Genèse 9

¹ וַיְבָ֣רֶךְ אֱלֹהִ֔ים אֶת־נֹ֖חַ וְאֶת־בָּנָ֑יו וַיֹּ֧אמֶר לָהֶ֛ם פְּר֥וּ וּרְב֖וּ וּמִלְא֥וּ אֶת־הָאָֽרֶץ׃ wayevarekhe ʾelohiym ʾet־noaḥ weʾet־banayw wayoʾmer lahem peru urevu umileʾu ʾet־haʾarets׃

² וּמֹורַאֲכֶ֤ם וְחִתְּכֶם֙ יִֽהְיֶ֔ה עַ֚ל כָּל־חַיַּ֣ת הָאָ֔רֶץ וְעַ֖ל כָּל־עֹ֣וף הַשָּׁמָ֑יִם בְּכֹל֩ אֲשֶׁ֨ר תִּרְמֹ֧שׂ הָֽאֲדָמָ֛ה וּֽבְכָל־דְּגֵ֥י הַיָּ֖ם בְּיֶדְכֶ֥ם נִתָּֽנוּ׃ umowraʾakhem weḥitekhem yiheyeh ʿal kal־ḥayat haʾarets weʿal kal־ʿowf hashamayim bekhol ʾasher tiremos haʾadamah uvekhal־degey hayam beyedekhem nitanu׃

³ כָּל־רֶ֙מֶשׂ֙ אֲשֶׁ֣ר הוּא־חַ֔י לָכֶ֥ם יִהְיֶ֖ה לְאָכְלָ֑ה כְּיֶ֣רֶק עֵ֔שֶׂב נָתַ֥תִּי לָכֶ֖ם אֶת־כֹּֽל׃ kal־remes ʾasher huʾ־ḥay lakhem yiheyeh leʾakhelah keyereq ʿesev natatiy lakhem ʾet־kol׃

⁴ אַךְ־בָּשָׂ֕ר בְּנַפְשֹׁ֥ו דָמֹ֖ו לֹ֥א תֹאכֵֽלוּ׃ ʾakhe־basar benafeshow damow loʾ toʾkhelu׃

⁵ וְאַ֨ךְ אֶת־דִּמְכֶ֤ם לְנַפְשֹֽׁתֵיכֶם֙ אֶדְרֹ֔שׁ מִיַּ֥ד כָּל־חַיָּ֖ה אֶדְרְשֶׁ֑נּוּ וּמִיַּ֣ד הָֽאָדָ֗ם מִיַּד֙ אִ֣ישׁ אָחִ֔יו אֶדְרֹ֖שׁ אֶת־נֶ֥פֶשׁ הָֽאָדָֽם׃ weʾakhe ʾet־dimekhem lenafeshoteykhem ʾederosh miyad kal־ḥayah ʾedereshenu umiyad haʾadam miyad ʾiysh ʾaḥiyw ʾederosh ʾet־nefesh haʾadam׃

⁶ שֹׁפֵךְ֙ דַּ֣ם הָֽאָדָ֔ם בָּֽאָדָ֖ם דָּמֹ֣ו יִשָּׁפֵ֑ךְ כִּ֚י בְּצֶ֣לֶם אֱלֹהִ֔ים עָשָׂ֖ה אֶת־הָאָדָֽם׃ shofekhe dam haʾadam baʾadam damow yishafekhe kiy betselem ʾelohiym ʿasah ʾet־haʾadam׃

⁷ וְאַתֶּ֖ם פְּר֣וּ וּרְב֑וּ שִׁרְצ֥וּ בָאָ֖רֶץ וּרְבוּ־בָֽהּ׃ ס weʾatem peru urevu shiretsu vaʾarets urevu־vah׃ s

⁸ וַיֹּ֤אמֶר אֱלֹהִים֙ אֶל־נֹ֔חַ וְאֶל־בָּנָ֥יו אִתֹּ֖ו לֵאמֹֽר׃ wayoʾmer ʾelohiym ʾel־noaḥ weʾel־banayw ʾitow leʾmor׃

⁹ וַאֲנִ֕י הִנְנִ֥י מֵקִ֛ים אֶת־בְּרִיתִ֖י אִתְּכֶ֑ם וְאֶֽת־זַרְעֲכֶ֖ם אַֽחֲרֵיכֶֽם׃ waʾaniy hineniy meqiym ʾet־beriytiy ʾitekhem weʾet־zareʿakhem ʾaḥareykhem׃

¹⁰ וְאֵ֨ת כָּל־נֶ֤פֶשׁ הַֽחַיָּה֙ אֲשֶׁ֣ר אִתְּכֶ֔ם בָּעֹ֧וף בַּבְּהֵמָ֛ה וּֽבְכָל־חַיַּ֥ת הָאָ֖רֶץ אִתְּכֶ֑ם מִכֹּל֙ יֹצְאֵ֣י הַתֵּבָ֔ה לְכֹ֖ל חַיַּ֥ת הָאָֽרֶץ׃ weʾet kal־nefesh haḥayah ʾasher ʾitekhem baʿowf babehemah uvekhal־ḥayat haʾarets ʾitekhem mikol yotseʾey hatevah lekhol ḥayat haʾarets׃

¹¹ וַהֲקִמֹתִ֤י אֶת־בְּרִיתִי֙ אִתְּכֶ֔ם וְלֹֽא־יִכָּרֵ֧ת כָּל־בָּשָׂ֛ר עֹ֖וד מִמֵּ֣י הַמַּבּ֑וּל וְלֹֽא־יִהְיֶ֥ה עֹ֛וד מַבּ֖וּל לְשַׁחֵ֥ת הָאָֽרֶץ׃ wahaqimotiy ʾet־beriytiy ʾitekhem weloʾ־yikaret kal־basar ʿowd mimey hamabul weloʾ־yiheyeh ʿowd mabul leshaḥet haʾarets׃

¹² וַיֹּ֣אמֶר אֱלֹהִ֗ים זֹ֤את אֹֽות־הַבְּרִית֙ אֲשֶׁר־אֲנִ֣י נֹתֵ֗ן בֵּינִי֙ וּבֵ֣ינֵיכֶ֔ם וּבֵ֛ין כָּל־נֶ֥פֶשׁ חַיָּ֖ה אֲשֶׁ֣ר אִתְּכֶ֑ם לְדֹרֹ֖ת עֹולָֽם׃ wayoʾmer ʾelohiym zoʾt ʾowt־haberiyt ʾasher־ʾaniy noten beyniy uveyneykhem uveyn kal־nefesh ḥayah ʾasher ʾitekhem ledorot ʿowlam׃

¹³ אֶת־קַשְׁתִּ֕י נָתַ֖תִּי בֶּֽעָנָ֑ן וְהָֽיְתָה֙ לְאֹ֣ות בְּרִ֔ית בֵּינִ֖י וּבֵ֥ין הָאָֽרֶץ׃ ʾet־qashetiy natatiy beʿanan wehayetah leʾowt beriyt beyniy uveyn haʾarets׃

¹⁴ וְהָיָ֕ה בְּעַֽנְנִ֥י עָנָ֖ן עַל־הָאָ֑רֶץ וְנִרְאֲתָ֥ה הַקֶּ֖שֶׁת בֶּעָנָֽן׃ wehayah beʿaneniy ʿanan ʿal־haʾarets wenireʾatah haqeshet beʿanan׃

¹⁵ וְזָכַרְתִּ֣י אֶת־בְּרִיתִ֗י אֲשֶׁ֤ר בֵּינִי֙ וּבֵ֣ינֵיכֶ֔ם וּבֵ֛ין כָּל־נֶ֥פֶשׁ חַיָּ֖ה בְּכָל־בָּשָׂ֑ר וְלֹֽא־יִֽהְיֶ֨ה עֹ֤וד הַמַּ֙יִם֙ לְמַבּ֔וּל לְשַׁחֵ֖ת כָּל־בָּשָֽׂר׃ wezakharetiy ʾet־beriytiy ʾasher beyniy uveyneykhem uveyn kal־nefesh ḥayah bekhal־basar weloʾ־yiheyeh ʿowd hamayim lemabul leshaḥet kal־basar׃

¹⁶ וְהָיְתָ֥ה הַקֶּ֖שֶׁת בֶּֽעָנָ֑ן וּרְאִיתִ֗יהָ לִזְכֹּר֙ בְּרִ֣ית עֹולָ֔ם בֵּ֣ין אֱלֹהִ֔ים וּבֵין֙ כָּל־נֶ֣פֶשׁ חַיָּ֔ה בְּכָל־בָּשָׂ֖ר אֲשֶׁ֥ר עַל־הָאָֽרֶץ׃ wehayetah haqeshet beʿanan ureʾiytiyha lizekor beriyt ʿowlam beyn ʾelohiym uveyn kal־nefesh ḥayah bekhal־basar ʾasher ʿal־haʾarets׃

¹⁷ וַיֹּ֥אמֶר אֱלֹהִ֖ים אֶל־נֹ֑חַ זֹ֤את אֹֽות־הַבְּרִית֙ אֲשֶׁ֣ר הֲקִמֹ֔תִי בֵּינִ֕י וּבֵ֥ין כָּל־בָּשָׂ֖ר אֲשֶׁ֥ר עַל־הָאָֽרֶץ׃ פ wayoʾmer ʾelohiym ʾel־noaḥ zoʾt ʾowt־haberiyt ʾasher haqimotiy beyniy uveyn kal־basar ʾasher ʿal־haʾarets׃ f

¹⁸ וַיִּֽהְי֣וּ בְנֵי־נֹ֗חַ הַיֹּֽצְאִים֙ מִן־הַתֵּבָ֔ה שֵׁ֖ם וְחָ֣ם וָיָ֑פֶת וְחָ֕ם ה֖וּא אֲבִ֥י כְנָֽעַן׃ wayiheyu veney־noaḥ hayotseʾiym min־hatevah shem weḥam wayafet weḥam huʾ ʾaviy khenaʿan׃

¹⁹ שְׁלֹשָׁ֥ה אֵ֖לֶּה בְּנֵי־נֹ֑חַ וּמֵאֵ֖לֶּה נָֽפְצָ֥ה כָל־הָאָֽרֶץ׃ sheloshah ʾeleh beney־noaḥ umeʾeleh nafetsah khal־haʾarets׃

²⁰ וַיָּ֥חֶל נֹ֖חַ אִ֣ישׁ הָֽאֲדָמָ֑ה וַיִּטַּ֖ע כָּֽרֶם׃ wayaḥel noaḥ ʾiysh haʾadamah wayiṭaʿ karem׃

²¹ וַיֵּ֥שְׁתְּ מִן־הַיַּ֖יִן וַיִּשְׁכָּ֑ר וַיִּתְגַּ֖ל בְּתֹ֥וךְ אָהֳלֹֽה ׃ wayeshete min־hayayin wayishekar wayitegal betowkhe ʾaholoh ׃

²² וַיַּ֗רְא חָ֚ם אֲבִ֣י כְנַ֔עַן אֵ֖ת עֶרְוַ֣ת אָבִ֑יו וַיַּגֵּ֥ד לִשְׁנֵֽי־אֶחָ֖יו בַּחֽוּץ׃ wayareʾ ḥam ʾaviy khenaʿan ʾet ʿerewat ʾaviyw wayaged lisheney־ʾeḥayw baḥuts׃

²³ וַיִּקַּח֩ שֵׁ֨ם וָיֶ֜פֶת אֶת־הַשִּׂמְלָ֗ה וַיָּשִׂ֙ימוּ֙ עַל־שְׁכֶ֣ם שְׁנֵיהֶ֔ם וַיֵּֽלְכוּ֙ אֲחֹ֣רַנִּ֔ית וַיְכַסּ֕וּ אֵ֖ת עֶרְוַ֣ת אֲבִיהֶ֑ם וּפְנֵיהֶם֙ אֲחֹ֣רַנִּ֔ית וְעֶרְוַ֥ת אֲבִיהֶ֖ם לֹ֥א רָאֽוּ׃ wayiqaḥ shem wayefet ʾet־hasimelah wayasiymu ʿal־shekhem sheneyhem wayelekhu ʾaḥoraniyt wayekhasu ʾet ʿerewat ʾaviyhem ufeneyhem ʾaḥoraniyt weʿerewat ʾaviyhem loʾ raʾu׃

²⁴ וַיִּ֥יקֶץ נֹ֖חַ מִיֵּינֹ֑ו וַיֵּ֕דַע אֵ֛ת אֲשֶׁר־עָ֥שָׂה־לֹ֖ו בְּנֹ֥ו הַקָּטָֽן׃ wayiyqets noaḥ miyeynow wayedaʿ ʾet ʾasher־ʿasah־low benow haqaṭan׃

²⁵ וַיֹּ֖אמֶר אָר֣וּר כְּנָ֑עַן עֶ֥בֶד עֲבָדִ֖ים יִֽהְיֶ֥ה לְאֶחָֽיו׃ wayoʾmer ʾarur kenaʿan ʿeved ʿavadiym yiheyeh leʾeḥayw׃

²⁶ וַיֹּ֕אמֶר בָּר֥וּךְ יְהֹוָ֖ה אֱלֹ֣הֵי שֵׁ֑ם וִיהִ֥י כְנַ֖עַן עֶ֥בֶד לָֽמֹו׃ wayoʾmer barukhe yehowah ʾelohey shem wiyhiy khenaʿan ʿeved lamow׃

²⁷ יַ֤פְתְּ אֱלֹהִים֙ לְיֶ֔פֶת וְיִשְׁכֹּ֖ן בְּאָֽהֳלֵי־שֵׁ֑ם וִיהִ֥י כְנַ֖עַן עֶ֥בֶד לָֽמֹו׃ yafete ʾelohiym leyefet weyishekon beʾaholey־shem wiyhiy khenaʿan ʿeved lamow׃

²⁸ וַֽיְחִי־נֹ֖חַ אַחַ֣ר הַמַּבּ֑וּל שְׁלֹ֤שׁ מֵאֹות֙ שָׁנָ֔ה וַֽחֲמִשִּׁ֖ים שָׁנָֽה׃ wayeḥiy־noaḥ ʾaḥar hamabul shelosh meʾowt shanah waḥamishiym shanah׃

²⁹ וַיִּֽהְיוּ֙ כָּל־יְמֵי־נֹ֔חַ תְּשַׁ֤ע מֵאֹות֙ שָׁנָ֔ה וַחֲמִשִּׁ֖ים שָׁנָ֑ה וַיָּמֹֽת׃ פ wayiheyu kal־yemey־noaḥ teshaʿ meʾowt shanah waḥamishiym shanah wayamot׃ f