1 וַיְהִ֗י כַּאֲשֶׁ֤ר נִבְנְתָה֙ הַחֹומָ֔ה וָאַעֲמִ֖יד הַדְּלָתֹ֑ות וַיִּפָּ֥קְד֛וּ הַשֹּׁועֲרִ֥ים וְהַמְשֹׁרְרִ֖ים וְהַלְוִיִּֽם׃ wayehiy kaʾasher nivenetah haḥowmah waʾaʿamiyd hadelatowt wayipaqedu hashowʿariym wehameshoreriym wehalewiyim׃
2 וָאֲצַוֶּ֞ה אֶת־חֲנָ֣נִי אָחִ֗י וְאֶת־חֲנַנְיָ֛ה שַׂ֥ר הַבִּירָ֖ה עַל־יְרוּשָׁלִָ֑ם כִּי־הוּא֙ כְּאִ֣ישׁ אֱמֶ֔ת וְיָרֵ֥א אֶת־הָאֱלֹהִ֖ים מֵרַבִּֽים׃ waʾatsaueh ʾet־ḥananiy ʾaḥiy weʾet־ḥananeyah sar habiyrah ʿal־yerushalim kiy־huʾ keʾiysh ʾemet weyareʾ ʾet־haʾelohiym merabiym׃
3 [וַיֹּאמֶר כ] (וָאֹמַ֣ר ק) לָהֶ֗ם לֹ֣א יִפָּֽתְח֞וּ שַׁעֲרֵ֤י יְרוּשָׁלִַ֙ם֙ עַד־חֹ֣ם הַשֶּׁ֔מֶשׁ וְעַ֨ד הֵ֥ם עֹמְדִ֛ים יָגִ֥יפוּ הַדְּלָתֹ֖ות וֶאֱחֹ֑זוּ וְהַעֲמֵ֗יד מִשְׁמְרֹות֙ יֹשְׁבֵ֣י יְרוּשָׁלִַ֔ם אִ֚ישׁ בְּמִשְׁמָרֹ֔ו וְאִ֖ישׁ נֶ֥גֶד בֵּיתֹֽו׃ [wayoʾmer kh] (waʾomar q) lahem loʾ yipateḥu shaʿarey yerushalim ʿad־ḥom hashemesh weʿad hem ʿomediym yagiyfu hadelatowt weʾeḥozu wehaʿameyd mishemerowt yoshevey yerushalim ʾiysh bemishemarow weʾiysh neged beytow׃
4 וְהָעִ֞יר רַחֲבַ֤ת יָדַ֙יִם֙ וּגְדֹולָ֔ה וְהָעָ֥ם מְעַ֖ט בְּתֹוכָ֑הּ וְאֵ֥ין בָּתִּ֖ים בְּנוּיִֽם׃ wehaʿiyr raḥavat yadayim ugedowlah wehaʿam meʿaṭ betowkhah weʾeyn batiym benuyim׃
5 וַיִּתֵּ֤ן אֱלֹהַי֙ אֶל־לִבִּ֔י וָאֶקְבְּצָ֞ה אֶת־הַחֹרִ֧ים וְאֶת־הַסְּגָנִ֛ים וְאֶת־הָעָ֖ם לְהִתְיַחֵ֑שׂ וָֽאֶמְצָ֗א סֵ֤פֶר הַיַּ֙חַשׂ֙ הָעֹולִ֣ים בָּרִאשֹׁונָ֔ה וָאֶמְצָ֖א כָּת֥וּב בֹּֽו׃ פ wayiten ʾelohay ʾel־libiy waʾeqebetsah ʾet־haḥoriym weʾet־haseganiym weʾet־haʿam lehiteyaḥes waʾemetsaʾ sefer hayaḥas haʿowliym bariʾshownah waʾemetsaʾ katuv bow׃ f
6 אֵ֣לֶּה ׀ בְּנֵ֣י הַמְּדִינָ֗ה הָעֹלִים֙ מִשְּׁבִ֣י הַגֹּולָ֔ה אֲשֶׁ֣ר הֶגְלָ֔ה נְבוּכַדְנֶצַּ֖ר מֶ֣לֶךְ בָּבֶ֑ל וַיָּשׁ֧וּבוּ לִֽירוּשָׁלִַ֛ם וְלִיהוּדָ֖ה אִ֥ישׁ לְעִירֹֽו׃ ʾeleh ׀ beney hamediynah haʿoliym misheviy hagowlah ʾasher hegelah nevukhadenetsar melekhe bavel wayashuvu liyrushalim weliyhudah ʾiysh leʿiyrow׃
7 הַבָּאִ֣ים עִם־זְרֻבָּבֶ֗ל יֵשׁ֡וּעַ נְחֶמְיָ֡ה עֲ֠זַרְיָה רַֽעַמְיָ֨ה נַחֲמָ֜נִי מָרְדֳּכַ֥י בִּלְשָׁ֛ן מִסְפֶּ֥רֶת בִּגְוַ֖י נְח֣וּם בַּעֲנָ֑ה מִסְפַּ֕ר אַנְשֵׁ֖י עַ֥ם יִשְׂרָאֵֽל׃ ס habaʾiym ʿim־zerubavel yeshuaʿ neḥemeyah ʿazareyah raʿameyah naḥamaniy maredokhay bileshan miseperet bigeway neḥum baʿanah misepar ʾaneshey ʿam yiseraʾel׃ s
8 בְּנֵ֣י פַרְעֹ֔שׁ אַלְפַּ֕יִם מֵאָ֖ה וְשִׁבְעִ֥ים וּשְׁנָֽיִם׃ ס beney fareʿosh ʾalepayim meʾah weshiveʿiym ushenayim׃ s
9 בְּנֵ֣י שְׁפַטְיָ֔ה שְׁלֹ֥שׁ מֵאֹ֖ות שִׁבְעִ֥ים וּשְׁנָֽיִם׃ ס beney shefaṭeyah shelosh meʾowt shiveʿiym ushenayim׃ s
10 בְּנֵ֣י אָרַ֔ח שֵׁ֥שׁ מֵאֹ֖ות חֲמִשִּׁ֥ים וּשְׁנָֽיִם׃ ס beney ʾaraḥ shesh meʾowt ḥamishiym ushenayim׃ s
11 בְּנֵֽי־פַחַ֥ת מֹואָ֛ב לִבְנֵ֥י יֵשׁ֖וּעַ וְיֹואָ֑ב אַלְפַּ֕יִם וּשְׁמֹנֶ֥ה מֵאֹ֖ות שְׁמֹנָ֥ה עָשָֽׂר׃ ס beney־faḥat mowʾav liveney yeshuaʿ weyowʾav ʾalepayim ushemoneh meʾowt shemonah ʿasar׃ s
12 בְּנֵ֣י עֵילָ֔ם אֶ֕לֶף מָאתַ֖יִם חֲמִשִּׁ֥ים וְאַרְבָּעָֽה׃ ס beney ʿeylam ʾelef maʾtayim ḥamishiym weʾarebaʿah׃ s
13 בְּנֵ֣י זַתּ֔וּא שְׁמֹנֶ֥ה מֵאֹ֖ות אַרְבָּעִ֥ים וַחֲמִשָּֽׁה׃ ס beney zatuʾ shemoneh meʾowt ʾarebaʿiym waḥamishah׃ s
14 בְּנֵ֣י זַכָּ֔י שְׁבַ֥ע מֵאֹ֖ות וְשִׁשִּֽׁים׃ ס beney zakay shevaʿ meʾowt weshishiym׃ s
15 בְּנֵ֣י בִנּ֔וּי שֵׁ֥שׁ מֵאֹ֖ות אַרְבָּעִ֥ים וּשְׁמֹנָֽה׃ ס beney vinuy shesh meʾowt ʾarebaʿiym ushemonah׃ s
16 בְּנֵ֣י בֵבָ֔י שֵׁ֥שׁ מֵאֹ֖ות עֶשְׂרִ֥ים וּשְׁמֹנָֽה׃ ס beney vevay shesh meʾowt ʿeseriym ushemonah׃ s
17 בְּנֵ֣י עַזְגָּ֔ד אַלְפַּ֕יִם שְׁלֹ֥שׁ מֵאֹ֖ות עֶשְׂרִ֥ים וּשְׁנָֽיִם׃ ס beney ʿazegad ʾalepayim shelosh meʾowt ʿeseriym ushenayim׃ s
18 בְּנֵי֙ אֲדֹ֣נִיקָ֔ם שֵׁ֥שׁ מֵאֹ֖ות שִׁשִּׁ֥ים וְשִׁבְעָֽה׃ ס beney ʾadoniyqam shesh meʾowt shishiym weshiveʿah׃ s
19 בְּנֵ֣י בִגְוָ֔י אַלְפַּ֖יִם שִׁשִּׁ֥ים וְשִׁבְעָֽה׃ ס beney vigeway ʾalepayim shishiym weshiveʿah׃ s
20 בְּנֵ֣י עָדִ֔ין שֵׁ֥שׁ מֵאֹ֖ות חֲמִשִּׁ֥ים וַחֲמִשָּֽׁה׃ ס beney ʿadiyn shesh meʾowt ḥamishiym waḥamishah׃ s
21 בְּנֵֽי־אָטֵ֥ר לְחִזְקִיָּ֖ה תִּשְׁעִ֥ים וּשְׁמֹנָֽה׃ ס beney־ʾaṭer leḥizeqiyah tisheʿiym ushemonah׃ s
22 בְּנֵ֣י חָשֻׁ֔ם שְׁלֹ֥שׁ מֵאֹ֖ות עֶשְׂרִ֥ים וּשְׁמֹנָֽה׃ ס beney ḥashum shelosh meʾowt ʿeseriym ushemonah׃ s
23 בְּנֵ֣י בֵצָ֔י שְׁלֹ֥שׁ מֵאֹ֖ות עֶשְׂרִ֥ים וְאַרְבָּעָֽה׃ ס beney vetsay shelosh meʾowt ʿeseriym weʾarebaʿah׃ s
24 בְּנֵ֣י חָרִ֔יף מֵאָ֖ה שְׁנֵ֥ים עָשָֽׂר׃ ס beney ḥariyf meʾah sheneym ʿasar׃ s
25 בְּנֵ֥י גִבְעֹ֖ון תִּשְׁעִ֥ים וַחֲמִשָּֽׁה׃ ס beney giveʿown tisheʿiym waḥamishah׃ s
26 אַנְשֵׁ֤י בֵֽית־לֶ֙חֶם֙ וּנְטֹפָ֔ה מֵאָ֖ה שְׁמֹנִ֥ים וּשְׁמֹנָֽה׃ ס ʾaneshey veyt־leḥem uneṭofah meʾah shemoniym ushemonah׃ s
27 אַנְשֵׁ֣י עֲנָתֹ֔ות מֵאָ֖ה עֶשְׂרִ֥ים וּשְׁמֹנָֽה׃ ס ʾaneshey ʿanatowt meʾah ʿeseriym ushemonah׃ s
28 אַנְשֵׁ֥י בֵית־עַזְמָ֖וֶת אַרְבָּעִ֥ים וּשְׁנָֽיִם׃ ס ʾaneshey veyt־ʿazemawet ʾarebaʿiym ushenayim׃ s
29 אַנְשֵׁ֨י קִרְיַ֤ת יְעָרִים֙ כְּפִירָ֣ה וּבְאֵרֹ֔ות שְׁבַ֥ע מֵאֹ֖ות אַרְבָּעִ֥ים וּשְׁלֹשָֽׁה׃ ס ʾaneshey qireyat yeʿariym kefiyrah uveʾerowt shevaʿ meʾowt ʾarebaʿiym usheloshah׃ s
30 אַנְשֵׁ֤י הָֽרָמָה֙ וָגָ֔בַע שֵׁ֥שׁ מֵאֹ֖ות עֶשְׂרִ֥ים וְאֶחָֽד׃ ס ʾaneshey haramah wagavaʿ shesh meʾowt ʿeseriym weʾeḥad׃ s
31 אַנְשֵׁ֣י מִכְמָ֔ס מֵאָ֖ה וְעֶשְׂרִ֥ים וּשְׁנָֽיִם׃ ס ʾaneshey mikhemas meʾah weʿeseriym ushenayim׃ s
32 אַנְשֵׁ֤י בֵֽית־אֵל֙ וְהָעָ֔י מֵאָ֖ה עֶשְׂרִ֥ים וּשְׁלֹשָֽׁה׃ ס ʾaneshey veyt־ʾel wehaʿay meʾah ʿeseriym usheloshah׃ s
33 אַנְשֵׁ֥י נְבֹ֛ו אַחֵ֖ר חֲמִשִּׁ֥ים וּשְׁנָֽיִם׃ ס ʾaneshey nevow ʾaḥer ḥamishiym ushenayim׃ s
34 בְּנֵי֙ עֵילָ֣ם אַחֵ֔ר אֶ֕לֶף מָאתַ֖יִם חֲמִשִּׁ֥ים וְאַרְבָּעָֽה׃ ס beney ʿeylam ʾaḥer ʾelef maʾtayim ḥamishiym weʾarebaʿah׃ s
35 בְּנֵ֣י חָרִ֔ם שְׁלֹ֥שׁ מֵאֹ֖ות וְעֶשְׂרִֽים׃ ס beney ḥarim shelosh meʾowt weʿeseriym׃ s
36 בְּנֵ֣י יְרֵחֹ֔ו שְׁלֹ֥שׁ מֵאֹ֖ות אַרְבָּעִ֥ים וַחֲמִשָּֽׁה׃ ס beney yereḥow shelosh meʾowt ʾarebaʿiym waḥamishah׃ s
37 בְּנֵי־לֹד֙ חָדִ֣יד וְאֹונֹ֔ו שְׁבַ֥ע מֵאֹ֖ות וְעֶשְׂרִ֥ים וְאֶחָֽד׃ ס beney־lod ḥadiyd weʾownow shevaʿ meʾowt weʿeseriym weʾeḥad׃ s
38 בְּנֵ֣י סְנָאָ֔ה שְׁלֹ֣שֶׁת אֲלָפִ֔ים תְּשַׁ֥ע מֵאֹ֖ות וּשְׁלֹשִֽׁים׃ פ beney senaʾah sheloshet ʾalafiym teshaʿ meʾowt usheloshiym׃ f
39 הַֽכֹּהֲנִ֑ים בְּנֵ֤י יְדַֽעְיָה֙ לְבֵ֣ית יֵשׁ֔וּעַ תְּשַׁ֥ע מֵאֹ֖ות שִׁבְעִ֥ים וּשְׁלֹשָֽׁה׃ ס hakohaniym beney yedaʿeyah leveyt yeshuaʿ teshaʿ meʾowt shiveʿiym usheloshah׃ s
40 בְּנֵ֣י אִמֵּ֔ר אֶ֖לֶף חֲמִשִּׁ֥ים וּשְׁנָֽיִם׃ ס beney ʾimer ʾelef ḥamishiym ushenayim׃ s
41 בְּנֵ֣י פַשְׁח֔וּר אֶ֕לֶף מָאתַ֖יִם אַרְבָּעִ֥ים וְשִׁבְעָֽה׃ ס beney fasheḥur ʾelef maʾtayim ʾarebaʿiym weshiveʿah׃ s
42 בְּנֵ֣י חָרִ֔ם אֶ֖לֶף שִׁבְעָ֥ה עָשָֽׂר׃ פ beney ḥarim ʾelef shiveʿah ʿasar׃ f
43 הַלְוִיִּ֑ם בְּנֵֽי־יֵשׁ֧וּעַ לְקַדְמִיאֵ֛ל לִבְנֵ֥י לְהֹודְוָ֖ה שִׁבְעִ֥ים וְאַרְבָּעָֽה׃ ס halewiyim beney־yeshuaʿ leqademiyʾel liveney lehowdewah shiveʿiym weʾarebaʿah׃ s
44 הַֽמְשֹׁרְרִ֑ים בְּנֵ֣י אָסָ֔ף מֵאָ֖ה אַרְבָּעִ֥ים וּשְׁמֹנָֽה׃ ס hameshoreriym beney ʾasaf meʾah ʾarebaʿiym ushemonah׃ s
45 הַשֹּֽׁעֲרִ֗ים בְּנֵֽי־שַׁלּ֤וּם בְּנֵֽי־אָטֵר֙ בְּנֵֽי־טַלְמֹ֣ן בְּנֵֽי־עַקּ֔וּב בְּנֵ֥י חֲטִיטָ֖א בְּנֵ֣י שֹׁבָ֑י מֵאָ֖ה שְׁלֹשִׁ֥ים וּשְׁמֹנָֽה׃ ס hashoʿariym beney־shalum beney־ʾaṭer beney־ṭalemon beney־ʿaquv beney ḥaṭiyṭaʾ beney shovay meʾah sheloshiym ushemonah׃ s
46 הַנְּתִינִ֑ים בְּנֵי־צִחָ֥א בְנֵי־חֲשֻׂפָ֖א בְּנֵ֥י טַבָּעֹֽות׃ hanetiyniym beney־tsiḥaʾ veney־ḥasufaʾ beney ṭabaʿowt׃
47 בְּנֵי־קֵירֹ֥ס בְּנֵי־סִיעָ֖א בְּנֵ֥י פָדֹֽון׃ beney־qeyros beney־siyʿaʾ beney fadown׃
48 בְּנֵי־לְבָנָ֥ה בְנֵי־חֲגָבָ֖ה בְּנֵ֥י שַׁלְמָֽי׃ beney־levanah veney־ḥagavah beney shalemay׃
49 בְּנֵי־חָנָ֥ן בְּנֵי־גִדֵּ֖ל בְּנֵי־גָֽחַר׃ beney־ḥanan beney־gidel beney־gaḥar׃
50 בְּנֵי־רְאָיָ֥ה בְנֵי־רְצִ֖ין בְּנֵ֥י נְקֹודָֽא׃ beney־reʾayah veney־retsiyn beney neqowdaʾ׃
51 בְּנֵי־גַזָּ֥ם בְּנֵי־עֻזָּ֖א בְּנֵ֥י פָסֵֽחַ׃ beney־gazam beney־ʿuzaʾ beney faseaḥ׃
52 בְּנֵי־בֵסַ֥י בְּנֵי־מְעוּנִ֖ים בְּנֵ֥י [נְפוּשְׁסִים כ] (נְפִֽישְׁסִֽים׃ ק) beney־vesay beney־meʿuniym beney [nefushesiym kh] (nefiyshesiym׃ q)
53 בְּנֵי־בַקְבּ֥וּק בְּנֵֽי־חֲקוּפָ֖א בְּנֵ֥י חַרְחֽוּר׃ beney־vaqebuq beney־ḥaqufaʾ beney ḥareḥur׃
54 בְּנֵי־בַצְלִ֥ית בְּנֵֽי־מְחִידָ֖א בְּנֵ֥י חַרְשָֽׁא׃ beney־vatseliyt beney־meḥiydaʾ beney ḥareshaʾ׃
55 בְּנֵי־בַרְקֹ֥וס בְּֽנֵי־סִֽיסְרָ֖א בְּנֵי־תָֽמַח׃ beney־vareqows beney־siyseraʾ beney־tamaḥ׃
56 בְּנֵ֥י נְצִ֖יחַ בְּנֵ֥י חֲטִיפָֽא׃ beney netsiyḥa beney ḥaṭiyfaʾ׃
57 בְּנֵ֖י עַבְדֵ֣י שְׁלֹמֹ֑ה בְּנֵי־סֹוטַ֥י בְּנֵי־סֹופֶ֖רֶת בְּנֵ֥י פְרִידָֽא׃ beney ʿavedey shelomoh beney־sowṭay beney־sowferet beney feriydaʾ׃
58 בְּנֵי־יַעְלָ֥א בְנֵי־דַרְקֹ֖ון בְּנֵ֥י גִדֵּֽל׃ beney־yaʿelaʾ veney־dareqown beney gidel׃
59 בְּנֵ֧י שְׁפַטְיָ֣ה בְנֵֽי־חַטִּ֗יל בְּנֵ֛י פֹּכֶ֥רֶת הַצְּבָיִ֖ים בְּנֵ֥י אָמֹֽון׃ beney shefaṭeyah veney־ḥaṭiyl beney pokheret hatsevayiym beney ʾamown׃
60 כָּל־הַ֨נְּתִינִ֔ים וּבְנֵ֖י עַבְדֵ֣י שְׁלֹמֹ֑ה שְׁלֹ֥שׁ מֵאֹ֖ות תִּשְׁעִ֥ים וּשְׁנָֽיִם׃ פ kal־hanetiyniym uveney ʿavedey shelomoh shelosh meʾowt tisheʿiym ushenayim׃ f
61 וְאֵ֗לֶּה הָעֹולִים֙ מִתֵּ֥ל מֶ֙לַח֙ תֵּ֣ל חַרְשָׁ֔א כְּר֥וּב אַדֹּ֖ון וְאִמֵּ֑ר וְלֹ֣א יָכְל֗וּ לְהַגִּ֤יד בֵּית־אֲבֹותָם֙ וְזַרְעָ֔ם אִ֥ם מִיִּשְׂרָאֵ֖ל הֵֽם׃ weʾeleh haʿowliym mitel melaḥ tel ḥareshaʾ keruv ʾadown weʾimer weloʾ yakhelu lehagiyd beyt־ʾavowtam wezareʿam ʾim miyiseraʾel hem׃
62 בְּנֵי־דְלָיָ֥ה בְנֵֽי־טֹובִיָּ֖ה בְּנֵ֣י נְקֹודָ֑א שֵׁ֥שׁ מֵאֹ֖ות וְאַרְבָּעִ֥ים וּשְׁנָֽיִם׃ ס beney־delayah veney־ṭowviyah beney neqowdaʾ shesh meʾowt weʾarebaʿiym ushenayim׃ s
63 וּמִן־הַכֹּ֣הֲנִ֔ים בְּנֵ֥י חֳבַיָּ֖ה בְּנֵ֣י הַקֹּ֑וץ בְּנֵ֣י בַרְזִלַּ֗י אֲשֶׁ֣ר לָ֠קַח מִבְּנֹ֞ות בַּרְזִלַּ֤י הַגִּלְעָדִי֙ אִשָּׁ֔ה וַיִּקָּרֵ֖א עַל־שְׁמָֽם׃ umin־hakohaniym beney ḥovayah beney haqowts beney varezilay ʾasher laqaḥ mibenowt barezilay hagileʿadiy ʾishah wayiqareʾ ʿal־shemam׃
64 אֵ֗לֶּה בִּקְשׁ֧וּ כְתָבָ֛ם הַמִּתְיַחְשִׂ֖ים וְלֹ֣א נִמְצָ֑א וַיְגֹֽאֲל֖וּ מִן־הַכְּהֻנָּֽה׃ ʾeleh biqeshu khetavam hamiteyaḥesiym weloʾ nimetsaʾ wayegoʾalu min־hakehunah׃
65 וַיֹּ֤אמֶר הַתִּרְשָׁ֙תָא֙ לָהֶ֔ם אֲשֶׁ֥ר לֹא־יֹאכְל֖וּ מִקֹּ֣דֶשׁ הַקֳּדָשִׁ֑ים עַ֛ד עֲמֹ֥ד הַכֹּהֵ֖ן לְאוּרִ֥ים וְתוּמִּֽים׃ wayoʾmer hatireshataʾ lahem ʾasher loʾ־yoʾkhelu miqodesh haqodashiym ʿad ʿamod hakohen leʾuriym wetumiym׃
66 כָּל־הַקָּהָ֖ל כְּאֶחָ֑ד אַרְבַּ֣ע רִבֹּ֔וא אַלְפַּ֖יִם שְׁלֹשׁ־מֵאֹ֥ות וְשִׁשִּֽׁים׃ kal־haqahal keʾeḥad ʾarebaʿ ribowʾ ʾalepayim shelosh־meʾowt weshishiym׃
67 מִ֠לְּבַד עַבְדֵיהֶ֤ם וְאַמְהֹֽתֵיהֶם֙ אֵ֔לֶּה שִׁבְעַ֣ת אֲלָפִ֔ים שְׁלֹ֥שׁ מֵאֹ֖ות שְׁלֹשִׁ֣ים וְשִׁבְעָ֑ה וְלָהֶ֗ם מְשֹֽׁרֲרִים֙ וּמְשֹׁ֣רֲרֹ֔ות מָאתַ֖יִם וְאַרְבָּעִ֥ים וַחֲמִשָּֽׁה׃ ס milevad ʿavedeyhem weʾamehoteyhem ʾeleh shiveʿat ʾalafiym shelosh meʾowt sheloshiym weshiveʿah welahem meshorariym umeshorarowt maʾtayim weʾarebaʿiym waḥamishah׃ s
68 גְּמַלִּ֕ים אַרְבַּ֥ע מֵאֹ֖ות שְׁלֹשִׁ֣ים וַחֲמִשָּׁ֑ה ס חֲמֹרִ֕ים שֵׁ֣שֶׁת אֲלָפִ֔ים שְׁבַ֥ע מֵאֹ֖ות וְעֶשְׂרִֽים׃ gemaliym ʾarebaʿ meʾowt sheloshiym waḥamishah s ḥamoriym sheshet ʾalafiym shevaʿ meʾowt weʿeseriym׃
69 וּמִקְצָת֙ רָאשֵׁ֣י הָֽאָבֹ֔ות נָתְנ֖וּ לַמְּלָאכָ֑ה הַתִּרְשָׁ֜תָא נָתַ֣ן לָאֹוצָ֗ר זָהָ֞ב דַּרְכְּמֹנִ֥ים אֶ֙לֶף֙ מִזְרָקֹ֣ות חֲמִשִּׁ֔ים כָּתְנֹות֙ כֹּֽהֲנִ֔ים שְׁלֹשִׁ֖ים וַחֲמֵ֥שׁ מֵאֹֽות׃ umiqetsat raʾshey haʾavowt natenu lamelaʾkhah hatireshataʾ natan laʾowtsar zahav darekemoniym ʾelef mizeraqowt ḥamishiym katenowt kohaniym sheloshiym waḥamesh meʾowt׃
70 וּמֵֽרָאשֵׁ֣י הָֽאָבֹ֗ות נָֽתְנוּ֙ לְאֹוצַ֣ר הַמְּלָאכָ֔ה זָהָ֕ב דַּרְכְּמֹונִ֖ים שְׁתֵּ֣י רִבֹּ֑ות וְכֶ֕סֶף מָנִ֖ים אַלְפַּ֥יִם וּמָאתָֽיִם׃ umeraʾshey haʾavowt natenu leʾowtsar hamelaʾkhah zahav darekemowniym shetey ribowt wekhesef maniym ʾalepayim umaʾtayim׃
71 וַאֲשֶׁ֣ר נָתְנוּ֮ שְׁאֵרִ֣ית הָעָם֒ זָהָ֗ב דַּרְכְּמֹונִים֙ שְׁתֵּ֣י רִבֹּ֔וא וְכֶ֖סֶף מָנִ֣ים אַלְפָּ֑יִם וְכָתְנֹ֥ת כֹּֽהֲנִ֖ים שִׁשִּׁ֥ים וְשִׁבְעָֽה׃ פ waʾasher natenu sheʾeriyt haʿam zahav darekemowniym shetey ribowʾ wekhesef maniym ʾalepayim wekhatenot kohaniym shishiym weshiveʿah׃ f
72 וַיֵּשְׁב֣וּ הַכֹּהֲנִ֣ים וְהַלְוִיִּ֡ם וְהַשֹּׁועֲרִים֩ וְהַמְשֹׁרְרִ֨ים וּמִן־הָעָ֧ם וְהַנְּתִינִ֛ים וְכָל־יִשְׂרָאֵ֖ל בְּעָרֵיהֶ֑ם וַיִּגַּע֙ הַחֹ֣דֶשׁ הַשְּׁבִיעִ֔י וּבְנֵ֥י יִשְׂרָאֵ֖ל בְּעָרֵיהֶֽם׃ wayeshevu hakohaniym wehalewiyim wehashowʿariym wehameshoreriym umin־haʿam wehanetiyniym wekhal־yiseraʾel beʿareyhem wayigaʿ haḥodesh hasheviyʿiy uveney yiseraʾel beʿareyhem׃