2 Rois 4

¹ וְאִשָּׁ֣ה אַחַ֣ת מִנְּשֵׁ֣י בְנֵֽי־הַ֠נְּבִיאִים צָעֲקָ֨ה אֶל־אֱלִישָׁ֜ע לֵאמֹ֗ר עַבְדְּךָ֤ אִישִׁי֙ מֵ֔ת וְאַתָּ֣ה יָדַ֔עְתָּ כִּ֣י עַבְדְּךָ֔ הָיָ֥ה יָרֵ֖א אֶת־יְהוָ֑ה וְהַ֨נֹּשֶׁ֔ה בָּ֗א לָקַ֜חַת אֶת־שְׁנֵ֧י יְלָדַ֛י לֹ֖ו לַעֲבָדִֽים׃ weʾishah ʾaḥat mineshey veney־haneviyʾiym tsaʿaqah ʾel־ʾeliyshaʿ leʾmor ʿavedekha ʾiyshiy met weʾatah yadaʿeta kiy ʿavedekha hayah yareʾ ʾet־yehwah wehanosheh baʾ laqaḥat ʾet־sheney yeladay low laʿavadiym׃

² וַיֹּ֨אמֶר אֵלֶ֤יהָ אֱלִישָׁע֙ מָ֣ה אֶֽעֱשֶׂה־לָּ֔ךְ הַגִּ֣ידִי לִ֔י מַה־יֶּשׁ־ [לְכִי כ] (לָ֖ךְ ק) בַּבָּ֑יִת וַתֹּ֗אמֶר אֵ֣ין לְשִׁפְחָתְךָ֥ כֹל֙ בַּבַּ֔יִת כִּ֖י אִם־אָס֥וּךְ שָֽׁמֶן׃ wayoʾmer ʾeleyha ʾeliyshaʿ mah ʾeʿeseh־lakhe hagiydiy liy mah־yesh־ [lekhiy kh] (lakhe q) babayit watoʾmer ʾeyn leshifeḥatekha khol babayit kiy ʾim־ʾasukhe shamen׃

³ וַיֹּ֗אמֶר לְכִ֨י שַׁאֲלִי־לָ֤ךְ כֵּלִים֙ מִן־הַח֔וּץ מֵאֵ֖ת כָּל־ [שִׁכְנָכֵי כ] (שְׁכֵנָ֑יִךְ ק) כֵּלִ֥ים רֵקִ֖ים אַל־תַּמְעִֽיטִי׃ wayoʾmer lekhiy shaʾaliy־lakhe keliym min־haḥuts meʾet kal־ [shikhenakhey kh] (shekhenayikhe q) keliym reqiym ʾal־tameʿiyṭiy׃

⁴ וּבָ֗את וְסָגַ֤רְתְּ הַדֶּ֙לֶת֙ בַּעֲדֵ֣ךְ וּבְעַד־בָּנַ֔יִךְ וְיָצַ֕קְתְּ עַ֥ל כָּל־הַכֵּלִ֖ים הָאֵ֑לֶּה וְהַמָּלֵ֖א תַּסִּֽיעִי׃ uvaʾt wesagarete hadelet baʿadekhe uveʿad־banayikhe weyatsaqete ʿal kal־hakeliym haʾeleh wehamaleʾ tasiyʿiy׃

⁵ וַתֵּ֙לֶךְ֙ מֵֽאִתֹּ֔ו וַתִּסְגֹּ֣ר הַדֶּ֔לֶת בַּעֲדָ֖הּ וּבְעַ֣ד בָּנֶ֑יהָ הֵ֛ם מַגִּשִׁ֥ים אֵלֶ֖יהָ וְהִ֥יא [מֵיצָקֶת כ] (מֹוצָֽקֶת׃ ק) watelekhe meʾitow watisegor hadelet baʿadah uveʿad baneyha hem magishiym ʾeleyha wehiyʾ [meytsaqet kh] (mowtsaqet׃ q)

⁶ וַיְהִ֣י ׀ כִּמְלֹ֣את הַכֵּלִ֗ים וַתֹּ֤אמֶר אֶל־בְּנָהּ֙ הַגִּ֨ישָׁה אֵלַ֥י עֹוד֙ כֶּ֔לִי וַיֹּ֣אמֶר אֵלֶ֔יהָ אֵ֥ין עֹ֖וד כֶּ֑לִי וַֽיַּעֲמֹ֖ד הַשָּֽׁמֶן׃ wayehiy ׀ kimeloʾt hakeliym watoʾmer ʾel־benah hagiyshah ʾelay ʿowd keliy wayoʾmer ʾeleyha ʾeyn ʿowd keliy wayaʿamod hashamen׃

⁷ וַתָּבֹ֗א וַתַּגֵּד֙ לְאִ֣ישׁ הָאֱלֹהִ֔ים וַיֹּ֗אמֶר לְכִי֙ מִכְרִ֣י אֶת־הַשֶּׁ֔מֶן וְשַׁלְּמִ֖י אֶת־ [נִשְׁיֵכִי כ] (נִשְׁיֵ֑ךְ ק) וְאַ֣תְּ [בְּנֵיכִי כ] (וּבָנַ֔יִךְ ק) תִֽחְיִ֖י בַּנֹּותָֽר׃ פ watavoʾ wataged leʾiysh haʾelohiym wayoʾmer lekhiy mikheriy ʾet־hashemen weshalemiy ʾet־ [nisheyekhiy kh] (nisheyekhe q) weʾate [beneykhiy kh] (uvanayikhe q) tiḥeyiy banowtar׃ f

⁸ וַיְהִ֨י הַיֹּ֜ום וַיַּעֲבֹ֧ר אֱלִישָׁ֣ע אֶל־שׁוּנֵ֗ם וְשָׁם֙ אִשָּׁ֣ה גְדֹולָ֔ה וַתַּחֲזֶק־בֹּ֖ו לֶאֱכָל־לָ֑חֶם וַֽיְהִי֙ מִדֵּ֣י עָבְרֹ֔ו יָסֻ֥ר שָׁ֖מָּה לֶאֱכָל־לָֽחֶם׃ wayehiy hayowm wayaʿavor ʾeliyshaʿ ʾel־shunem wesham ʾishah gedowlah wataḥazeq־bow leʾekhal־laḥem wayehiy midey ʿaverow yasur shamah leʾekhal־laḥem׃

⁹ וַתֹּ֙אמֶר֙ אֶל־אִישָׁ֔הּ הִנֵּה־נָ֣א יָדַ֔עְתִּי כִּ֛י אִ֥ישׁ אֱלֹהִ֖ים קָדֹ֣ושׁ ה֑וּא עֹבֵ֥ר עָלֵ֖ינוּ תָּמִֽיד׃ watoʾmer ʾel־ʾiyshah hineh־naʾ yadaʿetiy kiy ʾiysh ʾelohiym qadowsh huʾ ʿover ʿaleynu tamiyd׃

¹⁰ נַֽעֲשֶׂה־נָּ֤א עֲלִיַּת־קִיר֙ קְטַנָּ֔ה וְנָשִׂ֨ים לֹ֥ו שָׁ֛ם מִטָּ֥ה וְשֻׁלְחָ֖ן וְכִסֵּ֣א וּמְנֹורָ֑ה וְהָיָ֛ה בְּבֹאֹ֥ו אֵלֵ֖ינוּ יָס֥וּר שָֽׁמָּה׃ naʿaseh־naʾ ʿaliyat־qiyr qeṭanah wenasiym low sham miṭah weshuleḥan wekhiseʾ umenowrah wehayah bevoʾow ʾeleynu yasur shamah׃

¹¹ וַיְהִ֥י הַיֹּ֖ום וַיָּ֣בֹא שָׁ֑מָּה וַיָּ֥סַר אֶל־הָעֲלִיָּ֖ה וַיִּשְׁכַּב־שָֽׁמָּה׃ wayehiy hayowm wayavoʾ shamah wayasar ʾel־haʿaliyah wayishekav־shamah׃

¹² וַיֹּ֙אמֶר֙ אֶל־גֵּחֲזִ֣י נַעֲרֹ֔ו קְרָ֖א לַשּׁוּנַמִּ֣ית הַזֹּ֑את וַיִּקְרָא־לָ֔הּ וַֽתַּעֲמֹ֖ד לְפָנָֽיו׃ wayoʾmer ʾel־geḥaziy naʿarow qeraʾ lashunamiyt hazoʾt wayiqeraʾ־lah wataʿamod lefanayw׃

¹³ וַיֹּ֣אמֶר לֹ֗ו אֱמָר־נָ֣א אֵלֶיהָ֮ הִנֵּ֣ה חָרַ֣דְתְּ ׀ אֵלֵינוּ֮ אֶת־כָּל־הַחֲרָדָ֣ה הַזֹּאת֒ מֶ֚ה לַעֲשֹׂ֣ות לָ֔ךְ הֲיֵ֤שׁ לְדַבֶּר־לָךְ֙ אֶל־הַמֶּ֔לֶךְ אֹ֖ו אֶל־שַׂ֣ר הַצָּבָ֑א וַתֹּ֕אמֶר בְּתֹ֥וךְ עַמִּ֖י אָנֹכִ֥י יֹשָֽׁבֶת׃ wayoʾmer low ʾemar־naʾ ʾeleyha hineh ḥaradete ׀ ʾeleynu ʾet־kal־haḥaradah hazoʾt meh laʿasowt lakhe hayesh ledaber־lakhe ʾel־hamelekhe ʾow ʾel־sar hatsavaʾ watoʾmer betowkhe ʿamiy ʾanokhiy yoshavet׃

¹⁴ וַיֹּ֕אמֶר וּמֶ֖ה לַעֲשֹׂ֣ות לָ֑הּ וַיֹּ֣אמֶר גֵּיחֲזִ֗י אֲבָ֛ל בֵּ֥ן אֵֽין־לָ֖הּ וְאִישָׁ֥הּ זָקֵֽן׃ wayoʾmer umeh laʿasowt lah wayoʾmer geyḥaziy ʾaval ben ʾeyn־lah weʾiyshah zaqen׃

¹⁵ וַיֹּ֖אמֶר קְרָא־לָ֑הּ וַיִּקְרָא־לָ֔הּ וַֽתַּעֲמֹ֖ד בַּפָּֽתַח׃ wayoʾmer qeraʾ־lah wayiqeraʾ־lah wataʿamod bapataḥ׃

¹⁶ וַיֹּ֗אמֶר לַמֹּועֵ֤ד הַזֶּה֙ כָּעֵ֣ת חַיָּ֔ה [אַתִּי כ] (אַ֖תְּ ק) חֹבֶ֣קֶת בֵּ֑ן וַתֹּ֗אמֶר אַל־אֲדֹנִי֙ אִ֣ישׁ הָאֱלֹהִ֔ים אַל־תְּכַזֵּ֖ב בְּשִׁפְחָתֶֽךָ׃ wayoʾmer lamowʿed hazeh kaʿet ḥayah [ʾatiy kh] (ʾate q) ḥoveqet ben watoʾmer ʾal־ʾadoniy ʾiysh haʾelohiym ʾal־tekhazev beshifeḥatekha׃

¹⁷ וַתַּ֥הַר הָאִשָּׁ֖ה וַתֵּ֣לֶד בֵּ֑ן לַמֹּועֵ֤ד הַזֶּה֙ כָּעֵ֣ת חַיָּ֔ה אֲשֶׁר־דִּבֶּ֥ר אֵלֶ֖יהָ אֱלִישָֽׁע׃ watahar haʾishah wateled ben lamowʿed hazeh kaʿet ḥayah ʾasher־diber ʾeleyha ʾeliyshaʿ׃

¹⁸ וַיִּגְדַּ֖ל הַיָּ֑לֶד וַיְהִ֣י הַיֹּ֔ום וַיֵּצֵ֥א אֶל־אָבִ֖יו אֶל־הַקֹּצְרִֽים׃ wayigedal hayaled wayehiy hayowm wayetseʾ ʾel־ʾaviyw ʾel־haqotseriym׃

¹⁹ וַיֹּ֥אמֶר אֶל־אָבִ֖יו רֹאשִׁ֣י ׀ רֹאשִׁ֑י וַיֹּ֙אמֶר֙ אֶל־הַנַּ֔עַר שָׂאֵ֖הוּ אֶל־אִמֹּֽו׃ wayoʾmer ʾel־ʾaviyw roʾshiy ׀ roʾshiy wayoʾmer ʾel־hanaʿar saʾehu ʾel־ʾimow׃

²⁰ וַיִּשָּׂאֵ֔הוּ וַיְבִיאֵ֖הוּ אֶל־אִמֹּ֑ו וַיֵּ֧שֶׁב עַל־בִּרְכֶּ֛יהָ עַד־הַֽצָּהֳרַ֖יִם וַיָּמֹֽת׃ wayisaʾehu wayeviyʾehu ʾel־ʾimow wayeshev ʿal־birekeyha ʿad־hatsahorayim wayamot׃

²¹ וַתַּ֙עַל֙ וַתַּשְׁכִּבֵ֔הוּ עַל־מִטַּ֖ת אִ֣ישׁ הָאֱלֹהִ֑ים וַתִּסְגֹּ֥ר בַּעֲדֹ֖ו וַתֵּצֵֽא׃ wataʿal watashekivehu ʿal־miṭat ʾiysh haʾelohiym watisegor baʿadow watetseʾ׃

²² וַתִּקְרָא֮ אֶל־אִישָׁהּ֒ וַתֹּ֗אמֶר שִׁלְחָ֨ה נָ֥א לִי֙ אֶחָ֣ד מִן־הַנְּעָרִ֔ים וְאַחַ֖ת הָאֲתֹנֹ֑ות וְאָר֛וּצָה עַד־אִ֥ישׁ הָאֱלֹהִ֖ים וְאָשֽׁוּבָה׃ watiqeraʾ ʾel־ʾiyshah watoʾmer shileḥah naʾ liy ʾeḥad min־haneʿariym weʾaḥat haʾatonowt weʾarutsah ʿad־ʾiysh haʾelohiym weʾashuvah׃

²³ וַיֹּ֗אמֶר מַ֠דּוּעַ [אַתִּי כ] (אַ֣תְּ ק) [הֹלַכְתִּי כ] (הֹלֶ֤כֶת ק) אֵלָיו֙ הַיֹּ֔ום לֹֽא־חֹ֖דֶשׁ וְלֹ֣א שַׁבָּ֑ת וַתֹּ֖אמֶר שָׁלֹֽום׃ wayoʾmer maduaʿ [ʾatiy kh] (ʾate q) [holakhetiy kh] (holekhet q) ʾelayw hayowm loʾ־ḥodesh weloʾ shabat watoʾmer shalowm׃

²⁴ וַֽתַּחֲבֹשׁ֙ הָֽאָתֹ֔ון וַתֹּ֥אמֶר אֶֽל־נַעֲרָ֖הּ נְהַ֣ג וָלֵ֑ךְ אַל־תַּעֲצָר־לִ֣י לִרְכֹּ֔ב כִּ֖י אִם־אָמַ֥רְתִּי לָֽךְ׃ wataḥavosh haʾatown watoʾmer ʾel־naʿarah nehag walekhe ʾal־taʿatsar־liy lirekov kiy ʾim־ʾamaretiy lakhe׃

²⁵ וַתֵּ֗לֶךְ וַתָּבֹ֛וא אֶל־אִ֥ישׁ הָאֱלֹהִ֖ים אֶל־הַ֣ר הַכַּרְמֶ֑ל וַ֠יְהִי כִּרְאֹ֨ות אִישׁ־הָאֱלֹהִ֤ים אֹתָהּ֙ מִנֶּ֔גֶד וַיֹּ֙אמֶר֙ אֶל־גֵּיחֲזִ֣י נַעֲרֹ֔ו הִנֵּ֖ה הַשּׁוּנַמִּ֥ית הַלָּֽז׃ watelekhe watavowʾ ʾel־ʾiysh haʾelohiym ʾel־har hakaremel wayehiy kireʾowt ʾiysh־haʾelohiym ʾotah mineged wayoʾmer ʾel־geyḥaziy naʿarow hineh hashunamiyt halaz׃

²⁶ עַתָּה֮ רֽוּץ־נָ֣א לִקְרָאתָהּ֒ וֶאֱמָר־לָ֗הּ הֲשָׁלֹ֥ום לָ֛ךְ הֲשָׁלֹ֥ום לְאִישֵׁ֖ךְ הֲשָׁלֹ֣ום לַיָּ֑לֶד וַתֹּ֖אמֶר שָׁלֹֽום׃ ʿatah ruts־naʾ liqeraʾtah weʾemar־lah hashalowm lakhe hashalowm leʾiyshekhe hashalowm layaled watoʾmer shalowm׃

²⁷ וַתָּבֹ֞א אֶל־אִ֤ישׁ הָֽאֱלֹהִים֙ אֶל־הָהָ֔ר וַֽתַּחֲזֵ֖ק בְּרַגְלָ֑יו וַיִּגַּ֨שׁ גֵּֽיחֲזִ֜י לְהָדְפָ֗הּ וַיֹּאמֶר֩ אִ֨ישׁ הָאֱלֹהִ֤ים הַרְפֵּֽה־לָהּ֙ כִּֽי־נַפְשָׁ֣הּ מָֽרָה־לָ֔הּ וַֽיהוָה֙ הֶעְלִ֣ים מִמֶּ֔נִּי וְלֹ֥א הִגִּ֖יד לִֽי׃ watavoʾ ʾel־ʾiysh haʾelohiym ʾel־hahar wataḥazeq beragelayw wayigash geyḥaziy lehadefah wayoʾmer ʾiysh haʾelohiym harepeh־lah kiy־nafeshah marah־lah wayhwah heʿeliym mimeniy weloʾ higiyd liy׃

²⁸ וַתֹּ֕אמֶר הֲשָׁאַ֥לְתִּי בֵ֖ן מֵאֵ֣ת אֲדֹנִ֑י הֲלֹ֣א אָמַ֔רְתִּי לֹ֥א תַשְׁלֶ֖ה אֹתִֽי׃ watoʾmer hashaʾaletiy ven meʾet ʾadoniy haloʾ ʾamaretiy loʾ tasheleh ʾotiy׃

²⁹ וַיֹּ֨אמֶר לְגֵיחֲזִ֜י חֲגֹ֣ר מָתְנֶ֗יךָ וְקַ֨ח מִשְׁעַנְתִּ֣י בְיָדְךָ֮ וָלֵךְ֒ כִּֽי־תִמְצָ֥א אִישׁ֙ לֹ֣א תְבָרְכֶ֔נּוּ וְכִֽי־יְבָרֶכְךָ֥ אִ֖ישׁ לֹ֣א תַעֲנֶנּ֑וּ וְשַׂמְתָּ֥ מִשְׁעַנְתִּ֖י עַל־פְּנֵ֥י הַנָּֽעַר׃ wayoʾmer legeyḥaziy ḥagor mateneykha weqaḥ misheʿanetiy veyadekha walekhe kiy־timetsaʾ ʾiysh loʾ tevarekhenu wekhiy־yevarekhekha ʾiysh loʾ taʿanenu wesameta misheʿanetiy ʿal־peney hanaʿar׃

³⁰ וַתֹּ֙אמֶר֙ אֵ֣ם הַנַּ֔עַר חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּ וַיָּ֖קָם וַיֵּ֥לֶךְ אַחֲרֶֽיהָ׃ watoʾmer ʾem hanaʿar ḥay־yehwah weḥey־nafeshekha ʾim־ʾeʿezeveka wayaqam wayelekhe ʾaḥareyha׃

³¹ וְגֵחֲזִ֞י עָבַ֣ר לִפְנֵיהֶ֗ם וַיָּ֤שֶׂם אֶת־הַמִּשְׁעֶ֙נֶת֙ עַל־פְּנֵ֣י הַנַּ֔עַר וְאֵ֥ין קֹ֖ול וְאֵ֣ין קָ֑שֶׁב וַיָּ֤שָׁב לִקְרָאתֹו֙ וַיַּגֶּד־לֹ֣ו לֵאמֹ֔ר לֹ֥א הֵקִ֖יץ הַנָּֽעַר׃ wegeḥaziy ʿavar lifeneyhem wayasem ʾet־hamisheʿenet ʿal־peney hanaʿar weʾeyn qowl weʾeyn qashev wayashav liqeraʾtow wayaged־low leʾmor loʾ heqiyts hanaʿar׃

³² וַיָּבֹ֥א אֱלִישָׁ֖ע הַבָּ֑יְתָה וְהִנֵּ֤ה הַנַּ֙עַר֙ מֵ֔ת מֻשְׁכָּ֖ב עַל־מִטָּתֹֽו׃ wayavoʾ ʾeliyshaʿ habayetah wehineh hanaʿar met mushekav ʿal־miṭatow׃

³³ וַיָּבֹ֕א וַיִּסְגֹּ֥ר הַדֶּ֖לֶת בְּעַ֣ד שְׁנֵיהֶ֑ם וַיִּתְפַּלֵּ֖ל אֶל־יְהוָֽה׃ wayavoʾ wayisegor hadelet beʿad sheneyhem wayitepalel ʾel־yehwah׃

³⁴ וַיַּ֜עַל וַיִּשְׁכַּ֣ב עַל־הַיֶּ֗לֶד וַיָּשֶׂם֩ פִּ֨יו עַל־פִּ֜יו וְעֵינָ֤יו עַל־עֵינָיו֙ וְכַפָּ֣יו עַל־ [כַּפֹּו כ] (כַּפָּ֔יו ק) וַיִּגְהַ֖ר עָלָ֑יו וַיָּ֖חָם בְּשַׂ֥ר הַיָּֽלֶד׃ wayaʿal wayishekav ʿal־hayeled wayasem piyw ʿal־piyw weʿeynayw ʿal־ʿeynayw wekhapayw ʿal־ [kapow kh] (kapayw q) wayigehar ʿalayw wayaḥam besar hayaled׃

³⁵ וַיָּ֜שָׁב וַיֵּ֣לֶךְ בַּבַּ֗יִת אַחַ֥ת הֵ֙נָּה֙ וְאַחַ֣ת הֵ֔נָּה וַיַּ֖עַל וַיִּגְהַ֣ר עָלָ֑יו וַיְזֹורֵ֤ר הַנַּ֙עַר֙ עַד־שֶׁ֣בַע פְּעָמִ֔ים וַיִּפְקַ֥ח הַנַּ֖עַר אֶת־עֵינָֽיו׃ wayashav wayelekhe babayit ʾaḥat henah weʾaḥat henah wayaʿal wayigehar ʿalayw wayezowrer hanaʿar ʿad־shevaʿ peʿamiym wayifeqaḥ hanaʿar ʾet־ʿeynayw׃

³⁶ וַיִּקְרָ֣א אֶל־גֵּיחֲזִ֗י וַיֹּ֙אמֶר֙ קְרָא֙ אֶל־הַשֻּׁנַמִּ֣ית הַזֹּ֔את וַיִּקְרָאֶ֖הָ וַתָּבֹ֣וא אֵלָ֑יו וַיֹּ֖אמֶר שְׂאִ֥י בְנֵֽךְ׃ wayiqeraʾ ʾel־geyḥaziy wayoʾmer qeraʾ ʾel־hashunamiyt hazoʾt wayiqeraʾeah watavowʾ ʾelayw wayoʾmer seʾiy venekhe׃

³⁷ וַתָּבֹא֙ וַתִּפֹּ֣ל עַל־רַגְלָ֔יו וַתִּשְׁתַּ֖חוּ אָ֑רְצָה וַתִּשָּׂ֥א אֶת־בְּנָ֖הּ וַתֵּצֵֽא׃ פ watavoʾ watipol ʿal־ragelayw watishetaḥu ʾaretsah watisaʾ ʾet־benah watetseʾ׃ f

³⁸ וֶאֱלִישָׁ֞ע שָׁ֤ב הַגִּלְגָּ֙לָה֙ וְהָרָעָ֣ב בָּאָ֔רֶץ וּבְנֵי֙ הַנְּבִיאִ֔ים יֹשְׁבִ֖ים לְפָנָ֑יו וַיֹּ֣אמֶר לְנַעֲרֹ֗ו שְׁפֹת֙ הַסִּ֣יר הַגְּדֹולָ֔ה וּבַשֵּׁ֥ל נָזִ֖יד לִבְנֵ֥י הַנְּבִיאִֽים׃ weʾeliyshaʿ shav hagilegalah weharaʿav baʾarets uveney haneviyʾiym yosheviym lefanayw wayoʾmer lenaʿarow shefot hasiyr hagedowlah uvashel naziyd liveney haneviyʾiym׃

³⁹ וַיֵּצֵ֨א אֶחָ֣ד אֶל־הַשָּׂדֶה֮ לְלַקֵּ֣ט אֹרֹת֒ וַיִּמְצָא֙ גֶּ֣פֶן שָׂדֶ֔ה וַיְלַקֵּ֥ט מִמֶּ֛נּוּ פַּקֻּעֹ֥ת שָׂדֶ֖ה מְלֹ֣א בִגְדֹ֑ו וַיָּבֹ֗א וַיְפַלַּ֛ח אֶל־סִ֥יר הַנָּזִ֖יד כִּֽי־לֹ֥א יָדָֽעוּ׃ wayetseʾ ʾeḥad ʾel־hasadeh lelaqeṭ ʾorot wayimetsaʾ gefen sadeh wayelaqeṭ mimenu paquʿot sadeh meloʾ vigedow wayavoʾ wayefalaḥ ʾel־siyr hanaziyd kiy־loʾ yadaʿu׃

⁴⁰ וַיִּֽצְק֥וּ לַאֲנָשִׁ֖ים לֶאֱכֹ֑ול וַ֠יְהִי כְּאָכְלָ֨ם מֵהַנָּזִ֜יד וְהֵ֣מָּה צָעָ֗קוּ וַיֹּֽאמְרוּ֙ מָ֤וֶת בַּסִּיר֙ אִ֣ישׁ הָאֱלֹהִ֔ים וְלֹ֥א יָכְל֖וּ לֶאֱכֹֽל׃ wayitsequ laʾanashiym leʾekhowl wayehiy keʾakhelam mehanaziyd wehemah tsaʿaqu wayoʾmeru mawet basiyr ʾiysh haʾelohiym weloʾ yakhelu leʾekhol׃

⁴¹ וַיֹּ֙אמֶר֙ וּקְחוּ־קֶ֔מַח וַיַּשְׁלֵ֖ךְ אֶל־הַסִּ֑יר וַיֹּ֗אמֶר צַ֤ק לָעָם֙ וְיֹאכֵ֔לוּ וְלֹ֥א הָיָ֛ה דָּבָ֥ר רָ֖ע בַּסִּֽיר׃ ס wayoʾmer uqeḥu־qemaḥ wayashelekhe ʾel־hasiyr wayoʾmer tsaq laʿam weyoʾkhelu weloʾ hayah davar raʿ basiyr׃ s

⁴² וְאִ֨ישׁ בָּ֜א מִבַּ֣עַל שָׁלִ֗שָׁה וַיָּבֵא֩ לְאִ֨ישׁ הָאֱלֹהִ֜ים לֶ֤חֶם בִּכּוּרִים֙ עֶשְׂרִֽים־לֶ֣חֶם שְׂעֹרִ֔ים וְכַרְמֶ֖ל בְּצִקְלֹנֹ֑ו וַיֹּ֕אמֶר תֵּ֥ן לָעָ֖ם וְיֹאכֵֽלוּ׃ weʾiysh baʾ mibaʿal shalishah wayaveʾ leʾiysh haʾelohiym leḥem bikuriym ʿeseriym־leḥem seʿoriym wekharemel betsiqelonow wayoʾmer ten laʿam weyoʾkhelu׃

⁴³ וַיֹּ֙אמֶר֙ מְשָׁ֣רְתֹ֔ו מָ֚ה אֶתֵּ֣ן זֶ֔ה לִפְנֵ֖י מֵ֣אָה אִ֑ישׁ וַיֹּ֗אמֶר תֵּ֤ן לָעָם֙ וְיֹאכֵ֔לוּ כִּ֣י כֹ֥ה אָמַ֛ר יְהוָ֖ה אָכֹ֥ל וְהֹותֵֽר׃ wayoʾmer mesharetow mah ʾeten zeh lifeney meʾah ʾiysh wayoʾmer ten laʿam weyoʾkhelu kiy khoh ʾamar yehwah ʾakhol wehowter׃

⁴⁴ וַיִּתֵּ֧ן לִפְנֵיהֶ֛ם וַיֹּאכְל֥וּ וַיֹּותִ֖רוּ כִּדְבַ֥ר יְהוָֽה׃ פ wayiten lifeneyhem wayoʾkhelu wayowtiru kidevar yehwah׃ f