ אֶת־קֹ֣ול הַתְּרוּעָ֔ה וַיֹּ֣אמְר֔וּ מֶ֠ה קֹ֣ול הַתְּרוּעָ֧ה הַגְּדֹולָ֛ה הַזֹּ֖את בְּמַחֲנֵ֣ה הָעִבְרִ֑ים וַיֵּ֣דְע֔וּ כִּ֚י אֲרֹ֣ון יְהוָ֔ה בָּ֖א אֶל־הַֽמַּחֲנֶֽה׃ wayishemeʿu felishetiym ʾet־qowl hateruʿah wayoʾmeru meh qowl hateruʿah hagedowlah hazoʾt bemaḥaneh haʿiveriym wayedeʿu kiy ʾarown yehwah baʾ ʾel־hamaḥaneh׃
7 וַיִּֽרְאוּ֙ הַפְּלִשְׁתִּ֔ים כִּ֣י אָמְר֔וּ בָּ֥א אֱלֹהִ֖ים אֶל־הַֽמַּחֲנֶ֑ה וַיֹּאמְרוּ֙ אֹ֣וי לָ֔נוּ כִּ֣י לֹ֥א הָיְתָ֛ה כָּזֹ֖את אֶתְמֹ֥ול שִׁלְשֹֽׁם׃ wayireʾu hapelishetiym kiy ʾameru baʾ ʾelohiym ʾel־hamaḥaneh wayoʾmeru ʾowy lanu kiy loʾ hayetah kazoʾt ʾetemowl shileshom׃
8 אֹ֣וי לָ֔נוּ מִ֣י יַצִּילֵ֔נוּ מִיַּ֛ד הָאֱלֹהִ֥ים הָאַדִּירִ֖ים הָאֵ֑לֶּה אֵ֧לֶּה הֵ֣ם הָאֱלֹהִ֗ים הַמַּכִּ֧ים אֶת־מִצְרַ֛יִם בְּכָל־מַכָּ֖ה בַּמִּדְבָּֽר׃ ʾowy lanu miy yatsiylenu miyad haʾelohiym haʾadiyriym haʾeleh ʾeleh hem haʾelohiym hamakiym ʾet־mitserayim bekhal־makah bamidebar׃
9 הִֽתְחַזְּק֞וּ וִֽהְי֤וּ לַֽאֲנָשִׁים֙ פְּלִשְׁתִּ֔ים פֶּ֚ן תַּעַבְד֣וּ לָעִבְרִ֔ים כַּאֲשֶׁ֥ר עָבְד֖וּ לָכֶ֑ם וִהְיִיתֶ֥ם לַאֲנָשִׁ֖ים וְנִלְחַמְתֶּֽם׃ hiteḥazequ wiheyu laʾanashiym pelishetiym pen taʿavedu laʿiveriym kaʾasher ʿavedu lakhem wiheyiytem laʾanashiym wenileḥametem׃
10 וַיִּלָּחֲמ֣וּ פְלִשְׁתִּ֗ים וַיִּנָּ֤גֶף יִשְׂרָאֵל֙ וַיָּנֻ֙סוּ֙ אִ֣ישׁ לְאֹהָלָ֔יו וַתְּהִ֥י הַמַּכָּ֖ה גְּדֹולָ֣ה מְאֹ֑ד וַיִּפֹּל֙ מִיִּשְׂרָאֵ֔ל שְׁלֹשִׁ֥ים אֶ֖לֶף רַגְלִֽי׃ wayilaḥamu felishetiym wayinagef yiseraʾel wayanusu ʾiysh leʾohalayw watehiy hamakah gedowlah meʾod wayipol miyiseraʾel sheloshiym ʾelef rageliy׃
11 וַאֲרֹ֥ון אֱלֹהִ֖ים נִלְקָ֑ח וּשְׁנֵ֤י בְנֵֽי־עֵלִי֙ מֵ֔תוּ חָפְנִ֖י וּפִֽינְחָֽס׃ waʾarown ʾelohiym nileqaḥ usheney veney־ʿeliy metu ḥafeniy ufiyneḥas׃
12 וַיָּ֤רָץ אִישׁ־בִּנְיָמִן֙ מֵהַמַּ֣עֲרָכָ֔ה וַיָּבֹ֥א שִׁלֹ֖ה בַּיֹּ֣ום הַה֑וּא וּמַדָּ֣יו קְרֻעִ֔ים וַאֲדָמָ֖ה עַל־רֹאשֹֽׁו׃ wayarats ʾiysh־bineyamin mehamaʿarakhah wayavoʾ shiloh bayowm hahuʾ umadayw qeruʿiym waʾadamah ʿal־roʾshow׃
13 וַיָּבֹ֗וא וְהִנֵּ֣ה עֵ֠לִי יֹשֵׁ֨ב עַֽל־הַכִּסֵּ֜א [יַךְ כ] (יַ֥ד ק) דֶּ֙רֶךְ֙ מְצַפֶּ֔ה כִּֽי־הָיָ֤ה לִבֹּו֙ חָרֵ֔ד עַ֖ל אֲרֹ֣ון הָאֱלֹהִ֑ים וְהָאִ֗ישׁ בָּ֚א לְהַגִּ֣יד בָּעִ֔יר וַתִּזְעַ֖ק כָּל־הָעִֽיר׃ wayavowʾ wehineh ʿeliy yoshev ʿal־hakiseʾ [yakhe kh] (yad q) derekhe metsapeh kiy־hayah libow ḥared ʿal ʾarown haʾelohiym wehaʾiysh baʾ lehagiyd baʿiyr watizeʿaq kal־haʿiyr׃
14 וַיִּשְׁמַ֤ע עֵלִי֙ אֶת־קֹ֣ול הַצְּעָקָ֔ה וַיֹּ֕אמֶר מֶ֛ה קֹ֥ול הֶהָמֹ֖ון הַזֶּ֑ה וְהָאִ֣ישׁ מִהַ֔ר וַיָּבֹ֖א וַיַּגֵּ֥ד לְעֵלִֽי׃ wayishemaʿ ʿeliy ʾet־qowl hatseʿaqah wayoʾmer meh qowl hehamown hazeh wehaʾiysh mihar wayavoʾ wayaged leʿeliy׃
15 וְעֵלִ֕י בֶּן־תִּשְׁעִ֥ים וּשְׁמֹנֶ֖ה שָׁנָ֑ה וְעֵינָ֣יו קָ֔מָה וְלֹ֥א יָכֹ֖ול לִרְאֹֽות׃ weʿeliy ben־tisheʿiym ushemoneh shanah weʿeynayw qamah weloʾ yakhowl lireʾowt׃
16 וַיֹּ֨אמֶר הָאִ֜ישׁ אֶל־עֵלִ֗י אָֽנֹכִי֙ הַבָּ֣א מִן־הַמַּעֲרָכָ֔ה וַאֲנִ֕י מִן־הַמַּעֲרָכָ֖ה נַ֣סְתִּי הַיֹּ֑ום וַיֹּ֛אמֶר מֶֽה־הָיָ֥ה הַדָּבָ֖ר בְּנִֽי׃ wayoʾmer haʾiysh ʾel־ʿeliy ʾanokhiy habaʾ min־hamaʿarakhah waʾaniy min־hamaʿarakhah nasetiy hayowm wayoʾmer meh־hayah hadavar beniy׃
17 וַיַּ֨עַן הַֽמְבַשֵּׂ֜ר וַיֹּ֗אמֶר נָ֤ס יִשְׂרָאֵל֙ לִפְנֵ֣י פְלִשְׁתִּ֔ים וְגַ֛ם מַגֵּפָ֥ה גְדֹולָ֖ה הָיְתָ֣ה בָעָ֑ם וְגַם־שְׁנֵ֨י בָנֶ֜יךָ מֵ֗תוּ חָפְנִי֙ וּפִ֣ינְחָ֔ס וַאֲרֹ֥ון הָאֱלֹהִ֖ים נִלְקָֽחָה׃ פ wayaʿan hamevaser wayoʾmer nas yiseraʾel lifeney felishetiym wegam magefah gedowlah hayetah vaʿam wegam־sheney vaneykha metu ḥafeniy ufiyneḥas waʾarown haʾelohiym nileqaḥah׃ f
18 וַיְהִ֞י כְּהַזְכִּירֹ֣ו ׀ אֶת־אֲרֹ֣ון הָאֱלֹהִ֗ים וַיִּפֹּ֣ל מֵֽעַל־הַ֠כִּסֵּא אֲחֹ֨רַנִּ֜ית בְּעַ֣ד ׀ יַ֣ד הַשַּׁ֗עַר וַתִּשָּׁבֵ֤ר מַפְרַקְתֹּו֙ וַיָּמֹ֔ת כִּֽי־זָקֵ֥ן הָאִ֖ישׁ וְכָבֵ֑ד וְה֛וּא שָׁפַ֥ט אֶת־יִשְׂרָאֵ֖ל אַרְבָּעִ֥ים שָׁנָֽה׃ wayehiy kehazekiyrow ׀ ʾet־ʾarown haʾelohiym wayipol meʿal־hakiseʾ ʾaḥoraniyt beʿad ׀ yad hashaʿar watishaver maferaqetow wayamot kiy־zaqen haʾiysh wekhaved wehuʾ shafaṭ ʾet־yiseraʾel ʾarebaʿiym shanah׃
19 וְכַלָּתֹ֣ו אֵֽשֶׁת־פִּינְחָס֮ הָרָ֣ה לָלַת֒ וַתִּשְׁמַ֣ע אֶת־הַשְּׁמֻעָ֔ה אֶל־הִלָּקַח֙ אֲרֹ֣ון הָאֱלֹהִ֔ים וּמֵ֥ת חָמִ֖יהָ וְאִישָׁ֑הּ וַתִּכְרַ֣ע וַתֵּ֔לֶד כִּֽי־נֶהֶפְכ֥וּ עָלֶ֖יהָ צִרֶֽיהָ׃ wekhalatow ʾeshet־piyneḥas harah lalat watishemaʿ ʾet־hashemuʿah ʾel־hilaqaḥ ʾarown haʾelohiym umet ḥamiyha weʾiyshah watikheraʿ wateled kiy־nehefekhu ʿaleyha tsireyha׃
20 וּכְעֵ֣ת מוּתָ֗הּ וַתְּדַבֵּ֙רְנָה֙ הַנִּצָּבֹ֣ות עָלֶ֔יהָ אַל־תִּֽירְאִ֖י כִּ֣י בֵ֣ן יָלָ֑דְתְּ וְלֹ֥א עָנְתָ֖ה וְלֹא־שָׁ֥תָה לִבָּֽהּ׃ ukheʿet mutah watedaberenah hanitsavowt ʿaleyha ʾal־tiyreʾiy kiy ven yaladete weloʾ ʿanetah weloʾ־shatah libah׃
21 וַתִּקְרָ֣א לַנַּ֗עַר אִֽי־כָבֹוד֙ לֵאמֹ֔ר גָּלָ֥ה כָבֹ֖וד מִיִּשְׂרָאֵ֑ל אֶל־הִלָּקַח֙ אֲרֹ֣ון הָאֱלֹהִ֔ים וְאֶל־חָמִ֖יהָ וְאִישָֽׁהּ׃ watiqeraʾ lanaʿar ʾiy־khavowd leʾmor galah khavowd miyiseraʾel ʾel־hilaqaḥ ʾarown haʾelohiym weʾel־ḥamiyha weʾiyshah׃
22 וַתֹּ֕אמֶר גָּלָ֥ה כָבֹ֖וד מִיִּשְׂרָאֵ֑ל כִּ֥י נִלְקַ֖ח אֲרֹ֥ון הָאֱלֹהִֽים׃ פ watoʾmer galah khavowd miyiseraʾel kiy nileqaḥ ʾarown haʾelohiym׃ f