1 וּבַשָּׁנָ֨ה הַשְּׁבִעִ֜ית הִתְחַזַּ֣ק יְהֹויָדָ֗ע וַיִּקַּ֣ח אֶת־שָׂרֵ֣י הַמֵּאֹ֡ות לַעֲזַרְיָ֣הוּ בֶן־יְרֹחָ֡ם וּלְיִשְׁמָעֵ֣אל בֶּן־יְ֠הֹוחָנָן וְלַֽעֲזַרְיָ֨הוּ בֶן־עֹובֵ֜ד וְאֶת־מַעֲשֵׂיָ֧הוּ בֶן־עֲדָיָ֛הוּ וְאֶת־אֱלִישָׁפָ֥ט בֶּן־זִכְרִ֖י עִמֹּ֥ו בַבְּרִֽית׃ uvashanah hasheviʿiyt hiteḥazaq yehowyadaʿ wayiqaḥ ʾet־sarey hameʾowt laʿazareyahu ven־yeroḥam uleyishemaʿeʾl ben־yehowḥanan welaʿazareyahu ven־ʿowved weʾet־maʿaseyahu ven־ʿadayahu weʾet־ʾeliyshafaṭ ben־zikheriy ʿimow vaberiyt׃
2 וַיָּסֹ֙בּוּ֙ בִּֽיהוּדָ֔ה וַיִּקְבְּצ֤וּ אֶת־הַלְוִיִּם֙ מִכָּל־עָרֵ֣י יְהוּדָ֔ה וְרָאשֵׁ֥י הָאָבֹ֖ות לְיִשְׂרָאֵ֑ל וַיָּבֹ֖אוּ אֶל־יְרוּשָׁלִָֽם׃ wayasobu biyhudah wayiqebetsu ʾet־halewiyim mikal־ʿarey yehudah weraʾshey haʾavowt leyiseraʾel wayavoʾu ʾel־yerushalim׃
3 וַיִּכְרֹ֨ת כָּל־הַקָּהָ֥ל בְּרִ֛ית בְּבֵ֥ית הָאֱלֹהִ֖ים עִם־הַמֶּ֑לֶךְ וַיֹּ֣אמֶר לָהֶ֗ם הִנֵּ֤ה בֶן־הַמֶּ֙לֶךְ֙ יִמְלֹ֔ךְ כַּאֲשֶׁ֛ר דִּבֶּ֥ר יְהוָ֖ה עַל־בְּנֵ֥י דָוִֽיד׃ wayikherot kal־haqahal beriyt beveyt haʾelohiym ʿim־hamelekhe wayoʾmer lahem hineh ven־hamelekhe yimelokhe kaʾasher diber yehwah ʿal־beney dawiyd׃
4 זֶ֥ה הַדָּבָ֖ר אֲשֶׁ֣ר תַּעֲשׂ֑וּ הַשְּׁלִשִׁ֨ית מִכֶּ֜ם בָּאֵ֣י הַשַּׁבָּ֗ת לַכֹּֽהֲנִים֙ וְלַלְוִיִּ֔ם לְשֹֽׁעֲרֵ֖י הַסִּפִּֽים׃ zeh hadavar ʾasher taʿasu hashelishiyt mikem baʾey hashabat lakohaniym welalewiyim leshoʿarey hasipiym׃
5 וְהַשְּׁלִשִׁית֙ בְּבֵ֣ית הַמֶּ֔לֶךְ וְהַשְּׁלִשִׁ֖ית בְּשַׁ֣עַר הַיְסֹ֑וד וְכָל־הָעָ֔ם בְּחַצְרֹ֖ות בֵּ֥ית יְהוָֽה׃ wehashelishiyt beveyt hamelekhe wehashelishiyt beshaʿar hayesowd wekhal־haʿam beḥatserowt beyt yehwah׃
6 וְאַל־יָבֹ֣וא בֵית־יְהוָ֗ה כִּ֤י אִם־הַכֹּֽהֲנִים֙ וְהַמְשָׁרְתִ֣ים לַלְוִיִּ֔ם הֵ֥מָּה יָבֹ֖אוּ כִּי־קֹ֣דֶשׁ הֵ֑מָּה וְכָל־הָעָ֔ם יִשְׁמְר֖וּ מִשְׁמֶ֥רֶת יְהוָֽה׃ weʾal־yavowʾ veyt־yehwah kiy ʾim־hakohaniym wehamesharetiym lalewiyim hemah yavoʾu kiy־qodesh hemah wekhal־haʿam yishemeru mishemeret yehwah׃
7 וְהִקִּיפוּ֩ הַלְוִיִּ֨ם אֶת־הַמֶּ֜לֶךְ סָבִ֗יב אִ֚ישׁ וְכֵלָ֣יו בְּיָדֹ֔ו וְהַבָּ֥א אֶל־הַבַּ֖יִת יוּמָ֑ת וִֽהְי֥וּ אֶת־הַמֶּ֖לֶךְ בְּבֹאֹ֥ו וּבְצֵאתֹֽו׃ wehiqiyfu halewiyim ʾet־hamelekhe saviyv ʾiysh wekhelayw beyadow wehabaʾ ʾel־habayit yumat wiheyu ʾet־hamelekhe bevoʾow uvetseʾtow׃
8 וַיַּעֲשׂ֨וּ הַלְוִיִּ֜ם וְכָל־יְהוּדָ֗ה כְּכֹ֣ל אֲשֶׁר־צִוָּה֮ יְהֹויָדָ֣ע הַכֹּהֵן֒ וַיִּקְחוּ֙ אִ֣ישׁ אֶת־אֲנָשָׁ֔יו בָּאֵ֣י הַשַּׁבָּ֔ת עִ֖ם יֹוצְאֵ֣י הַשַּׁבָּ֑ת כִּ֣י לֹ֥א פָטַ֛ר יְהֹויָדָ֥ע הַכֹּהֵ֖ן אֶת־הַֽמַּחְלְקֹֽות׃ wayaʿasu halewiyim wekhal־yehudah kekhol ʾasher־tsiuah yehowyadaʿ hakohen wayiqeḥu ʾiysh ʾet־ʾanashayw baʾey hashabat ʿim yowtseʾey hashabat kiy loʾ faṭar yehowyadaʿ hakohen ʾet־hamaḥeleqowt׃
9 וַיִּתֵּן֩ יְהֹויָדָ֨ע הַכֹּהֵ֜ן לְשָׂרֵ֣י הַמֵּאֹ֗ות אֶת־הַֽחֲנִיתִים֙ וְאֶת־הַמָּגִנֹּות֙ וְאֶת־הַשְּׁלָטִ֔ים אֲשֶׁ֖ר לַמֶּ֣לֶךְ דָּוִ֑יד אֲשֶׁ֖ר בֵּ֥ית הָאֱלֹהִֽים׃ wayiten yehowyadaʿ hakohen lesarey hameʾowt ʾet־haḥaniytiym weʾet־hamaginowt weʾet־hashelaṭiym ʾasher lamelekhe dawiyd ʾasher beyt haʾelohiym׃
10 וַיַּעֲמֵ֨ד אֶת־כָּל־הָעָ֜ם וְאִ֣ישׁ ׀ שִׁלְחֹ֣ו בְיָדֹ֗ו מִכֶּ֨תֶף הַבַּ֤יִת הַיְמָנִית֙ עַד־כֶּ֤תֶף הַבַּ֙יִת֙ הַשְּׂמָאלִ֔ית לַמִּזְבֵּ֖חַ וְלַבָּ֑יִת עַל־הַמֶּ֖לֶךְ סָבִֽיב׃ wayaʿamed ʾet־kal־haʿam weʾiysh ׀ shileḥow veyadow miketef habayit hayemaniyt ʿad־ketef habayit hasemaʾliyt lamizebeaḥ welabayit ʿal־hamelekhe saviyv׃
11 וַיֹּוצִ֣יאוּ אֶת־בֶּן־הַמֶּ֗לֶךְ וַיִּתְּנ֤וּ עָלָיו֙ אֶת־הַנֵּ֙זֶר֙ וְאֶת־הָ֣עֵד֔וּת וַיַּמְלִ֖יכוּ אֹתֹ֑ו וַיִּמְשָׁחֻ֙הוּ֙ יְהֹויָדָ֣ע וּבָנָ֔יו וַיֹּאמְר֖וּ יְחִ֥י הַמֶּֽלֶךְ׃ ס wayowtsiyʾu ʾet־ben־hamelekhe wayitenu ʿalayw ʾet־hanezer weʾet־haʿedut wayameliykhu ʾotow wayimeshaḥuhu yehowyadaʿ uvanayw wayoʾmeru yeḥiy hamelekhe׃ s
12 וַתִּשְׁמַ֣ע עֲתַלְיָ֗הוּ אֶת־קֹ֤ול הָעָם֙ הָֽרָצִ֔ים וְהַֽמְהַֽלְלִ֖ים אֶת־הַמֶּ֑לֶךְ וַתָּבֹ֥וא אֶל־הָעָ֖ם בֵּ֥ית יְהוָֽה׃ watishemaʿ ʿataleyahu ʾet־qowl haʿam haratsiym wehamehaleliym ʾet־hamelekhe watavowʾ ʾel־haʿam beyt yehwah׃
13 וַתֵּ֡רֶא וְהִנֵּ֣ה הַמֶּלֶךְ֩ עֹומֵ֨ד עַֽל־עַמּוּדֹ֜ו בַּמָּבֹ֗וא וְהַשָּׂרִ֣ים וְהַחֲצֹצְרֹות֮ עַל־הַמֶּלֶךְ֒ וְכָל־עַ֨ם הָאָ֜רֶץ שָׂמֵ֗חַ וְתֹוקֵ֙עַ֙ בַּחֲצֹ֣צְרֹ֔ות וְהַמְשֹֽׁורֲרִים֙ בִּכְלֵ֣י הַשִּׁ֔יר וּמֹודִיעִ֖ים לְהַלֵּ֑ל וַתִּקְרַ֤ע עֲתַלְיָ֙הוּ֙ אֶת־בְּגָדֶ֔יהָ וַתֹּ֖אמֶר קֶ֥שֶׁר קָֽשֶׁר׃ ס watereʾ wehineh hamelekhe ʿowmed ʿal־ʿamudow bamavowʾ wehasariym wehaḥatsotserowt ʿal־hamelekhe wekhal־ʿam haʾarets sameaḥ wetowqeaʿ baḥatsotserowt wehameshowrariym bikheley hashiyr umowdiyʿiym lehalel watiqeraʿ ʿataleyahu ʾet־begadeyha watoʾmer qesher qasher׃ s
14 וַיֹּוצֵא֩ יְהֹויָדָ֨ע הַכֹּהֵ֜ן אֶת־שָׂרֵ֥י הַמֵּאֹ֣ות ׀ פְּקוּדֵ֣י הַחַ֗יִל וַיֹּ֤אמֶר אֲלֵהֶם֙ הֹֽוצִיא֙וּהָ֙ אֶל־מִבֵּ֣ית הַשְּׂדֵרֹ֔ות וְהַבָּ֥א אַחֲרֶ֖יהָ יוּמַ֣ת בֶּחָ֑רֶב כִּ֚י אָמַ֣ר הַכֹּהֵ֔ן לֹ֥א תְמִית֖וּהָ בֵּ֥ית יְהוָֽה׃ wayowtseʾ yehowyadaʿ hakohen ʾet־sarey hameʾowt ׀ pequdey haḥayil wayoʾmer ʾalehem howtsiyʾuah ʾel־mibeyt hasederowt wehabaʾ ʾaḥareyha yumat beḥarev kiy ʾamar hakohen loʾ temiytuah beyt yehwah׃
15 וַיָּשִׂ֤ימוּ לָהּ֙ יָדַ֔יִם וַתָּבֹ֛וא אֶל־מְבֹ֥וא שַֽׁעַר־הַסּוּסִ֖ים בֵּ֣ית הַמֶּ֑לֶךְ וַיְמִית֖וּהָ שָֽׁם׃ פ wayasiymu lah yadayim watavowʾ ʾel־mevowʾ shaʿar־hasusiym beyt hamelekhe wayemiytuah sham׃ f
16 וַיִּכְרֹ֤ת יְהֹויָדָע֙ בְּרִ֔ית בֵּינֹ֕ו וּבֵ֥ין כָּל־הָעָ֖ם וּבֵ֣ין הַמֶּ֑לֶךְ לִהְיֹ֥ות לְעָ֖ם לַיהוָֽה׃ wayikherot yehowyadaʿ beriyt beynow uveyn kal־haʿam uveyn hamelekhe liheyowt leʿam layhwah׃
17 וַיָּבֹ֨אוּ כָל־הָעָ֤ם בֵּית־הַבַּ֙עַל֙ וַֽיִּתְּצֻ֔הוּ וְאֶת־מִזְבְּחֹתָ֥יו וְאֶת־צְלָמָ֖יו שִׁבֵּ֑רוּ וְאֵ֗ת מַתָּן֙ כֹּהֵ֣ן הַבַּ֔עַל הָרְג֖וּ לִפְנֵ֥י הַֽמִּזְבְּחֹֽות׃ wayavoʾu khal־haʿam beyt־habaʿal wayitetsuhu weʾet־mizebeḥotayw weʾet־tselamayw shiberu weʾet matan kohen habaʿal haregu lifeney hamizebeḥowt׃
18 וַיָּשֶׂם֩ יְהֹויָדָ֨ע פְּקֻדֹּ֜ת בֵּ֣ית יְהוָ֗ה בְּיַ֨ד הַכֹּהֲנִ֣ים הַלְוִיִּם֮ אֲשֶׁ֣ר חָלַ֣ק דָּוִיד֮ עַל־בֵּ֣ית יְהוָה֒ לְֽהַעֲלֹ֞ות עֹלֹ֣ות יְהוָ֗ה כַּכָּת֛וּב בְּתֹורַ֥ת מֹשֶׁ֖ה בְּשִׂמְחָ֣ה וּבְשִׁ֑יר עַ֖ל יְדֵ֥י דָוִֽיד׃ wayasem yehowyadaʿ pequdot beyt yehwah beyad hakohaniym halewiyim ʾasher ḥalaq dawiyd ʿal־beyt yehwah lehaʿalowt ʿolowt yehwah kakatuv betowrat mosheh besimeḥah uveshiyr ʿal yedey dawiyd׃
19 וַֽיַּעֲמֵד֙ הַשֹּׁ֣ועֲרִ֔ים עַֽל־שַׁעֲרֵ֖י בֵּ֣ית יְהוָ֑ה וְלֹֽא־יָבֹ֥א טָמֵ֖א לְכָל־דָּבָֽר׃ wayaʿamed hashowʿariym ʿal־shaʿarey beyt yehwah weloʾ־yavoʾ ṭameʾ lekhal־davar׃
20 וַיִּקַּ֣ח אֶת־שָׂרֵ֣י הַמֵּאֹ֡ות וְאֶת־הָֽאַדִּירִים֩ וְאֶת־הַמֹּֽושְׁלִ֨ים בָּעָ֜ם וְאֵ֣ת ׀ כָּל־עַ֣ם הָאָ֗רֶץ וַיֹּ֤ורֶד אֶת־הַמֶּ֙לֶךְ֙ מִבֵּ֣ית יְהוָ֔ה וַיָּבֹ֛אוּ בְּתֹֽוךְ־שַׁ֥עַר הָֽעֶלְיֹ֖ון בֵּ֣ית הַמֶּ֑לֶךְ וַיֹּושִׁ֙יבוּ֙ אֶת־הַמֶּ֔לֶךְ עַ֖ל כִּסֵּ֥א הַמַּמְלָכָֽה׃ wayiqaḥ ʾet־sarey hameʾowt weʾet־haʾadiyriym weʾet־hamowsheliym baʿam weʾet ׀ kal־ʿam haʾarets wayowred ʾet־hamelekhe mibeyt yehwah wayavoʾu betowkhe־shaʿar haʿeleyown beyt hamelekhe wayowshiyvu ʾet־hamelekhe ʿal kiseʾ hamamelakhah׃
21 וַיִּשְׂמְח֥וּ כָל־עַם־הָאָ֖רֶץ וְהָעִ֣יר שָׁקָ֑טָה וְאֶת־עֲתַלְיָ֖הוּ הֵמִ֥יתוּ בֶחָֽרֶב׃ ס wayisemeḥu khal־ʿam־haʾarets wehaʿiyr shaqaṭah weʾet־ʿataleyahu hemiytu veḥarev׃ s