1 וַיְהִ֗י אַחַר֙ הַדְּבָרִ֣ים הָאֵ֔לֶּה וְהָ֣אֱלֹהִ֔ים נִסָּ֖ה אֶת־אַבְרָהָ֑ם וַיֹּ֣אמֶר אֵלָ֔יו אַבְרָהָ֖ם וַיֹּ֥אמֶר הִנֵּֽנִי׃ wayehiy ʾaḥar hadevariym haʾeleh wehaʾelohiym nisah ʾet־ʾaveraham wayoʾmer ʾelayw ʾaveraham wayoʾmer hineniy׃
2 וַיֹּ֡אמֶר קַח־נָ֠א אֶת־בִּנְךָ֙ אֶת־יְחִֽידְךָ֤ אֲשֶׁר־אָהַ֙בְתָּ֙ אֶת־יִצְחָ֔ק וְלֶךְ־לְךָ֔ אֶל־אֶ֖רֶץ הַמֹּרִיָּ֑ה וְהַעֲלֵ֤הוּ שָׁם֙ לְעֹלָ֔ה עַ֚ל אַחַ֣ד הֶֽהָרִ֔ים אֲשֶׁ֖ר אֹמַ֥ר אֵלֶֽיךָ׃ wayoʾmer qaḥ־naʾ ʾet־binekha ʾet־yeḥiydekha ʾasher־ʾahaveta ʾet־yitseḥaq welekhe־lekha ʾel־ʾerets hamoriyah wehaʿalehu sham leʿolah ʿal ʾaḥad hehariym ʾasher ʾomar ʾeleykha׃
3 וַיַּשְׁכֵּ֨ם אַבְרָהָ֜ם בַּבֹּ֗קֶר וַֽיַּחֲבֹשׁ֙ אֶת־חֲמֹרֹ֔ו וַיִּקַּ֞ח אֶת־שְׁנֵ֤י נְעָרָיו֙ אִתֹּ֔ו וְאֵ֖ת יִצְחָ֣ק בְּנֹ֑ו וַיְבַקַּע֙ עֲצֵ֣י עֹלָ֔ה וַיָּ֣קָם וַיֵּ֔לֶךְ אֶל־הַמָּקֹ֖ום אֲשֶׁר־אָֽמַר־לֹ֥ו הָאֱלֹהִֽים׃ wayashekem ʾaveraham baboqer wayaḥavosh ʾet־ḥamorow wayiqaḥ ʾet־sheney neʿarayw ʾitow weʾet yitseḥaq benow wayevaqaʿ ʿatsey ʿolah wayaqam wayelekhe ʾel־hamaqowm ʾasher־ʾamar־low haʾelohiym׃
4 בַּיֹּ֣ום הַשְּׁלִישִׁ֗י וַיִּשָּׂ֨א אַבְרָהָ֧ם אֶת־עֵינָ֛יו וַיַּ֥רְא אֶת־הַמָּקֹ֖ום מֵרָחֹֽק׃ bayowm hasheliyshiy wayisaʾ ʾaveraham ʾet־ʿeynayw wayareʾ ʾet־hamaqowm meraḥoq׃
5 וַיֹּ֨אמֶר אַבְרָהָ֜ם אֶל־נְעָרָ֗יו שְׁבוּ־לָכֶ֥ם פֹּה֙ עִֽם־הַחֲמֹ֔ור וַאֲנִ֣י וְהַנַּ֔עַר נֵלְכָ֖ה עַד־כֹּ֑ה וְנִֽשְׁתַּחֲוֶ֖ה וְנָשׁ֥וּבָה אֲלֵיכֶֽם׃ wayoʾmer ʾaveraham ʾel־neʿarayw shevu־lakhem poh ʿim־haḥamowr waʾaniy wehanaʿar nelekhah ʿad־koh wenishetaḥaweh wenashuvah ʾaleykhem׃
6 וַיִּקַּ֨ח אַבְרָהָ֜ם אֶת־עֲצֵ֣י הָעֹלָ֗ה וַיָּ֙שֶׂם֙ עַל־יִצְחָ֣ק בְּנֹ֔ו וַיִּקַּ֣ח בְּיָדֹ֔ו אֶת־הָאֵ֖שׁ וְאֶת־הַֽמַּאֲכֶ֑לֶת וַיֵּלְכ֥וּ שְׁנֵיהֶ֖ם יַחְדָּֽו׃ wayiqaḥ ʾaveraham ʾet־ʿatsey haʿolah wayasem ʿal־yitseḥaq benow wayiqaḥ beyadow ʾet־haʾesh weʾet־hamaʾakhelet wayelekhu sheneyhem yaḥedaw׃
7 וַיֹּ֨אמֶר יִצְחָ֜ק אֶל־אַבְרָהָ֤ם אָבִיו֙ וַיֹּ֣אמֶר אָבִ֔י וַיֹּ֖אמֶר הִנֶּ֣נִּֽי בְנִ֑י וַיֹּ֗אמֶר הִנֵּ֤ה הָאֵשׁ֙ וְהָ֣עֵצִ֔ים וְאַיֵּ֥ה הַשֶּׂ֖ה לְעֹלָֽה׃ wayoʾmer yitseḥaq ʾel־ʾaveraham ʾaviyw wayoʾmer ʾaviy wayoʾmer hineniy veniy wayoʾmer hineh haʾesh wehaʿetsiym weʾayeh haseh leʿolah׃
8 וַיֹּ֙אמֶר֙ אַבְרָהָ֔ם אֱלֹהִ֞ים יִרְאֶה־לֹּ֥ו הַשֶּׂ֛ה לְעֹלָ֖ה בְּנִ֑י וַיֵּלְכ֥וּ שְׁנֵיהֶ֖ם יַחְדָּֽו׃ wayoʾmer ʾaveraham ʾelohiym yireʾeh־low haseh leʿolah beniy wayelekhu sheneyhem yaḥedaw׃
9 וַיָּבֹ֗אוּ אֶֽל־הַמָּקֹום֮ אֲשֶׁ֣ר אָֽמַר־לֹ֣ו הָאֱלֹהִים֒ וַיִּ֨בֶן שָׁ֤ם אַבְרָהָם֙ אֶת־הַמִּזְבֵּ֔חַ וַֽיַּעֲרֹ֖ךְ אֶת־הָעֵצִ֑ים וַֽיַּעֲקֹד֙ אֶת־יִצְחָ֣ק בְּנֹ֔ו וַיָּ֤שֶׂם אֹתֹו֙ עַל־הַמִּזְבֵּ֔חַ מִמַּ֖עַל לָעֵצִֽים׃ wayavoʾu ʾel־hamaqowm ʾasher ʾamar־low haʾelohiym wayiven sham ʾaveraham ʾet־hamizebeaḥ wayaʿarokhe ʾet־haʿetsiym wayaʿaqod ʾet־yitseḥaq benow wayasem ʾotow ʿal־hamizebeaḥ mimaʿal laʿetsiym׃
10 וַיִּשְׁלַ֤ח אַבְרָהָם֙ אֶת־יָדֹ֔ו וַיִּקַּ֖ח אֶת־הַֽמַּאֲכֶ֑לֶת לִשְׁחֹ֖ט אֶת־בְּנֹֽו׃ wayishelaḥ ʾaveraham ʾet־yadow wayiqaḥ ʾet־hamaʾakhelet lisheḥoṭ ʾet־benow׃
11 וַיִּקְרָ֨א אֵלָ֜יו מַלְאַ֤ךְ יְהוָה֙ מִן־הַשָּׁמַ֔יִם וַיֹּ֖אמֶר אַבְרָהָ֣ם ׀ אַבְרָהָ֑ם וַיֹּ֖אמֶר הִנֵּֽנִי׃ wayiqeraʾ ʾelayw maleʾakhe yehwah min־hashamayim wayoʾmer ʾaveraham ׀ ʾaveraham wayoʾmer hineniy׃
12 וַיֹּ֗אמֶר אַל־תִּשְׁלַ֤ח יָֽדְךָ֙ אֶל־הַנַּ֔עַר וְאַל־תַּ֥עַשׂ לֹ֖ו מְא֑וּמָּה כִּ֣י ׀ עַתָּ֣ה יָדַ֗עְתִּי כִּֽי־יְרֵ֤א אֱלֹהִים֙ אַ֔תָּה וְלֹ֥א חָשַׂ֛כְתָּ אֶת־בִּנְךָ֥ אֶת־יְחִידְךָ֖ מִמֶּֽנִּי׃ wayoʾmer ʾal־tishelaḥ yadekha ʾel־hanaʿar weʾal־taʿas low meʾumah kiy ׀ ʿatah yadaʿetiy kiy־yereʾ ʾelohiym ʾatah weloʾ ḥasakheta ʾet־binekha ʾet־yeḥiydekha mimeniy׃
13 וַיִּשָּׂ֨א אַבְרָהָ֜ם אֶת־עֵינָ֗יו וַיַּרְא֙ וְהִנֵּה־אַ֔יִל אַחַ֕ר נֶאֱחַ֥ז בַּסְּבַ֖ךְ בְּקַרְנָ֑יו וַיֵּ֤לֶךְ אַבְרָהָם֙ וַיִּקַּ֣ח אֶת־הָאַ֔יִל וַיַּעֲלֵ֥הוּ לְעֹלָ֖ה תַּ֥חַת בְּנֹֽו׃ wayisaʾ ʾaveraham ʾet־ʿeynayw wayareʾ wehineh־ʾayil ʾaḥar neʾeḥaz basevakhe beqarenayw wayelekhe ʾaveraham wayiqaḥ ʾet־haʾayil wayaʿalehu leʿolah taḥat benow׃
14 וַיִּקְרָ֧א אַבְרָהָ֛ם שֵֽׁם־הַמָּקֹ֥ום הַה֖וּא יְהוָ֣ה ׀ יִרְאֶ֑ה אֲשֶׁר֙ יֵאָמֵ֣ר הַיֹּ֔ום בְּהַ֥ר יְהוָ֖ה יֵרָאֶֽה׃ wayiqeraʾ ʾaveraham shem־hamaqowm hahuʾ yehwah ׀ yireʾeh ʾasher yeʾamer hayowm behar yehwah yeraʾeh׃
15 וַיִּקְרָ֛א מַלְאַ֥ךְ יְהוָ֖ה אֶל־אַבְרָהָ֑ם שֵׁנִ֖ית מִן־הַשָּׁמָֽיִם׃ wayiqeraʾ maleʾakhe yehwah ʾel־ʾaveraham sheniyt min־hashamayim׃
16 וַיֹּ֕אמֶר בִּ֥י נִשְׁבַּ֖עְתִּי נְאֻם־יְהוָ֑ה כִּ֗י יַ֚עַן אֲשֶׁ֤ר עָשִׂ֙יתָ֙ אֶת־הַדָּבָ֣ר הַזֶּ֔ה וְלֹ֥א חָשַׂ֖כְתָּ אֶת־בִּנְךָ֥ אֶת־יְחִידֶֽךָ׃ wayoʾmer biy nishebaʿetiy neʾum־yehwah kiy yaʿan ʾasher ʿasiyta ʾet־hadavar hazeh weloʾ ḥasakheta ʾet־binekha ʾet־yeḥiydekha׃
17 כִּֽי־בָרֵ֣ךְ אֲבָרֶכְךָ֗ וְהַרְבָּ֨ה אַרְבֶּ֤ה אֶֽת־זַרְעֲךָ֙ כְּכֹוכְבֵ֣י הַשָּׁמַ֔יִם וְכַחֹ֕ול אֲשֶׁ֖ר עַל־שְׂפַ֣ת הַיָּ֑ם וְיִרַ֣שׁ זַרְעֲךָ֔ אֵ֖ת שַׁ֥עַר אֹיְבָֽיו׃ kiy־varekhe ʾavarekhekha weharebah ʾarebeh ʾet־zareʿakha kekhowkhevey hashamayim wekhaḥowl ʾasher ʿal־sefat hayam weyirash zareʿakha ʾet shaʿar ʾoyevayw׃
18 וְהִתְבָּרֲכ֣וּ בְזַרְעֲךָ֔ כֹּ֖ל גֹּויֵ֣י הָאָ֑רֶץ עֵ֕קֶב אֲשֶׁ֥ר שָׁמַ֖עְתָּ בְּקֹלִֽי׃ wehitebarakhu vezareʿakha kol gowyey haʾarets ʿeqev ʾasher shamaʿeta beqoliy׃
19 וַיָּ֤שָׁב אַבְרָהָם֙ אֶל־נְעָרָ֔יו וַיָּקֻ֛מוּ וַיֵּלְכ֥וּ יַחְדָּ֖ו אֶל־בְּאֵ֣ר שָׁ֑בַע וַיֵּ֥שֶׁב אַבְרָהָ֖ם בִּבְאֵ֥ר שָֽׁבַע׃ פ wayashav ʾaveraham ʾel־neʿarayw wayaqumu wayelekhu yaḥedaw ʾel־beʾer shavaʿ wayeshev ʾaveraham biveʾer shavaʿ׃ f
20 וַיְהִ֗י אַחֲרֵי֙ הַדְּבָרִ֣ים הָאֵ֔לֶּה וַיֻּגַּ֥ד לְאַבְרָהָ֖ם לֵאמֹ֑ר הִ֠נֵּה יָלְדָ֨ה מִלְכָּ֥ה גַם־הִ֛וא בָּנִ֖ים לְנָחֹ֥ור אָחִֽיךָ׃ wayehiy ʾaḥarey hadevariym haʾeleh wayugad leʾaveraham leʾmor hineh yaledah milekah gam־hiwʾ baniym lenaḥowr ʾaḥiykha׃
21 אֶת־ע֥וּץ בְּכֹרֹ֖ו וְאֶת־בּ֣וּז אָחִ֑יו וְאֶת־קְמוּאֵ֖ל אֲבִ֥י אֲרָֽם׃ ʾet־ʿuts bekhorow weʾet־buz ʾaḥiyw weʾet־qemuʾel ʾaviy ʾaram׃
22 וְאֶת־כֶּ֣שֶׂד וְאֶת־חֲזֹ֔ו וְאֶת־פִּלְדָּ֖שׁ וְאֶת־יִדְלָ֑ף וְאֵ֖ת בְּתוּאֵֽל׃ weʾet־kesed weʾet־ḥazow weʾet־piledash weʾet־yidelaf weʾet betuʾel׃
23 וּבְתוּאֵ֖ל יָלַ֣ד אֶת־רִבְקָ֑ה שְׁמֹנָ֥ה אֵ֙לֶּה֙ יָלְדָ֣ה מִלְכָּ֔ה לְנָחֹ֖ור אֲחִ֥י אַבְרָהָֽם׃ uvetuʾel yalad ʾet־riveqah shemonah ʾeleh yaledah milekah lenaḥowr ʾaḥiy ʾaveraham׃
24 וּפִֽילַגְשֹׁ֖ו וּשְׁמָ֣הּ רְאוּמָ֑ה וַתֵּ֤לֶד גַּם־הִוא֙ אֶת־טֶ֣בַח וְאֶת־גַּ֔חַם וְאֶת־תַּ֖חַשׁ וְאֶֽת־מַעֲכָֽה׃ ס ufiylageshow ushemah reʾumah wateled gam־hiwʾ ʾet־ṭevaḥ weʾet־gaḥam weʾet־taḥash weʾet־maʿakhah׃ s
