Ecclésiaste 10

¹ זְב֣וּבֵי מָ֔וֶת יַבְאִ֥ישׁ יַבִּ֖יעַ שֶׁ֣מֶן רֹוקֵ֑חַ יָקָ֛ר מֵחָכְמָ֥ה מִכָּבֹ֖וד סִכְל֥וּת מְעָֽט׃ zevuvey mawet yaveʾiysh yabiyʿa shemen rowqeaḥ yaqar meḥakhemah mikavowd sikhelut meʿaṭ׃

² לֵ֤ב חָכָם֙ לִֽימִינֹ֔ו וְלֵ֥ב כְּסִ֖יל לִשְׂמֹאלֹֽו׃ lev ḥakham liymiynow welev kesiyl lisemoʾlow׃

³ וְגַם־בַּדֶּ֛רֶךְ [כְּשֶׁהַסָּכָל כ] (כְּשֶׁסָּכָ֥ל ק) הֹלֵ֖ךְ לִבֹּ֣ו חָסֵ֑ר וְאָמַ֥ר לַכֹּ֖ל סָכָ֥ל הֽוּא׃ wegam־baderekhe [keshehasakhal kh] (keshesakhal q) holekhe libow ḥaser weʾamar lakol sakhal huʾ׃

⁴ אִם־ר֤וּחַ הַמֹּושֵׁל֙ תַּעֲלֶ֣ה עָלֶ֔יךָ מְקֹומְךָ֖ אַל־תַּנַּ֑ח כִּ֣י מַרְפֵּ֔א יַנִּ֖יחַ חֲטָאִ֥ים גְּדֹולִֽים׃ ʾim־ruaḥ hamowshel taʿaleh ʿaleykha meqowmekha ʾal־tanaḥ kiy marepeʾ yaniyḥa ḥaṭaʾiym gedowliym׃

⁵ יֵ֣שׁ רָעָ֔ה רָאִ֖יתִי תַּ֣חַת הַשָּׁ֑מֶשׁ כִּשְׁגָגָ֕ה שֶׁיֹּצָ֖א מִלִּפְנֵ֥י הַשַּׁלִּֽיט׃ yesh raʿah raʾiytiy taḥat hashamesh kishegagah sheyotsaʾ milifeney hashaliyṭ׃

⁶ נִתַּ֣ן הַסֶּ֔כֶל בַּמְּרֹומִ֖ים רַבִּ֑ים וַעֲשִׁירִ֖ים בַּשֵּׁ֥פֶל יֵשֵֽׁבוּ׃ nitan hasekhel bamerowmiym rabiym waʿashiyriym bashefel yeshevu׃

⁷ רָאִ֥יתִי עֲבָדִ֖ים עַל־סוּסִ֑ים וְשָׂרִ֛ים הֹלְכִ֥ים כַּעֲבָדִ֖ים עַל־הָאָֽרֶץ׃ raʾiytiy ʿavadiym ʿal־susiym wesariym holekhiym kaʿavadiym ʿal־haʾarets׃

⁸ חֹפֵ֥ר גּוּמָּ֖ץ בֹּ֣ו יִפֹּ֑ול וּפֹרֵ֥ץ גָּדֵ֖ר יִשְּׁכֶ֥נּוּ נָחָֽשׁ׃ ḥofer gumats bow yipowl uforets gader yishekhenu naḥash׃

⁹ מַסִּ֣יעַ אֲבָנִ֔ים יֵעָצֵ֖ב בָּהֶ֑ם בֹּוקֵ֥עַ עֵצִ֖ים יִסָּ֥כֶן בָּֽם׃ masiyʿa ʾavaniym yeʿatsev bahem bowqeaʿ ʿetsiym yisakhen bam׃

¹⁰ אִם־קֵהָ֣ה הַבַּרְזֶ֗ל וְהוּא֙ לֹא־פָנִ֣ים קִלְקַ֔ל וַחֲיָלִ֖ים יְגַבֵּ֑ר וְיִתְרֹ֥ון הַכְשֵׁ֖יר חָכְמָֽה׃ ʾim־qehah habarezel wehuʾ loʾ־faniym qileqal waḥayaliym yegaber weyiterown hakhesheyr ḥakhemah׃

¹¹ אִם־יִשֹּׁ֥ךְ הַנָּחָ֖שׁ בְּלֹוא־לָ֑חַשׁ וְאֵ֣ין יִתְרֹ֔ון לְבַ֖עַל הַלָּשֹֽׁון׃ ʾim־yishokhe hanaḥash belowʾ־laḥash weʾeyn yiterown levaʿal halashown׃

¹² דִּבְרֵ֥י פִי־חָכָ֖ם חֵ֑ן וְשִׂפְתֹ֥ות כְּסִ֖יל תְּבַלְּעֶֽנּוּ׃ diverey fiy־ḥakham ḥen wesifetowt kesiyl tevaleʿenu׃

¹³ תְּחִלַּ֥ת דִּבְרֵי־פִ֖יהוּ סִכְל֑וּת וְאַחֲרִ֣ית פִּ֔יהוּ הֹולֵל֖וּת רָעָֽה׃ teḥilat diverey־fiyhu sikhelut weʾaḥariyt piyhu howlelut raʿah׃

¹⁴ וְהַסָּכָ֖ל יַרְבֶּ֣ה דְבָרִ֑ים לֹא־יֵדַ֤ע הָאָדָם֙ מַה־שֶׁיִּֽהְיֶ֔ה וַאֲשֶׁ֤ר יִֽהְיֶה֙ מֵֽאַחֲרָ֔יו מִ֖י יַגִּ֥יד לֹֽו׃ wehasakhal yarebeh devariym loʾ־yedaʿ haʾadam mah־sheyiheyeh waʾasher yiheyeh meʾaḥarayw miy yagiyd low׃

¹⁵ עֲמַ֥ל הַכְּסִילִ֖ים תְּיַגְּעֶ֑נּוּ אֲשֶׁ֥ר לֹֽא־יָדַ֖ע לָלֶ֥כֶת אֶל־עִֽיר׃ ʿamal hakesiyliym teyageʿenu ʾasher loʾ־yadaʿ lalekhet ʾel־ʿiyr׃

¹⁶ אִֽי־לָ֣ךְ אֶ֔רֶץ שֶׁמַּלְכֵּ֖ךְ נָ֑עַר וְשָׂרַ֖יִךְ בַּבֹּ֥קֶר יֹאכֵֽלוּ׃ ʾiy־lakhe ʾerets shemalekekhe naʿar wesarayikhe baboqer yoʾkhelu׃

¹⁷ אַשְׁרֵ֣יךְ אֶ֔רֶץ שֶׁמַּלְכֵּ֖ךְ בֶּן־חֹורִ֑ים וְשָׂרַ֙יִךְ֙ בָּעֵ֣ת יֹאכֵ֔לוּ בִּגְבוּרָ֖ה וְלֹ֥א בַשְּׁתִֽי׃ ʾashereykhe ʾerets shemalekekhe ben־ḥowriym wesarayikhe baʿet yoʾkhelu bigevurah weloʾ vashetiy׃

¹⁸ בַּעֲצַלְתַּ֖יִם יִמַּ֣ךְ הַמְּקָרֶ֑ה וּבְשִׁפְל֥וּת יָדַ֖יִם יִדְלֹ֥ף הַבָּֽיִת׃ baʿatsaletayim yimakhe hameqareh uveshifelut yadayim yidelof habayit׃

¹⁹ לִשְׂחֹוק֙ עֹשִׂ֣ים לֶ֔חֶם וְיַ֖יִן יְשַׂמַּ֣ח חַיִּ֑ים וְהַכֶּ֖סֶף יַעֲנֶ֥ה אֶת־הַכֹּֽל׃ liseḥowq ʿosiym leḥem weyayin yesamaḥ ḥayiym wehakesef yaʿaneh ʾet־hakol׃

²⁰ גַּ֣ם בְּמַדָּֽעֲךָ֗ מֶ֚לֶךְ אַל־תְּקַלֵּ֔ל וּבְחַדְרֵי֙ מִשְׁכָּ֣בְךָ֔ אַל־תְּקַלֵּ֖ל עָשִׁ֑יר כִּ֣י עֹ֤וף הַשָּׁמַ֙יִם֙ יֹולִ֣יךְ אֶת־הַקֹּ֔ול וּבַ֥עַל [הַכְּנָפַיִם כ] (כְּנָפַ֖יִם ק) יַגֵּ֥יד דָּבָֽר׃ gam bemadaʿakha melekhe ʾal־teqalel uveḥaderey mishekavekha ʾal־teqalel ʿashiyr kiy ʿowf hashamayim yowliykhe ʾet־haqowl uvaʿal [hakenafayim kh] (kenafayim q) yageyd davar׃